قضية الاسبوع ҉ಢ ೋ المولود الجديد ೋ ಢ

http://i3rab.com/forum/richedit/upload/2k028b4cac06.gif


نرحب بكم ثانية في قضيّة الاسبوع في عنوانها الجديد


http://images.subeta.net/items/item_...lower_blue.gifالخــــــدمhttp://images.subeta.net/items/item_...lower_blue.gif


يشمل الموضوع الخادمة والسائق والطباخ والمزارع وكل من يعمل ويساعد في المنزل

http://www.dreamchaserbulldogs.com/g...er_divider.gif


http://images.subeta.net/items/item_...lower_blue.gifالقوانينhttp://images.subeta.net/items/item_...lower_blue.gif


يمنع الشتم او استخدام أي عبارة فيها اهانة عند التحدّث عن أي من الخدم...حتى لو أردنا التحدث عن جريمة ارتكبت فيمكن التعبير عن الغضب والاستنكار بكلمات مثل "مجرم - خائن - شرير...ولكن دون شتم" ^_^


http://www.dreamchaserbulldogs.com/g...er_divider.gif


هذا الموضوع لا يحتاج إلى أسئلة مساعدة...فهو موضوع حر يشمل التحدث عن مصدر الخدم أو كيفية التعامل معهم أو مواقف ونوادر...الخ

http://www.dreamchaserbulldogs.com/g...er_divider.gif


http://images.subeta.net/items/item_...lower_blue.gifفليبدأ النقاشhttp://images.subeta.net/items/item_...lower_blue.gif

السلام عليكم ورحمة الله وبركاته



موضوع نقاشي حلو وجاي بوقته

بتناقشه اول مرة بشكل بسيط وخفيف لاني صراحة تعباآنه و فيني نوم X_X

Yes , my battery is low

والظريف بالامر ،، انه بسبب اشغال البيت فالشغاله والسواق سافروا لديرتهم لهالاجازة

بسم الله نبدا :

هو سؤال قلما نطرحه على انفسنا

هل الخدم ترف ام ضرورة ؟؟


قبل لا اجاوب على السؤال بحط تعريف للترف :" هو تجاوز حد الإعتدال فى نعمة من النعم "

هو امر واقع ، ان بعض الاسر يكون عندها اكثر من خادمتين فوق احتياجات الاسرة نفسها وفوق طاقتها



وصار وايد ناس يتفاخرون بعدد الخدم اللي عندهم من غير سنع لمجرد البهرجه اجتماعية -حتى لو امكانياتهم ماتسمح -،،

يعني ربة المنزل تكون Stayed at home mom عندها
خدامه تقوم بغسل الملابس وخدامه تقوم تطبخ وخدامه تربي الطفل ..اوكيه عيل شبقى للام اذا حتى الياهل ماسكته الشغاله؟!


انا أشوف انا الخدم ضرورة لما :

1- الام موظفة
2- افراد اسرتها كبير يزيد عددهم عن 3

اما اذا كانت موظفة وعدد افراد الاسرة اكثر من 3 فبالفعل مافي داعي لاي خدامه
يقدرون يتدبرون امرهم مع شوي تنظيم وتخطيط ..


السواق هل هو حاجة ام ترف ؟؟

اذا عندنا اسرة مكونه من ام واب وطفلين Both parents drive..وكان الوالدين موظفين فسهل انهم يودون الاطفال لمدرستهم

لكن صراحه بمجتمعاتنا الاسرة تكون عندها 5-7 اطفال تتراوح اعمارهم ومراحلهم الدراسية بين الابتدائي والمتوسط والثانوي

وهنا مايقدر ولي الامر انه يقطهم كلهم على دربه للدوام already بيتأخر ..

انا اشوف انه حاجه صراحة حتى لو كان اهل البيت يسوقون بهالحاله ..



اما بالسعودية ..حاقة تاني خالص :09:

السواق ضرورة درجة اولى ،، صحيح ان مافي قانون يمنع المراة من القيادة لكن العرف فرض دوره

بدون السواق تتعطل الاشغال ،،قبل لا يسافر ينكرف كرف الكل يبي يخلص مواعيد اسنانه وطلعات السوق والكوافيره قبل لا يسافر السواق خخخخ




مـــــــــــــــوآقف مضحكــــــة ~

خالتي جتها خادمة جديدة ، ومساكين بعضهم يكونون من قرى بعيدة ونائية ومو متعودين على اقل مظاهر الحضارة

بيوم من الايام خالتي طلبت من الشغاله انها تدخل اغراض السوبر ماركت ، اوكي دخلتهم الشغاله ماقصرت

لكن كان في اشياء باماكن حيل غلط مثل لما خالتي فكت الثلاجة ولقت فيها صابون :boggled: !!

