|| .. رابطة عشــاق (الملكي ) ريـــال مــدريـــد .. ||

بما يخص خبر أجويرو , في كلام ظهر في الفترة الآخيرة إن جوزيه أغلق سوق الإنتقالات , وربما الخبر هو السبب , كل الإحتمالات متواجدة:33:
و إلي خلاني ما أستبعد الفكرة , هو سالفة هوغو سانشيز , أتمناها تتكرر مع أجويرو , لأن أتلتيكو مدريد مو كفو تعطيهم وجه اب صراحة
يرفضون قدومه لنا و يتحججون , وهم بنفس الوقت إلي خذوا منا خورادو و اشتروا رييس و خوانفران لإستفزازنا!
شنو رأيكم؟ , لو بتكلم عاطفياً , أتمنى أجويرو يكون عندنا اليوم قبل باجر , لكن في الواقع , فالكاو يمتلك كل المقومات إلي نحتاجها حالياً
أغرب إنتقالات صيفية للريال منذ سنييييين

شنو رايكم اب هالصفقة

بيع كاكا ب45 مليون
شراء فابريجاس ب45 مليون
!!

في مره صحفي سأل فابريجاس عن إمكانية لعبه للريال , رد عليه وقاله ما أستبعد هالشيء
, في كرة القدم كل شيء ممكن يحصل

ولا عرض عجب الأرسنال من البارسا , يبون اللاعب يضغط على الإدارة عشان يبيعونه بالسعر إلي يبونه
و هذا شيء ما يبونه يحصل الآرسنال

كرة القدم صايرة تدار بال$ , ما أستبعد بصراحة

اقتباس:

---

في كلام ظهر في الفترة الآخيرة إن جوزيه أغلق سوق الإنتقالات ,

---

يمكن سكر سوق الانتقالات عشان يركز على المجموعة الي عنده

بس تحس انه تناقض مع الكلام الي يقول انه ينقصه مهاجم بالنسبة لي سالفة اجويرو كل جاز في كروة القدم

اقتباس:

---

شنو رايكم اب هالصفقة

بيع كاكا ب45 مليون
شراء فابريجاس ب45 مليون
!!

في مره صحفي سأل فابريجاس عن إمكانية لعبه للريال , رد عليه وقاله ما أستبعد هالشيء
, في كرة القدم كل شيء ممكن يحصل

ولا عرض عجب الأرسنال من البارسا , يبون اللاعب يضغط على الإدارة عشان يبيعونه بالسعر إلي يبونه
و هذا شيء ما يبونه يحصل الآرسنال

كرة القدم صايرة تدار بال$ , ما أستبعد بصراحة

---

بصراحة انا ما ابي قابريجاس ابي كاكا

لاعب ما فيه شيء يمكن عشانه جاي من مدرسة برشلونة مابيه

وايضا ريال مدريد ما راح يبيع كاكا باقل من الثمن الي دفع فيه

وايضا عندنا لاعبين وسط يكفون اذا بيجبون تعاقد جديد يفضل يكون مهاجم هذا الي ينقص الفريق

اقتباس:

---

المشاركة الأصلية كتبت بواسطة THE ROCK IS THE BEST EVER

وايضا ريال مدريد ما راح يبيع كاكا باقل من الثمن الي دفع فيه

---

عن نفسي ودي يعطون كاكا فرصة هالموسم فقط , إذا ما أثبت نفسه يسوون فيه إلي يسوونه ما يهمني
ماراح تلقى أحد يعرض عليه نفس سعره إلي شرينا , لأن اللاعب أثبت إن ما يستحق هالرقم عشان أحد يشتريه اب هالسعر , اتكلم عن الموسمين إلي قضاهم طبعاً
ماراح تلقى عرض أكبر من 45 مليون يورو هذا الصيف

^^^^^^
فعلا والنادي اكبر من اي لاعب سواء كان كاكا او غيره
واذا موسمين ما اثبت نفسه متى يفكر "يبدأ " يثبت نفسه

لو ينباع حتى لو بأقل من قيمته ويشترون مهاجم ثالث مثل فالكاو + لاعب صانع لعب يعوضه
تكمل المجموعه

اقتباس:

---

المشاركة الأصلية كتبت بواسطة Tockuchi

ما تلاحظون إن صفقات الريال كلها هالموسم لتدعيم الدكة؟
كونتراو - كاليخون - فاران - شاهين - ألتينتوب
كونتراو بديل مارسيلو أو دي ماريا أو راموس أو خضيرة
كاليخون بديل دي ماريا
فاران بديل قلوب الدفاع
شاهين بديل ألونسو
ألتينتوب نفس كونتراو بالإضافة إلى اوزيل , بحكم إنه يجيد الظهيرين و الإرتكاز و الجناح أحياناً والوسط أيضاً و كذلك وسط مهاجم
الدكة عندنا مليانه , وبمقدوره إن تحدث فارق في المباريات , وهذا شيء من الأشياء إلي افتقدناها في الموسم الماضي

---

و اغلبهم يلعبون في اكثر من مركز ^^

وهذا الي نحتاجه :biggthump

اقتباس:

---

ريال مدريد يُفاوض بورتو سرياً!
مورينهو يريد فالكاو أن يكون المهاجم الأول وبعده بينزيما

---

يعني ننسى هيجوين :P

اقتباس:

---

طيب منو يكون محله في الدفاع؟ , هنا تكمن المشكلة , راموس مصاب واحتمال ما يلحق على المباراة , ألبيول الحل الوحيد و ما أفضله بصراحة , فاران صعب جداً بصراحة

