مجلس المنتدى العام للالعاب.. هجمات الثالث عشر من مارس

شو بلاكم شباب ؟؟

مشكلة وعرفنا سببها وراح تنحل ...

بوب : هدي اللعب ترى انجل ما كانت تدري شو السبب , ولو تدري ما بتخلي الأمر فالتوه ...


انسان : ما عليه سامح بوب ولا تعصب :blackeye:

يا حبك للدراما يا بوب..

احس المنتدى فعلاً سببلك عقدة..

اذا عندك شي مرة ثانية قوله سيدة..و ما في داعي لنغزاتك المعتادة..

و سالفة التدخلات الخارجية..اعتقد قلنا ان البنية ما كانت موجودة حزتها..
يعني ان شاء الله تباها تخرب نظامها..و تسهر الفجر عسب حضراتكم ترتاحون..و منها تأدي واجبها الافتراضي تجاهكم؟

والله انك غريب..

بعدين انت تقول انك عارف السالفة؟؟!

عيل ليش تسأل من اساسه شو السالفة؟
و لا بعد حركات انا حليلي ما اعرف شو السالفة..و تتريا حد يرمس عسب تولعها كالعادة؟؟

اقتباس:

---

وبعدين ليه ما تفالحت وعلمتنا دام عندك النشرة واكتفيت بردك السابق

---

ما فهمت؟؟ يعني انت تسأل ليش ما خبرتكم السالفة اول ما سألتوا عنها؟؟!
انا اول ما قريت ردودكم حطيت ردي..

بعدين حبيبي..لاحظ الفترة بين الردين..
ردي الاول كان عقب ما نشيت..
عقبه سرت بيت يدي اوصل اغراض..
و ردي الثاني..عقب ما رديت..

بعدين حبيبي هب انا الي بسير افتح مواضيع و اشعللها من تحت لتحت..
و اقعد بعيد و ابين نفسي بريء..

انا ما تكلمت بالموضوع الا يوم شفت Snake توقف..و حصلتكم تسألون عن سبب ايقافه..

انا راقد عقب ما شفت رد سنيك مباشرة..و ما نشيت الا الساعة 3 الظهر..تقريباً..
اسمحلي بوب اذا حضرتي ما نشيت من وقت عسب ابلغ حضرتك بالتقرير اليومي..
خاصة و انك تحب هالنوع من المواضيع و تدورها دوراة..

اقتباس:

---

وخليتنا نظن ان الولد قال كلام ما ينقال؟

---

اي رد تقصد؟
هذا؟؟

اقتباس:

---

اممم...توقعت الصراحة ان يتم توقيفه..

هو رده كان قوي الصراحة..و ماله داعي..

اتمنى ما يزعل..بس هاي الحقيقة..

هو اصلاً..ما حسيته كان على طبيعته..يمكن كان متضايق او معصب..
لان مستحيل هالنوع من الردود يظهر منه..و هو بحالته العادية..

---

الحين بذمتك..هالرد خلاك تظن ان الولد قال كلام ما ينقال؟ :31:
و اذا فعلاً كان ردي يعطي هالنوع من الافكار..فاعتقد مثل انت فهمته على انه شي خطير..غيرك فهمه بطريقة ثانية..
انا اقول..انك كالعادة..و بحكم عقدتك..دايم تعتقد بأصغر الامور..انها امور كبيرة..
و هاي مشكلتك الصراحة اذا فسرت كلام انا ما قلته..

قلنالك..شغل دراما...

بعدين بوب..

ما تلاحظ انك تدور اصغر غلط على ويسبر؟؟
لاحظ بكل ردودك..انك كل شوي ترد على ويسبر..مع انها ما يخصها بالسالفة..

مادري شو سالفتك..و لا لان البنية لبستك يوم بغيت تعتذرلها و للحين شالنها في خاطرك و تبا تردها لها باي طريقة؟

بعدين انت غريب..من صوب تسوي فيها مسكين..و شوفوني انا اعتذرت للبنية و هي ما تقبلت..
و من ناحية ثانية تغلط عليها..

