~ بعـد التجـربة.. مراجـعة لـ Winning Eleven7 International~

مدرب وطني
تفضل الطريقة:
* من الشاشة الرئيسية إختر GAME OPTION
* إختر WE DATA CONTROL
* إختر OPTION FILE
* إختر WE SERIES DATA LOAD (ولف يمين او يسار حسب الإصدار اللي تبغى تعمل له لود)
* راح تنسدل لك قائمة إختر اللي تحتاجه منها.

الجـــاســـوس
ما تقدر تستخدم تسجيلة الماستر ليج و حياك الله :)

bluepanther2004
تقدر تسوي لود لأسماء اللاعبين والأندية والأعلام وال WE-SHOP وما راح تتغير عليك طاقات اللاعبين :)
بالنسبة لطاقة كيويل تجدها بالمرفقات :)

السلام عليكم

شكرا لك الاخ العزيز ابو بدر على الموضوع الجميل
انا عندي بعض الملاحظات بعد ما جربت الwe7i
هناك تحسيين كبير في التمريرات وواقعيه كبيرة فيها وسرعتها اصبحت قريبه بشكل كبير من الواقع
الكرات العرضية اصبحت جمييلة وبذلك ضربات الرأس اصبحت اجمل واكثر واقعيه
ولكن العيب الاكبر والبارز في هذا الاصدار الدفاااااع سهل اختراقة ويذكرني بشكل كبير بال we3 لل ps1
الدفاع بالالتحامات والاحتكاك اصبح جيد ولكن الخطأ في تمركز الاعبين مع المهاجمين في حالة الهجمة
طبعا لكل واحد طريقة لعب ولكن انا قست هذا الشيء على كل من رأيتهم يلعبون
الدفاع يكشف بكل بساطه وتجد المدافعين غير ملتزمين بالتغطيه الصحيحه
في الجزء السابق عند اقفال الدفاع تجد خط الدفاع متماسك ومن الصعب ان يخترق
في هذا الاصدار الاختراق بسيط بسبب كثرة الثغرات في الدفاع
انا عملت كل الطرق في الاصدار السابق على هذا الاصدار في الدفاع ولكن النتيجه ليست بواحده
فانت معرض لهدف بكل سهوله مهما كان خصمك متواضع المستوى
كل شيء مميز في هذا الاصدار الا الخطأ الفادح في تمركز لمدافعين.
لك مني كل الشكر وللاخوان

شكراً أخوي .. بس حبيت اسالك كيف قوة كريستيان فييري ؟

والسؤال الثاني الي اشتريته بالدبليو اي شوب راح يكون موجود ولا لازم اعيده جمع النقاط من جديد ؟

مشكور ابو بدر على المراجعه الحلوه..:)

اللي ملاحظه على اللعبه:

1- الرفعات صارت احلى واكثر واقعيه..وصار تسجيل الاهداف منها اسهل...

2- ضربات الرأس حسنوها بشكل كبيييير..

3- التمريرات صارت افضل..واكثر دقة وواقعيه (خصوصا البينيات)..

4- للاسف :(..صاروا الحراس اضعف بكثيييير..اول مباراة مع الكمبيوتر انتهت 6-2 لي (مع اني حطيت اقوى مستوى للكمبيوتر)..تقريبا اي تسديده موجهه للمرمى هدف..:(...

5- احلى شي..اللي يتخذون مبدأ (اختار البرازيل..وناول لرونالدو..وسحب فيه لما تجيب هدف) بينصدمون :05:..التسحيب صار اصعب..يعني لو لاعبك مهاراته عاليه..ما راح تقدر تسحب في اكثر من لاعبين..وبعدها تنقطع الكوره :)..لازم يكون فيه تكتيك..وتمريرات..

6- في الاجزاء السابقه..لو معك لاعب سريع..وانطلقت في احد الجهتين اليمنى او اليسرى..لو لحقك مدافع وحاول يقطعها بزر x ...ما راح يقدر وبيعدي منه اللاعب السريع بكل سهوله...اما الان..صار صعب تتعدا مدافع بهالسهوله...واذا اعتمدت على سرعه لاعبك..بتنقطع كورتك من اول مدافع..

