أسرار فيلم الكرتون...(عدنان ولينا)

سلام ..
ياأخ فندل أو ما أعرف ايش اسمك .. تقول الكلام اللي على عدنان ولينا صحيح .. ايش دخل أم الكرتون في السياسة .. ليش ما تقول عدنان هو الفلسطيني لانه فقير وما عنده سلاح و لينا غلبانة محتجزة من ضمن اليهود .. وليه ما تقول انه الجد هو أحمد ياسين .. وعلام هو شارون أو أي قائد والجنود اللي معاهم أسلحة هما اليهود .. (لأنه هذه القصة هي اللي راكبة ) وفي الأخير عدنان اللي هو فلسطيني هما يينتصروا .. ليه دايما تفكيرنا نحن العرب و المسلمين .. تفكير فاضي وغبي .. لما متى حنفضل كده هههههههههههههه
وتقول باباي وزيتونة كفار يختلطوا مع بعض .. وبلوتو المسلم اللي بلحية هههههههههههههههههه والله احلى نكتة سمعتها .. أولا معروف في عالم البحار .. وانه في بحارين .. اللي قرصان واللي بلحية ومتين واللي نحيف .. الخ وثانيا .. الغرب و العالم كلهم وحتى العرب وحتى المسلمين يختلطوا مع بعضهم .. تراكم تعبتوني .. والمشكلة في ناس يصدقوا على طول هههههههههههههه
على العموم ما طول و شباب قبل ما تقولوا أي كلام .. فكروا فكروا فكروا (3 مرات) .. لأنه أظن في رئيس باكستاني كان يقول Think.. Think.. Think .. B4 u Talk
يلا أشوفكم على خير .. سلملم :biggthump

الحين هياو ميازاكي هو اليهودي اللي بيخرب عقول الأطفال العرب؟؟
والله هالكلام من اسخف ما سمعته في حياتي..

ميازاكي فناااااااااااااااااان..
ولو احنا نحط نص الطاقة اللي يحطها هو في واحد من أفلامه كنا صرنا الحين شي..

هاذي اللي احنا الحين نسويه.. كلام كلام كلام.. وبس.. فعل لا.


اقول لكم شي..

الكلام صح.. عدنان ولينا قصة يهودية.. مثل ما كانت البوكيمونات بأساميها مخالفة للعقيدة..

وترى الكابتن ماجد بعد فيه اشياء ما انتبهتوا لها..
الكرة اللي يشوتونها اللعيبة بينهم هي فلسطين.. وكابتن ماجد هو العربي اللي يبي يفوز بالكرة.. أما بسام فهو اليهودي اللي يبي اخذ الكرة من ماجد او بالمعنى يبي ياخذ فلسطين من العرب..

انتبهتوا حق هالنقطة..

في غيره بعد..

تعرفون جراندايزر..

أكيد جو نجاي لما كتب هالقصة كان يتنبأ بالمستقبل على طريقة نوستراداموس..
ترى دايسكي اللي ياي من كوكب ثاني يقصدون فيه المسيح الدجال اللي بيي بعلوم ما نعرفها احنا سكان الأرض.. وجفتوا الأرض ترى يقصدون فيها فلسطين..
وغزاة كوكب فيجا ترى هم العرب اللي يبون ياخذون فلسطين من اليهود او الأرض من اهالي الأرض..
لكن المسيح الدجال اللي بيلحقونه اليهود واللي هو دايسكي بيدافع عنها وبيرجعها لهم..

حد انتبه لهالنقطة؟؟

بعد في..

تذكرون مسلسل بن بن.. ترى هاي يقصدون فيه الفلسطيني المشرد اللي يدور على امه فلسطين..
في الطريج يلتقي بعمو شنبو اللي يساعده.. هاذي ترى أمريكا توصل رسالة انها بتساعد العرب...

اقدر اييب اي انيمي واحور القصة على الموضوع اللي صاير الحين...

:tongue2: تبون زيادة... والا تمللتوا

صج احنا تنطبق علينا مقولة (يا أمة ضحكت من جهلها الأمم)
نهد القضايا المصيرية ونركض ورا البوكيمون وعدنان ولينا

اقتباس:

---

أنا تقابت مع hayao miyazki وهو أطيب مما يتوقع الجميع كما أنه يحب العرب ويحترمهم كثيراً .

---

من صجك اخوي؟؟؟ :bigeyes:
متى قابلته وشلون؟؟

وينه جيجا بايت عن هالكلام؟؟؟
لازم اقول له :17:

ههههههههههههههههههههههههههههااااااي

خلود مت من الضحك على ردج العجيب

و إنتي الصاجة و كلامج منطقي ,

الصراحة الموضوع هذا شفته أكثر من مليون مرة و ما صدقته من أول وهلة
سخافة ...

مع إحترامي لناقل الموضوع ...

بال انا شنو مغبّر هعهعهعهع

طبعا انا أتفق مع اورنج رود و هاياتو و اللي معارضين نقطة صاحب الموضوع..

شي غريب شلون الواحد يحلل الامور بهالطريقه..

احنا عمرنا مافكرنا جذيه لما شفنا عدنان ولينا.. انيمي عادي حاله حال غيره فيه خير و شر شدخل فلسطين و اسرائيل..

والله الاطفال مايفكرون في هالشي أبدا ولايفتكرون مسيح دجال او صراع العرب واسرائيل لكن انتوا بهالطريقه تفتحون عيونهم وتخلونهم يفكرون في هالشي اللي بيأثر عليهم سلبا.. يعني الانيمي مب المشكله..

تدرون ان في مره قالوا حتى توم و جيري يقصدون فيه المسلمين و الكفار.. ان المسلمين هم القطو الغبي و اسرائيل هي الفار اللي دايما يلعب على القط و ينتصر عليه..
الصراع بين الفار و القط معروف من قدم البشريه.. شلون حللوها العرب الفاضيين بهالطريقه مادري!!

زين اوكي خل نقول كلامك صحيح.. WHAT'S THE POINT OF IT.. لو تحليلك صحيح.. شنو التأثير اللي راح يصير؟؟
كلنا شفنا عدنان ولينا و آباءنا شافوه و الحمدلله محد تأثر..

أنا قرأت الموضوع من قبل بأحد المنتديات وأثار انتباهي
وبالنسبة لي مسلسل عدنان ولينا
من روائع الانيمي على الاطلاق
وقصة من اروع القصص على الاطلاق

لكن ماشدني من الموضوع... هو ان اهل القلعة اللي كانوا ساكنين تحت الارض
كانوا يضعون ختم على شكل صليب على جباههم

وهذا شي ماينكره أحد

انا ما اقول اني متأكد من الكلام اللي الموجود بالموضوع
لكن كل شي جايز

اقتباس:

---

المشاركة الأصلية كتبت بواسطة hayato

هل من الممكن أن يكون hayao miyazki المتواضع الطيب أن يكون له ذلك التفكير الجاهل .

أنا تقابت مع hayao miyazki وهو أطيب مما يتوقع الجميع كما أنه يحب العرب ويحترمهم كثيراً .
مع تحيات hayato

---

قال الله تعالى في سورة المنافقون آية رقم 4
(وإذا رأيتهم تعجبك أجسامهم وان يقولوا تسمع لقولهم كانهم خشب مسندة..) إلى بقية الآية الكريمة





مشكووورة اختي (نونه) على الموضوع :)