الموضوع الرسمي | Silent Hill 5 : HomeComing

اقتباس:

---

المشاركة الأصلية كتبت بواسطة arashi

الثالث حسيته وايد سهل
اسهل جزء في سايلينت هيل


اللي صج ناوي يتقعد ويعذب نفسه يجرب اوريجينز

وع وع وع وع وع معقد تخريف غباء :crazy:

السخافه هي لما مثلا انا في الطابق الثاني في غرفه 213 في جنوب المبنى وابي اروح غرفه 111 في الطابق الاول جنوب المبنى..جوفوا السخافه:
اروح اول شي الممر في شمااااااال المبنى في الطابق الثانيز.ادخل الله يعوكم الحمام وامسك المرايا عشان انتقل لعالم الكابوس..في الكابوس يفتح لي غرفه كانت مقفوله فيها حفره تنزلني للطابق الاول...انزل واطلع منها...الحين عشان اوصل للجنوب لغرفه 111 بعد ادخل غرفه فيها مرايا واغير العالم...وامشي امشي...الطريج مسدود..ادخل غرفه ثانيه فيها مرايا بعد اغير العالم...اوصل ل111 اخيرا يطلع احتاج مفتاح <_<...ارجع واغير العالم واحصل المفتاح..ارجع واغير العالم وافتح الباب...اخر شي على كل هالتعب احصل ورقه غبيه وبس

خسارة هالتعب :cray:

---

ههههههههههههه ماعليه يا أرتشي تحملي
أنا الحمد لله أرتحت من هذا الجزء وخلصته
بس تراه فيه قصة غير أنه ينقذ اليس
يعني يستاهل اللعب :biggthump:biggthump

ورجاء للأخوان من دون ذكر أسماء
هذا الموضوع مخصص لمعجبين بسلسلة فلا يقول هذا الجزء أحسن عن هذا ...كل جزء يستاهل اللعب وحرام تحكمون على اللعبة بسبب كرهك لطريقة اللعب ...حتى أنا كنت نفسكم ..اول كنت أكره الجزء الخامس بس حبيته بعد تخليل الأخوان أرتشي وتيمي و أخت أرتشي أيضا
فهناك قصة وحقيقة أشوف سايلنت هيل مافيه عيب في كل أجزاءه حتى جزء شيتر ميموري
وخاصة هذا الجزء لأنه أبدعو فيه حقيقة
للي ختم اللعبة أكثر من مرة بيوافقني في الرأي :wink2:

وأممم صحيح شو كنت بقول

للي خلص من سايلنت هيل ينتقل على SIREN تراه ....روعه :32: بكل أجزاءه

المشكله في ال game play انا مثل اراشي ماحب الي وايد يعور الراس لانك ماراح تشتهي تلعبها مره ثانيه

اتذكر يوم كنت اتابع معاها كنت انبطططططططط وفي نفس الوقت جابره نفسي اتابع عشان مافوت جزء بدون ماعرف قصته .. بصراحه ماتذكر شي عنه من الملل

اقتباس:

---

اول كنت أكره الجزء الخامس بس حبيته بعد تخليل الأخوان أرتشي وتيمي و أخت أرتشي أيضا

---

قصدك أراشي ومستر تومي و أراشي أيضا ^^ مب ارتشي ولا تيمي ههههههههههه هذيله ماسووا شي P:

الفلم بيعيدونه اليوم ساعه 2 صح ؟ الي يشوفه بغرفته وهو مطفي الليتات اعطيه 500 ريال وممنوع تلحفون عمركم بملحف ولتقصرون وايد عالصوت خلوه جو سينمائي

^^^^^

ههههههههه
لا لا أنا بروحي ساكن في الشقة وتوني شايف فلم PARANORMAL ACTIVITY
ما ظنتي بنام الليلة
شكلي باجر بروح العين عند الأهل علشان أنام p:

بكملها سهره مع فلم كوميدي علشان ينسيني الخوف

إذا كنت تقصدني يا أخ قيمر فأنا ما قلت إلا وجهة نظري ... والحقيقة اللي صايره للسلسلة في أخر 3 أجزاء لها ...

