قهوة WoW .. :P

عرفت شلون اخذ سكرين شوت


جهازي الله يخليه لي ماك ٢١ بوصه

قديم من سنه ٢٠١١ ، لكن اللي وده يعرف شلون الجهاز او على قوله اهل الدلال والرجال

وشهو من لحيه

انا اقولكم

لحيتن غانمه يمينن ماتشناك

هذي بعض الصور اخذتها توني

هني في المدينه الجديده تو مون او مدري شسمها ، شوفوا الفريم تحت


ملف مرفق 360638


بالصوره تحت في اورقمار


ملف مرفق 360639


هني قاعد اطير بين بارنز و مالت اورقمار وصل الفريم ٣٠ لكن ماحسيت بأي تهنيق


ملف مرفق 360640


حاط كل شي high الا الظل مخليه اقل شي و مطفي SSAO ماادري شنو لكن ان شغلتها واهي مافيها الا هاي و لو الفريم يطيح من ٦٠ الر ٢٩.٩ على طول بدون غشمره

لكن للآمانه مااحس بأي تغيير لا بالحركه ولا يتغير شي بالالوان او الرسم

ماادري شنو وظيفتها

ملف مرفق 360641


هذي مواصفات جهازي المتواضع

اصدار منتصف ٢٠١١ انتل كور اي ٥

٤ جيجا رام

كرت الشاشه amd ٦٧٧٠ ام ، وحرف الام هذا يجي بس بالاجهزه اللي مثل الاي ماك واللي يطلق عليهم all in one اللي يجي الهاردسك والشاشه قطعه وحده ، عشان جذي كرت الشاشه يجي خلف رقمه حرف m

يعني ان دخلت موقع تبي تشتري كرت شاشه و شفت كرت قوي و بعد الرقم ماله حرف ام لا تاخذه



ملف مرفق 360642



هذي الصوره بعد ما شغلت كل شي و حطيته high حتى ال SSAO واللي فوقها اللي كنت مطفيها

بس الظل مطفيه

وقف الفريم عال٢٠.٩ ويصعد يوصل ٣٠ وينزل على طول ٢٩.٩ وماينزل تحتها بعد

لكن الحركه سلسه تقول ٦٠ فريم الا تعليق خفيف ما تحس فيه

طبعا بالزحمه و المدينه فاضيه نفس الشي

ملف مرفق 360643





هذا لو اشتري الماك الجديد

اللي i7 كواد كور ، انا جهازي انتل كور يعني بس وحده

هذا ٤ كور

و كرت شاشه

NVIDIA GeForce GTX 780M 4GB GDDR5

واحط ١٦ جيجا رامات حد فلوسي يعني وله لو عندي كان حطيت ٣٢ جيجا

واحط الهاردسك 1TB Fusion Drive مو القديم اتش دي دي

والفويجن هذا مكس بين الاتش دي دي و الاس اس دي ، او اركب اس اس دي مره وحده يصير الجهاز طياره بس غالي حبتين

خلنا عالفيوجن درايف والسنه الجايه اركب اس اس دي

بس

لو اشتري هالجهاز كل شي احطه ultra والفريم ٦٠ ماينزل




بس انا اعرف حظي لو اشتريه الفريم ١ وتفصل اللعبه

اهلا
لما شفت اسم الدارك تيب بالموضوع قلت مع نفسي راح فيها القزم في الزبالة مع بقية المطرودين لكن الظاهر القزم مفعل برنامج احترافي يخفي به ردوده النكرة والمبهدلة بالمواضيع على الاداريين

الكرزان تصطاد قنافد وتطبخهم ولا لا فيهم فوائد ولذة الشيء الصعب هو تجهيزه وتنقيته من الاشواك متعب تحتاج نار ودخان وتحرقه وتزيل اشواكه بجيلت للحلاقة او اي شيء حاد لو نروح الصيد تشوف مهارات القزم بالصيد مثل كلب الصيد يجري وراء الصيد ويجيبه لاتحتاج لكلب صيد القزم يقوم بدوره مقابل سيجارة فقط عن كل صيد

عموما مشغول الان بالعاب الانولاين ومجسمات الدراغون بول ماعندي وقت

تعال العب معاي كلاش اوف كلانز

انا لفلي ٤٢ الحين

اقتباس:

