تعلم بالتفصيل عن لعبةSimCity4(Rush Hour)i-الشرح الكامل!!

محمد النعمي يعطيك العافية ياغالي ، بس انا داري انه في اشياء في الشرح ، بعدين ترا منب عبيط :) ، بس الشرح انا قريته 3 مرات (طبعا استفدت منه اشياء كثير) ، بس لانه اخوي PC-PS2 شرح كل شي تمام (بس مااتعمق في اشياء كثير) وهذي الاشياء هي الي انا قاعد استفسر عنها :) .,.
PC-PS2 برضه انت بعد افدتني (لانه كل واحد منكم بأسلوبه :) ) ، بس انا في شي واحد ماقلتم لي كيف ، وهو الشوارع كيف اسويها ؟؟ ، انا سويت مثل الشرح بالضبط (التخطيط حق المباني) ، بس كيف اوصلهم ببعض بالشوارع (انا عارف كيف ) بس اقصد الاسلوب كيف ؟ .,.

شوفوا انا راح اوفر عليكم كثيييييير ، والطريقة هي ، ياليت اذا واحد منكم عنده مدينة في البداية مثلي ، يحط الصورة علشان اشوف كيف التخطيط ، يصير اعرف كيف الطريقة ، يصير انا اصلح المدينة على كيفي :D .,.

الحين ياريت انكم عرفتوا المشكلة ، وهي تخطيط المدينة مني عارف كيف ، يعني وين احط مصتع الكهرباء ، ووين حق الموية ، والشوارع كيف اوصلها ببعض (يعني من اي مكان ؟) ، بعدين بعد مااسوي المواصير (سباك على غفلة :D ) اي واحد من مصانع الكهرباء ابني ؟ ، الكهرباء عرفت (المراوح) .,.

والله اني غاثكم داري :D , بس اخوي PC-PS2 ترا انا مثلك اموت في شي اسمه سيم ، يعني سيمز باخذه من خوي (اصلي هو مشتريه) ، وبصراحة ماكنت ادري انه في العاب مثل سيم ستي في الواقع :D ، لاني اموت في العاب المحاكاة ، حتى في الطيارات ،
<=- مستري فلايت سيمليتر اصلي بـ 300 ريال :D .,.

فانا انا معقد مثلك (قصدي احب الالعاب المعقدة :D ) .,.

وشاكر لكم ، ويعطيكم الف عافية على مجهودكم ، وعلى فكرة ترا شرحكم لي ، في ناس بعد راح يخشوا نفس الموضوع ، ويكون عندهم نفس مشاكلي ، وراح يستفيدوا منها (شايف كيف وفرت عليكم :D ) .,.







.,. vbmenu_register("postmenu_3250776", true);

ياولد والله اللعبة رووووعة :D ، صرت اعرف العب من 2 مرة لعب :) ، طبعا بيكوز اوف يور جود اكسبليننج :D .,.

المهم الاوضاع زي الفل ، بس المشكلة ابي اعرف كيف اجيب المدخول الشهري ؟؟ ، يعني وش ابني ، لانه الى الان الحمد لله باقي 4 وفي تناقص :D ، بس الاراضي الي بانيها كلها ماشاء الله مستأجرين :) ، بس المشكلة الثانية وهي الوظايف ، يعني كيف اخليهم يشتغلوا (وش ابني ؟؟) .,.
اخر شي ، انا باني كل قطعة في جهة ، يعني الخضراء فوق ، والزرقاء تحت شوي ، انت قصدك من الشرح اني لازم اوصل بينهم بشوارع ؟ ، بس المشكلة الشوارع ماتطلع تمام ، يعني لازم تكون القطع قدام بعض علشان الشارع يكون مستقيم .,.

المدينة ماشاء الله ازدهرت عندي :D ، والسكان فوق 800 :) .,.

والله انكم 100 % ، لو بدونكم ماكان عرفت (انا اعرف عنجليزي بس مو لدرجة افهم شرح كامل :) ) .,.

واتمنى الأعضاء والشباب كلهم يلعبوا اللعبة لانها من جد من جد رووووووعة .,.





.,.

:D :D :D

ماشاء الله بديت تتحمس بعد ماكنت محبط تقريبا ... !!

