Sony VS Anonymous ~ اختراق شبكة البلاي ستيشن PSN .. مبروووووك !!

اقتباس:

---

المشاركة الأصلية كتبت بواسطة dely10

اام خوش فكره

بس مشكلتي امل بسرعه :(

هالايام شاغل وقتي بحفظ القرآن
لاني مشارك بمسابقه والحمد لله خيره وقتي طويل ومافي شي يلهني

---

ماشاء الله تبارك الله
الله يوفقك
أنا بصراحة مالي نفس ألعب طالما ان PSN مغلقة حتى لو لعبت Off Line أحب أشوف أصحابي ايش يلعبون ؟؟؟؟

انا بمكن الوحيد اللي ما فرقت معي

لأنه اغلب الألعاب اللي احبها اوفلاين

بس سوني لازم تعوضنا ^ ^

امممم.. انا الصراحة وايد انهيت العاب بما أن الاونلاين كان شاغلني باللعب والسوالف على كول اوف ديوتي.

عادي شباب اعتبروها فترة نقاهه واحس ان كل واحد اخيراً حصل الوقت اللي ما كان عنده قبل بسبب انشغالة بلعب الأونلاين وتحديات كول اوف ديوتي .

انا انهيت الألعاب القديمة = ) .

اعتقد Xbox سبب هاي المشاكل و تخريب على سوني
لان الشركه الوحيده الي تنافس سوني

اقتباس:

---

ماشاء الله تبارك الله
الله يوفقك
أنا بصراحة مالي نفس ألعب طالما ان PSN مغلقة حتى لو لعبت Off Line أحب أشوف أصحابي ايش يلعبون ؟؟؟؟

---

اجمعين يالحبيب

مثلى انا احب اشوف ربعي اللي باللست شيلعبون

اقتباس:

---

اعتقد Xbox سبب هاي المشاكل و تخريب على سوني
لان الشركه الوحيده الي تنافس سوني

---

لا مستحيل مالها اي صله والا تصير قضايا ومحاكم >>> السالفه مو سهله

dely

صدقني عادي تستوي, شرات البنوك قبل يوم كانو يخربون على بعض عبر الهكرز عسبت كل واحد يبا ياخذ زباين و هالشي كان مربح البنك يلي يخرب على الثاني من ناحية الزباين و الفلوس,

ف عادي اتوقع السبب الرئيسي هو الاكس بوكس او شرايكم عشان يريحون ضميرنا كانو المفروض يهكرون على الاكس بوكس بعد هههههههه عشان نحذف احتماليه ان الاكس بوكس هو يلي مهكر P:

الله الله الله

اعلن شركة سوني في مؤتمرها اللذي اقاموه باليابان
أن الشبكة سوف تعود للعمل هذا الأسبوع.
وراح يوزعون هدايا
1- كل منطقة حول العالم سوف تعطى شيئا مجانيا من أجل التحميل من قبل الشركة وجميع المعلومات عن المواد القابلة للتحميل سوف تتوفر قريبا.
2- سوف يعطى جميع اللاعبين حول العالم على شبكة الـPSN شهرا مجانيا في خدمة PS+ واما المشتركين الفعلين في الخدمة سوف يزاد لهم شهرا إضافيا.
3- سوف يعطى الجميع حول العالم( الذين تعمل معهم خدمة Music Ultimate) شهرا مجانيا في الخدمة.

اقتباس:

---

أن الشبكة سوف تعود للعمل هذا الأسبوع.

---

مالجديد؟ كثير من الناس عارفين ان الشبكة راح ترجع الاسبوع ذا!

اقتباس:

---

1- كل منطقة حول العالم سوف تعطى شيئا مجانيا من أجل التحميل من قبل الشركة وجميع المعلومات عن المواد القابلة للتحميل سوف تتوفر قريبا.

---

اتمنى لو يخلون اضافات MW 2 مجاناً، لاني قد شريتها على الاكس بوكس واحسها كثير لو اشتريها مرة ثانية!
ولو يخلون اضافة ايسكاليشن حقة بلاك اوبس مجاناً يصير مرة حلو، هم كريمين وحنا نستاهل >>>>> اقول لا يكثر!

