أشكر كل المتابعين اللي تابعوا معاي القصة واللي ما وصلوا للنهاية لحد الحين
بس أتمنى أني أشوف ردودهم بعد
آه يا رابعة... يا أول متابعة ^_^
صج أن تقريباً أو كل توقعاتج كانت غلط ^.^"
بس مع هاي كانت أفكارج حلوة
ومع أن تعاملج شوي كان رسمي (وآنه ما أحب هالشي)
ردودج الفوشية والله لها مكان في القلب
وكنتي ثاني وحدة رفعت معنوياتي... أو أول وحدة
لأني كنت أقول في نفسي (بس رابعة هي اللي ردت؟)
ورابعة هي المشرفة للقسم ولازم ترد على أغلب المواضيع...
فشكراً حبيبتي على وقوفج معاي لين النهاية
وينك يا بليجرو؟ اختفيت من زمان!!
بس ما بانسى أنك أول القراء...
إن شاء الله أشوف ردك بعد ما خلصت القصة...
انتي حبيييييييبتييييييي.... والله ردودج تعطر المكان
كلامج الطيب ووقوفج معاي لين النهاية صج شي تتشكرين عليه
جزاك الله ألف خير على المتابعة وعلى كلامك الطيب
اقتباس:
وانا ناطر الجزء الاخير على احر من الجمـر..
وكاهو وصلك لك الجزء الأخير ^_^ ولو أن مر تقريباً 3 شهور
وانقطاعك كان مبين ^_^ بس الحمد لله رجعت للمتابعة
اقتباس:
انا خايف انه تطلع مثل باقي القصص النهايه مضحكـة..
إن شاء الله عجبتك النهاية ^_^
إنت من أفضل المتابعين ^_^ اللي بصمتك موجودة بعد كل رد تقريباً...
وصج لما أشوف صفحة انت ما راد فيها أحس شي ناقص
هالأفاتار الغريب يخلي الواحد يحس بأنك مو موجود
أهلاً اخوي، من زمان ما شفناك في الموضوع
إن شاء الله تقرا هالرد بس..
اقتباس:
بس رجاااائ لا تعذبينا اذا القصه جهزه عندج
كاهي حطيتها في المرفقات ^_^
عضو مميز في منتديات البرمجة وعضو مميز في موضوع في 13 سنة مضت
ما شاء الله عليك متابع ممتاز وترفع المعنويات بشكل مو طبيعي
ما جا رد واحد من ردودك ما فرحني والا خلاني ابتسم وآنه أقراه
كنت تمدحني وتعطيني أكثر من حقي
وحتى توقعاتك... كنت تحط في وشو تفكر بعد كل جزء
وغير هاي كنت انت أول من بدا بالبنر..
وكان حلو مع أنك سويته عالسريع ^_^
وهذا كان أكبر دليل أن اعجابك بالقصة والكلام الطيب ما كان مجاملة << ولو اني ما اتوقع واحد منكم يجامل لأن ردودكم باينة أنها صريحة
مشكور اخوي وما قصرت أبداً معاي
من ردك الأول تمنيت لو أشوف ردك بعد كل جزء
ولو أن كان فيه شوي من التحبيط
اقتباس:
بس في بدايةالقصه قال قيس لشيماء تذكريني وسوف أعود << مكأنه في شبه بين القصه
وفيلم فريدي اللي لما كانو الاطفال يتذكروه كان يجي ويقتلهم
بس ماشي الحال ^.^" فردودك كانت تشجيعية أكثر من تحبيطية
وسبحان الله عجبتك القصة ولو أن اهتماماتنا غير <<ما تداني شي اسمه كرة قدم
جيت واختفيت وما لقينا لك أثر :(
بس حلفاتك كانت قوية وترجع الروح للواحد
اقتباس:
اقسم بالله العظيم ان هذي القصه قويه
وأقسم بالله العظيم أن ردك قوي.. قوي من قلب أحسه مثل الدرع<< اشدخل؟
بس والله آنه حاسة جذي ^.^"
مشكووووووووووووووور والله يا اخوي
انت اللي غيرت مجرى كل شي ^_^
والله ردودك تونس انت وlayte
الموضوع من غير ردودكم ناقصه شي
وأتمنى أنك تنجح في الكتابة وتكتب قصص لنا وتونسنا
وبعدها تصير من أحسن الكتاب
انت جوهر الموضوع... يعني من غيرك أحس أن الموضوع ناقصه شي
بصمتك في كل صفحة مرتين أو أكثر
وردودك مثل شعارك... تشجع الواحد وتخليه يتغير 180ْ
الله لا يحرمنا من جديدك ومن وجودك في مواضيعنا
هذا الشي الوحيد السلبي فيك
بس ربطك بقصتي وبقصة ديث نوت كان عجيب
ولو أن فيه بعض الأخطاء في الأفكار
ردودك كانت تعطي جو مختلف في الموضوع
يعني الناس كلهم في صوب وانت كل ما جيت كلت (كيرا)
يعني حتى لما نكون في نكد وضيق نقرا ردك ونقوم نضحك
ردودك فيها من الابداع اللي ما عند أحد من البشر في عمرك
انصدمت لما عرفت عمرك الصراحة!!
