قضية الاسبوع ҉ಢ ೋ المولود الجديد ೋ ಢ

وعليكم السلام..
بالنسبة لموضوع الخدم ما عندي خبره معهم..
لأن متعودين أنا وأخواني من واحنا صغار اننا نعتمد على بعض ونساعد بعض.
لكن أتذكر خالي و زوجته عندهم خادمة .. وكانت تهتم بجدتي "الله يرحمها"
ولما كانت تجي عندنا "أيام الجمعة " كانت تحس بفرق المعاملة..
لاننا كنا نعاملها كأنها فرد من العائلة.. ومافي تفرقة بيننا وبينها..
يعني مثلا في الأكل والشرب .. هي متعوده أنها تاكل باقي الاكل..
لكن لما تجي عندنا انصدمت لما حطينا لها أكل "طازج مو بقايا" وقلنا لها تعال أجلسي معنا..
فـ مع مرور الأيام والمعاملة الحسنة.. لما جت تبغى تسافر كانت تبكي وتعلقت فينا
وتتمنى أنها تشتغل عندنا .. وسافرت بالنهاية T_T

بشكل عام أنا أشوف العمالة سواء خدم "بأنواعهم" أو العمالة اللي تشتغل في تنظيف الشوارع
أشوف أننا نعاملهم كأنهم بشر مو حيوانات ونحاول نتواصل معهم..
وأقصد بالتواصل مو يعني كلام سطحي .. كويس وإلخ
لا.. نتأكد أنهم بخير مو محتاجين شيء لأنه بالطريقة هذه
راح نكسبهم .. وثانيا راح ينعكس علينا ونحس بفرق الخدمة..
لكن كمان مو نعاملهم معاملة طيبة لدرجة انهم يستغفلون الواحد ويخلونه مغفل ..
لا تشد الحبل عليهم ولا تتركه مفلوت و على راحتهم.. يعني وسطية في التعامل..

~ بسم لله الرحمن الرحيم ~

من محاسن الدين الاسلامي ,ان وضع لنا كل ماييسرامورنا من الشريعة عادلة لاظلم فيها ولا جور من يتمسك بها فانه يحيا الحياة الطيبة ,
حتى علاقتنا مع الاخرين نظمها , ووضع لها قواعد واسس .. جامع لها , حسن الخلق , وفن التعامل مع الاخرين , واعطاء كل ذي حق حقه ,
وعلى سبيل المثال المعاملة مع الخدم .

الكل يعلم ان المؤمنين في توادهم , وتراحمهم كالجسد الواحد .
الكل كذالك يعلم ان كل مسلم على مسلم حرم دمه , ماله , عرضه
ولكن بدون تتطبيق ونعلم ان امرأة دخلت النار بسبب هرة فما بالنا بمن يستعبد الناس من الرجال , ونساء وقد ولدتهم امهاتهم احرارا
اعني بهذا من له خادمة ولايعطيها حقوقها , التي سيحاسبه الله عليها , ومن جملة هذه الحقوق ان يكون هناك عقد عمل بين الطرفين
و ان لا تتعدى مدة العمل اليومي اكثر من 8 ساعات , ان يكون لها مسكن خاص او غرفة خاصة , ان يكون هناك احترام متبادل بين الطرفين
, ان تعتبر الخادمة كأحد افراد العائلة , ان لانكلفها بما لاتستطيع , ان لانسمح لأحد من افراد العائلة بالتطفل عليها , او الظلم ظلمات يوم القيامة.

