بقولكم سالفه
اهي ماتتصدق بس بقولها واللي فيها فيها
رفيجي طوله 170 سم و وزنه 100 كيلو
ماكو ريجيم او اكل صحي او دكتور او حبوب ما اكلها عشان يضعف
رفيجي هذا خال
تعرفون شنو خال ؟
يعني اسمر غامج و بالظلمه مع ليت بشرط يكون معرق يصير اسود كذاب يميل الى اللون الكحلي و بالنهار اسود مطفي واذا معرق يصير لماع شوي
المهم ان هالولد جرب كل شي و طار معاشه على الحبوب و المستحضرات وماادري شنو , يبي ينزل ولا اكو فايده
قاله رفيجي ولد بطنها و عشان تعرفون رفيجي شلون يبخص بالامور احسن من الدكاتره و اخصائيين التغذيه اللي قاصين عالعالم
قاله روح تسبح
راح الولد بدون لا يصدق ولا احنا نصدق و ترك المشوره هذي و قعد يبحث عن حل
بالنهايه قال خلني اتسبح شنو خسران
راح تسبح و بعد ما خلص و تنشف صعد على الميزان وله يشوف وزنه 70 كيلو
ماصدق
قاس مره ثانيه وله يشوف 70 كيلو
قال اكيد في سر , خلني اروح الدوانيه اشوف ولد بطنها واقوله شنو السر
راح الدوانيه و يوم دخل علينا ما صدقناه وقلنا انت اخوه , قال لا انا فرج سرور الاصلي
يدافع البلا
اهو في احد منتحل شخصيتك بعد , ما لقى الا انت ينتحل شخصيتك
المهم يوم تأكدنا ان اهو فرج سرور و نناديه بأبو سرور نسبه الى والده لأن ماتزوج الى الان , واذا تزوج اكيد راح يسمي ولده فرج او مفتاح او عنبر , يعني شنو راح يسمي لوئ او مهند او هاني او بشار ؟
اصلا بتسجيل المواليد لو يقولهم بسميه هاني يطردونه
المهم طلع 30 كيلو عباره عن طبقات مثل الجير عالاسنان لكن اهو على جسمه , يقول لما تسبحت شفت الماي كل شوي يتغير لونه , مره اخضر و مره اسود و مره احمر , حتى يوم شفته احمر شكيت بنفسي قلت علي -----
المهم بعد هذا طلع اهو ضعيف لكن المشكله بالطبقات اللي متكدسه عليه
فيا اخي العزيز واختي العزيزه
مو بالضروره يكون الوزن الزائد هو فات بالجسم
يمكن طبقات , يمكن ملابس شتويه ثقيله , يمكن الايفون الايباد و الوصله هوت سبوت , يمكن امور كثيره
فلا تقوم باي عمل مجنون قبل استشاره الدكتور
واذا حبيت او حبيتي تقيسون وزنكم يفضل وانتوا مفاصيخ عشان تتاكدون ان اللي على الميزان بس اللحم والشحم والعظم
لا اجهزه ولا ملابس ولا احذيه ولا اي شي يضيف كيلوات على الميزان
واذا خلصتوا وشفتوا وزنكم زايد فمعناته ان وزنك زايد صج
ماكو غشمره بعد . ماكو الا انتوا مفصخين فوق الميزان من وين يجي الوزن الزايد ؟ ماكو الا انتوا
بجرر كنج و كنكاتي و بيزدا هت و ماك و هارديز و صب واي لازم تتوقفون عن اكلها فورا
عليكم بالمسلوق مثل باجه و المشاوي بس لا يكثر ها
مو تصيرون مثل الناس اللي يتبعون جدول دشتي والحياه مشاوي واكل ليل نهار
المشاوي اكل لكن لا تكثر واترك للمعده متنفس شوي
احرص على ان يكون الشوي well done يعني منشفين الشحم اللي باللحم
خبز اسمر واذا ماتحبه خبز ايراني