تشكر حبيبي أبو بدر ;)

ابو بدر الغالي
لوتكرمت اسماء لاعبين هولندا والمانيا وبعض اسماء اللاعبين اللي مو ظاهرين
وبرضه لو مافيها غلاسه كود عشان ناخذ 99999 في دبليو إي شوب
تحياتي

السلام عليكم
مشكور على هذا الجهد الرائع. لو سمحت ممكن طاقات اللاعب رايان غيغز و رونالدو البرتغالي لاعب مانشستر يوناتيد؟

الله لايهينك يالغالي / أبو بدر

شكرا على مجهودك
:ciao: :ciao: :ciao:

ممكن اخوي بوبدر تعطيني طاقات هنري وندفيد .. وانا اسف اذا تعبتك

لكن اخوي اشتريت الشريط وما اشتغل ما ادري ليش ؟؟؟؟؟؟؟؟

بصراحة يا ابوبدر
أنا إذا قالوا بينزل شريط جديد
فأنا أنتظر الشريط على أحر من الجمر
وكذلك أنتظر موضوع أبو بدر على أحر من الجمر
دائما مبدع ومشكور على الموضوع الرائع

اللعب صار سريع والله يكون في العون
لأن الجزء السابق كان أبطىء وتقدر تحظر الهجمة في الوسط بشكل رائع
أما الكرات العرضية فأصبحت روعة وأكملتها ضربات الرأس الرائعة
والتسديد حتى الآن أحس إنه 80% هدف

السلام عليكم ورحمة الله وبركاته



اللعبة حلووووووووووة مرة واللي عاجبني فيها







اللعب صار واقعي مرررة شوفوا كيف المناولات و الشوتات



بيكهام رفعاته آهههههههه جوووول على طول



الفاولات صعبة شوية بس ببكهام مرة غيييير



الحركات نفسها غير بعض الحركات زي ما تفضلتم قلتوها ( سبقتوني :09: )




اللعبة صارت سريعة




البلنتيات طريقة الشوت غريبة مرة




في حركة جديدة هية مربع + أكس + يمين أو يسار + R1 تطول الكورة شوية






تحياتي شكرا ً على الموضوع يا أبو بدر

شباب ماأحد لاحظ حركة قطع الكره من المهاجمين عندما يكون المهاجم منطلق ويجي لاعب من الخلف ويأخذ الكره بارد مبرد وبزر الأكس صرحه حركه غريبه
والنقطه الثانيه سويت إفسفتاء عن الشريط الجديد وطبعا كان مع فطاحلة :D we7 ووجدة نسبه كبيره مستائه وخصوصا من الدفاع وغلطاته والإلتحامات بين اللاعبين وودي أسئل هل هذه سياسه من كونامي حيث دائما يكثر الكلام مع نزول النسخ الحديثه ثم يتئاقلمون وهل صحيح أن كونامي تستخدم طريقة إصدار جزء جيد ثم إصدار جزء أقل مستوى وأسف على الإطاله وشكرا وشكر

شباب .....لو سمحتوا ابي استفسر عن لاعب .......

اللاعب الكرواتي السابق دافور سوكر موجود لو لا؟؟؟؟؟؟؟؟؟؟؟؟؟؟

ووين موجود؟؟؟؟؟؟

وكيف طاقاته؟؟؟؟؟؟؟؟؟؟؟؟؟؟؟؟

اللعب الجماعي
العفو ,,, :)

اقتباس:

---

ولكن العيب الاكبر والبارز في هذا الاصدار الدفاااااع سهل اختراقة ويذكرني بشكل كبير بال we3 لل ps1
الدفاع بالالتحامات والاحتكاك اصبح جيد ولكن الخطأ في تمركز الاعبين مع المهاجمين في حالة الهجمة
طبعا لكل واحد طريقة لعب ولكن انا قست هذا الشيء على كل من رأيتهم يلعبون
الدفاع يكشف بكل بساطه وتجد المدافعين غير ملتزمين بالتغطيه الصحيحه
في الجزء السابق عند اقفال الدفاع تجد خط الدفاع متماسك ومن الصعب ان يخترق
في هذا الاصدار الاختراق بسيط بسبب كثرة الثغرات في الدفاع
انا عملت كل الطرق في الاصدار السابق على هذا الاصدار في الدفاع ولكن النتيجه ليست بواحده
فانت معرض لهدف بكل سهوله مهما كان خصمك متواضع المستوى
كل شيء مميز في هذا الاصدار الا الخطأ الفادح في تمركز لمدافعين.