الله يعطيك العمر واتشوف أحفاد أحفادك...
كيفك اخوي... ما شفناك من زمان!!
كنت مثل هب النسيم اللي جا وراح من غير ما يخلي أثر كبير
انقطعت عنا فجأة إن شاء الله خير...!!
يا ليت لو أشوف ردك بعد انتهاء القصة
ولو أنك ما كنت تبيها تخلص ^_^
ليكون الدوام ثقيل عليج وامنعج من التواجد في المنتدى
مكانج مبيييييييين والله...
يا ليت لو ترجعين لنا بأسرع وقت..
إن شاء الله متابع معانا القصة...
ردودك كانت قليلة بس اسعدتني الصراحة
لأني تعودت على ردودك في قسم الرسم ووجودك هنا فرحني بعد
كيف الحال يا اخي... عساك بخير
افقطاعك عن الموضوع كان مفاجئ
جيت بسرعة ورحت بسرعة وكان ودي لو نشوفك أكثر
بس اللي فات فات وننتظر ردك بعد ما خلصت القصة ^_^
اللي صج حسيت ردك فيه شي من السحر
يعني لحد الحين اتذكر أول رد قريته لك وكيف كان بالتفصيل ومتى كان الوقت وكنت على أي حاسوب حتى جلستي أذكرها
وأتأسف أني ما دخلت منتدى الشعر والخواصر.. هو دخلت بس الصراحة ما قدرت ارد على اي موضوع
لأني ما أفهم في هالاشياء ولا أحبها (متأسفة)
كنت عضو جديد وما زلت عضو جديد
يسعدني أن أحد ردودك القليلة كانت في موضوعي
لا عالمسنجر ولا هنا وين رحتي؟
متشوووووووقة والله لردودج التشجيعية
وصج قرائتج لقصتي أسعدتني الصراحة
خاصة أنها سانو هي اللي قرتها ^_____^
أبيج الحين تردين والا أقتلج << طالعة على قيس
اقتباس:
ارجوكي يا اختي تكمليها على السريع عشان انا مش قادره اصبر ارجووووووكي
كل اللي أقدر أقوله هو... كاهي القصة خلصت ^__^ وأبي الرد الحين
وكلمة أخيرة ودي أقولها لج
غيري صورتج الشخصية الـavatar
لك رد واحد وفي موضوعي بعد *_*
وكنت اتمنى.. اتمنى لو كنت متابع معانا أول بأول
اقتباس:
و أنا إشتركت بالمنتدى فقط لأشكرك على القصة الخيالية الحلوة
هذي الجملة قلتيها في أول رد علي... الله يجزاج ألف خير على هالمساهمة
وجودج بيننا كان رائع... وأذكرج عدل فكنتي مميزة...
أشكرج جزيل الشكر على متابعتج القصة وعلى وقوفج معاي
مع انك جيت متأخر ما حسيت والله
يعني من كثر ردودك حسيت أنك من أول المتابعين...
خاصة مدحك للقصة ولي.. ما أعرف شا قول؟
ما باقدر أوفي بحقكم مهما قلت
تسلمووون كلكم... وشكر خاص لك GENRAL فوجودك كان له أثر كبير في نفسي
وانت في نظري من المتابعين الأساسيين للقصة
ردينكم اللي جاو ورا بعض فرحوني كثير لما شفتهم
لأنكم اثنينكم كنتوا متابعين جداد وورا بعض..
رفع هالشي من معنوياتي وشجعني أكثر على التواصل ^_^
مقارنتك لي مع كاتبة مشهورة مثل كاتبة هاري بوتر خلتك عضو في البال وما ينسى
رفعت معنوياتي بصورة ما تتخيلها
مع اني مب من معجبي هاري بوتر
بس كونك انت حد المعجبين بذيج القصة ومدحت قصتي هذا شي كبير بالنسبة لي
جزاك الله ألف خير ووفقك في حياتك
تسلمين حبيبتي على وجودج في الموضوع
مع أنه كان شي صعب علبج (وآنه عارفة)
بس فضلتي أنج تسعديني بوجودج على ترددج وارتباكج
وكنتي من أول الرادين على الجزء ما شاء الله عليج
عارفة أني عمري ما قلت لج كلام حلو
مشكورة يا الغلا والله وتسلمين على كل شي...