على فكرة..ترى اسلوبك هذا مع البنات بالمنتدى من عرفتك و الله العظيم..

حتى اغلب مشاكلك..و ايقافاتك..دايماً كنا تحصل بنات كطرف ابها..سواء معاك..او ضدك..

و هالشي هب انا الوحيد اللي لاحظه عليك..
اعتقد انت عارف منو قالك مثل هالكلام من قبل..

نصيحة..
Get A Life..A Good One That Is..
And Drop The Act..

يا ترى ردك الحين بيكن لاي واحد:

1. بوب البريء اللي بيقول الله يسامحك و بيبين نفسه مسكين عسب غيره يردون عنه؟؟
2. بوب الصدقي..بدون الاقنعة اللي تعودنا عليها؟

طبعاً..في حال انك رديت :)

اقتباس:

---

المشاركة الأصلية كتبت بواسطة evilneverdie

شو بلاكم شباب ؟؟

مشكلة وعرفنا سببها وراح تنحل ...

بوب : هدي اللعب ترى انجل ما كانت تدري شو السبب , ولو تدري ما بتخلي الأمر فالتوه ...


انسان : ما عليه سامح بوب ولا تعصب :blackeye:

---

ماهي عارفة طيب وانا قلت غير هالشي يعني بردي ذاك؟

اما سالفة سامح بوب فمدري على شو بيسامحني لا غلطت عليه ولا شي حتى استسمح منه ..


اما اذا على اسلوبي فأنا اسلوبي ما قد غيرته من يوم ما سجلت هنا يعني عادي بالنسبة لي وقت المزح مزح ووقت الجد جد

انسان انا فعلا ادور هالمواضيع دوارة عندك مانع وش مضايقك طيب حبيبي ؟ اذا ما عجبتك ناظر حيطان المنتدى وتبسم لها ..


وبعدين انما طول عمري سيدة مب مثلك ...! واقول اللي بخاطري ولا يهمني زعل احد اذا كنت شايف الصح صح والغلط غلط عضوية بالطقاق ما تهمني اعضاء متقصدين لي بعد بطقاقين ما هموني كلهم على النت يعني ولا شي..

وبعين انا متى قلت اني عارف السالفة؟




وبعدين يا انسان انت من يوم يومك معروف انك لئيم وهالشي الكل متعود عليك فيه يعني لا ترمي الناس بحجارة قبل لا تطالع عمرك



يعني قبل لا ترمس على قولتك على غيرك ناظر نفسك اول وشف العقد المرسومة على وجهك

وثانيا مشاكلي مع البنات اللي تقول مثل مين ؟ امل 13 ؟ طارت بعد ما كذبت كذبة ابليس ما يصدقها واسأل مشرف الألعاب اذا حبيت :) ومن بعد وعلى فكرة قول ودك تقول بنات الإمارات تحديدا خلافي كان مقتصر على امل 13 وامبراطورة والحين ويسبر فهل بذكائك الحاد وبما انك اماراتي استنتجت اني اكرهك بعد واكره كل الإماراتيين ؟ لأني هذا اللي لاحظته تفزعون اذا البنت اماراتية حتى بدون ما تعرفون السالفة مع ان اكثر اصدقائي امارتية ومنها الأخت العزيزة لوسي...

من بعد تبي ويسبر انا من يوم اسلوبها معي وانا ما ادانيها وقلتها لها صراحة وهي عارفة هالشي وقلت لناس كثيرة هالشي يعني انا صريح لأبعد حد لكن ما اقدر اقول كل شي هنا لأن المنتدى ماشاء الله ديموقراطي لأبعد حد !!



