سؤال من مبتدئ في العاب ال RPG..فاينل فانتسي

اقتباس:

---

نعم هناك حركة من نوع السحر الأبيض اسمها هاستاجا .... وشكلك أخذتها ...

---

للأسف ما اخذتها واح ابحث عنها فالسفير جريد مرة اخرى :)

اما بالنسبة للوحش طال عمرك ماكان عندي اداة ايسونا ولا رميدي يعني ماكنت اقدر اعالجه من طور ال bersek ..

لكني استخدمت استراتيجية خاصة فيني وهزمته من دون البروتيكت ولا معالجته من البيرسيك :D <<منو قده

طال عمرك رجعت للكعب وقاتلت بايوناتي الاربعة وخذيتلهم كلهم اوفر درايف ودخلت عالوحش طلعت اول ايون سوى اوفر درايف وانهى عالحراس ونقص 5000 من قوة الغوريلا..وطلعتله اوفر درايف شيفا ولكسيوون والحمدلله صار في خبر كان :D

الان وصلت مكان حيث علي انقاذ جزيرة البلهيد السرية من جنود ايفون وللاسف خسرت هناك لكني راح اعيد وافوز انشاءالله..وفي هالاثناء لو تفضلت علينا وكتبتلنا الابليتيس وكملت شرحهم بتسوي خير :)

والسمووحة
powerguy

شي اخر..

في احد الردود للحل الكامل قريبت مايلي:بعدها سيقتله سيمور (تاكد ان باهموت الاوفر درايفه عالي ويتجاوز حاجز ال 9999)

وكم مرة قريت احرص ان ظرباتك تتعدى هذا الحاجز..بصراحة هالشي مب فاهمه بالمرة ياريت توضحه لنا ولجميع اللي يلعبون هاللعبة للمرة الاولى :) ..

وممكن تقوللي وين بحصل الطيارة للمرة الاولى لاني قريت الحل الكامل وماشفت شي عن الطيارة عشان نعرف متى نبدا بحل الاسرار واستخراج الادوات عشان نوصل للنهاية ال 100% :)

والسمووحة

السلام عليكم..

بما انك مارديت للحين عالموضوع :D ..فأحب اقوللك انه خلصنا من مكان البهيد والحين ركبنا طيارة(مني متاكد اذا هي الطيارة اللي تتكلمون عنها) والحينه في مواجهة الوحش التنيين فياريت لو تعطيني استراتيجية حلوة لهزيمته خصوصا اننا نلعب من دون يونا فلو عندك ستراتيجية حلوة ولو بالانجليزي لاتبخل علينا :) ..

واذا كانت هي نفسها الطيارة اللي تتكلمون عنها..شو هو المطلوب مني عشان امستر اللعبة على قولتكم النهائة 100% يعني شو قصدكم من المسترة بالضبط..وشو الاشياء اللي لازم اسويها عشان تتم المسترة باختصار ..والسموحة :)

وشيء ثاني..اخوي انا دورت ودورت وتعبت في البحث فالسفير جريد عن الهاستيجا لكن للاسف مالقيتها كل اللي عندي هو الهاست..slow حصلت لها ال slowga لكن الهاستيجها ماحصلتها ابد!!شو تعليقك على هالشي :D