اقدر اقول الحين ... خربت واحد ثاني >>>(صرنا ثلاثة مدمنين)!! :biggrin: ههههههه


----------------------

..برايفت لـ سنايبر...
والله شوي وبقول عليك عجّااااز... ياخي شفك عرفت تلعب من ثاني مره بس ... يعني احسن مني في بدايتي ... بس الظاهر ان فيك عرق (زول)!! :D امزح!!

بالنسبة لتساؤلاتك ..
برضه بقولك ارجع للشرح وحاول تدقق اكثر وتعلم من اي خطأ تطيح فيه!! :33:
وبخدمك الحين بشيء واحد في هالرد ... بالنسبة للتخطيط .. احسن حل لك هو انك تتخيل وحدة من احياء الرياض ، وشف كيف مصممة بالنسبة للمساكن والمحلات التجارية (تلاحظ الشوارع العريضه تكون تجارية والصغيره سكانية واذا وصلت للهاي واي تطلع لك الناطحات تجارية وسكنية )!! وبيصير شكل المدينة على كيفك... وخاصة اذا فعلت الليل والنهار سوا لانك بتشوف شكل الناطحات بالليل شيء ثاني وتصدق عمرك بذي المدينة!! :biggrin:

الا على فكرة ... حط صور خلني اشوف وين وصلت وبعد اذا وصلت لحد الطرق السريعة او لا(هاي واي) او المطارات او الموانيء؟! علشان اساعدك ... فيه امور كثيرة بستفيد من الطرق السريعة والمطار والموانيء!!(وخاصة في امور الديكتاتورية ولهف الناس)!!! :biggrin: (تعلمنا من بلدنا)!! :bigeyes:

PC-PS2 هههههههههههههههههه ، الله يرجك ياشيخ :D ، اجل انت مصري (تفطر سندوتش فول :D ) .,.

والله انا مثل ماقلت لك الالعاب هذي من افضل الالعاب عندي (اصلا انا مدمن 24 كمبيوتر + انترنت :D ) .,.

طيب انت حليت مشكلة التخطيط ، وباقي مشكلت كيف اوفر للسكان وظايف ؟؟ (راح اشيك على الشرح مرة ثانية ممكن تكون شارح بس ماانتبهت) .,.

وانا ماحفظت المدينة ، لأنه ابي العب مرة ثانية ، بس اذا حليت المشكلة حق توفير الوظايف راح احط لك الصورة (ممكن اليوم ان شاء الله) .,.


ووين الشباب ؟؟ ، معقول مافي احد يحب هذي الألعاب الروووووعة ؟؟ :( .,.






.,.

نسيت اقلك ، بعد مااصلح المخطط ، يطلع لي صورة سيارة داخل دائرة ، ويقولي انه مافي طريق (no roads) ؟؟ ، بس عادي شوي وتتملى المخططات بالعماير ، بس ابي اعرف وش معناها وكيف مافي طريق ؟ .,.





.,.

ههههههههه والله العظيم زووووووووووول >>>>> والدليل سؤالك الاخير !!! :biggrin:

المشكلة راجعة لتخطيطك؟! :33:
شف الجواب في المشاركة رقم 13 ... في السطر السادس او السابع على ما أظن في جزء الملاحظات في الردود في الصفحة الاولى !! :bigeyes:
كاتبلك الجواب تماما وبوضوح!! :)

:biggthump

هههههههههههه ، معليش والله مانتبهت للملاحظات ، كنت متحمس بس قريب الشرح :D .,.

طيب في شغلة اخيرة انا باقي ماوصلت لها ، الحين اول ماتبدأ تكون في قطعة ارض ، طبعا في قطع كثير ، انت تختار وحدة منها وتبدأ فيها ، طيب السؤال الي يبطح نفسه :D ، كيف اربط هذي القطع ببعض ؟ ، اقصد الطريقة .,.

طلب اخير وانت ماسويته ، ياريت لو تعطيني صورة المدينة الي انت مسويها ، علشان استفيد من التخطيط لأني فاشل شوي في التخطيط :( .,.

في شغلة ثانية ، معليش غثيتك ، بس ترا انا الحين تقريبا فاهم اكثر الاشياء في اللعبة ، لا وابشرك خلوني اصلح تمثال لي في المدينة :D ، وجات لي رسايل شكر :) ، الي ابي اسالك ، هي سؤالين :
1- يقولي السباك فيه مشكلة في الانابيب حق الموية (طبعا الي تحت منطقة المصانع) فهل هذي حلها نفس الي فوق شارحه ؟؟، لان هذي يقول في انابيب الموية ؟؟ ،
2- وش الاشياء الي تجيب لي مدخول شهري كبير ؟ (انا بنيت مطار) ، بس القطار صعب شوي لانه لازم تخطيط (راح اسويه بكرة ان شاء الله برواقة مع ميالة نعناع) .,.