وشي أخير انا بعمري ما لبست قناعين على قولتك ولا ما كان شفتني توقفت كذا مرة ...وهذا اكبر دليل على اني سيدا الحمد لله وما لبست اقنعة مزيفة مثل اللي لابسه انت الحين


وبعدين ماني محتاج احد يرد عني ان كان عن السالفة اللي قبل فجزاهم خير ما طلبت منهم اي شي وقتها لكن ان كان طبعك انت وغيرك النذالة فلا تتصور بعقدك ان الكل مثلك

سلام ...

هههههههه..
سويتني لئيم؟ و نذل؟

هب مشكلة..من بؤك زي العسل :)

و سالفة انك تدور هالمواضيع..ابد ما عندي مانع..لك الحرية..
كل انسان و له هوايات..و انت هاي هوياتك..تعق رمسة..و تبين نفسك البريء المسالم..يحليلك بس..:)

اقتباس:

---

اعضاء متقصدين لي بعد بطقاقين ما هموني كلهم على النت يعني ولا شي..

---

يوم اقولك تحب الدراما..
دايماً حاط في بالك النك الضحية..و ان الناس قاصدينك و ها..
ياخي..انت منو؟؟
تراك وايد مسوي حق عمرك سالفة..

اقتباس:

---

وبعدين يا انسان انت من يوم يومك معروف انك لئيم وهالشي الكل متعود عليك فيه يعني لا ترمي الناس بحجارة قبل لا تطالع عمرك

---

الحمدلله..عارف عمري..
و بحياتي ما قلت عن نفسي شي..و سويت عكسه..
بس ممكن اعرف شو سالفة الؤم اللي حاطها عليه؟
بشو كنت لئيم يعني؟
امثلة لو سمحت..و لا هاي بس رمسة؟!
خاصة و انها يديدة شوي علي :p

و سبحان الله..سالفة ان معظم البنات اماراتيات فعلاً يت على بالي عقب ما نشرت ردي..
و قلت بحرر و بحط الكلام هذا..
بس عقب قلت هب حلوة..

بس ما يت فبالي انك تكرهنا..لا والله..بالعكس..قلت هذا ميت فينا و كله يتلصق الظاهر..
و يوم ما يعطونه ويه..يقعد يحط عليهم..

عالعموم..هب هذا موضوعنا..

اقتباس:

---

من بعد تبي ويسبر انا من يوم اسلوبها معي وانا ما ادانيها وقلتها لها صراحة وهي عارفة هالشي

---

يوم انك ما تدانيها..عيل ليش اللصقة؟ و كل شوي راد عليها؟؟
بعدين انت كارهنها من يومك..و لالا من يوم ما لبستك الباب و ما سوتلك سالفة؟؟
حالها حال باقي البنات؟؟

بعدين..انت بنفسك ذكرت بكذا رد قبل..
انها كانت معاك اوكيه..و عقب يحليلك..هي جلبت عليك فديتك انت الحبوب..

تناقض..:)
و اذا انا فهمتا كلامك غلط..تراني اسحب كلمة تناقض..

اقتباس:

---

ما لبست اقنعة مزيفة مثل اللي لابسه انت الحين

---

يا ترى..اي قناع انا لابس الحين؟ :)

*تحرير*

على سالفة الاعتذار..
حبيبي..لا تعطي نفسك اكثر عن قدرها :)
هب انا اللي يتريا منك شي..

و اذا حضرتك بتعتذر..تراك بتعتذر غصبن عنك..شرات المرة اللي طافت :)

يالله صباح خير .. :31:
إيش السالفة في مضاربة على كرسي العرش .. :D
المهم بخش في السالفة على طول ..
المراقبة أنجل من أفضل المراقبات الذين مروا على هذا المنتدى ..
وما أعتقد في حقها وقع أي خطأ أو صدر منها خطأ تجاه أعضاء المنتدى ..
وبوب ما أعتقد قصد شيء برده ربما تأفف قليلاً لكنها مسألة لم تكن في حاجة إلى تعليق ..
خاصة بعد احتواء الوضع .. :31:
بس إنسان إنت شعللتها شوي وبوب اندفع معاك ..وهي كانت على وشك تنطفي .. ><
على العموم أتمنى أنكم تهدوا اللعب شوي ..
والشغلة ما كانت تستحق الواحد يتضارب عليها خصوصاً بعد حلها ..:31:
أتمنى الردود أعلاه تحذف ويحل الخلاف سلمياً ..
ما نبي شغلة " انقلع " تتكرر ثاني .. :31:

انسان احترم نفسك احسلك فاهم ولا لأ ؟

اذا بجيب سيرتي بالعاطل يا ورع والله ما يحصلك طيب قسم بالله اشرف منك واشرف من عشرة مثلك :)


وان كان واحد نذل ناقل اشاعات مثلك وقاعد يتصيد بالماء العكر وعبالك بتجيب سيرة البنات وتكررها على لسانك فدليل وضاعتك بعمري كله ما محد كلمني بهالطريقة فالزم حدودك


وتخسي اعتذر لواحد مثلك ناقل اشاعت وان كان اعتذرت قبل لأحد فمب معناها اني انا الغلطان او اني انتظر منه شي لكن اللي نفسيته شينة بتبقى شينة مهما حاول ...

اجل ياماتو ما نقل لي الكلام من راسه اتاريك انت اللي قاعد تنقل اشاعات عني يا قليل الحيا


قسما برب العباد ان ردك تلمح فيه لشي واطي وخسيس لكن ورب العباد اذا بشوف تلميحة سخيفة مثل ذي منك ما يحصلك طيب فخلك محترم وخل الناس تحترمك ...



واللي يبي يوقفني يوقفني والله العظيم ولا فارقة معي اصلا انا ادافع عن نفسي قدام واحد ما يستحي وقاعد يلمح لتلميحات تدل على تفكيره المحدود

ياليت أقرب مركز شرطة أو رقابة يتدخل <==ردينا عالرقابة

أشوفكم انحرفتوا انحراف معياري كبير عن الموضوع الأول وهو توقيف سنيك ...


يا إنسان اقصر الشر و خلاص لا ترد او اختم برد ..

يا بوب الله يهديك فتحت سيرة ثانية وموضوع ثاني ..

المشكلة تنطون من موضوع لموضوع , متى راح تنتهون ؟؟


الله يهديكم على هالصبح ناوين ضرابات , الناس بهالوقت تقول يا فتاح ياعليم يارزاق ياكريم

بالله اي واحد من منتدى ثاني دخل وشاف الميلس شو بيقول عن هالقسم ؟؟؟

ناقصين شماتة ؟؟؟

الله المستعان ..
اذا مصرين كملوا مناقشات او هواشات في الخاص..
و الله مب حلوة حقكم يعني بهالطريقة ...

استغفر الله العظيم

تعوذوا من ابليس تراه للحين حي.

انت عن شو قاعد ترمس؟ :boggled:

اي تلميحات او اشاعات؟

الحمدلله..واضح من ردودي معاك بالبداية..و مع غيرك..
ان الي فبالي اقوله..لا المح و لا شي..

و على فكرة..و انا مو قاعد امزح ابداً..
انا هب عارف انت عن شو ترمس؟ بس اللي فهمته ان السالفة متعلقة بموضوع البنات..
انزين محد مس شرفك بهالرمسة؟ جيه بنية انت؟

انا ذكرت ان اغلب مشاكلك مع البنات..
و انت وضحت ان احدها كانت تتضمن اكاذيب..
و ان مشكتلك الثانية مع ويسبر لانك ما تداينها..صح؟

انزين..عقب انا قلت ان بكلامك في تناقض لانك من صوب تعتذر و تسوي نفسك بريء و من صوب ثاني تحط عالبنية و تقول انك ما تدانيها؟

و لا انت قصدك على كلمة تتلصق؟؟
ترا معناها عندنا انك شرات ما تقول..تتلصق..والله ما اعرف اشرحها..:boggled:
يعني تتقرب..و مب شرط السبب يكون لاشياء وصخة مثل ما حضرتك فسرتها..بعقليتك النظيفة..

