وش الي استفدته من رياضه كمال الأجسام.......!!!

الثقه في النفس اول واخيرا

انا اذكر زين اول ما بديت كنت ادخن من اول متوسط << مو قصدي اتفيخر بها الشي الا كنت غبي عشان كنت ادخن وفله وهجوله ومشاكل حياه مؤلمه الى 3 متوسط ونجاح بالواسطه و الدف

المهم الأهل انصحوني وحطيت عقلي براسي وعرفت خلاصي وشديت حيلي في اول ثنوي وثاني ثنوي وكنت داخل لياقه والوالد سفرني برا ع حسابه هناك انفتحت عيوني ع الحديد وبديت اتمرن لمدة 3 شهور وكان جسمي ناشف وبسرعه طلع جسمي مقسم مزبوووط
الشاهد 3 ثنوي شديت حيلي والحمد الله الله وفقني وانا مبتعث من سابك حاليا بس متنت ووزني زاد حوالي 22 كيلو او اكثر وفي ذي الفتره الثقه في النفس كانت زفت كنت اعاني من جد الشباب يحفلون فيني يقولون فصل ثياب جديده خلاااص كل جنزاتي ما ما تركب علي جسمي تدمر 100% نسبة الدهون وصلت ل 35%

بس الحمد الله الحين احسن بواجد الحين نسبة الدهون اقل من 18% الجنزات صارت طيحني << ترا ما احب ها الموضه :D

استفدت مثلك بالضبــط .. الحديد عندي هوايــة احب اشيل احب اعرق واليوم اللي ماروح فيه النادي احسن شي ناقصني .. والله يبعد عنا الاصابــة والعين :)

في تمارين التحمل احسن شي الحرقان الي يصير في العضله انا استانس بس مؤلم شوي :]

مشكــــــــوريين يا شباب على تفاعلكم وابداء ارائكم .......

انا بصراحه ياكابتن استفدت منه اشيئا كثيره بحيث اني إذا مارحت التمرين احس بنقص وماأستطيع اني حتى انام لأني حسيت اني اعرف نفسي فيه وشفت اني احرك كل عضله بجسمي براحة بالنفس وراحة في نبضات القلب وكل شي والأهم من هذا كله علمني ((الصبر)) والصفه اللي نفقدها كثير بهذا الوقت اسف ع الإطاله واشكرك ع موظيعك القيمه ولك مني جزيل الشكر

الله يعطيك العافيه ياوحش على الموضوع الرائع

وفعلا الاشياء الي استفدتها
مناعه قويه
مظهر جمالي للجسم
قوه
تحمل
ثقه بالنفس
تنظيم
صحه

وكلام ابو راشد صحيح زادت الهيبه بالذات للي نواجههم بالشوارع

قبل الي اعرفهم والي يقربون لي ينظرون لي اني واحد ماله شغل بالرياضه وجسمي خراب الجينز والتيشيرت مايليق علي
والقوى هذا مافيه شده
لاكن الحين تبدل الحال 180 درجه
انا الرياضي الاول بين الاقراب والاصدقاء
والجينز والتيشيرت هم الي يتمنون البسهم موب اانا
والقوى ولله الحمد مايحتاج اتكلم وكلكم تعرفون لاعب كمال الاجسام كيف قوته
كل الود

اقتباس:

---

المشاركة الأصلية كتبت بواسطة بومحمد التميمي

انا بصراحه ياكابتن استفدت منه اشيئا كثيره بحيث اني إذا مارحت التمرين احس بنقص وماأستطيع اني حتى انام لأني حسيت اني اعرف نفسي فيه وشفت اني احرك كل عضله بجسمي براحة بالنفس وراحة في نبضات القلب وكل شي والأهم من هذا كله علمني ((الصبر)) والصفه اللي نفقدها كثير بهذا الوقت اسف ع الإطاله واشكرك ع موظيعك القيمه ولك مني جزيل الشكر

---

صـــــدقت ي ابو محمد الصبر ........
اشكرك يالغالي على مشاركتك وعلى حبك للعبــه
تحياتي

اقتباس:

---

المشاركة الأصلية كتبت بواسطة بارجيم

الله يعطيك العافيه ياوحش على الموضوع الرائع

وفعلا الاشياء الي استفدتها
مناعه قويه
مظهر جمالي للجسم
قوه
تحمل
ثقه بالنفس
تنظيم
صحه