اهو احنا بالكويت نسميه ايراني لأن الخبازين كلهم ايرانيين و اهو خبز تنور , هذا اسمه عالميا لكن بالكويت نسميه ايراني لأن مثل ماقلت العماله كلهم ايرانيين
لما رحت العراق سنه من السنين و وقفت على طابور المخبز و كان وقتها توه واقفه الحرب او مازلت , مااذكر بالضبط لكن الشاهد اني واقف عالمخبز ويوم جا دوري قلتله عطني 20 خبزه
وسألت اللي عندي قلتله انتوا بحرب مع ايران ليش تاكلون خبزهم ؟ هذا خبز ايراني "حسب ما نسميه بالكويت" قالي لا يابا هذا خبز عراقي , قلت لا يابا انت . هذا معروف عندنا خبز ايراني
زين ان الرجال طلع حليم وله كان انا الحين رايح اعدام بتهمه الولاء لأيران و عدو الثوره المجيده و وووو
المهم
هذا الخبز اللي اتكلم عنه
ملف مرفق 359916
المهم اكلوا الخبز هذا
بس مو كلها
شفتوها ؟
اقطعوها مثلثات , 4 مثلثات
كل مره اكلوا مثلث . او اقطعوها مربعات 4 مربعات يعني امسكوا السجين و قصوها +
مع بيضه بس , او ملعقه جبنه او لبنه , جبن قلاص اقطعوها ربع و ملقعه جبن قلاص وادهنوها واكلوها و روحوا الدوام
تبون اعطيكم جدول ؟
المشكله ان مافيكم اللي يطبق
يوم او يومين بالكثيره وترجعون للكبسه والمطازيز والمظبي و ماادري شنو
احنا العرب ليش متخلفين و صايرين اخر الناس ؟؟
الغرب و الاسيويين صنعوا طيارات و سفن و كل شي , واحنا مازلنا نسوي الكليجه و الاقط و التمريه
ليش ؟
لأن همنا ببطننا
الواحد مايرتاح الا لما كرشه يدخل قبله , وزاره , سياره , البيت , الدوانيه , المستشفى , كل مكان لازم الكرش اول
الانجليز عندهم الليدي فرست واحنا عندنا الكرش فرست
الى ان يصطه سكري او املاح من اللحم بعدييييييين يستوعب ويقول ياليتني ما سويت
هذا الرجال
البنات كل وحده تعلم الثانيه طريقه جديده شلون تسوي حلو
حلو بالسكوت مال التموين , حلو الجلسكي . حلو التفاح , حلو الكريمه , حلو العسل , حلو الفليك
حلو حلو حلو واهي اجكر وحده
ماعلينا
يعني مافكرت تسوي شي مفيد مابي للبشريه ابي للعرب بس
ماكو
تاكل من الحلو لين تشوف زنودها اكبر من جسمها , لما تمشي تشوفها تقول هذي تمشي مع خواتها الثنتين واهي تمشي مع زنودها
والفخوذ ميانه مع ابو زليغه
تروح الجمعيه تقط 100 دينار , 50 لأغراض البيت خصوصا الحلويات و 50 بس فازلين
يعني تحلمنا الركب والاكواع هالمره البلاوي الزرقه
خلني ساكت لا ابط الجربه بس
وعيال الحين كلهم صقعات
قبل بالموت تشوف صقعه
تعرفون الصقعه منو ؟ الابيضاني المربرب اللي مايطلع من بيتهم الا مع امه او الخدامه
اللي اهله معلمينه ان بره في وحوش , على باله الناس وحوش ياكلونه
تلقاهم اكثر شي عيال التجار , من شكله تعرف انه اهبل
ابيضاني مربرب مايعرف يلبس الغتره ومسكر زراره اللي فوق ان كان لابس غتره او مفرع , مؤدب يعني بتسكيره الزرار
اللي ان رحت معاه البر تشوفه ماخذ جنطته معاه فيها كريمات للشمس و النظاره من خام مالت النوم يلبسها قبل ينام