اقتباس:

---

2- سوف يعطى جميع اللاعبين حول العالم على شبكة الـPSN شهرا مجانيا في خدمة PS+ واما المشتركين الفعلين في الخدمة سوف يزاد لهم شهرا إضافيا.

---

شئ جميل، وتعجبني الشركة اللي تحاول تعوض عملاءها، اتوقع لو شركة عربية كان اول تصريح "لسنا مسؤولين، وليش العملاء ما الغوا بطاقتهم
الائتمانية من بدري، وماحنا اول شركة تتهكر، والحمدلله وضعنا احسن من غيرنا!"

اقتباس:

---

3- سوف يعطى الجميع حول العالم( الذين تعمل معهم خدمة Music Ultimate) شهرا مجانيا في الخدمة.

---

تشتغل عندي في منطقتي، لكن مدري وش فائدتها؟ تشغل موسيقى وانت تلعب مثلاًَ؟

اقتباس:

---

مالجديد؟ كثير من الناس عارفين ان الشبكة راح ترجع الاسبوع ذا!

---

بس لاتنسى طلع كلام ان الشبكة احتمال تتعطل سبوعين مو 10 ايام

هالخبر في تأكيد ان الشبكة هالاسبوع بتفتح

ومصدر الخبر مؤتمر سوني اللي سووه اليوم في اليابان يعني شي مضمون وخبر رسمي

صباح الخير على الجميع ...

اقتباس:

---

- كل منطقة حول العالم سوف تعطى شيئا مجانيا من أجل التحميل من قبل الشركة وجميع المعلومات عن المواد القابلة للتحميل سوف تتوفر قريبا

---

معنى الكلام لن يرجع الستور كما كان على طول بل تدريجيا ترجع المواد والأضافات حبه حبه ...و شيئا واحد مجاني لابأس بلاش حلو بس يعتمد على حسب الأشياء المتاحه في ذلك الوقت والمده المحدده للهديه ...

اقتباس:

---

- سوف يعطى جميع اللاعبين حول العالم على شبكة الـPSN شهرا مجانيا في خدمة PS+ واما المشتركين الفعلين في الخدمة سوف يزاد لهم شهرا إضافيا

---

حركه ذكيه من سوني . مجرد دعايه للبلس ليس ألا ....شخصيا لا أهتم بالبلس سأحرص على العروض الخاصه بالخدمه على بعض الألعاب ...


شكرا ديلي ...

اقتباس:

---

Sony Confirms Anonymous Has Not Been Implicated With PSN Intrusion In Any Way

---

سوني تقول مجموعة anonymous مو هم اللي هكروا ال PSN

هنا المصدر

السالفة مصخت الصراحة يعني مانلومهم بس شركة نفس سوني المفروض اقل شي يومين
وصج في ناس فكرت تاخذ الاكس بوكس عشان ماكو اولاين
انا قبل امس كنت بالرحاب بالمركز الكويتي اقعد هناك مع الشباب من زمان اعرفهم
دش واحد يسئل عن الاكس بوكس وجم وشنو معاه وجذي
جان اقط ويهي انا قلتله معاه جذي وجذي وقام يسولف
طلع تدرون ليش يبي اكس بوكس ؟
لانه صارلة اسبوع مو لاعب كول او دوتي لازم العب:D
وفكر صج يشتري بس هون قال يمكن بعدين او شراها من محل ثاني مادري والله
انا عندي اكس بوكس بس ماكو اشتراك غولد :02:
انا مشترك بالبلس توني قبل لايتهكر الستور ب يوم لوووول ح يكسر الصخر بس راح يعطونها شهر ابلاش زين

اقتباس:

---

سوني تقول مجموعة anonymous مو هم اللي هكروا ال PSN

---

هم مساكين قالوا ان مالهم دخل هالمره XP

بس ايش هالتهكير اللي خلى الشبكه معطله لين الحين؟

والله خوفي سوني وهي قاعده تطوّر في الشبكه قاعده تسوي شي عشان تصير بفلوس >_>

^^

قصدج يؤمنون على الشبكة بتقنيات أقوى و تصير بفلوس؟
يمكن ليش لا.

بس أنا توقعي إنها تتم ببلاش

السالفة أحس مفبركة , يعني مؤامرة من سوني , علشان اطلع عذر حقنا حق ندفع للـ PSN