وتحياتي ياعسل :) .,.

والله ماعندكم ماعند جدتي ، ليش محد يلعب هذي اللعبة >,< , <=-=- حاقد .,.

اذا غثيتك اخوي مرة ، قولي وانا معد بسأل :) .,.





.,.

السلام عليكم

SniperZ

جـ1 : القطع ما ترتبط ببعض ابدا ( لكن شوف لك أرض كبيرة وسوي مدينتك فيه اذا ما اتسعت شوف ارض بجانبها واربطها بالاولى وكذا تصير معك مدينتين والمواطنين راح يسافروا الى المدينة الثانية وهكذا )

جـ2: يا اخي سهل التخطيط لا تعتمد على اي حد ( هذه احدى مخططاتي : ضع شركة الكهرباء بمنطقه معينة وضع في هذه المنطقة أراضي صناعية (الاراضي الصناعية مهمه وهي الوضائف وعند النقص بالوضائف لدى السكان زيد منها) وضع لهم دفاع مدني وشرطه (هذه سمها المدينة الصناعية :)) وضع طريق (ذهاب وإياب) يربط بالمنطقة ومده بعيدا عن هذه المنطقة , اخر الطريق ضع المناطق السكنية والاحياء والشوارع والاسواق والخدمات العامة مثل الحدائق وغيره ولا تنسى الخدمات الحكومية مثل الشرطة والمستشفيات والمدارس وغيرها(وهذه سمها مركز المدينة) واذا ما نفعت شوف لك اي خريطة لبلد معين مثل جدة والرياض ومكة او اي بلد ...


جـ 3: (1) لم تأتني أي مشكلة مثل هذه ,,, ان شاء الله يجاوبك PC-PS2

(2) هناك منشأت كثير لكن بعضها غير مرغوبه للمواطنين (مثل الكزينو و السجن العام وغيرها)

وشكرا

محمد النعمي هلا والله ياغالي ، وين الناس :) .,.

مشكور على الحل ، انا جالي على المدرسة وفيه مظاهرات (ابك يرمون علي طماط :D ) ، مدري وش قصتهم ، بعدين بنيت مدارس كثير وجامعة ، بس برضه يقولي فيه نقص ؟؟؟، والله احترت في ذي !! .,.





.,.

يا هلا فيك :icon6:

قصتهم انك منقص عليهم الرواتب (حرام عليك هذول مدرسين ما يغيبون) ههههههههههههه

اخي شوف المساحة حقى المدرسة مثل ما قلت لك من أول (زيد من الشريط الاول حتى تزيد المساحة) راجع الرد الاول

ملاحظة
لا تضيف مدارس كثير دون فائدة ( اذا ما اتسعت المدرسة لهم وزودت انت للنهاية ابني مدرسة أخرى وهكذا)

الله يعطيك العافية على المتابعة ^^ ، انا رح ازود .,.

اخر شي انا يوم ابي احط قطعة الارض ، ماتجي سهمين علشان كذه يقولي مافي طريق ، كيف اسويها مثل الي في الشرح في الصفحة الاولى يعني فيها اتجاهين علشان السيارات ؟؟، والله حاولت وماضبط مدري وش فيه ، بس الحين بعد بحاول مرة ثانية .,.






.,.

السلام عليكم

اللعبه ما فيها توصيل يعني تطلع مراحل جديدة وحركات زي بعض الألعاب

ولا بس كذا تختار مدينه وتلعب

السلام عليكم


بالنسبه لرد الأخ SniperZ

اخوي انا ما فهمت سؤالك بالضبط و لكن ان كنت تعني يقلك ما فيه طريق وهو فيه طريق بالأصل فهذا يعني ان ما فيه طريق يذهب للاراضي الصناعة او هناك ازدحام بالطريق :33: , اما اذا ما فيه طريق فسوي لهم طريق , واما اذا تقصد مواقف السيارات بالمبنى تبيه ينطبق معى الطريق فسوي للمبنى التفاف بالزر Home في الكيبورد

الاخ بو مالك

هذه اللعبة ليست مراحل لكنها استكشافية :icon6: , وفيه اشياء بتظهر لك جديدة من مباني واشياء اخرى , ويا مرحبا فيك معنا :biggthump

السلام عليكم .,.