وكلام ابو راشد صحيح زادت الهيبه بالذات للي نواجههم بالشوارع

قبل الي اعرفهم والي يقربون لي ينظرون لي اني واحد ماله شغل بالرياضه وجسمي خراب الجينز والتيشيرت مايليق علي
والقوى هذا مافيه شده
لاكن الحين تبدل الحال 180 درجه
انا الرياضي الاول بين الاقراب والاصدقاء
والجينز والتيشيرت هم الي يتمنون البسهم موب اانا
والقوى ولله الحمد مايحتاج اتكلم وكلكم تعرفون لاعب كمال الاجسام كيف قوته
كل الود

---

الله يعافيك ويسلمك يا بطل
وكلامك عين الصح
وما شاء الله تحديك لهم واصرارك وصلك لمستوى رائــع
تحياتي لك وبالتوفيق

مع اني جلست سنوات وانا اتفرج على اللي يلعبون حديد ، وأسمع صياحهم بالتدريب واقول وين الله موديهم والله من الشقى:أفكر:(طبعاً انا اهوى الجري والتدريبات السويدية) وبعد ما أدمنت الحديد عرفت السر:wink2: ، اجمل ما فيه الاهداف اللي تحطها قدامك وتصمم توصل لها، ترتيب كورساتك ،شهور الانتظار علشان تبدأ بالتنشيف بتشوف كيف صرت أو تبي تفاجأ غيرك ، والتغييرات اللي تشوفها أو يلاحظها غيرك على جسمك ، يمكن بجلس اكتب لين الصباح
المهم أولا وأخيراً الثقة بالنفس وخاصة للمتزوجين :D

انا داري جاي متأخر على الموضوع بس لي فترة وانا اتمرن يوميا حديد والحمد لله في نتائج مرضية ولكن على صعيد النفسيه والتحكم بالنفس مررت بتجربة أمس
صار خلاف بيني وبين شخص وطبعا اجمع الكل على انه هو الغلطان 100% وهو صارخ علي ورفع صوته وغلط علي بأسلوبه
انا قبل كنت اول شي افكر فيه اسطره كف اجيبه الأرض
استغربت أمس من نفسي ولا جا في بالي موضوع اليد ابدا ابدا ابدا بالعكس حاولت توضيح وجهة نظري ولما ما تجاوب معاي بكل بساطه رحت سيارتي وولعت اللمبة وشربت موية واخذتلي 4 حبات أمينو وتوجهت الى النادي لأداء تمريني اليومي حتى انا بيني وبين نفسي كنت من جوا اقرب الى الروقان من العصبيه
بس يمكن اللي زعلني اني مشيت مع شخص انا ادري انه طفل من ايام الجامعه وتبينلي انه مازال طفل هههههههه امس
مختصر الكلام اللعبة افادتني بضبط النفس والتقة بالنفس ايضا والابتعار عن العنف

^^^^^^^^^^
مشكووورين يا شباب على تفاعلكــــــم ومشاركتكم الرائــــعه
بالتوفيق للجميـــع

مشكووووووور على الموضوع ماقصرت
لاكن اتوقع في سلبيات إلي هيا 1تقصير القامه *(التقصير في الطول)
هل هاذه معلومه صحيحه ولا لا

غير صحيحة اذا كنت طبيعي

بما اني ردي جاء متأخر وشفت ردود الاعضاء قالوا كل اللي اريد اقوله
ولكن بالنسبة لي انا
ممكن بعض الاعضاء يعرف بدايتي اني انسان متين صاحب 125كلج من الشحم الخالص ههههههههههه
ولكن الان يارب لك الحمد 75 كيلو مريحتني كثير
الجسم صار مقبول الوجه طلع صافي
وفيه شئ مدري انا شفته لوحدي او شافوه الاعضاء
شفت اني املك داخلي شخص آخر ولكن كانت مكبوت ولا اعرفه
إلا في الحديد
شخص يريد القوة والاصرار والتحدي
شفت شخص متوحش يريد تفجير الات برفع اوزان اكبر من اللي اقدر عليها
اول مابديت العب صدر بالفراشه كنت العب بـ5 كيلو ويالله الخراج
وبعد اقل من شهر الان العب بـ25 كيلو والكابتن رافض اني ازيد اكثر من كذا إلا بعد ان اشد الترهل

بإختصار :
ابحث عن نفسك سوف تجدها في صالة الحديد وشكرا
كابتن احمد اشكرك من اعماق قلبي لما تقدمه للمنتدى ولما قدمته لي شخصيا

انا من رايي اخوي احمد انك تقلب السؤال يعني تقول : وش الاضرار التي لحفت بك من رياضه كمال الاجسام ؟
الجواب : بكل فخر خلتني على الحديده :)
شكرا على سؤالك الي يقلب المواجع هههههههههه