------------------------------------------------------------------

وسمعت قصة عن وحده جالهم سواق جديد لا يتكلم عربي مكسر او انجليزي :blackeye:

طبعا بمشاوريهم مافي تواصل لغوي على الاطلاق ! واذا تعطلت لغة الكلام تكلمت لغة ...؟؟

فشيسون اذا بيوصفون له مكان ؟!

كانت الام تحط عصاة طويلة بالسيارة ،، واثناء مالسواق يسوق تمد العصاة جدامه وتأشر يمين >> لف يمين
تطق يسار << لف يسار

العصاة مستقيمة << امش سيدة :biggthump

خوش شي ههههههههه :09:



أراشي احب مواضيعج وابداعاتج ،،ماشالله You`re so creative

Keep up the good work :silly:

للاسف الخدم عند البعض اصبحوا موضة ( اي البعض ليس بحاجتهم ولكن تقليد ) حتى ان بعض الامهات ترمي اطفالها على الخادمة وتنسى دورها كأم وربة منزل , والبعض يهينهم بشتى انواع العذاب والاهانة , وقد ثبت عن النبي صلى الله عليه وسلم أنه قال: ((الراحمون يرحمهم الرحمن، ارحموا من في الأرض يرحمكم من في السماء))فيجب ان نعاملهم كما يجب .

اقتباس:

---

والظريف بالامر ،، انه بسبب اشغال البيت فالشغاله والسواق سافروا لديرتهم لهالاجازة

---

ههههههه صح الموضوع جاي في وقته XD

اقتباس:

---

اوكيه عيل شبقى للام اذا حتى الياهل ماسكته الشغاله؟!

---

هالشي أكرهه في امهات هالزمن...دام بعد الدوام او لو ماعندج دوام اصلا اهتمي بعيالج >_>
مهما يكون الياهل ترى يحس ان مب مرغوب فيه ويصير عصبي وعنيد وتربيته صعبه لما يكبر
هذا غير اللي ممكن الشغاله تعلمه في غياب امه >_>

اقتباس:

---

السواق هل هو حاجة ام ترف ؟؟

---

مع ان احنا كلنا نسوق في البيت ما عدا اخونا الصغير
لكن still...شوارعنا زحمه ومحد فينا يقدر يوصله المدرسه لأنها بعيده >_>
تغيّرت الدنيا عندنا...اول كان الاب يقدر يوصل العيله كلها في خلال نص ساعه ويوصل شغله
الحين محتاج ساعه كامله عشان يوصل واحد بس لمدرسته >_>

اقتباس:

---

مثل لما خالتي فكت الثلاجة ولقت فيها صابون :boggled: !!

---

اوووووووووووووووووووه مصيبه @@"
احنا ما نجيب من هالاماكن لأن صج عوار راس ><"
اخاف احصل تحت سريري صينية عيش يوم واحد...بس الله يعينهم لين ما يتعودون عالشغل >_>

اقتباس:

---

العصاة مستقيمة << امش سيدة :biggthump

---

هههههه والله ذكيه XD
احنا جبنا واحد جذي لكنه تعلم اللغه من اللي تعرف عليهم وكانوا يعرفون عربي
ما شاء الله وصار احسن من اللي عندهم لغه

اقتباس:

---

أراشي احب مواضيعج وابداعاتج ،،ماشالله

---

اقتباس:

---

You`re so creative

---

تسلمين ألبيد ومشاركاتج تحلي المواضيع -__^

اقتباس:

---

---

اقتباس:

---

وقد ثبت عن النبي صلى الله عليه وسلم أنه قال: ((الراحمون يرحمهم الرحمن، ارحموا من في الأرض يرحمكم من في السماء))فيجب ان نعاملهم كما يجب .