اللي ان رميت طير و ذبحته قال لا حرام و يخاف و ان قلتله روح جيب الطير وبالغصب يروح يجيبه و يجيك ماسكه من طرف جناحه من الخوف
عرفتوهم
اللي بالمدرسه لما تصير الفرصه يلبس جنطته ويخليها معاه 24 ساعه
وتشوف العرابجه يشوتونه من جنطه ويضحكون عليه
اضحوكه المدرسه مخلينه
اللي تشوفونه قاعد اول طاوله عند المدرس ولابس نظارات طبيه مثل كثر الدراسه
هذا كله كان محصور بعيال التجار و بعض العوائل اللي يبون غصب ينحسبون من التجار او يورون الناس انهم تجار و هم ماعندهم الا الفلس , الام تاخذ قرض عشان تدخله مدرسه انجليزيه و ماتطلعه من البيت عشان ما يختلط بعرابجه المنطقه ويخترب ويصير فاشل
بالنهايه يطلع صقعه
الحين الوضع اختلف
الحين وين مااروح اشوف صقعات
لازم من كل 5 اشخاص اشوف صقعه
اكثروا ولازم نجتمع ونضع حد لهذي الظاهره المتفشيه
الحين كل العوايل يدخلون عيالهم مدارس خاصه ويدرسون مع البنات , يكبر ويصير فيه شي من البنات , اما بالكلام او بالطبع او بالخوف
و لاحظت ان المربربين البيض ونظارات اكثروا
هذا كله جابه لنا ستيف جوبز , حط اجهزه والعاب خله العيال كلهم يشترون اجهزته ويلعبون , غير السوني و خواتها
صاروا العيال كلهم نظارات الحين , و ربربوا من المطاعم السريعه
كل يوم معلقين على باب بيتنا 20 مطعم جديد
سببوا السمنه
خلصوا من امريكا والحين جانا الدور
انا بروح الدوام الحين
اقصد الوزاره بطلع شهاده راتب وبعدين بروح البنك بطلع مديونيه
يعني راح اطول عليكم
ادري راح تشتاقولي و ماتقدرون على فرقتي لكن شسوي
مجبور ياجماعه مجبور
ادري بروح وارد ولا احد درى عني
المهم تفائلوا بالخير تجدوه
الحياه حلوه بس نفهمها
بس احسن مافي الموضوع ان عندي دينار نصين
يعني عندي 2 نص دينار حق الطوابع
والبنك توه فاتح بمنطقتنا وماعندهم عملاء واجد , يعني قبل اسبوع لما قدمت على المديونيه قالولي تعال بعد اسبوع استلمها , وكنت انا بروحي بالبنك
هذا احلى شي , وله قبل كنت اروح اطلع شهاده من الوزاره معاي دينار , يقولولي جيب طابع نص دينار
اقولهم عندك صرف دينار ؟ يقولون لأ
وابتلش اقعد ساعتين افتر بالوزاره احد عنده صرف
تخيلوا دينار محد عنده صرف
اما الشعب الكويتي فقير حده
او شعب غني ماعندهم الا عشرينات بس
الحين عندي نصين اشوه يعني سيده للمكينه اطلع طابعين وادش عالموظفه واقولها طلعي شهادتين واخذهم واختمهم و اطلع سريع سريع
واروح البنك واستلم و انا دافع فلوس الشهاده من قدمت عليها
يعني بس استلم وامشي
يامنته كريم يارب
يلا شباب , مو ناقص الا اقولكم شلون بلبس دشداشتي وشلون ادق سلف وشلون احرك بالسياره
بس عسى الغسال مال السياره مو ناطرني عشان اعطيه فلوس الشهر اللي طاف
ذبحني كل يوم يدق علي
عقبال ماتدقين انتي
طولت ها
ترى انسان فاضي ناطر الساعه تصير 8 وامشي
يعني بقزرها كتابه
او تدرون شلون
اروح اكل توست و اكل حبوبي
السكر طق فوق ال180
يلا ياجماعه ادعولي اخلص مراجعاتي بسلام
باي باي