---

بالنسبه لهذي المشكله فمن واقع تجربتي للعبه اتضح لي بأن هذي المشكله تتفاوت من مدافع إلى مدافع فمثلاً يوم لعبت بالإنتـر كان ماتيرازي مسبب مشاكل لي في خط الظهر لكن يوم لعبت بإيطاليا ما واجهتني هالمشكله نظراً لـوجود ( كـانافارو و نستــا ) ,,, على العموم إن شاء الله مع الوقت نبي نتعود على الشريط ... :)

الجـــاســـوس
العفو ...
بالنسبه لطاقة فييري ,,, راح تلقاه بالرد الجاي ,,,
أما بالنسبه لإستفسارك الثاني فما يحتاج تجمع من جديد ,,, فقط اعمل Load لـ WE-shop و راح تلقى كل اللي كان عندك موجود ... :)

bluepanther2004
العفو ,, :)

Chandler
العفو ,,, :)
و بخصوص النقطه الـخامسه أوافقك و بعنف ,,, :tongue2:

ابو فيصل 966
أخوي بالنسبه للشفرات فهي ما نزلت إلى الآن ,,,
أما أسماء اللاعبين فراجع موضوع الأخ Stam و راح تلقى اللي تبيه إن شاء الله ,,,
http://www.montada.com/showthread.php?t=266085

umist
العفو ,,, :)
و بالنسبة للطاقات اللاعبين اللي ذكرتهم ,,, فراح تلقاها مع المرفقات ,,,

مدرب وطني
العفو ,,, ;)

الهاشل
أخوي الطاقات راح تلقاها مع المرفقات ,,,

اقتباس:

---

لكن اخوي اشتريت الشريط وما اشتغل ما ادري ليش ؟؟؟؟؟؟؟؟

---

طيب أخوي جرب تشغل ألعاب DVD ثانيه و إذا ما اشتغلت فالمشكله من العدسه حقتك و لازم تروح إلى فني يصلح لك الجهاز و هذا الشئ صار لي أكثر من مره ,,, أما إذا كانـت الألعاب الثانيه تشتغل تمام فأكيد المشكلة من الشريط ... :)

عشوق
العفو ,,, :)
وين الغيبات ياخي ,,, عسى المانع خيـر ... :tongue2:

و بالنسبة لسرعة اللعبه فأنا قلت نفس كلامك لكن سرعان ما تعودت عليه و صار الأمر عادي ,,, دائماً أول ما ينزل أي جزء جديد تواجهنا مشاكل في البداية بعدين يصبح الأمر طبيعي ,,,

تحياتي لك ... :)

we7i
العفو ,,, :)
و بالفعل أخوي اللعب صار واقعي جداً ,,, و شكراً على الحركة ,,, ;)

miami

اقتباس:

---

شباب ماأحد لاحظ حركة قطع الكره من المهاجمين عندما يكون المهاجم منطلق ويجي لاعب من الخلف ويأخذ الكره بارد مبرد وبزر الأكس صرحه حركه غريبه

---

بهذي الحركة تلافت كونامي بعض الأخطاء في الإصدار السابق ,,, ففي الجزء السابق اذا انطلق المهاجم و كان سريع فمن الصعب إنك توقفه عن طريق الـ X إلا إذا حسب الحكم فاول و هذا الشي يتعب المدافعين ,,,

اقتباس:

---

وودي أسئل هل هذه سياسه من كونامي حيث دائما يكثر الكلام مع نزول النسخ الحديثه ثم يتئاقلمون وهل صحيح أن كونامي تستخدم طريقة إصدار جزء جيد ثم إصدار جزء أقل مستوى وأسف على الإطاله وشكرا وشكر

---

لا ما أعتقد كذا يا أخوي ,,, لأن لو تلاحظ في بدايات اللعبه كانت الطاقات عبارة عن 6 معايير و كان أهم شي هو السرعه و بعدين توسعت اللعبه و صاروا يهتمون بالمراوغه و المهارات الفردية و الآن أصبح اللعب يعتمد على التكتيك و الخطط و تنويع اللعب ...

Andriy Sheva
لا يا أخوي اللاعب غير موجود ,,, :)

يتبع في الرد القادم ...