الاساءة الى الخدم و ظلمهم ليس من عادات المسلمين وليس من الامور الشرعية , عن النبي صلى الله عليه وسلم ,, كان رحيماً بالخدم و قد
خدمه انس بن مالك عشرة سنين و قال : خدمة النبي صلى الله عليه وسلم في المدينة عشرة سنين و انا غلام , فوالله ماقال لي اف قط و ماقال
لشيء فعلته , لم فعلته ؟ , لالشيء تركته , هل فعلته ؟

وعائشة رضي الله عنها تقول : ماضرب النبي صلى الله عليه وسلم خادمة له ولا امراة , ولا ضرب بيده شي الا ان يجاهد في سبيل لله .
و قد قال النبي صلى الله عليه وسلم عن الخدم : هم اخوانكم و خولكم و جعلهم الله تحت ايديكم , من كان اخوه تحت يده فليطعمه مما يأكل
, و يلبسه مما يلبس , ولا تكلفوهم من العمل مالا يطيقون , وفان كلفتموهم فأعينوهم عليه .
وكان ابو ذر رضي الله عنه اذا لبس حلة يلبسه غلامه مثلها , فكان يرونه يمشي معه , وهما يلبسان حلتين متشابهتين .

يعطيج ربي الف عافيه اروش على اختيارك للقضية ^^
تحياتي : )

السلام عليكم
يعطيكم العافية جميعا
ولاكن من فترة لم نرى قضايا جديدة للنقاش عنها
وللأسف كنت سأكمل على هذا النقاش ولاكن لا يوجد عندي ما اضيفه

مع الاسف انشغلت فتره وما قدرت أجهز للقضيه اليديده @@
قريت ردود الجميع ويعطيكم العافيه ^_^
واسفه اني ماقدرت أرد واحرك الموضوع -__-

حاليا اجهز للقضيه اليديده وبكون هالمره دمها خفيف...وراح تستمر لين رمضان باذن الله ^^

السلام عليكم ^^

سبحان الله وانا امس اسال نفسي اقول شصار ع الموضوع من زمان عنه ،، كلنا نمر بظروف تشغلنا والله يكون بعونج اراشي ^^

ننتظر القضية القادمة ^^

الخدامه هذي هي الشخص الوحيد اللي لازم نسب فيه
الانسه ماخذه كل شي لعب وترفع صوتها وتضرب عن العمل بس بالاخر ترجع تشتغل
انا اشوف ان العماله لازم تعامل بجديه مخصوص اللي داخل البيت لانهم يتمادون
انا اشكركم ع هذا الموضوع الرائع تقبلوا مرووووري وان شاء الله دوم راح اشارك في هذا الموضوع

ياجماعه ادري ان الخدم يرفعون الضغط والاعصاب ....

بس تحملوهم شوي وصبرو عليهم لسببين:

الاول : يكسرون الخاطر متغربين عن اهلهم ويشتغلون بره ديرتهم وفقاره ومساكين

الثاني: سوالف الخدم تخرع من سحر وانتقام !!! فعامل الخادمه عدل علشان تعاملك عدل


______________________

عندنا خدامه صار لها 5 سنوات عندنا والله عطاها من الغباء اللي يخلي البني آدم ما يتحمل
كم مره تحرق تي شيرتي
كم مره تضيع اغراضي >>>> بحسن فيها الظن وماراح اقول تبوق
كم مره اطلب منها شي وما تسويه
كم مره اناديها وماترد تتصيمخ
كم مره تواعد سواق الفريج واطيح عليها هههههههههههههه الغبيه عايشه دور اشواريا وكل اللي تكلمهم اخوانها >>>> علينا ترى نشوف افلامكم
اكلمها تتقر وتتريع بوجهي
ماتعرف شي بالذرابه والاتكيت
لا وبعد ساعات تزفني وتصارخ علي وتعطيني ظهرها



عاد انا ما اقصر معاها هههههههه XD
بس ساعات احس انها تكسر خاطري

في العيد اعطيها فلوس وبين فنره وفتره اعطيها فلوس عاد الخبله تستانس
ومره عطيتها نعال كرم السامع >>> كنت شاريها حق الوالده وطلعت صغيره

انا اعاملها زين علشان تعاملني زين ولا تفكر تضرني


ولا تنسون الخدم يسوون لنا اكل ههههههههه ديرو بالكم
والخدم اهم اللي يشوفون اخوانا واعيالنا ومأمنينهم على بيوتنا