وطبعاً ما جاء هذا الكلام إلا لأني مقهور على إللي يصير بهذه السلسلة مؤخراً ...

SILENT HILL خربت بسبب تغيير المطور والمصيبة أنها صارت تتنقل بين المطوريين الغرب .

arashi

اقتباس:

---

الثالث حسيته وايد سهل
اسهل جزء في سايلينت هيل

---

اي والله هالجزء يعتبر الاسهل بالسلسلة وحده خفيف تقدريت
تختمينه بيوم واحد :o

اقتباس:

---

اللي صج ناوي يتقعد ويعذب نفسه يجرب اوريجينز

وع وع وع وع وع معقد تخريف غباء

السخافه هي لما مثلا انا في الطابق الثاني في غرفه 213 في جنوب المبنى وابي اروح غرفه 111 في الطابق الاول جنوب المبنى..جوفوا السخافه:
اروح اول شي الممر في شمااااااال المبنى في الطابق الثانيز.ادخل الله يعوكم الحمام وامسك المرايا عشان انتقل لعالم الكابوس..في الكابوس يفتح لي غرفه كانت مقفوله فيها حفره تنزلني للطابق الاول...انزل واطلع منها...الحين عشان اوصل للجنوب لغرفه 111 بعد ادخل غرفه فيها مرايا واغير العالم...وامشي امشي...الطريج مسدود..ادخل غرفه ثانيه فيها مرايا بعد اغير العالم...اوصل ل111 اخيرا يطلع احتاج مفتاح <_<...ارجع واغير العالم واحصل المفتاح..ارجع واغير العالم وافتح الباب...اخر شي على كل هالتعب احصل ورقه غبيه وبس

خسارة هالتعب

---

هالجزء فوق انه متعب وتحتاجين تفكرين وايد فيه لما تتنقلين بين العالمين الا ان الاصدار الرئيسي كان على الـpsp وهذا ضاعف التعقيد فيه, طبعا انا لعبت نسخة السوني2 بس كانت فيها مشاكل خفيفة خصوصا لما ابدل سلاح القى صورته تتغير بالمنيو :boggled:


g4mer

اقتباس:

---

ورجاء للأخوان من دون ذكر أسماء
هذا الموضوع مخصص لمعجبين بسلسلة فلا يقول هذا الجزء أحسن عن هذا ...كل جزء يستاهل اللعب وحرام تحكمون على اللعبة بسبب كرهك لطريقة اللعب .

---

اوافقك الرأي 100% اجزاء السلسلة ما احب اقارن بينها لكني افضل الجزء الثاني لانه الاقرب الى قلبي لكن ذلك ما يعني انه افضل من باقي الاجزاء. الحمدالله اناا استمتعت بكل الاجزاء وحبيتها ابتداء من الجزء الاول الى الخامس ( ما لعبت شاترد ميموريز لي الحين للاسف:( )

اقتباس:

---

..حتى أنا كنت نفسكم ..اول كنت أكره الجزء الخامس بس حبيته بعد تخليل الأخوان أرتشي وتيمي و أخت أرتشي أيضا
فهناك قصة وحقيقة أشوف سايلنت هيل مافيه عيب في كل أجزاءه حتى جزء شيتر ميموري
وخاصة هذا الجزء لأنه أبدعو فيه حقيقة
للي ختم اللعبة أكثر من مرة بيوافقني في الرأي

---

الحمدالله ان تحليلنا والنقاش خلاك تحب هالجزء من جد هالشي يفرحني
واحنا بصدد العمل على موضوع عن الجزء الخامس لكن تم ايقاف العمل فيه
بداعي العمل على الاجزاء السابقة اولا :)

اقتباس:

