ليالي يقول أننا أكلنا الريال بثيابه .. و يقول شفينا عليه .. أحب أوجه لهم سؤال :
أنتم (( و أنت يا آشلي )) ما تسائلت مرة ليش أغلب الأعضاء و بعض المراقبين واقفين ضدك ؟
معقولة يكونون واقفين ضدك من دون سبب .. و من طريق و رايح ؟
أنت آشلي مشكلتك الوحيده و يالي تسبب لك كل هذا هو أسلوبك
فالواحد لما يعبر عن رأيه المفروض أن يعبر عنه بأسلوب لبق و لائق و يحترم أذواق غيره و مشاعرهم .. و لما يقول كلام يحط عليه أدله تسانده علشان ما نقدر نعارضك و ما يكون لنا حق بذلك .
و لكن تقوم و تقول آرائك و وجهات نظرك و تحاول تفرضهم علينا فرض قصبا عنا .. و يالي ما يوافقك تقعد و تحط من ذوقه و تتفلسف عليه و تكلمه من فووووق كأنك أنت الفاهم العاقل و غيرك هو العكس ؟
يعني لو تراجع ردودك السابقة في المواضيع و كيف كنت تكلم الأعضاء .. راح تعرف أن معاهم حق اذا كرهوك .. و اذا مالك خلق و لا عندك وقت تدور عنهم .. فأنا مستعد أدورهم و أحطهم لك هني .
لذلك ارقد شوي و حسن أسلوبك .. و حاول أنك تحترم مشاعر غيرك و أذواقهم .. مو تقعد و تفتح لنا موضوع طويل عريض بغلاف على أنك فرحان في فف12 .. و لكن المضمون الحقيقي يختلف 180درجة .. و هو الاستهزاء و السخرية بلعبة تعرف أن أغلب أعضاء المنتدى متعصبين لها و كأنك تريد عندا أن تشعل الشرارة مرة أخرى بعدما كانت مطفيه لجم أسبوع .
أنت بنفسك دزيت لي رسالة خاصه بالسابق و قلت :
اقتباس:
المشاركة الأصلية كتبت بواسطة ashley.riot
و الحين تفتح هذا الموضوع و تقول هذا الكلام :أفكر: !
يعني المعنى صار واضح وضوح الشمس :) !!
لا تفكر أني أكرهك أو أضمن لك الشر .. بل أنا أكره أسلوبك و أتمنى أنك تغيره لمصلحتك .. لأن صدقني هالأسلوب غلط و لا أظن أنه يناسب واحد جامعي ( على حد قولك ) .
و نصيحه أخرى .. اترك عنك بعض الغرور و الفلسفه .. و صدقني بعدها ماراح تلقى أحد واقف ضدك أبد ..
و هالشرارة يالي أشعلتها الحين بموضوعك هذا .. أتمنى أنك تطفيها .. لأني والله عارف أن نتيجه النقاش معاك لوين راح توصل .. و أظن أن الأغلبية عارفين هالشي من مواضيع النقاش يالي دارت بينا من شهرين .
هذا كل ما عندي لك في الوقت الحاضر .. و أتمنى أن تتقبله بصدر رحب .
شكرا أخوي :)اقتباس:
المشاركة الأصلية كتبت بواسطة فيصل سنيك