بعدين دخيلك..بلا دراما..
احترم نفسك..و انا اشرف منك و مادري ايش..و خسيس..
خل نحترم الفاظنا شوي..لانها فالنهاية تعكس تربية الشخص..

انا اقدر ارد عليك بنفس الاسلوب..بس الحمدلله..
تربيتي و بيئتي تمنعني من هالشي..عسب جيه راح اسوي نفسي ما قريت هالكلام..

بعدين اي اشاعات؟؟
و لا هاي بعد رمسة شرات الباقين تحاول تدافع بها عن نفسك و تستميل الاعضاء بدون حتى ما تييب امثلة عليها؟

لاحظ اني كذا مرة طلبت منك اذكر مواقف فيها لؤم و غيرها..طلبت منك عدة توضيحات..بس انت تتهرب..و تعق رمسة ثانية..

يعني الحين..اي شخص ممكن يقرى ردك..و يقول ممكن انسان يطلع اشاعات؟
بس شو هي الاشاعات؟ قولها و انا اوعدك اني ارح اكون صريح معاك و اقول اذا انا فعلاً قلت هالكلام او لا..
في حال اني فعلاً قلت شي..

و حط في بالك..انك قاعد تلقي التهم يمين و يسار..
و كلها بذمتك..و راح تتحاسب عليها بيوم الدين..
و كل اللي صدقوك و بيصدقونك ذنوبهم بتكون بذمتك..
فلا تعق رمسة بدون براهين..و لا تصدق كل كلمة توصلك..في حال ان فعلاً وصلك شي..

تراني بعد اقدر اقول انك تظهر اشاعات و أألف رمسة عليك..
بس ما ترزا السالفة اني احصل ذنوب عشانها..

حسام..ايفل..ثريول

ما عليه..تحملوني شوي..:)

اقتباس:

---

المشاركة الأصلية كتبت بواسطة ثريول

تعوذوا من ابليس تراه للحين حي.

---

أعوذ بالله من الأبالسة .

انسان

الله لا يسامحك ان كنت قاعد تنقل اشاعات عني بطريقة مب اخلاقية ..وهالشي وصلني من ياماتو قبل..


الله لا يسامحك اذا ردك هذا قاعد تلمح فيه ان اخلاقي مب زينة مع البنات .. مع اني ما احتاج اوضح شي لأني واضح لأبعد درجة... واشرف من اللي قاعد وتحاول تستفزني فيه وتلمح له ..



لكن بقول شي


انا اكبر من الكلام اللي قلته بمراحل ...لذلك راح انهي السالفة الحين ...وكاني بقولها اعوذ بالله من كل شيطان رجيم اعوذ بالله من كل شيطان رجيم اعوذ بالله من كل شيطان رجيم..



وشكرا مصطفى عالنصيحة ..

أعتقد إلى هنا يكفي ..
وأتمنى من الطرفين التحلي بالهدوء ..
الموضوع راح وخلص وانتهى .. والمفروض إنه ما يتنبش من يومين ..
على العموم تفاهمت مع الأخ بوب .. وأتمنى أخونا إنسان أيضاً يتوقف عن الرد ( مو ينطرد ) :D ..
الجميع هنا عاقل ومتعلم .. وما نحتاج ننصحكم ونعيد ونكرر عليكم .. :)
وأتمنى من أختنا المراقبة التصرف مع الردود السابقة ..
وإعادة المياه لمجاريها .. :)

استغفر الله العظيم..
و اعوذ بالله من الشيطان الرجيم..

سوري جان سويتلكم ازمة بردودي..اسمحولي عادة جان خربت الجو..:)

حسبي الله ونعم الوكيل حسبي الله ونعم الوكيل ..