اخوي من اين حصلت على العدسة؟؟
عرض للطباعة
اخوي من اين حصلت على العدسة؟؟
اخوي العطعط مسبق شوي المرحلة
اول شي لازم تروح القرية الي تحت جبل الموت
نفس المكان الي انا مشكلتي فيه ( اقرا مشكلتي )
بس اعتقد لازم تدخله بالليل
اول ما تدخل تلقا الشاب المتلثم الي يعطيك نغمات التمبلز ( المعابد )..
وراح تلقى حريق كبير بالقرية والبير يطلع منه شبح يهاجم الشاب المتلثم
انت تحاول تدافع عنه بس يطرحك بالارض ويغمى عليك
بعد كذا راح تقوم والشاب المتلثم راح يعطيك النغمة الي توديك لتمبل الضل (shadow temple)
راح تدخل بس ماراح تقدر تكمل لان العدسة مو معك
( كيف تجيب العدسة )
لازم ترجع طفل ( تروح لمعبد الزمن بالمدينة الي بالقصر تحط السيف مكانه وترجع صغير )
بعدين ترجع للقرية الي تحت الجبل
تدخل الطاحونة تلقى رجل يعزف باله موسيقية
ماني متاكد يعطيك نغمة او لا بس هذي هي نوتتها
فوق تحت A فوق تحت A
من اليسار الى اليمين
اعزفها داخل الطاحونه وراح تدور الطاحونة بسرعة وبعدين يجف البير
تدخل البير تلقى غرفة فيها هيكل عظمي يتكلم ( ما يسوي شي )
الجدار الي قدامك تشوفه مسكر بس هو ممر مخفي
تدخل وتصير داخل غرفة وحده ابحث فيها وتلقى عين الحقيقة (العدسة)
وسهلة مو صعبة لكن انتبه للحفر المخفية تنزلك تحت بس مو مشكلة ما في الا زومبين وتصعد وتكمل
لما تحصلها روح لتمبل الضل ( المكان الي انا فيه الحين )
وكمل لعبتك ولا خلصت اعتقد تروح للقرية الي انت معلق فيها
اتمنى اكون فدتك
واعتذر لك على الاطالة ولصاحب الموضوع اذا تدخلت
أهلاً أخي TeamFlex
في الصوره التي وضعتها أنت تشاهد أن هناك قنابل تحت العمود يجب أن تضرب القنابل بسهم النار.
كيف تجد سهم النار:
إذهب إلى بحيرة هيليا (Lake Hylia). بجاند الشجره الكبيره فيه صخره مرتفعه مكتوب عليها كلام. المهم أعزف مقطوعة الصباح والمساء. إذا كنت في المساء ستعزف المقطوعه ومن بعدها ستخرج الشمس من أمامك إضرب الشمس بالسهم سينزل لك السهم الناري في الجزيره المقابله.
بالفعل شرح وافي ولكن واجهتني مشكلة في المرحلة التي وصل لها اخي
TeamFlex
هنام مسننات لا استطيع تجاوزها وعلى اليمين الصندوق الذي به المفتاح الذهبي للدخول للزعيم
http://members.lycos.co.uk/alkabooos/uploading/CC.JPG
استخدم حركة النار حتى تحرق الخشب
شكرا اخي لقد نجحت لكن الان مشكلتي مع هذا كيف استطيع القضاء علي
قمت اصابتة عده مرات بالاسهم النارية هل هناك طريقة اخرى؟
http://members.lycos.co.uk/alkabooos...g/untitled.JPG
نيشن على اليد الاولى وارم عليها سهم.. بعدين اليد الثانية وارم عليها سهم
راح تلقى ان اليدين تهاجم مع بعض
بالنص بين اليدين لو تستخدم العين السحرية راح تشوف العين
ارم عليها سهم .. وراح تنكشف العين ( تقدر تشوفها بدون عين الحقيقة )
روح وطقها بالسيف لان السيف ياثر فيها ( تقدر تطقها اكثر من مرة بالسيف ) لكن السهم بس يكشفها
على فكرة انا ما استخدمة عين الحقيقة بالقتال لانه مالها داعي
ومو شرط تكون الاسهم نارية .. حتى لو عاديه نفس التاثير
========
عندي سؤال.. قدرت تاخذ القفاز الفضي
انا لقيت كل المفاتيح ماعادة مفتاح واحد الي يدخلني على الصندوق الكبير
حتى المفتاحين الي بالسقف لقيتهم
لا للاسف اخوي باقي علي تقريبا مفتاحين للوصول للصندوق الكبير
بفضلكم انهيت المرحة لان انا في هذة المرحله انهيت كل شي فية ما عدا هذه الابواب التي في الاعلى لا اعلم كيف اصل اليها
http://members.lycos.co.uk/alkabooos.../untitled2.JPG
تخطيتها بنجاح المهم بقي لي مفتاحين للوصول الى الصندوق الكبير اين اجد المفتاحين؟؟
انا ناقص لي مفتاح مدري وينه؟
بقولك الامكان السرية ( هم اثنينه اتوقع تعرفهم)
لما تدخل المغارة في ثلاث بيبان.. روح للباب الي بالنص ( الي فيه الكنز )
لما تدخل في بابين على على اليمين و اليسار
روح على اليسار .. شغل عين الحقيقة وطالع فوق على اليسار جمب الشبك
راح تلقى ممر مخفي
اصعد وراح تلقى مفتاح
المكان الثاني
لما توصل للغرفة عند الباب المسكر بحجر كبير ( ما تقدر تفتحه الا بالقفاز الفضي )
طالع فوق الباب الخدعه بعين الحقيقة فوق وراح تلقى ممر مخفي..
