آخر أخبار الأسطورة Winning Eleven PES2008 وجديدها ( تحديث مستمر )

شباب ليش متحبطين متشائمين على الجزء اليديد اللي مو عاجبة الصور واللي مو عاجبة طريقه اللعب واللي..........واللي........ جنكم مجربينه؟؟؟؟؟؟؟؟

بالمنتديات الأوربيه واللي مجربينه بالمعرض الفرنسي ما تشاؤمو مثلكم!!!!!!!!!

اللي قريته بالمواضيع السابقه جنه الشريط مجرب من أحد بالمنتدى و كل شي محبلط ...........

انتظروووه واصبرووو لأني ما أعتقد ان شركة كونامي غبيه

باقي 10 أيام وبينزل الشريط

وياريت لو تفيدونا بالأخبار اليقينه والحقيقيه

يا شباب الشريط الجديد راح يكون انشاء الله افضل من آخر شريط لعبتوه سواء على PS2 او 360

كل الكلام الي سمعتوه عن اللعبه من نقد جاي من واقع ان الكل متوقع اللعبه راح اتكون كامله و 110% ، على اساس راح تكون على PS3 وكلنا انعرف قوة الجهاز .

لكن هذا الشئ غير صحيح ، الاسباب :

- كونامي راح تصدر على جهاز PS3 اتوقع من 5 الي 6 اجزاء من هذه اللعبه ، وبالتالي ماراح اتحط كل قوتها في اول جزء وتتوهق في الاجزاء القادمه .

- في النهايه هذه لعبه كرة قدم مو لعبه مغامرات بحيث اضيف مراحل جديده و شخصيات جديد ، هذه اللعبه عبارة عن ملعب و قولين و 22 لاعب وكرة بس .

وازيدكم من الشعر بيت ترى PES2008 راح اتكون على المحرك القديم مال PS2 وراح يضيفون المحرك الجديد على قول مصمم اللعبه في PES2009 .

شباااااااااااااااااااااااب سعر خيالي؟؟؟؟؟؟؟؟؟؟

سألت اللي يبيع في محل طوكيو في مجمع الرحاب عن سعر الشريط يقول 50 دينار كويتي
؟؟؟
موجنه سعر مبالغ فيه
ورحت محلات ثانيه يقولون غالي وسعره مونفس الأشرطة الثانيه
أعرف واحد في محل الركن الياباني قلت له بحجز شريط قبل لا ينزل تدرون بعد الشريط ماراح يقعد من اول يوم
قلت له بحجز شريط قالي عطني عشرين عربون؟؟؟؟؟؟؟؟
انا استغربت الشريط شاريه شاريه بس اخاف القاه ارخص
مابي اتسرع قلت له اييك العصر............
وايد احجزو اشرطه وادفعو بس سعره غالي
ياريت لو احد يقولي جم سعرة بالسوق اليابانيه والاوربيه؟

على كلام اكثر المواقع المهتمه امس نزلت نسخته في اوروبا

ننتظر على احر من الجمر

اقتباس:

---

المشاركة الأصلية كتبت بواسطة dely10

شباااااااااااااااااااااااب سعر خيالي؟؟؟؟؟؟؟؟؟؟

سألت اللي يبيع في محل طوكيو في مجمع الرحاب عن سعر الشريط يقول 50 دينار كويتي
؟؟؟
موجنه سعر مبالغ فيه
ورحت محلات ثانيه يقولون غالي وسعره مونفس الأشرطة الثانيه
أعرف واحد في محل الركن الياباني قلت له بحجز شريط قبل لا ينزل تدرون بعد الشريط ماراح يقعد من اول يوم
قلت له بحجز شريط قالي عطني عشرين عربون؟؟؟؟؟؟؟؟
انا استغربت الشريط شاريه شاريه بس اخاف القاه ارخص
مابي اتسرع قلت له اييك العصر............
وايد احجزو اشرطه وادفعو بس سعره غالي
ياريت لو احد يقولي جم سعرة بالسوق اليابانيه والاوربيه؟

---

والله ياخوي هذي مو خوش بشــاره,, عاد انا قبل يومين كنت بالرحاب وســألت عن الشريط متى ينزل الكويت بس محد يعرف عن الشريط شي!!