---

تخيّل...عندنا بنات مايشيلون شناطهم بنفسهم...الاخت تمشي وماكسه الجوال تسالفو تضحك والخدامه المسكينه شايله عنها كل أغراضها
والله حتى الملكه اليزابيث ما سوتها..اجوفها في الصور شايله شناطها في يدها >_>

دلع ><"

وشكرا بالثيير على المشاركه في القضيه ^^

O_o
الله موضوع يبي له قعده

احس ماعندي شي اضيفه لان ألبيد ماشاء الله عليها ماقصرت^^

بالنسبه لنا احنا بيتنا عيال وأحفاد والام الله يحفظها ماتقدر تمشي وتتحرك زي الاول

والعيال طبعا في الدراســه مشغولين:silly:

احس احيانا انا الوحيدة الي انظف معاها مع انني اكره شي اسمه تنظيف

بس انا كذا من نفسي لشفتها تشتغل واجد استحي واقوم ارتب غرفتي واغراضي الشخصيه

غير كذه احيانا اكون فعلا كســـوله :09:

بس مو كل شي نخليه عليها الا اذا كان عندنا ظغوطات هايله :28:

الخدم يأتون علشان يكسبون رزقهم من العمل حتى السواقين
لذلك يجب أحترامهم
أحترمهم يحترمونك لا تسي إليهم
فهم مثلك بشر ولا يجب أذيتهم
بعض الناس يستخدمونهم لغرض تافه
لكن هم اتوا كي يكسبوا رزقهم .
تقبلي مروري

السـلام عليكـم ...

من رأيي :
وجود الخدم ليـس خطئـاً ..
بل هنـاك بعض الأسـر تتمادى في استخدام الخدم .

على سبيل المثـال :
1_بعض الأسـر .. تجعـل الخادمـة هي من تضع الجدول المدرسـي للطفـل
أي ..
هي من ترتب كتبـه وتضعـه في الحقيبـة

2_و هنـاك بعض الأسـر .. تعامـل الخدم كالحيوانـات
أي
عندمـا نذهب لمكـان معيـن و نحن في السيارة .. نرى سيارة أمامنـا واضعيـن الخدم في دبـة السيارة ... وفوق كل هذا الخدم نائمات على بعضهـن
من كثـر ما المكـان ضيـق .. فهذه إهانـة .. و المقاعد الأماميـة لا يوجد أحـد :(

3. بعض الأسـر .. تجعـل الخادمـة تنظـف من وراء البنت في كل شيء ..
أي ..
ترتب ملابسهـا التـي في الكبت .. أو ترتب أمورهـا الخاصـة

فالخادمـة .. كل ما عليهـا على الأقل
هو تنظيـف المنزل و ممكن الطبـخ .. لكن ليس كل شيء

و إن كان هناك المزيد سأشارك ..
و أعتذر على هذه المشاركـة السريعـة
و شكـراً

اقتباس:

---

بس مو كل شي نخليه عليها الا اذا كان عندنا ظغوطات هايله :28:

---

بالضبط...انا حتى ماحبيت أستخدم كلمة "خدم" للعنوان لكن ما لقيت كلمه ثانيه مناسبه
هم يعتبرون مثل مساعدين في تدبير أمور المنزل...لكن مايصير نعتمد عليهم في كل شي...هم بني ادمين في النهايه @@
أعرف ناس حتى قلاص ماي مايجيبونه لنفسهم...يخلون الشغاله تصب لهم الماي..ايش هالكسل؟ >_>

اقتباس:

---

أحترمهم يحترمونك لا تسي إليهم

---

صح...البعض يشتكي من طولة لسانهم
أكيد....لو ما جافوا احترام من اهل البيت شلون بيحترمونهم؟ @@

اقتباس:

---

هي من ترتب كتبـه وتضعـه في الحقيبـة

---

المفروض يكون هذا عمل الام + الطفل لازم يتعلّم ترتيب أغراضه بنفسه

اقتباس:

---

عندمـا نذهب لمكـان معيـن و نحن في السيارة .. نرى سيارة أمامنـا واضعيـن الخدم في دبـة السيارة ... وفوق كل هذا الخدم نائمات على بعضهـن
من كثـر ما المكـان ضيـق .. فهذه إهانـة .. و المقاعد الأماميـة لا يوجد أحـد :(

---

حرام والله..ما جفت مثل هالمنظر قبل لكن حسابهم عن رب العالمين عسير >_>

اقتباس:

---

ترتب ملابسهـا التـي في الكبت .. أو ترتب أمورهـا الخاصـة

---

المفروض أصلا ماتسمح لشخص غريب يفتح كبتها >_<

السلام عليكم و رحمة الله و بركاته يعطيكي العافية اراشي على اختيار الموضوع..انا من طفولتي ما اتذكر الا شغالتين كانوا شي خرافي طيبين يفهموا عربي طبعاً الوالدة (الله يحفظها و يطول من عمرها) تقول و انا صغير ما تحب تخليني مع خدم ابداً الا هذول الإثنين (Monica و Rona :09:) يعني زمان موعد نومي كان الساعة 9 يوم الوالدة تطلع تخلي هذول الإثنين حرس علي ما تجي الساعة 9 الا و انا في السرير -___- لاكن بعد ما سافروا..ما عاد شفنا شغالات الى اليوم.

من المواقف الي اضحك لما اتذكرها كنت اقول للشغالة (وحدة من هذول الإثنين) ابغا اندومي تقولي لا اقولها ابغا اندومي تقول لا انقهرت و اخذت ملعقة حديد و رميتها عليها لاكن زي النينجا ما جات فيها و جات في الفرن القزاز الي وراها انكسر قزاز الفرن انا صار وجهي زي كذا :bigeyes: و للأسف الوالدة عرفت..بعدها شفت النجوم في عز الظهر xD بس هذا الي اتذكره ^__^

اقتباس:

---

اما بالسعودية ..حاقة تاني خالص :09:

السواق ضرورة درجة اولى ،، صحيح ان مافي قانون يمنع المراة من القيادة لكن العرف فرض دوره

بدون السواق تتعطل الاشغال ،،قبل لا يسافر ينكرف كرف الكل يبي يخلص مواعيد اسنانه وطلعات السوق والكوافيره قبل لا يسافر السواق خخخخ

---

اتفق معاكي -____-

اقتباس:

---

(Monica و Rona :09:)

---

مونيكا...كانت تشتغل عند خالي وكانوا يبمدحونها...لاتكون نفسها عاد XP

اقتباس:

---

لاكن زي النينجا ما جات فيها و جات في الفرن القزاز الي وراها انكسر قزاز الفرن انا صار وجهي زي كذا :bigeyes: و للأسف الوالدة عرفت..بعدها شفت النجوم في عز الظهر xD بس هذا الي اتذكره ^__^

---

ههههههههه خطيره والله عرفت تتفادى الضربه XD

اقتباس:

---

اتفق معاكي -____-

---

الله يعينكم والله...بس تبون الصج؟ انا اللي عني ليسن مستحيل أسوق في شوارع السعوديه...أحسها خطره @@"
احنا لو مب الزحمه اللي تمسك الشباب عن السرعه كانت شوارعنا بتكون نفس الشي >_>




نوووووووو تذكرت جوزيفين Y_Y
وايد زين وبشوشه لكنها سافرت من 10 ايام واتقدر ترجع بسبب عيالها -__-
جوزيفيييييييييييييييييين http://www.cute-factor.com/images/sm...n/0eeeff42.gif <<<<< صارت نابيليون بونابارت XD

السلام عليكم
اعتذر كثيرا لعدم مشاركتي في النقاش السابق وعلى تأخري في المشاركة بهذا النقاش
للأسف لا اعرف الكثير عن الخدم لأننا لا نملك خدم و لا نحتاج اليهم
و لاكن سوف اعلق فقط على قصصكم ^_^
وان شاء الله لي رجعة غدا لأعلق و اناقش بأذن الله

ملاحظة لأحد الاخوات/ يوجد نظام يمنع ذلك وهو صادر بتاريخ 1411
والله يستر علينا جميعاً ونحن ولله الحمد في نعمه ترا

+

تسجيل حضور :)

السلام عليكم

شصار فالمنتدى ؟؟ ماشوف نشاط وتفاعل مثل الاول ): <<<< انتي منهم يالميته XD

ممم من وين ابتدي ؟؟ للأسف تعلمنا وعودنا نفسنا عالخدم .... طبعا تلاحظون كثرت جرايم الخدم وشرداتهم بس ياترى شنو السبب؟؟

1- بعض المعزبات يكرفون خدمهم كرف مب صاحي حتى كوب الماي مايجيبونه حق نفسهم يأمرون الخدامه تجيبه لهم