كم مره نسمع سوالف الخدم من الناس والجرايد .... نخاف والله من جذي راقبو خدمكم وعاملوهم زين

عـدل كلامــــك dely10

نعامـل الخدم باحترام عشـان يعاملونـا بالمثــــل
بـس عاد مو فوق حده :09:

و لا تنسـون ترى هذيـل بشـر مثلنـا
يتعبـون و يحسـون و .... إلـخ
:)

هذاك خدم اول مساكين مب الحين >_>
الحين ايون يغيرون جو ويشردون -..- الا من رحم ربي
مادري شنو كتبت بخصوص رايي فالموضوع
بس والله احنا ماعطينهم وجه اكثر من اللازم لاني كل شي بروحي اسوي .. اكوي بروحي ماعطيهم يكوون لي شي الا نادر ولو مافي عشى كل واحد يدش المطبخ
ويتصرف بنفسه وحتى لو ابي اكلم اراشي عن وحده فيهم بس مابيها تدري اني اتكلم او حتى من غير مايكونون موجودين ماقول مثلا الخدامه كذا وكذا
نقول المره او الكبير بس عشان ما نحس ان نهينهم ...
نحترمهم لما نكلمهم وعادي لما وحده تسافر ولا ترد من السفر نحضنهم ماعندنا مشاكل XD الكبيره على كثر ماتبط الجبد وشامه خياس بس ما شاء الله اكثر من 11 سنه عندنا ونحسها امنا
المشكله اني اكلمها بأدب وهي كله تتطز وتخربط بالفلبيني عبالها مانفهم لوووول

miss galaxy

هو صح المفروض ماينعطون ويه وانا اشوف انهم قبل لا يسافرون لازم تتفتش اغراضهم لحد يقول حرام نحط في ذمتنا ولا شي لان هم ماعندهم ذمه
يحليلها الي راحت من فتره بروحها جابت شنطتها وقالت حق امي فتشيها مع ان ماكانت امي ناويه على تفتيش.. كله من تريسووو >< طفشتها .. صج استيعابها تعبان
بس شغوله وتنظف عدل ولما كنت ادش المطبخ تطب عندي عشان تساعدني .... فلو شغل الخدامه عدل مب مشكله نطول بالنا على اخطائها وضعف استيعابها
عاد مب كل شي غلط O.o

dely

ههههههههههههههههه جبت العيد في ردك XD لاتنسى انك صايم لووول
صح السحر لعبتهم خصوصا الاندونيسيات

اقتباس:

---

كم مره تواعد سواق الفريج واطيح عليها هههههههههههههه الغبيه عايشه دور اشواريا وكل اللي تكلمهم اخوانها >>>> علينا ترى نشوف افلامكم

---

بواااااههههههههههههاااااااااااااااااووو XD عادي هذيله يايين يلعبون مب عشان يأكلون عيالهم في ديرتهم

اقتباس:

---

انا اعاملها زين علشان تعاملني زين ولا تفكر تضرني

---

ههههههههههههههههه اما هي تفكر تضرب XD
انا حتى لو غلطو ماهاوش بهدوء انبه عالخطأ
بالنسبه للتي شيرت ماينفع مره تقول لها شلون تكويه لازم كل مره تعطيها اياه توصيها مايكون الاوتي حار وتقلب القميص قبل ماتكويه
عندنا خدامه بعد جي صار لها 3 او 4 سنين لي يومك لو اعطيها تكويلي شي اوصيها كان اول مره اعلمها

look up

صح اخترمهم بس لو طولو لسانهم صج اعصب وكم مره صيحت تريسوه بس الحمدلله هالسنه ماصار شي بينا
لاني من زمان مادشيت المطبخ .. كله تخاف نتعلم الطبخ وعقب نستغني عنها لانها كبيره خخخ

