السلام عليكم
الواحد ما يفرح شوي بنقاشات إلا تلحقونها بمشكلة :D
تعوذوا من ابليس واركدوا :D
عالعموم مالي خلق أقتبس بس حبيت أعلق على كم نقطة :D
أول شي موضوع متزلدر أنا أكثر واحد تغزل فيه في المباراة لكن أرجع وأقول هاللاعب يخوف والله مسبب لي رعب طول ما هو في الدفاع صحيح كان ممتاز مع بروسيا لكنه كارثي مع الريال وما أضمن ألعبه أساسي :boggled:
ثاني شي درينتي :12:
ما أدري ليش شفت بحياتي إختلافات آراء لكن مثل هاللاعب ما شفت :D
وش معنى كلنا نكرهه إلا واحد بس :D
والله والله والله لو لي سلطة في النادي أبيعه وأشتري عبده عطيف أبرك منه :D
يا جماعة لاعب أقل ما يقال عنه قاتل الفرحة وين ما حل :cray:
والله الهجمة الي ضيعها والي وصفها أحد الإخوان بوصف "صدها فالديز" لو كان روبن مكانه كان شفنا فالديز في خبر كان وقتها بيتقدم الريال وصدقوني الضغط كفيل بزيادة إهدار الفرص من برشلونة وهالشي يفرق كثير
أنا ما قلت هالنقطة بحجة إنهم ما استحقوا الفوز لا هم لعبوا أمام فريق مكون من هاللاعبين وفازو عليه بجدارة ما لعبوا أمام فريق أساسي لو لعبوا مع فريق كامل وقتها لنا كلام ثاني
أما موضوع خافي جارسيا يا صادق صدقني لو أعطي الثقة والاستمراية في المشاركة بيكون ممتاز حتى أيام أوساسونا كان مبدع والله يذكرني ببراخا في النص :biggthump
أما يا أحمد بخصوص ما قلت حول 11-0-0 وغيرتها في الرد الي بعده إلى 10-1-0
إذكر لي هجمات الفريقين
الريال رغم إنه دافع له 5 هجمات خطيرة وصريحة وأحدها من الطامة الكبرى درينتي ما أحد يعلق عليها
وبرشلونة له عدد مقارب من الهجمات (الصريحة) <<< أنا قلت إنفرادات بالمرمى
وسجل برشلونة وفاز ومبروك بالنهاية لكن فرق الأسلوب إن الريال كان متراجع لإمتصاص حماس برشلونة وبرشلونة كان يدافع من وسط ملعبه
يعني يا أحمد بالعقل فريقنا ناقص 11 لاعب ومنهم 3 دفاع و3 وسط دفاعي بالله تبينا نهاجم عشان تسجلون 10 ؟؟؟ :D
مدري ليش مزعلك التراجع للحفاظ على النتيجة في ضل غياب اللاعبين الي يحافطون على المرمى في حال تقدم الفريق للتسجيل :31:
ياخي قبل 4 سنوات برشلونة محقق الدوري ودوري الأبطال إرجع لمباراته مع الديبور
ما لبرشلونة إلا هجمتين ووحدة منها هدف وفاز 1-0 ليش ما زعلت من هالأسلوب الي طلعتوا فيه بالفوز وبجدارة وبأقل مجهود ؟؟
أعيد وأقول كل مباراة لها ظروفها وإلعبها بالأسلوب الأفضل لديك
وأقول بعد لكل من أجحف مجهود ميسي برفع فريق كامل بالله هنري وهو هنري الي معتبرينه الكثيرين ثاني أهم لاعب شوفوا سلجادو في خريف عمره قدر عليه صحيح بصعوبة لكن وقفه وريحنا منه
ميسي كان مع جاجو وراموس يعني لاعبين شباب وزين قدروا عليه ورغم هذا سجل في آخر الوقت بعد الإندفاع الي صار من لاعبينا
وفوق هذا رافضين الإعتراف إن ميسي كان ثقل الفريق :D
ـــــــــــــــــــــــــــ
معاذ على طاري العارض أبي أسألك عن شي بأسرع وقت شف لك حل لازم أكلمك :D