اصعد وراح تلقى صندوق
هذول هم المخفيين و الباقي مكشوفين
( يا تذبح وحش او تجمع الماسات الفضية علشان يطلعون الصناديق)
فيه مكان مخفي في الغرف المشبكه عند الأبواب استخدم العدسه لرؤية المكان واصعدله.
أستخدمو العدسه كثيراً في هذا المكان.
اخي بحثت في كل مكان لقيت مفتاح واحد فقط بقي مفتاح واحد ....
اخي TeamFlex
هل حصلت علية؟؟
القفاز الفضي مو بهالمكان
لقيته بمعبد الصحراء
اذا تبي نغمت المعبد هذي هي حتى تسهل الوصول
A تحت يمين A تحت A
روح للمعبد وانت كبير
ما راح تدش داخل لانه في ممر صغير ما تقدر تدشه الا وانت صغير
وفي ممر ثاني مسكر بحجر عملاق
اطلع من المعبد تلقى الشاب الملثم يعطيك نغمت المكان
ارجع لمعبد الزمن و حط السيف
وبعدين ارجع لمعبد الصحراء راح تلقى وحده واقفه على اليسار..
راح تسئلك عن سبب حضورك وفي كذا اختيار
1- جاي تشوف المعبد
2- تبحث عن السيقا
3- ولا شي
الاول و الثاني ما يسون شي
لما تختار الخيار الثاني تقولك دامك فاضي احتاج مساعدتك
تجيب القفاز الفضي لي .. والمرحلة صغيرة لما تبحث عن القفاز
لما تلقاه ( مكانك يطل على الخارج ) تسمعها تصارخ وتلقى ساحرتين هاجموها وخبئوها تحت التراب
هي تقولك " اهرب "
انت انزل من مكانك او ارجع بس النتيجة وحده فا افضل انك تقفز علشان تنزل بدل لا تحوس بالرجعه
الحين انت لقيت القفاز الفضي
ارجع لمعبد الزمن واخذ السيف حتى ترجع كبير
وروح على المغارة الي فيها الصناديق
تذكر الحجر الي كنت تبي تزحه
رجعه للورا تلقى ثلاث وحوش اذبحم
( دير بالك من الصندوق الي بالزاويه على اليسار ما فيه شي بس ثلج يجمدك)
لما تذبح الوحوش راح تطلع ثلاث صناديق صغار واحد منهم مختقي بزاوية اليمين
المختفي فيه المفتاح الاخير
روح وافتح الباب تلقى داخل الصندوق (خلها مفاجئة) :)
بعدها ارجع لمعبد الصحراء وكمل اللعبه ( ابعد الحجر الي مسكر الطريق )
وبالنسبه للوحش هو نفس الساحرتين
راح تلقى درع عاكس للضوء
تستخدمه في قتالهم
اول شي راح يهاجمونك ثنينتهم
وحده منهم ناريه و الثانيه ثلجيه
لما الساحرة الناريه ترسل عليك اشعة نار اعكسها بالدرع للساحرة الثلجية
والعكس
اعتقد ثلاث مرات وبعدها راح يتحدون
الحين مرة ترسل عليك اشعة ثلج ومره نار
بالدرع مالك جمع ثلاث ضربات ناريه او ثلاث ضربات ثلجيه
( بس مو تجمع 2 نار و 1 ثلج او العكس ما راح ينفع)
والدرع من نفسه راح يعكسها على السحرات المتحدات
بس خلك قريب منهم علشان يوصل
لما تعكس الضربة راح تطيح السحارة على الارض روح انت وهاجمها بالسيف
( تقدر تعطيها اكثر من ضربه )
اعتقد 15 ضربة بالسيف وراح تموت
===========
انا عندي كذا سؤال محيريني من نص اللعبه
المخلوق الي لقيته بالغابة ( غابة الضياع القريبة من مسكن لينك ) عاطني فطر نادر وديته لشخص في قرية كاكاريكو الي تحت البركان (kakariko village).. والشخص نفسه عطاني بودره في ورقة اردها للمخلوق.. رجعت للغابة وما لقيته ..
ما تدري وين مكانه؟
في مدينة زورا المائية( zoras domian ) بعد ما انهيت المهمة لازالت مجمده..
شلون اذوب المكان؟
انا بعت لحد الحين قناع القط للحارس في مدينة كاكاريكو
والحين في قناع ثاني على شكل وحش .. لمنو ابيعه.. وبالنهاية شنو بستفيد من بيع الاقنعه
خاصة قناع الحقيقة
انا دخلت هذا المكان من قبل لكن توقفت عند هذا المخلوق الذي لم اعرف كيفية قتلة؟؟
http://members.lycos.co.uk/alkabooos...ing/zelda2.JPG