شنو هي جنسية الخدم الي تفضلونها ؟؟

انا الفلبينيه لان اشوفهم انظف... ما شاء الله فاليوم مرتين ولا ثلاث يتسبحون @@ وكفايه يتكلمون انجليزي عشان نتعلم لغه XD
تريسوه معنها ثانويه عامه بس تطرطن احسن مني انا الي شهادتي الجامعيه لغه انجليزيه فوايد تعلمت منها XD وغرفهم بالمقارنه مع باقي الجنسيات
تكون نظيفه ومرتبه .. وعربي بسرعه يتعلمون بس احنا مانكلمهم عشان مايتعلمون XD
مرتبات اكثر واكلاتهم الفلبينيه لذيذيه XD عالاقل يعرفون يقرون انجليزي

باقي الجنسيات اشوفهم في بيت جدي مثلا احسهم مفهيات اكثر من اللازم عكس الفلبينيه
الهنديه مادري ماحسها نظيفه بس الميزه ان الهنديه تقعد وصبوره اكثر من باقي الجنسيات ... في بيت جدي سلسول ما شاء الله اكثر من 20 سنه
تشتغل .. خلاص expired بس ماتبي تروح لازقه لزاق لووول

كان عندنا سواق هندي مايعرف يقرى ولا يعرف اي لغه ولا هندي لغة الافلام عشان ابوي يكلمه -..- ... ما شاء الله من كثر ماهو ذكي تعلم من الشغالات انجليزي لووول ضحكت عليه مره لما استخدم
كلمة tension بس مشكلته لوس ومب نظيف >_>

بس طولت عليكم XD

yami vergil

بصراحه انا عادي اسولف مع الخدم الا خدامتنا عبالها احنا نشتغل عندها ........... لالالالا هذي النوعيه لازم تأدب مدري شو تحس فيه وكمان مسكينه لما تشوفني اسولف مع خدمه ثانيه تنهار طبعا انا ما اسولف معها
..............فكه بعد رمضان بتسافر بس هههههه بنكون مكانها ............ يعطيك العافيه ع الرد الجميل

وعلى جنسيه الخدم .............. اندوسيه لانها مسلمه ولما نسافر الحرم ما نتورط فيها
واما ع النظافه ............... خدمتنا تتنظف اول ما تقوم ولما تجي تنام ....بس اهم يتنظفون مرتين بسبب الدهون وريحت الاكل
الله بس يبعد عنا شرهم والله السحر عندهم ماده اساسيه لازم يدرسونها ..........

أنا اتمنى يكون عندي خدامة ( unhappy face ) , على الاقل بيكون في احد يسوي لي أكل , مليت من الادنومي والبيض ( & )
بس لازم تعيش في شقة منفصلة عن البيت @_@ , ممكن ما ارتاح بوجود أحد غريب , وممكن أخجل >_>

موقف مع الخدم .......
مره سمعت (السالفه صدق) ان فيه سوااق هندي يشتغل عند سعودي المهم مع السوالف عرفوا ان عنده بكلريوس انجليش ..... اتفق معاه الكفيل وخلاه يدرس اولاده بسعر مره رخيص >_<
...........................................................................................*********
بصراحه رحمته مسكين هذا مالقاله شغله غير السواق الحمد لله ع النعمه ....احنا لو مالقينا شغل نقعد في بيت اهلنا معززين مكرمين .........

اقتباس:

---

المشاركة الأصلية كتبت بواسطة Light Yagami

أنا اتمنى يكون عندي خدامة ( unhappy face ) , على الاقل بيكون في احد يسوي لي أكل , مليت من الادنومي والبيض ( & )
بس لازم تعيش في شقة منفصلة عن البيت @_@ , ممكن ما ارتاح بوجود أحد غريب , وممكن أخجل >_>

---

ليش احلا مندون خدم اما ع الاكل انت بدع ........ سبقتي محروووق عادي بكره يتعدل ؟؟^_^

تعلم تطبخ عادي وش وراك هع هع