تصحيح لموضوع : الرسم و التلوين بالفتوشوب .... ( بس بجنوون !)

الحين جاء دور طبقات جديده من طبقات الجلد ........ و هي طبقة لون البشره الداكن ( المظلل )
و فوقها طبقة لون البشره الفاتح :)
ضيف طبقه جديده فوق طبقة لون البشره الاساسي (( إذا ما صارت فوقها .... تقدر تنقل الطبقات بالماوس و تسحبهم و ترتبهم بكيفك بالشكل الصحيح))

بعدها حدد أماكن الظلال بالوجه ........
اللي بتكون تحت الفك السفلي جهة الرقبه ..... و تجويف العين تحت الحاجب ..... و الخشم
نبدأ بالتلوين .... ( بطبقة لون البشره الداكن )
أولا نختار للفرشاه اللون المناسب للبشره المظلله الداكن بالـ Eyedropper Tool ......... و بعدها بالفرشاه نحط خطوط قليله ببداية المنطقه اللي نبي نظللها

باللون الداكن :)

بعدين نسحب ها الخطوط و النقط القليله و ننشر و نفرش اللون الداكن بستخدام أداة الـ Smudge
و لاحظ حجم الفرشاه الكبير للـ Smudge Tool اللي هو قيمته 100 ( واضح فوق علي اليسار بالصوره )
و قوة السحب و نشر اللون ( الضغط ) قيمتها 57% او خمسين ... ( واظحه بأعلى الصوره بالوسط ) :)

على شان تطلع النتايج جميله ..... إستخدم أداة الـ Smudge بنعومه و حرص ... و إسحب اللون من طرف الفرشاه مو من وسطها
و لا تهتم حتى لو طلع اللون من المنطقه المطلوبه :)
إفرش اللون براحتك على الآخر
و بعد ما ننتهي ....... نمسح اللون الزايد اللي طلع برا المنطقه

نكرر نفس الإسلوب على الخشم و الوجنه و تجويف العين و الإذن
و بعدها نسحب و ننشر اللون و نفرشه بالشكل المقبول .... و لا تهتم للون حتى لو طلع و راح بعيد

((( و لا تنسى و تتأكد ان التلوين موجود بطبقة اللون الداكن للبشره .... مو بأي طبقه ثانيه .... لان بنص الغشل مرات تتلخبط و تنسى و تلون بطبقه غير الطبقه المطلوبه )))

و لاااااااااااااااااااااا تنسااااااااااااااااااااااا :غضب: تحفظظظظظظظظظظظظظظظظظظظظ الشغللللللللللللللللللللل كللللللللللللللللللللللل ربعععععععععععععععععععع سااااااااااااااااااعهههههههههههههههه :6 (( انا معصب على الكمبيوتر :6 مو على احد ))

صج مصيبه إذا نسيت تحفظ :": ......... دير بالك ;-)


الحين إمسح اللون الزايد

و الحين نتجه حق طبقة لون البشره الفاتح ......... و نختار لون البشره المناسب :)
و نحدد أماكن النور بالوجه .......
و راح تكون في المنطقه تحت العين و أجزاء من الإذن .... و مقدمة الرقبه ( و على مزاجك/مزاجج ... :D )

و نحط نقطه بالفرشاه الكبيره على المنطقه تحت العين ( و لا ننسى نأشر على الطبقه حقت لون البشره الفاتح أول شي ..... بعدين نلون ^^ )

و نحط نقطه ثانيه كبيره جنبها بالفرشاه ( و كإنك صج تحط بودر على الوجه .... مثل حطت الحريم للمكياج :6 .... خوش تشبيه :D )

إسحب و إنشر اللون بالـ Smudge Tool ( بفرشاه كبيره مثل قبل ..... و إسحب اللون من أطراف الفرشاه مو من وسطها :) )

الحين حط خطوط و نقط اللون الفاتح على منطقة الإذن

شد اللون و إنشره بستخدام الـ Smudge Tool ( و لا تنسى أفضل النتايج تطلع لما تسحب بطرف الفرشاه ... و يفضل تكون الفرشاه كبير شوي .... اكرر كلامي دوم على شان يركز في البال و لا ينسي )

الحين نفس الشي نعمله على مقدمة الرقبه ...... حط اللون الفاتح :)

إفرش اللون و إنشره بالـ Smudge Tool

و الخطوه الجايه ........ هي مسح الألوان الزايده على الأطراف ....
كان المفروض ها الألوان من بداية التلوين ما تطلع ..... لكن أنا أحب يكون التلوين مريح و ما تتقيد بشي و لا يزعجك شي و انت تلون و تشد اللون
يعني لما تلون
ابعد عن تفكيرك كل المناطق المحدوده و خذ راحتك و تمتع بالتلوين
خذ راحتك على الآخر و شد اللون وين ما تبي ..... و ركز على جمال التلوين ..... لإن فيه خطوه راح تريحك من الزوائد و هي خطوة المسح

الحين نمسح التلوين الزايد اللي طلع عن حدود الوجه (( لا تنسى ان كل لون له طبقه مختلفه ..... يعني إختار الطبقه حقت اللون و بعدين إمسح الزايد منه :cool: ))

الحين إنتهينا من تلوين الوجه بالشكل المطلوب و المقبول

الخطوه الجايه خطوه و لمسه مهمه و لها تاثير قوي بالفعل
و هي حدود الرسمه و خطوطها

واضحه حدود رسمتنا انها سوده عريضه و فاقعه ... ما تتماشى مع تلوين الوجه المتدرج
و على شان توضح الفكره ..... شوف الفرق بين حدود رسمتنا و رسمه ثانيه نطمح اننا نرسم بنفس إسلوبها :)