---

المشاركة الأصلية كتبت بواسطة Karazhan

تعال العب معاي كلاش اوف كلانز

انا لفلي ٤٢ الحين

---

اللعبة فيها بوكيمونات وبنات كلعبة أمل الشعوب ولا لا

لالالاالالا

لعبه حق الايفون وماادري اذا موجوده بالاجهزه الثانيه

لعبه استراتيجيه مثل ترافيان بالضبط لكن على التلفون او الايباد

تبني مملكه و تطور المباني بس بدون حقول قمح اللي تكسر الظهر في ترفيان عشان الجيش ياكل ، هذا تبني سور وداخله تحط المباني و تطور العسكر و مثل هالامور

انا الحين لفل ٤٢ و دخلت مع كلان تايلندي ، الكلان مثل الجيلد في ووركرافت ، او مثل ماتقول مبنى تتشارك فيه مع اللي انت معاهم بالكلان و اي شخص يبي مسانده بالجنود ترسله من خلال الكلان عشان يدافعون عنه اذا احد هجم عليه

اللعبه مجانيه لكن في فلوس اذا تبي تطور اسرع


نشفوني بصراحه كل شوي شاري ذهب منهم ، لكن تقدر تلعبها بدون اي دفع

انت من اني دوله ؟

اقتباس:

---

المشاركة الأصلية كتبت بواسطة Karazhan

لعبه حق الايفون وماادري اذا موجوده بالاجهزه الثانيه

---

اي ايفون , الايفون بالنسبة للقزم مضيعة للوقت والفلوس كل اللي مع القزم هو هالجهاز ينفع للعبة
ملف مرفق 360679
القزم ذكي بما فيه الكفاية مايشتري ويضيع فلوسه على ايفون واجهزة ايباد وباقي الخرابيط الغالية بل يخسر فلوسه على الاشياء اللي على بالي وبالك

اقتباس:

---

انت من اني دوله ؟

---

من تقصد بالسؤال انا او القزم انا صديقه ابو زبدة الطنطاوي المطنطن ادخل احيانا بعضويته ارد نيابة عنه لما يكون مشغول

اكلم نفسي


مبروك البلي ستيشن نزلت بالكويت

روح اشترها انت مليونير ، يبيعها الغانم ب١٣٠ دينار

ان شاء الله بشتريها السنه الجايه لما يصير سعرها مستعمل ٦٠ دينار مع هارد-درايف اس اس دي ١ تيرا و يدتين و ٢٠ لعبه

http://www.youtube.com/watch?v=od910_fjIag

^

مدري اضحك ولا اقول عن نفسي فقير ..

عموما اشتريت البلاي ستيشن 4 , و الحين مفلس ..

اللي ناوي ياخذ الجهاز و متردد او عنده استفسارات يشارك هنا
http://www.montada.com/showthread.ph...39#post7504139

راح فيها

يويلك من يوشي

انسان مجرم و انسان ماعنده يمه ارحميني ، اي شخص يتكلم لو همس عن لعبه او جهاز غير ووركرافت بالقسم يصكه توقيف

والدليل انا و شخص معانا هني اسمه وورشيف تكلمنا عن لعبه وانصكينا توقيف . دش واحد اسمه بوحا على الخط وانصك توقيف اهو الاخر

رحت فيها رحت فيها رحت فيها

صارت يا شباب صار بين الاداره ، حرب ماندري متى راح تتوقف

انا بقعد وبتفرج واشوف يوشي شلون راح يتعامل مع الوضع ، خصوصا انه كل يوم يقولنا انه شخص مجرم و لو المدير براسه يتكلم راح اوقفه

انا بشوف ، انا كعضو بسيط بشوف شلون راح يتصرف ، شخص كل يوم يخوفنا و يرهبنا ويقول انه مايغشمر احد مع وضع مثل هذا

انا عن نفسي اصكه توقيف عشان ما يعايروني الناس حتى لو اتوقف مدى الحياه المهم اثبت للعالم اني مجرم

بس بشوف اهو شلون راح يتصرف ، هل يفعلها او ابوي مايقدر الا على امي ، يعني حاط حيله بالفقارى نفسنا ويترك التجار

يعني سياسته مثل اي حكومه عربيه

السلام عليكم اهلا عدت بعد مدة احب ان اقدم تحية طيبة لعشرعمري ورفيجي ابو زبدة الطنطاوي واحب اسلم على الكرزان عشرت العمر الاصلي والاخ الكيت كات الأخضر وتحية خاصة لدي دي واتمنى تكون بخير وعلى خاطرها ولا ننسى الاخ يوشي عشرت العمر ورفيق الدرب والاخ بسام صاحب تسديدة النمر والاخ وليد افضل حارس شهدته الملاعب بمسلسل الكابتن ماجد وتحية ايضا لفيجيتا من دراغون بول ونبدأ الحفل باغنية في خاطر ناس العاصمة وناس اللي تعراف ابابا يا ليلي يا ليلي ........ ودنا دنا ...