2- اهانة الخدم فالمعامله والكلام كانهم مب بشر

3- احيانا العيب من الخدامه نفسها ووايد منهم يجون بس يلعبون ويغيرون جو وماعندهم جديه حق الشغل حتى لو كان عندهم عيال يصرفون عليهم

الحين عشان تجيبون خدامه يديده عندنا في قطر يكلفنا 8000 ريال ><" وغير القانون الجديد السخيف الي مطلعينه في حق الخدم الفلبن <<< متعودين عليهم مانعرف نتعامل مع غيرهم

مثلا احد القوانين السخيفه ان ينصرف لها فالشهر تقريبا 1000 ريال وشوي... وان تشتغل فاليوم 8 ساعات فقط وان لازم فالويك اند نسمح لها تطلع ... المفروض تحمد ربها ان اكلها وشربها علينا
وفوقه يشترطون علينا مثل هالشروط ؟؟ الحين الطلبات الجديده بتنطبق عليها هالقانون السخيف يعني الحق ماتلحق XD

الحمدلله في بيتنا يتمون الخدم الجدد 4 او 5 سنين لان احنا تقريبا نعتمد على نفسنا في وايد اشيا ونحترمهم ...

المره الجايه بقول لكم قصص الخدم الي عندي ^_^

اقتباس:

---

الحين عشان تجيبون خدامه يديده عندنا في قطر يكلفنا 8000 ريال ><" وغير القانون الجديد السخيف الي مطلعينه في حق الخدم الفلبن <<< متعودين عليهم مانعرف نتعامل مع غيرهم

مثلا احد القوانين السخيفه ان ينصرف لها فالشهر تقريبا 1000 ريال وشوي... وان تشتغل فاليوم 8 ساعات فقط وان لازم فالويك اند نسمح لها تطلع ... المفروض تحمد ربها ان اكلها وشربها علينا
وفوقه يشترطون علينا مثل هالشروط ؟؟ الحين الطلبات الجديده بتنطبق عليها هالقانون السخيف يعني الحق ماتلحق XD

---

تصدقيـن عاد يامــي ..
احتمـال حتـى أحنـا عندنـا بالكويــت راح يتطبـق هالقانـون ..
:(
و أعتقـد على كـل الخدم مو شرط فلبـن :boggled:

بـس أنـا إلـي سمعتـه ..
إن الخدم أهـم إلـي راح يصرفـون على روحهـم ..
مادري إذا أنـا سامعـه غلط ولا لا ..

فالله يستـر على إلي يـاي
:أفكر:

السلام عليكم

امممممممممم الخدم قاهريني
يمكن قبل مظلومين لكن حاليا احنا المظلومين , يعني عشان يعطون الخدم حقوق أكلو حقوقنا
مثلاً عندنا بالكويت الكفاله 3 شهور , واللي حاصل ان بعد الثلاث شهور تنحاش الخدامه للسفارة التابعه لها
ويكون الكفيل دافع مثلاً 600 دينار تروح عليه ويرجع يدفع كثرهم لوحده ثانيه عشان تنحاش مثل اللي قبلها
واللي حاصل عندنا حاليا ان مكاتب الخدم صايرة تجارتهم جذي يطلعون من ورى الخدامه الوحده فلوس
يبيعون ويشترين فيها اكثر من مرة
والخسران الكفيل
صديق لي يبجي :)
انقهر يقول والله اعاملها احسن من زوجتي وبالنهاية تنحاش :)

طبعاً الحين عندنا بالكويت ماكو خدم :)
حيل حيل قليل , مادري سمعت ان راح يلغون تصاريح كاتب الخدم
يمكن يخلون وزارة تتكفل في هالشي
يعني هالشي ممكن يحمينا من طمع اصحاب المكاتب
واللي قاهرني ان اصحاب المكاتب قبل كويتيين
الحين لا كل كويتي يضمن المحل يعني يسلمه حق هندي او مصري او اي جنسية واهو ياخذ المقسوم كل شهر
واللي مستلمين المكتب كل ما اخذ كويتي خدامه يوصون الخدامه انها تنحاش بعد انتهاء الكفاله واللي اهي ثلاث شهور او 100 يوم

والله مادري شنو الاهم ابن البلد ولا الخادم
انا ما ابي ينظلم الخادم بالنهاية اهو بشر , بس وين العقول الليربالديرة يشوفون حل يضمن حق الاثنين
المواطن والوافد او الخادم

هذا اللي عندي حالياً وان شاء الله لي عودة :)