انت ماا عندك خبر متى راح ينزل عندنا بالكويت؟

بس السعر مــبااالغ فيه وهذا استغلال واااااااضح

ياشباب انا قرأت المقاله اللي الشباب ذكروها عن بطء تحميل اللعبة على ال ps3 ولكن الترجمة الصحيحة هي بطء اللعبة عامة على ال ps3 عن الاكس بوكس وليس التحميل فقط
وطبعا دا خبر سيء جدا

50 د.ك

من هالسبب انا طالبه من بره

من بريطانيا قيمته 39.99 باوند

ولا هالمذله 50 د.ك ؟!؟ ابي حرمنه اكثر

اصلا البرو ايفو مانزل بالكويت ؟؟؟ شلون حددو سعره 50 دينار؟؟؟
ينزل 25/10
يعني يومين بالكثير تلاقيه بالرحاااب
يخسي شعبان مال جيم سنتر 23/9 ياب هيلو 3 تخيل قبل موعدها الرسمي بيومين

يمكن مغلين سعرها لأنهم يعرفون أن الكل يحب ويننج إليفن<<<< حرامية
خذها من الراعي الرسمي لسوني عندكم
يمكن يبيعها بسعرها الأصلي

اقتباس:

---

المشاركة الأصلية كتبت بواسطة gedo

ياشباب انا قرأت المقاله اللي الشباب ذكروها عن بطء تحميل اللعبة على ال ps3 ولكن الترجمة الصحيحة هي بطء اللعبة عامة على ال ps3 عن الاكس بوكس وليس التحميل فقط
وطبعا دا خبر سيء جدا

---

اشكر فهمك للمقالة....... يا gedo
يا أخــــــــــــــــــــــــــــــــوان انتبهوا و انا بالنسبة لي بلغت اللهم فاشـــهد, و الاخ اللي يقول عملت من الحبة قبة اقرأ المقالة مرة اخرى,,,,

IGN: In the PS3 version we've played we noticed some slow-down in the game, plus the crowd and stadiums aren't as polished as some of the on-pitch features. Will you look to rectify this in the next game?

Seabass: Of course. To be honest I don't think the slow-down is that bad compared to the 360 and as I said, we don't create just a PS3 game, we created both together. But when we compared them directly we were shocked because the PS3 has a little bit more slowdown and we don't really know why.


يا اخون هذا الخبر كـــــــارثة والله

اعتقد الكثير منا يذكر البطئ اللي كان يحصل في منطقة الجزاء في الجزء الثامن..... و بصراحة اذا نزلت اللعبة على الاسواق وفيها مشكلة من هالنوع ....تكون ضربة موجعة من كونامي لنا كلنا بعد هذا الانتظار.....

شباب إنتوا مكبرين السالفة .. بطئ ؟ ياأخي إنطر يعني بتنطر كم 5 ثواني 8 ثواني
مومشكلة أهم شيء اللعبة وطريقة اللعب أنا الصراحة مجرب الديمو وحدي متفائل

وعلى طاري السعر بالرحاب سألتهم (محل كراش) قالوا لي على 35 دينار
وللأسف في ناس ماعندهم عقول وصبر يخربون علينا بالسعر
يشترون بأي سعر :@

^
^
^
نسخة الأكس بوكس و لا نسخة البلايستيشن ؟

و عادي سعرها 50

لأن قبل سنين نزل كابتن ماجد الجزء الرابع و كان سعره 40 شي طبيعي

السلام عليكم

ياشباب محد رد علينا هل طاقات ريال مدريد موجوده ولا لين الحين ما اعلنو عنها ارجو المساعده

وشكراً........

السلام عليكم اخواني

اشكركم على هذا المجهود الجميل

بالنسبة للسعر عندنا في الامارات تم تحديده وهو 269 درهم

واذا حاب تحجز تدفع 100 درهم عربون

وبينزل في التاريخ المحدد وهو 26-10-2007

هذا المحل هو فيرجن

تحياتي لكم