---

وأممم صحيح شو كنت بقول

للي خلص من سايلنت هيل ينتقل على SIREN تراه ....روعه بكل أجزاءه

---

سايرن توني قبل فترة ختمتها على السوني3 جزء the new translation حدددده روعة مع اني مت لين قلت بس هههه
الاجزاء الثانية على السوني2 والا انا غلطان؟

حاليا قاعد العب clock tower3 بصراحة ما توقعت اللعبة بتعجبني جذي خصوصا الجرافيكس والجيم بلاي
انصحكم تجربونها;)

يامي:p

اقتباس:

---

قصدك أراشي ومستر تومي و أراشي أيضا ^^ مب ارتشي ولا تيمي ههههههههههه هذيله ماسووا شي P:

---

لووووول لا عادي خطأ مطبعي ولا اني بالبداية عبالي تيمي عضوة كانت تشارك قبل لا انا ادش معاكم:D

اقتباس:

---

الفلم بيعيدونه اليوم ساعه 2 صح ؟ الي يشوفه بغرفته وهو مطفي الليتات اعطيه 500 ريال وممنوع تلحفون عمركم بملحف ولتقصرون وايد عالصوت خلوه جو سينمائي

---

زهبيلي الـ500 ريال... الا جم يصيرون بالدينار الكويتي؟ :09:

خل نشوفج لا تقاطعين... اذا عندج دوام ترا هم احنا عندنا مدرسة :p

(Walter Sullivan):أفكر:

اقتباس:

---

إذا كنت تقصدني يا أخ قيمر فأنا ما قلت إلا وجهة نظري ... والحقيقة اللي صايره للسلسلة في أخر 3 أجزاء لها ...

وطبعاً ما جاء هذا الكلام إلا لأني مقهور على إللي يصير بهذه السلسلة مؤخراً ...

SILENT HILL خربت بسبب تغيير المطور والمصيبة أنها صارت تتنقل بين المطوريين الغرب .

---

ذكرتني بنفسي ايام الـps2 كنت حدي عنصري للسوني واليابان واكره كل شي من الغرب
بالنهاية توصلت لحقيقة خلتني ارتااااح حيل, العب اللعبة على قوتها مو عشان منو صنعها
الغرب لهم ابداعاتهم والشرق كذلك, شريت اكسن بوكس وسوني عشان ارتاح من هالموضوع
وبصراحة ليلحين مو شايف هالانحدار اللي تقول عنه مع اني Fan كبييير للاجزاء الاولى بس
ما يضر هالشي اني اعترف بان الجيم بلاي تطور بالاجزاء الحديثة واستمتعت فيها مثل الاجزاء الاولى
بالنهاية هدفنا الاول والاخير الاستمتاع سواء كنا لاعبين casual او نقاد critics والا شرايك؟:33:

اقتباس:

---

المشاركة الأصلية كتبت بواسطة (Walter Sullivan)

إذا كنت تقصدني يا أخ قيمر فأنا ما قلت إلا وجهة نظري ... والحقيقة اللي صايره للسلسلة في أخر 3 أجزاء لها ...

وطبعاً ما جاء هذا الكلام إلا لأني مقهور على إللي يصير بهذه السلسلة مؤخراً ...

SILENT HILL خربت بسبب تغيير المطور والمصيبة أنها صارت تتنقل بين المطوريين الغرب .

---

أخوي ولتر ما كنت اقصدك انت تحديدا الكل :28:
وانا اسف :ee2:

g4mr

اقتباس:

---

يعني يستاهل اللعب :biggthump:biggthump

---

ايه قصه عائليه
خلصتها من زمان...بس والله تعقدت منها
يوم وصلت الmotel لعبت ولعبت ساعات ويوم بغيت أحفظ اللعب خسرت لأن الحفظ في اخر الدنيا وتعال بدل العوالم عشان توصل
تركتها شهور ورجعت لها وانهيتها بخياس نفس :blackeye:

اقتباس:

---

اول كنت أكره الجزء الخامس بس حبيته بعد تخليل الأخوان أرتشي وتيمي و أخت أرتشي أيضا

---

نبي انطباعك :biggthump

اقتباس:

---

للي خلص من سايلنت هيل ينتقل على SIREN تراه ....روعه :32: بكل أجزاءه

---

جوفوا اخر الفيديو موتني ضحك :D

^^^^^^^^
هاذي سايرين؟ وهي نفسها forbidden Siren ؟
اجوف فيها مجموعة لاعبين...كلهم لهم نفس القصه ول كل واحد غير؟
شكلها رعب من الزين :biggthump

Mr.Tommy

معاك حق في كل اللي قلته ما عدا أني متعصب وعنصري :09: ... صدقني لاني متعصب ولاني عنصري في أي شيء ما عدا ...

أني متعصب SILENT HILL وأكيد متعصب :biggthump .

يمكن أكون مفتقد أسلوب Team Silent القديم ومو عاجبني شغل الغرب (يمكن لأني أكره أغلب ألعابهم وليس جميعها وخاصة اللي تكون من نوع FPS :boggled:) ...

الصراحة Team Silent كان يحبكو كل إصدار يشتغلو عليه من جميع النواحي وما يخلو أي ثغره .

تدرون يا أخوان أنهم أشتغلو على الجزء الخامس فتره وبعدين كنسلو المشروع لما شافو مبيعات الجزء الرابع ... وأعتقد من بعدها بدء الإنفصال بينهم ...

وطبعاً لم يظهر أي شيء من اللي أشتغلو عليه في الجزء Homecoming ...

تخيلو معايا كيف كان حيكون الجزء الخامس لو صدر من تحت أيديهم ؟

اقتباس:

---

المشاركة الأصلية كتبت بواسطة g4mer

أخوي ولتر ما كنت اقصدك انت تحديدا الكل :28:
وانا اسف :ee2:

---

عادي يا اخي الكريم أنا كنت أتجادل وأتحاور معك فقط ... وحبيت أوضح لك شعوري تجاه السلسلة ليس أكثر ... وليس هناك داعي للإعتذار يا أخي الكريم الكل هنا أخوه والحوار مفتوح للجميع مهما كان رأيه :biggthump .

==========

إلا بمناسبة ذكر SIREN كيف هي اللعبة في الجزء اللي ظهر على الـ PS3 ؟ هل اللعبة وأسلوبها تشبه الجزء الثاني ؟

بصراحة لعبت الجزء الثاني على الـ PS2 وعجبني لكن مللت منه بسبب التعقيد اللي فيه ...

^
^
^
حبيب وغالي اخوي والتر سوليفان ^^

بالنسبة للي يسألوني عن سايرن ( نسخة ps3 ) واللي اسمها The new translation هالجزء جدا ممتاز واللعبة حلوة ومعقدة بنفس الوقت راح تحتاجون تفكرون معاها, راح تلعبون بكثر من شخصية بقصص مختلفة وفي شخصيتين الله يعينكم عليهم هههههه
بالنهاية اعتبرها من الرعب الزين
وحاليا قاعد العب clock tower 3 من جد ما توقعت ان اللعبة ممكن تكون بهالروعة, منو فيكم لعبها؟

^^^^
أنا لعبته -____- بس ما كملته بسبب الخوف الي أتاني من كثر ما يلاحقوني

أرتشي ما يطلع عندي الفيديو تقدرين تعطيني الروابط ^^"

ولتر....شكرا ^^

شباب

ليه ما فيه أحد يتكلم عن الفلم ؟؟؟؟ إيش إنطباعاتكم عنه

الفلم الصراحة روعة وقصته غريبة جداً ؟؟؟ دخول روز إلى مدينة سايلنت هيل ( التل الصامت)

المترجم الله يهديه ما ترجم معنى كلمة سايلنت هيل ؟؟؟ ومن ثم مواجهتها هي والشرطية

لشخصيات المدينة والفتاة أليسا وما دار حولها من كلام ... أنا ما حزنت إلا علشان حاجة