أهليييييييين حبييييييبتيييييي انتتتيييييي
ما تعرفين شلون فرحت لما قريت ردج الأول
اقتباس:
بدي احكي شيء كمان صرلي من زمااااااااان بحاول اسجل بس عشان احكيلك ان القصة رووووعة واكتر من روعة.. ولما قدرت اكتب رد انبسط كتييييير
كلج ذوق يا ذوق... وصج سجلتي في المنتدى علشاني وبخرتي الموضوع بمسكج الطيب
وجودج كان مثل نور الشمس اللي طل علينا
كان شي غير متوقع بس شي من روعته ما يجي على البال
ردودج علي كانت هي اللي محفزتني أكثر وأكثر
لأنج رديتي مع أنج انقطعتي عن المنتدى أكثر من سنة...
أحبج والله من كل قلبي وأدعي لج كل يوم وانتي ما تدرين
فانتي اسعدتيني مب بس في هالموضوع
بس في أشياء أكثر وانتي أدرى بها
قمت أصيح <<< تراها صياحة وايد..
أشكرج من كل قلبي على تواجدج في الموضوع
وأتمنى أشوفج في مواضيعي الثانية
ردودك ما عليها كلام... كاملة والكامل الله
يعني انت وقريبك نفس الشي ^_^
مدحت هذا والا ذاك كأني أوصف واحد
شكلكم قراب من بعض ففي شبه كبير بين شخصياتكم
لو سكت راح أكون مقصرة في حقك
فانت من المتابعين الحريصين على القصة
وكل مكان حطيت توقيعك المرعب (بس الحمد لله غيرته)
جيت على الأخير وكان ودي لو فصفصت أكثر في ردك
ودي لو أعرف مشاعرك أكثر تجاه هالقصة...
انتظر رايك في النهاية الحين ^_^
بديت ردك بالتكبير فالله أكبر
ردود مميزة وماهي بعيدة من مراقب مميز
متابعتك معاي كانت طيبة وحلوة وتفتح النفس
يسعدني السماع من شخص ما يهتم بالقصص بأنه عجبته قصتي
هذا أكثر شي يسعد الكاتب في نظري...
متأسفة أخوي حييييل لأني ما راح أكتب قصة مشابهة لذي مثل ما طلبت
صا لي سنة وآنه أفكر بشي جديد بقصة حلوة مثل ذي
بس ما قدرت أطلع بفكرة جديدة
الكتاب ما خلوا لنا فكرة الا وسووها
وتسلم على الرد الطيب في الموضوع
جيتي لفترة وبعدها شكلج انشغلتي
بس آنه متأكدة و100% أني بشوفج الحين ^_^
يا مبدع... كاتب وفنان وموجود هنا في موضوعي!!
فرحت لما شفت ردك بس للأسف انقطعت عنا فجأة :(
وجودج كان ممتع ولو أنج جيتي في النهاية
وآنه سعيدة أنج سجلتي هنا علشان أتعرف عليج
(كاتبة مميزة في القسم العام) وعقبالنا ^_^
بس من ردج المفروض تكونين مميزة في الأدب ^_^
ردج كان مشجع ولو أنج حسيتي أنج جرحتي بمشاعري
ردج هو كنز من الكنوز اللي حصلتها في ذا المنتدى
مشكور روبيرتو... عجبني ردك لي الصراحة
فمع أنك مشغول رديت علي برد تستاهل عليه الدعاء ^_^
فجزاك الله ألف خير وأسكنك فسيح جناته
أكثر شي اقدر أسويه هو الدعاء لكم
شكلك سجلتي علشان تعاتبيني لأني ما أأيد كيرا ^_^
بس يا ليتك كنتِ موجودة قبل
أتمنى أني ما نسيت أحد... وإن كنت صج نسيته فآنه آآآآآآآسسسسسفة من قل قلبي
وفي النهاية حبيت أدعي لكم على اللي سويتوه لي
الله يهديكم ويثبتكم على طريقه ويرزقكم الفردوس الأعلى ونتقابل يا رب هناك في الجنة
والسلام عليكم ورحمة الله وبركاته