---

المشكلة البيول نخاف انه يجيب العيد الا اذا عاد للتركيز لان تحسه يلعب وما عنده تكيز ^^

سرعته جيدة وبدنيا ممتاز بس يحتاج للتركيز وبيرجع من افضل مدافعي الليجا

افضل تشكيلة بالنسبة لي هي التشكيلة التي وضعها توكوجي ^^

كاسياس

مارسيلو - كارفالهو - بيبي -أربيلوا

كونتراو - ألونسو - خضيرة


كرستيانو أوزيل

بنزيما

والاعتماد عالمرتدة بشكل اكبر ليس خوفا لكن برشلونة لما يتقدمون للهجوم ينسون انفسهم وهذي اكبر نقاط ضعفهم و قوتهم في نفس الوقت ><"

اقتباس:

---

أنباء عن قيام ريال مدريد بإتفاق سري مع السيتزن لضم أجويرو بعد موسم كحد أقصى!

---

اتمنى يكون الخبر صحيح ^^

اقتباس:

---

شنو رايكم اب هالصفقة

بيع كاكا ب45 مليون
شراء فابريجاس ب45 مليون
!!

---

متحمس لعودة كاكا اكثر من فابريجاس مع إني اتوقع ان وضع كاكا بيظل ماساوي في مدريد

اقتباس:

---

فعلا والنادي اكبر من اي لاعب سواء كان كاكا او غيره
واذا موسمين ما اثبت نفسه متى يفكر "يبدأ " يثبت نفسه

لو ينباع حتى لو بأقل من قيمته ويشترون مهاجم ثالث مثل فالكاو + لاعب صانع لعب يعوضه
تكمل المجموعه

---

طبعا نادي ريال مدريد فوق كل اعتبار

لكن نسيتوا بنزيما صبرنا عليه وهو حاليا تمام

وربن على كثر اصابته ما بعناه الا بعد كم موسم قضاها عندنا

كاكا لو تبعد عنه اصابات بيكون في الف خير

وانا بصراحة متفائل بكاكا هل سنة بيسوي زين خصوصا مورينهو واضح انه معتمد عليه شوي في المبارايات الودية

ايضا في المبارايات صاير يتحرك كثير واقوى من قبل و صار يسجل اكثر

^^^^^^
نصبر ونجوف
اذا رجع لمستواه فهذا من مصلحت الفريق
وان شاء الله ما تجيه اصابات هالموسم

اقتباس:

---

المشاركة الأصلية كتبت بواسطة THE ROCK IS THE BEST EVER

طبعا نادي ريال مدريد فوق كل اعتبار

لكن نسيتوا بنزيما صبرنا عليه وهو حاليا تمام

وربن على كثر اصابته ما بعناه الا بعد كم موسم قضاها عندنا

كاكا لو تبعد عنه اصابات بيكون في الف خير

وانا بصراحة متفائل بكاكا هل سنة بيسوي زين خصوصا مورينهو واضح انه معتمد عليه شوي في المبارايات الودية

ايضا في المبارايات صاير يتحرك كثير واقوى من قبل و صار يسجل اكثر

---

أنا أيضاً متفائل هالموسم , بس لازم يشد حيله , أوزيل ما بيتركله مكانه , أوزيل أيضاً بيثبت قدمه في هالمركز , لهذا يتوجب على كاكا بذل أقصى جهد + الثقة بالنفس مهمة

السلام عليكم
شلونكم شباب .. اخيراً شريت لاب يديد عقب السكه ^^"

مبارات مدريد الاولى بالدوري ضد بلباو تاريخ 21\8 في تمام الساعه 7 مساءاً
وشاهين مراح يلعب السوبر ولا اول مبارات بالدوري .. كل التوفيق لمدريد

كل التوفيق للفريق
<<< طبعاً هالاخبار من توتر ^^"

غياب بويول عن الكلاسيكو و ربما تشافي ايضاً

اقتباس:

---

المشاركة الأصلية كتبت بواسطة CHaRGeR SRT8

السلام عليكم
شلونكم شباب .. اخيراً شريت لاب يديد عقب السكه ^^"

---

حياك الله من جديد في الرابطة ^_^

مرحبا شباب
السموحه على التقصير

...............................
بالنسبة لي افضل سوبر شفته كان ضد برشلونه عام 97
كانت مباراة روعه وكان راؤول و سوكر ثنائي خارق فذاك الموسم
رغم ان رونالدو(برشلونه) اخذ عنهم لقب الهداف بجداره
................................

اخواني سنيك و توكوتشي ياليت تشوفون الادارة او الدعم الفني يزيدون خيارات الرد السريع
او على الاقل يضيفون خيار التوسيط فقط كما كان فالسابق


وربي يعطيكم العافية

اقتباس:

---

المشاركة الأصلية كتبت بواسطة xiico10

اخواني سنيك و توكوتشي ياليت تشوفون الادارة او الدعم الفني يزيدون خيارات الرد السريع
او على الاقل يضيفون خيار التوسيط فقط كما كان فالسابق
وربي يعطيكم العافية

---

كتبت رد مره عن السالفة في قسم ثانٍ , مشكلة عويصة و ما ألوم البعض لما يقللون من مشاركاتهم بالمنتدى بسبب الصندوق الغبي هذا
أفكر أجمع عدد من المراقبين حق هالسالفة
و ما من قصور عزيزي:)

بالنسبة للتوسيط فاحنا سوينا إلي علينا و خبرنا الادارة لاكثر من مرة بشان الطلب هذا واحنا محتاجينه لكن ما باليد حيلة علينا ننتظر لاننا ملينا من زود ما تكلمنا في هالسالفة معاهم :31:

وولكم باك جارجر ^^