واحدة الشرطية التي ليس لها ذنب ماتت حرقاً هذا غير الضرب الذي تعرضت له ؟؟؟؟

والمسكينة روز كل هذة المصائب التي تعرضت لها في سبيل البحث عن شارون( إبنتها بالتبني)

بس الفلم به نقطتين لم أفهمها

الأولى : في نهاية الفلم لما روز خرجت من المدينة ومعها شارون كيف عبروا الطريق

والمدينة معلقة في الهواء ومفصولة عن العالم الخارجي ؟؟؟؟ مشوا بالسيارة

الثانية : لما العائلة كلهم إجتمعوا في البيت وفي غرفة واحدة لكن لا أحد شعر بوجود الأخر

بعدين الأب طلع خارج البيت وشاهد المطر وهو يتساقط ؟؟؟ نهاية مبهمة ؟؟؟؟

اقتباس:

---

تخيلو معايا كيف كان حيكون الجزء الخامس لو صدر من تحت أيديهم ؟

---

1-أتوقع ما راح يكون فيه اسلوب المناوره بزر الدائره
2-واحتمال تكون 80% من القصه في مدينة سايلينت هيل
3-ولا كنا بنقاتل ناس من order لأنهم بشر
4-راح يكون كل التركيز على أليكس وجوش اما باي الشخصيات فكمبارس ويمكن يكون عددهم اقل

أسلوب الجزء الخامس يناسب نوع القصه وما اظن ان الستايل القديم يناسبه :أفكر:
واهم شي انه جمع كل الاجزاء تقريبا من حيث:

عائلة شيبيرد التي تقرب لماري زوجة جيمس من الجزء 2
البيراميد هيد الذي ظهر في الجزء الثاني (واظن الثالث)
الاورديز اللي لهم تاريخ اسود في اوريجينز والاول والثالث
الكنيسه وتصميمها يشبه تصميم الكنيسه في الفلم
ظهور ترافيس بطل اوريجينز في البدايه

اقتباس:

---

بصراحة لعبت الجزء الثاني على الـ PS2 وعجبني لكن مللت منه بسبب التعقيد اللي فيه ...

---

في ايش التعقيد؟
افكر اشتريها :(

اقتباس:

---

اح تلعبون بكثر من شخصية بقصص مختلفة وفي شخصيتين الله يعينكم عليهم هههههه

---

وكل شخصيه كم ساعه تلعب فيها اللعبه؟

اخاف ان يكون اللعب قصير لأن فيه كذا شخصيه؟

ولا هم كلهم تلعب فيهم بقصه وحده كااااااااامله لحد ما تنهي اللعبه؟

اقتباس:

---

أرتشي ما يطلع عندي الفيديو تقدرين تعطيني الروابط ^^"

---

اوكي ^^

http://www.youtube.com/watch?v=HPphu...layer_embedded

http://www.youtube.com/watch?v=Ipt-0...layer_embedded

اقتباس:

---

الأولى : في نهاية الفلم لما روز خرجت من المدينة ومعها شارون كيف عبروا الطريق

والمدينة معلقة في الهواء ومفصولة عن العالم الخارجي ؟؟؟؟ مشوا بالسيارة

---

لأن دورهم انتهى في المدينه فسمحت لهم المدينه بالخروج

اقتباس:

---

الثانية : لما العائلة كلهم إجتمعوا في البيت وفي غرفة واحدة لكن لا أحد شعر بوجود الأخر

بعدين الأب طلع خارج البيت وشاهد المطر وهو يتساقط ؟؟؟ نهاية مبهمة ؟؟؟؟

---

لأن روز وشارون عالقين في عالم اخر

^^^^
شكرا أرتشي ^^

أمم ليش كل سبت كئيب نرجع لأبوظبي مع تلك الشقة الكئيبه وباجر دوام :(

لكن أخذ راحتي وانا بروحي خخخخخخخخخ:p

اقتباس:

---

المشاركة الأصلية كتبت بواسطة arashi

1-أتوقع ما راح يكون فيه اسلوب المناوره بزر الدائره
2-واحتمال تكون 80% من القصه في مدينة سايلينت هيل
3-ولا كنا بنقاتل ناس من order لأنهم بشر
4-راح يكون كل التركيز على أليكس وجوش اما باي الشخصيات فكمبارس ويمكن يكون عددهم اقل

أسلوب الجزء الخامس يناسب نوع القصه وما اظن ان الستايل القديم يناسبه :أفكر:
واهم شي انه جمع كل الاجزاء تقريبا من حيث:

عائلة شيبيرد التي تقرب لماري زوجة جيمس من الجزء 2
البيراميد هيد الذي ظهر في الجزء الثاني (واظن الثالث)
الاورديز اللي لهم تاريخ اسود في اوريجينز والاول والثالث
الكنيسه وتصميمها يشبه تصميم الكنيسه في الفلم
ظهور ترافيس بطل اوريجينز في البدايه

---

معاكي حق في كل ما قلتيه :33: ...

لكن في إعتقادي إننا كنا حنشوف جزء خامس بقصة مختلفة كلياً عن قصة Homecoming ... ويمكن مفاجأت أخرى من فريق له خبره طويلة بالسلسلة ...

اقتباس:

---

المشاركة الأصلية كتبت بواسطة arashi

في ايش التعقيد؟
افكر اشتريها :(

---

اللعبة معقدة كلياً ...

تلعبي بأكثر من شخصية وكل شخصية لها ميزتها ...

واللعبة عبارة عن مهام كثيرة ...

أغلب الأحيان يجب عليكي فعل شيء ما بشخصية معينه عشان تقدري تفتحي مهمة جديدة لأحد الشخصيات ...

مثلاً : أنتي تلعبي بأحد الشخصيات في مهمه معينه يجب عليكي إلتقاط أداه معينه في هذه المهمه ...

لو ما التقطتي هذه الأداه أنسي أن مهمه أحد الشخصيات تفتح لكي ...

وحتحوسي حوسه مالها داعي عشان شيء تافه وحتعلقي في مكانك ما تدري إيش تسويين وإيش اللي ناقص وفأي مهمه .

أتذكر أني علقت في الجزء الثاني في أحد المهام كان لازم أني أكتشف أحد الممرات (زقاق) في أحد الشوارع بشخصية معينه ...

في الحقيقة أنا ما أكتشفت هذا الممر ...

ولما جيت ألعب فيما بعد بشخصية أخرى هذه الشخصية لا تدري عن هذا الممر أو بلأصح لا يمكن إستخدام هذا الممر ... ليش لأني لم أكتشفه سابقاً بلشخصية السابقة ... والممر هو الحل لإنها المهمة :D...

حتى الشرح معقد ويضيع الله يعينك على فهمه :32: .

وعلى فكرة اللعبة لا تتيح لكي إختيار أحد الشخصيات واللعب بها من أول اللعبة لأخرها ...

لا اللعبة عبارة عن أكثر من شخصية إجباري اللعب بهم كلهم على حسب المهمة المتاحة للشخصية في الجدول الكبير .

على فكرة الأعداء في الجزء الثاني (ويمكن جميع الأجزاء الله أعلم) ما يموتو تضربهم ينصرعو دقائق في مكانهم ويصحو من جديد ويهجمو عليك :boggled: .

عالعموم أنتي مانتي خسرانه شيء اشتريها كوبي على الـ PS2 وجربي وأحكمي عليها .

شباب اعتذر عن عدم قدرتي على اضافة موضوع رسايل سايلنت هيل2 اليوم بسبب حالة وفاة, بارجع اسويه بعد 3 ايام
الى ذلك الوقت اشوفكم على خير :)