لعبة المعلومات العامه ..

لحححححححححححححححححظه عندي شي توني مفكر فيه..

خلود اسمعي هالكلام.. مادري عاد يمكن فلسفه زايده..

لما رواد الفضاء يشوفون الكره الارضيه من فوق يشوفونها زرقاء.. لأن البحر لونه ازرق.. الحين السما شلون لونهاا اسود ولا أزرق.. هذا هو السؤال؟

يعني وهم في الفضاء مع ان السما سودا هناك لكن يشوفون لون البحر ازرق.. فكيف عيل يقولون ان لون السما ينعكس على البحر؟؟ حلوه هاه..

اوكي شوفوا هالتفسير.. انا اقول ان المحيطات والبحار لونها اصلا ازرق.. اشعة الشمس تنعكس على المحيطات (الزرقاء) وبعدين تنعكس إلى طبقات الجو.. طبقة الستراتوسفير وتنعكس هناك وبعدين تنعكس إلى عيوننا ونشوف السما بلون البحر الازرق..

بتقولون شلون تنعكس وتنعكس... مثل الاشعه الراديويه.. تنعكس في طبقات الجو.. فهالاشعه تنعكس عالبحر.. بعدين على طبقة ال....سفير مما يعطي لون ازرق للسما....

هاه شرايكم... مادري توني مفكر في هالتفسير...

اقتباس:

---

الرسالة الأصلية كتبت بواسطة Ranma Saotome


السما اعتقد لونها مب ازرق.. هي لونها اسود لكن احنا نشوفها ازرق من عندنا.. من كوكب الارض.. ليييش عااااااد؟؟ هنيه الوهقه..
__________________________________

تفكير سليم

__________________________________
إما شي له دخل بالشمس... ولا لالالا..
__________________________________

حتى الحين صح

__________________________________
اتوقع الغلاف الجوي.. يعني لما نخرج خارج الغلاف الجوي اعتقد بعدين تبان لنا السما سودا... ترى بس اتفلسف ولا مادري اصلا...

هو له دخل بطبقة الاوزون والغلاف الجوي؟؟؟؟؟؟

---

لحد هني التفكير سليم
لو تكمل بتعرف

وبليز

لحد يقول ان السما تعكس لون الماي

يا عالم يا ناس
الماي لونه شفاف

شفااااااااااف

اليوم انشاءالله في الليل اذا محد جاوب السؤال الساعة 10 ونص
(24 ساعة يا حسين)
باحط الجواب :أفكر:

يللا عاد شدوا حيلكم ":"

هههه ماقلنا شي...
الرد الاول كانت إجابتي.. الثاني هذا كان اخوي الكبير سألته السؤال وقال لي هالكلام.. طبعا لأنه كلام معقد فعجبني هعهعهعهعهعهع..

ماقدرت افكر في الاجابه...
الشمس.... مع طبقة الاوزووووون.. مممممم :أفكر:

آهااااااااااااااااااااااااااااااااااا عرفتها.. بمساعدة صديق...

السالفه ومافيها ان اشعة الشمس تتكون من سبعة الوان وهي الوان الطيف.. ومجتمعه مع بعض تكون اللون الابيض.. المهم..

الغلاف الجوي يحتوي على غازات وجزيئات وغازات وابخره وحبيبات.. فلما تنزل على الغلاف الجوي اشعة الشمس.. هالحبيبات... الخ. تحلل اشعة الشمس إلى الوان الطيف السبعه.. في النهار تكون الشمس عموديه تقريبا على الغلاف الجوي.. فتكون الاشعه عموديه على الحبيبات فتعكس اللون الازرق داخل الغلاف الجوي وذلك لأن اللون الازرق (الاشعه فوق البنفسجه) من الموجات الطويله.. وبس.. هذي السالفه.. عشان جذيه احنا نشوف لون السما زرقا.. وفي آخر النهار حمرا لأن العكس.. الشمس تكون مااااااايله وايد.. وبس

هاه صح ولا لأ... المفروض ان صححححح...:0) :0) :0) :0) :0) :0)

صح رانما :)

الجواب صح....