والله كل مااتعمق فيها يزيد جنوني فيها :D ، بس والله في شي حرق دمي في نقطة معينة من اللعب يعني يوم يوصل السكان فوق 2000 نسمة اللعبة تطفي عندي XD ؟، ماادري وش المشكلة .,.

في شغلة ماعرفت لها ، وهي الخطوط السريعة كيف اربطها بين المدينة والمنطقة الصناعية ؟؟، انا الي مسويه الحين اني احط الجسر في فيه من عبره شارع هو الحل الوحيد الي عرفت له اني اربط بين الشارع والخط السريع !! ، ياليت انت تلعب حط صورة (وش فيكم محد يبي يحط صورة ) علشان اشوف كيف تربط الشوارع مع الخط السريع .,.
شغلة ثانية وهي سكك الحديد كيف اسويها ؟؟ ، يعني كيف طريقتها وين احط المبنى حق القطار الي يطلعون منه (في اثنين) ، ياليت لو صورة للشغلتين الي مستفسر عنها وتكون حليت لي المشكلة الي قاعدة نشبة في حلقي :D .,.





.,.

السلام عليكم

مره ثانية وثالثة معى مشاكل الاخ SniperZ :09:
اولا: يا مرحبا فيك

ثانيا : مشكلتك معى ان الجهاز يطفي (هل اللعبة ثقيلة او الرسوم مو واضحة) وان شاء الله اشوف لك حل !!!!

ثالثا : مشكلتك معى الطرق السريعة Highways
الطرق السريعة هي وسيلة رائعة و قوية تنتقل عبرها السيارات بسرعة كبيرة لتعبر كامل خريطتك بثوان. قلما تحدث ارتباكات في هذه الطرق السريعة ما لم تكن هي صلة الوصل الوحيدة بين المناطق . هذه الطرق مكلفة جدا لذلك لا تبالغ في بنائها حتى تصبح قادرا على دفع فواتيرها.
اذا لاحظتم فإن مستوى الطرق السريعة أعلى من سطح الأرض في مدينتك لذلك ان بحاجة إلى منحدر أو ما شابه للوصول الى الطريق السريع. بإختصار هذه المنحدرات"On-ramps" تصل ما بين الطرق و الطرق السريعة . لهذه المنحدرات استراتيجيات عدة فأنت بحاجة الى وضع المنحدرات على جانبي الطريق و في الطرفين . لذلك فكل طريق سريع سيحوي على اربع منحدرات على الأقل.
هنالك نوعان من المنحدرات overpass و side . المنحدرات الجانبية "Side on-ramps" تؤمن للسائق انتقالا من الطرق الى الطرق السريعة دون تخفيف السرعة او حتى حدوث أي ازدحام . منحدرات العبور"Overpass on-ramps" تسبب اختناقات مرورية و ارتباكات. اختيارك للمنحدر يتوقف بشكل أساسي على مناطقك. اذا كان الطريق السريع للوصل بين منطقتين فعليك اختيار المنحدر الجانبي. اذا كانت مناطقك موزعة حول الطريق السريع فمن الأفضل اختيار منحدر العبور لتفادي قطع كيلومترات زائدة. اذا كان لديك عدة طرق سريعة فأفضل طريقة هي أن تربطهم سوية بواسطة cloverleaf و ستحصل على مواصلات مريحة و سريعة و آمنة بنفس الوقت.

# عشان تعرف اسم الطريق او المنحدر ضع الماوس على الشكل وهو بيعطيك اسمه بالنجليزي

رابعا : القطارات

انت تقول ان هناك اثنان من مباني القطارات وهذا الكلام صحيح
المبنى الاول : لنقل الناس من مكان الى مكان اخر
شكله : مثل المنازل
مواضعه : يوضع في المناطق السكنية الى الصناعية او التجارية

المبنى الثاني : لنقل البضائع من مكان الى مكان
شكلة : مثل المتجر وفيه بعض البضائع
موضعه : يوضع في المناطق التجارية الى الصناعية فقط

وهذا كل شيء (واعذرني ما حطيت صور لاني ماني فاضي لها لكن اذا ما فهمت قلي وانا اضيفها)