أبغي رأيكم بخصوص ترجمة رسوم الأنايم في موقعي

عرض للطباعة

عرض 130 مشاركات من هذا الموضوع لكل صفحة

08-03-2002, 12:28 PM
link.p

اقتباس:

كتب العضو (mightygoro)
أنا دخلت موقعك.. وشفت اللنك لأول حلقة مترجمة بالعربي..
بس مو كل الناس تحب العربي (مثلي أنا).. فليه ما تحط لنك عربي و لنك أخر بالإنجلش لترضي الجميع...

أخوك Goro D

يكفيك انها لغة القرآن....:أفكر:

على فكرة انا ما قلت رايي بالموضوع....مع اني مثبته :)

المهم انا اقولك وبكل بساطه استـــــمر في الترجمه..وبنفس الوقت انتبه لدراستك...والله انا ودي اساعدك لكن ما عندي خبرة بهذي الأشياء.....:)

~~~~~~~~~~~~~~~~~~~~~~~~~~~

عموماً شباب في كثير من الأعضاء دخلو الموضوع ولا صوتو....ياليت كل واحد يدخل يصوت ويبدي رايه بالموضوع...حتى لو ما نفع وياه التصويت يحاول ....

هذا الي عندي وشكراً....
08-03-2002, 12:57 PM
mightygoro

لغة القران على عيني وراسي .. بس هذا مو يعني إنه أخلى لغة في كل شئ صح؟؟؟
بالله عليكم تقرا Bullshit و لا تقرا هراء...
الإنجليزي له قوة في التعبيير أكثر صح؟؟

أخوكم Goro D
08-03-2002, 01:24 PM
RIKKU

اقتباس:

الإنجليزي له قوة في التعبيير أكثر صح؟؟

لا .................... اللغة العربية ارقى مما تصور
عشان هذي الكلمات البذيئة الي ما تستاهل تترجم قلت ان الانجليزية ارقى في التعبيررر

انا صوت قبل للترجمة العربية و شجع بطل الامارات ان يستمر
08-03-2002, 01:49 PM
mightygoro

أنا معاك إنها كلمات بذيئة بس الترجمة تتطلب كذا...
مثال:
Bathow-sai
باتو-ساي
إنشا الله عمرهم ما باتو..

Hitten Mitsurugi Ryuu
هتن-ميتسوروغي-ريو
بالله عليك إيش أحسن...
08-03-2002, 02:17 PM
بطل الأمارات

في البدايه أحب أشكر الأعضاء Ranzie Eto - link.p - RIKKU الي ردوا على العضو mightygoro وردكم كان كافي وافي وما أبغي أزيد عليه
بس بغيت أقول لـ mightygoro .. أنته جوف الحلقه في الأول و بعدين أحكم عليها ...لا تحكم على الشيء قبل ما تجوفه.. وأوافق الأعضاء الكلام العربي هو أبلغ وأفصح كلام في العالم وما فيه لغه تعلى على اللغه العربيه :)
أنا أحترم وجهت نظرك .... بس شيء غريب أنك تفضل اللغه الأنجليزيه على اللغه العربيه عشان الكلام البذيء أو الشتايم ... وأسمحلي إذا قلت شيء يزعلك ...وشكراً :)
08-03-2002, 04:50 PM
Touya

انا مو بس أشعك أنا مستعد أساعدك! أنت بس أشر وإحنا نقشر! أنا مستعد أترجم معك بالمناسبه أن عندي مسلسل Love Hina كامل معAyashi no Ceres من 1-19 وجاهزين على سيديات كان تبى.. مع حاجات ثانيه مثل Trigun و RK

بس سين سؤال شلون قدرت تعدل الDivX??? هذا أذا كانت الملفات المصدر مسحوبه من DVD بالعاده تكون DivX وأنا توهقت معه
:":

للأمام!!!!!!!!!!!!!!!!!1

":"
08-03-2002, 04:55 PM
ortiga

أنا أبقول شي واحد
شكرا لك لتوفير الحلقات على موقعك بغض النظر عن الترجمة.
08-03-2002, 05:09 PM
بطل الأمارات

مشكور على المساعده ... إذا على الحلقات أنا مب مشكله عندي أقدر أيب هاي المسلسلات الي تكلمت عنها بس على العموم مشكور على العرض :D
بخصوص تحويل الـDVD ال Divx أنته تحتاج برنامج يحوله ... أما تصغير الحلقه فتحتاج compressor وبرنامج مساعد ... طبعاً فيه عدت برامج .. فيه برامج صعب أستخدامها و النتيجه تكون رائعه .. وفيه برامج سهل أستخدامها ولكن النتيجه سيئه :أفكر:
و فايلات الـ DVD عموما تكون وايد كبيره مثل mpeg2 أما الـ Divx تكون أصغر... بالأستعانه بأكثر من compressor منها Divx3 و Divx4 slow motion و Divx4 fast motion و آخر أصدار للـ Divx الي هو Divx4.12
إن شاء الله بس أكون أفدتك :)
08-03-2002, 05:12 PM
بطل الأمارات

اقتباس:

كتب العضو (ortiga1)
أنا أبقول شي واحد