الحين دورك تسأل :)

فين السؤال يا رانما........ز?: ?:

انا اموووووووت على اسئلة السيره..

اقروا السؤال:

في غزوة احد.. قال الرسول صلى الله عليه وسلم: من يأخذ هذا السيف بحقه..؟

عندي سؤالين جاوبوا على واحد او كلهم.. المهم جاوبوا على واحد...

1-ماكان جواب الرسول عليه الصلاة والسلام عندما سُئل ماهو حق السيف؟

2- من اخذ السيف وقاتل به في غزوة احد؟

هاه شرايكم... اسئله حلوه ومعلومات مفيده..

ما اعرف الجواب للأسف :(

عاد الحين ابي اعرف الجواب ....
بيكون اضافة قيمة للمعلومات العامة :)

سؤال موفق وايد رانما :أفكر:

سوري شباب... بالنسبة لسؤال اسماء البحرين القديمة...
كل من جاوب دلمون واوال صح .. حسين قال دلمون وكيوت نوريكو قالت اوال لاول مرة اي الاثنان فائزان...
اما الاسماء فهي:
اوال
دلمون
تايلوس
ارادوس
ارض الخلود
ارض الشواهين:6 هههههههههه

اما سؤال رانما فسأجاوب رقم 2: وهو خالد بن الوليد:6 ادري انه غلط!

1-ماكان جواب الرسول عليه الصلاة والسلام عندما سُئل ماهو حق السيف؟ ما فهمت السؤال ..بس هو خذه أبو دجانة وقال: أنا آخذه بحقه..وبعدين قال بيتين شعر:
أنا الذي عاهدني خليلـــــــي ونحن بالسفح لدى النخيـــــــل

ألاَّ أقوم الدهر في الكيــــــول أضرب بسيف الله والرســـــول


2- من اخذ السيف وقاتل به في غزوة احد؟ أبو دجانة





وأسف إذا تأخرت بسؤالي..انشغلت اشوي

:! عيسوز :!

والله جابها.. اشششكر حياتك.. والله ماتوقعت ان حد يجاوب بهالسرعه.. ولا بعد يالطقن جايب البيتين كاااااااملين حافظهم..

الا تعال.. شلون عرفت الاجابه؟ يعني وين سمعتها؟؟؟ قول قول قول قول..

المهم بقول لكم السالفه:

قبل غزوة احد الرسول صلى الله عليه وسلم شاف في رؤيا (باختصار) حدوث اعوجاج في سيفه.. قبل الغزوه قال: من يأخذ هذا السيف بحقه؟
قام عمر بن الخطاب وقام علي ابن ابي طالب وقام المقداد كلهم قالوا انا.. بالترتيب يعني.. لكن الرسول كان يقبض عنهم السيف..
فسأل ابو دجانه: وما حقه يارسول الله؟

الاجااااااابه: حقه ان تضرب به حتى يعوجّ...
فقال: انا آخذه يارسول الله..

اخذ ابو دجانه السيف وكان رابطا عصبه على رأسه وبدأ يتبختر وينشد هالبيتين..
قال الرسول: هذه مشية يبغضها الله ورسوله، إلا في هذا الموضع..

هذي هي القصه.. ويلا عيسوز دورك...

يا سلام عليك عيسوز:)تعجبني

اعلااااااااااااااااااااااااااااااان...

اصبروا شوي على عيسوز لأنه اليوم مشغول لييين قمّة راسه هيهيهي..

يقول ان بكره الصبح بتلقون السؤال أودّامكم على الطربيزه.. اقصد في الموضوع.. اوكي..;)

باي

عندي لكم سؤال ماي..سهل لأقصى درجة!

-شنهي جنسية البطل في مسرحية شيكسبير "Othello"؟

يلا عاد..سؤال ما في أسهل منه! جاوبوه بسرعه!!

:":