اهلا وسهلا

انت الظاهر انك نسيت تدخل بعضويه وورشيف ، استانست على القزم وصرت تدخل كل يوم

بسألك بما انك خبير استراتيجي بشباب الامه

الحين بالبحرين في مظاهرات وتسقيط نظام و هالكلام

هذا الكل يعرفه بس انا بعرف شي واحد

الحين شباب البحرين اللي ضد حركه الوفاق او الناس اللي يطالبون بأسقاط النظام وينهم ؟

مااشوف اي واحد بالشارع ، مااشوف الا عيال يمكن اعمارهم ١٧ سنه اكبر واصغر يطلعون بالشوارع ويحرقون التواير و يكسرون ويخربون و هؤلاء محسوبين على الوفاق والمعارضه ككل

لكن مااشوف ولا واحد ضدهم يطلع بالشارع و يردعهم

مااشوف الا الشرطه

كأنه حكومه البحرين ما معاها احد من الشعب او اللي مع الحكومه ماعندهم شباب بعمر هؤلاء او ان الاغلبيه الساحقه من شعب البحرين من الشيعه الموالين لأيران و السنه يخافون يطلعون او انهم الاغلبيه لكن جبناء

يعني مثلا لو بالكويت يصير جذي ، مايقدرون لأن لو نشوف شباب معاهم تواير و قاطعين الطريق عشان يحطون التواير ويحرقونهم راح ننزل من السيارات و نتهاوش معاهم او عالاقل ندعمهم بالسياره

يكون كل كويتي من اللي ضدهم معاه عجره بسيارته و اي واحد معاه مولوتوف ننزل و نفركه

وبالمناطق نسوي تجمعات ، يعني بمنطقتي اعرف كثيرين و دواوين كثيره ، نسوي حمايه لمنطقتنا من المخربين و اي مجموعه مواليه نسمع عنهم نروح على طول لهم و نضربهم . ما نعتمد عالشرطه والحرس بكل مره لأنهم مو ملحقين عالمناطق كلها

يعني مثلا منطقه فيها اقليه منهم يخرجون بالليل والناس نايمين ويخربون والشرطه ماتدري عنهم ، نقعد الصبح نشوف الخراب

عشان جذي احنا شباب المنطقه نسوي مجموعات تراقب و ترصد المخربين و نمسكهم و نأدبهم وبعدين نسلمهم اما للمصبنه في جواخير جبد او نرحمهم ونسلمهم للشرطه

هذا اللي نسويه واللي المفروض يسويه كل شخص يعيش في بلد يعيش فيه مخربين موالين لأيران

لكن بالبحرين احس الشعب كله معتمد ١٠٠٪ عالشرطه

مااسمع او اشوف اي تجمع او قوه وطنيه شبابيه لصد المخربين

ليش ياجماعه

ليش يا قزم

اذا في قولي عشان اشوفهم باليوتيوب و اذا ما في معناته ان الموالين لأيران هم الاكثريه و الاقوى و الكلام اللي نسمعه كذب ان السنه اكثر و الاغلبيه مع الحكومه

الكرزان اليك الحقائق والسر المخفي ليس لأنهم جبناء او يعتمدون على الشرطة لب الموضوع والسر المخفي هو انهم لايدخنون الشيء اللي يؤثر على نسبة المرجلة لديهم تكون بنسبة قليلة لو كانو مدخنين محترفين راح تكون نسبة المرجلة مرتفعة جدا ولن يعتمدوا على الشرطة ولا اي احد , شوف مثلا القزم مدخن من الدرجة الأولى لو قمنا بقياس نسبة المرجلة عند القزم بجهاز ريشتر لقياس الزلازل راح نجد نسبة المرجلة عند القزم مرتفعة جدا لأن النيكوتين يجري بدمه بشكل كافي ووافر القزم ماسك الحارة ابتاعتهم وحده ما يقدر احد يخرب او يسوي شيء

اسمه ريختر مو ريشتر

شنو داش حلاق

ياشباب انا جنني كمبيوتري الماك ، ابي احط فيه وندوز

السي دي خربان و شريت قارئ سي دي خارجي لكن لما جهازي يسوي ريستارت يعلق كآنه ما يقرأ السي دي الخارجي ولازم مال الجهاز

وبصراحه ماعندي فلوس اصلحه

ابي حل