شكرا لك لتوفير الحلقات على موقعك بغض النظر عن الترجمة.

العفو يا أخوي :)
08-03-2002, 06:33 PM
link.p

اقتباس:

كتب العضو (mightygoro)
أنا معاك إنها كلمات بذيئة بس الترجمة تتطلب كذا...
مثال:
Bathow-sai
باتو-ساي
إنشا الله عمرهم ما باتو..

Hitten Mitsurugi Ryuu
هتن-ميتسوروغي-ريو
بالله عليك إيش أحسن...

لا ياخوي انت غلطان 100%....

صراحه النطق الأنجليزي لهذه الكلمات غبي وسخيف....

النطق العربي افضل فيها......لكن طبعاً الياباني هو الأنسب لمثل هذه الكلمات......

لكن لازم نعتز بغلتنا ....

اما اللغه الانجليزيه فهي اقذر لغة....كلماته غير راقيه مثل ما قالت الأخت ريكو.....

مدري وش الي عاجبك فيها....
08-03-2002, 06:38 PM
Touya

أنا عندي كم برنامج بس كل ماحولت من DivX إلى Mpeg لاحظت أن Xing مايقدر يشغل الملفات زين أما Windows Media Player فيشغله بسلاسه أنا أستعمل TMPGEnc لتحوبل الصوره و virtualdub قبله لتسجيل الAvi بضاغط صوتي يدعمه TMPGEnc

عندك برنامج يبدلهم؟؟؟؟
08-03-2002, 09:01 PM
بطل الأمارات

Touya

في أكثر من برنامج أختار إلي ترتاحله

SmartRipper 2.41
Vobrator 0.2
vStrip 0.8f_css
DVD2AVI 1.76

وطبعاً أنت عندك ال virtual dub تقدر تصغر الفايلات باستخدام compressors إللي قلتلك عنهم
09-03-2002, 03:56 PM
kirby64

:o انا انصحك انك تستمر طبعا:) والى الأمام.
10-03-2002, 03:34 PM
بطل الأمارات

مشكور يا kirby64 وأنا بستمسر إن شاء الله
طبعا النتيجه صارت واضحه الحين .... معظم الأعضاء صوتوا على إني أستمر (رغم أنه مب كثيرين الي صوتوا :أفكر: ) لاكن في النهايه النتيجه أني أستمر في الترجمه وأنا بأخذ برأي أغلبية الأعضاء طبعاً وبستمر في الترجمه إن شاء الله :)
لاكن يمكن أتاخر في ترجمة كل حلقه والثانيه ... لأنه هاي الأيام ما عندي وقت فراغ مثل قبل :أفكر: يعني في كل شهر أو شهرين تقريبا بنزل حلقه جديده ...قبل ما أنهي كلامي أنا جفت أنه الكثير منكم طالب بأني أترجم أفلام أنايم بدل المسلسل و أنا الحين أبغي آخذ رايكم في الموضوع أكيد أنا ما بتوقف عن ترجمة مسلسل إنيوشا لاكن ممكن أني أترجم فلم قبل ما أكمل في المسلسل وأنا أخترت أني أترجم مسلسل كونان الأخير فشو رايكم أترجمه أو أبدا على طول في ترجمه الحلقه الي بعدها في مسلسل إنيوشا ....وأحب أشكر الجماعه الي ردوا على الموضوع وإن شاء الله أكون عند حسن ضنهم في :)
10-03-2002, 03:50 PM
link.p

اقتباس:

كتب العضو (بطل الأمارات)
مشكور يا kirby64 وأنا بستمسر إن شاء الله
طبعا النتيجه صارت واضحه الحين .... معظم الأعضاء صوتوا على إني أستمر (رغم أنه مب كثيرين الي صوتوا :أفكر: ) لاكن في النهايه النتيجه أني أستمر في الترجمه وأنا بأخذ برأي أغلبية الأعضاء طبعاً وبستمر في الترجمه إن شاء الله :)
لاكن يمكن أتاخر في ترجمة كل حلقه والثانيه ... لأنه هاي الأيام ما عندي وقت فراغ مثل قبل :أفكر: يعني في كل شهر أو شهرين تقريبا بنزل حلقه جديده ...قبل ما أنهي كلامي أنا جفت أنه الكثير منكم طالب بأني أترجم أفلام أنايم بدل المسلسل و أنا الحين أبغي آخذ رايكم في الموضوع أكيد أنا ما بتوقف عن ترجمة مسلسل إنيوشا لاكن ممكن أني أترجم فلم قبل ما أكمل في المسلسل وأنا أخترت أني أترجم مسلسل كونان الأخير فشو رايكم أترجمه أو أبدا على طول في ترجمه الحلقه الي بعدها في مسلسل إنيوشا ....وأحب أشكر الجماعه الي ردوا على الموضوع وإن شاء الله أكون عند حسن ضنهم في :)

اختيار صائب....:)

وانا انصحك بترجمه فلم أنيمي قبل ما تكمل باقي الحلقات.....

وياليت كل ما تخلص من ترجمه حلقة من انيوشا او فلم لكونان تعرضه في المنتدى عشان ما توفتنا الترجمه...:)

وشكراً...

عرض 130 مشاركات من هذا الموضوع لكل صفحة