الموضوع الرسمي | Silent Hill 5 : HomeComing

اقتباس:

---

يصير بس شرط ان يكون هاردسك جهاز ps3 سلييم

---

كليتوس
خلاص بنزلها من الستور واخزنها في فلاش :biggthump

يعني عشان اوضحلك الامور الاول كان يبحث عن بنت كانت فكره جديده وحسيت كأني اجوف فلم :أفكر:
الثاني لا تعليق عنه كنت اقول نفس الكلام لحد ما قريت تحليل مستر تومي :biggthump
الثالث عن حقيقه هيذر كانت مفاجأه حلوه :D
الرابع عن القاتل نسيت اسمه الي في شقق استانست على فكرة الرسايل اللي تحصلها تحت الباب..كنت ألعب هاللعبه مع يامي...جزء حلو :أفكر:
الفرعي سائق شاحنه يتكلم عن طفوله معناته هذا اللي صج لا تعليق :12:
الخامس اليكس يبحث عن اخوه تشبه الجزء الاول لكن وهو يبحث عن اخوه يكتشف ان اهله وجماعته كلهم مجرمين واجدادهم من سايلينت هيل...ممتاز :biggthump

اقتباس:

---

انا عندي اكاونت واحد زايد ( احتياط ) اقدر اعطيج اياه وتنزلين الالعاب اللي انا منزلها ومتى ما خلصتي تسوين Deactivate عشان اقدر ارد استخدمه بعدين

---

شكرا مستر تومي بس ترى يصيدونك ويكنسلون الاكاونت
متأكده :bigeyes:

طيب المهم في هذا الرد...ملاحظات اخوي Subaru >>>> لقب :silly: :

1-"توقعت من قبل ان ماريا ولورا جزء من ماري"
2-"كل ما احد اتهم جيمس بشي يطلع على طول الدليل ان صج..مثلا..لما ايدي يقول لجيمس انك قاتل مثلي وان االمدينه استدعتك على طول تهاوش معاه وقتله..لما انجيلا تقول لجيمس انك تبي شي مني (خايس) على طول اكتشف انه خايس وسطحي تجاه ماري..لما لورا تقول انك ماتحب ماري وماهتميت لها جاف الفيديو وعرف انه قتلها وكان زوج مقصر في حقها"
3-"ماريا انولد في سايلينت هيل قبل لورا: يعني اول ما ماري مرضت فقدت جمالها وصحتها ووقتها انولدت ماريا..لما ماتت ماري فقدت روحها الطيبه انولدت لورا...فممكن بعد هاذ سبب ان ماريا اكبر من لورا"
4-"القبور الثلاثه في السجن: احنا لما نمر عالقبور نحصل اسم جيمس وانجيلا وايدي...بس قبر جيمس اللي مفتوح ويقفز منه للحفره...اتوقع ان ايدي لما مر من هالمكان لقى قبره هو اللي مفتوح بس والباقي مسكرين..وانجيلا نفس الشي..عشان جذي لما نزل جيمس جاف ايدي"
5-"سؤال: دام رسالة ماري لجيمس من خيال جيمس...ليش محتواها يطابق محتوى النص الاول من رسالة ماري الي تطلع في النهايه...In my restless Dreams.....etc ؟ "

ننتظر تعليقكم :biggthump

اقتباس:

---

طيب المهم في هذا الرد...ملاحظات اخوي Subaru >>>> لقب :

---

خوش لقب, اعتقد ان سبب التسمية انه يمتلك سبارو عدل؟ :28:

اقتباس:

---

1-"توقعت من قبل ان ماريا ولورا جزء من ماري"

---

وتوقعك غي محله. طبعا طبقا لتحليلي لكن في اشخاص يصرون ان لورا مو خيالية بسبب الرسالة اللي خذتها من الممرضة يوم ما كانت مع ماري لكني اصر على انها خيالية

اقتباس:

---

2-"كل ما احد اتهم جيمس بشي يطلع على طول الدليل ان صج..مثلا..لما ايدي يقول لجيمس انك قاتل مثلي وان االمدينه استدعتك على طول تهاوش معاه وقتله..لما انجيلا تقول لجيمس انك تبي شي مني (خايس) على طول اكتشف انه خايس وسطحي تجاه ماري..لما لورا تقول انك ماتحب ماري وماهتميت لها جاف الفيديو وعرف انه قتلها وكان زوج مقصر في حقها"

---

انا اوافقك الراي بكل اللي قلته الا بكلام لورا, لانها على العكس كانت فظة معاه ولما صارت تعامله بشكل افضل كشف لها الحقيقة المرة, بس بشكل عام النقطة اللي ذكرتها صحيحة وممتازة :)

اقتباس:

---

3-"ماريا انولد في سايلينت هيل قبل لورا: يعني اول ما ماري مرضت فقدت جمالها وصحتها ووقتها انولدت ماريا..لما ماتت ماري فقدت روحها الطيبه انولدت لورا...فممكن بعد هاذ سبب ان ماريا اكبر من لورا"

---

لو كان فارق السن بينهم بسيط ممكن اوافقك الراي, بس انا اعارضك لسببين
1- ماري عمرها ما كانت تشبه ماريا, ماريا اهي ماري المثالية اللي جيمس تمناها لكنه عمره ما راح يحصلها ( لاحظ ان ماريا تمرض اثناء القصة كدليل على ان ماري المثالية بنظره شيء من ضرب المستحيل ), ماري من الاساس ما كانت تتميز بالجمال بس جيمس كانت يتمناها تكون بهالجمال

2- سبب عمر لورا الصغير واضح وبسيط, عشان عنصر البراءة اللي يتميز فيه الاطفال لان روحهم صافية, وعشان الرغبات الجنسية عند جيمس ما تخليه يحكم عليها من منظور جمالها وانوثتها, وتكون العلاقة بين جيمس وجانب ماري البريء طاهر من هالافكار اللي كانت دايما تحوم حواليه وتقدر توصله هدفها اللي ذكرته بالتحليل بدون هالمشاكل

اقتباس:

---

4-"القبور الثلاثه في السجن: احنا لما نمر عالقبور نحصل اسم جيمس وانجيلا وايدي...بس قبر جيمس اللي مفتوح ويقفز منه للحفره...اتوقع ان ايدي لما مر من هالمكان لقى قبره هو اللي مفتوح بس والباقي مسكرين..وانجيلا نفس الشي..عشان جذي لما نزل جيمس جاف ايدي"

---

كلامك صحيح 100% برافو عليك خوش نقطة... لك بونس عليها P:

اقتباس:

---

5-"سؤال: دام رسالة ماري لجيمس من خيال جيمس...ليش محتواها يطابق محتوى النص الاول من رسالة ماري الي تطلع في النهايه...In my restless Dreams.....etc ؟ "

---

مو فاهم سؤالك ممكن توضح عشان لا اكتبلك كلام واخر شي اطلع بوادي وانت بوادي هههههه

بس ما شاء الله عندكم عايلة تخصص تحليل عيني عليكم بااردة, يا حظكم لما تقعدون مع بعض وتتناقشون قصة فلم او لعبة اعجبتكم

اقتباس:

---

ننتظر تعليقكم

---

اوصلتلج التعليقات ليدي اراشي ^^

اقتباس:

---

خوش لقب, اعتقد ان سبب التسمية انه يمتلك سبارو عدل؟ :28:

---

هههه لا الولد توه 15 :silly:

اقتباس:

---

مو فاهم سؤالك ممكن توضح عشان لا اكتبلك كلام واخر شي اطلع بوادي وانت بوادي هههههه

---

يقول لك سوبارو:

"الرساله اللي من خيال جيمس

In my restless dreams,
I see that town. Silent Hill.
You promised me you'd take me
there again someday.
But you never did.
Well, I'm alone there now...
In our "special place"
Waiting for you...




الرساله الحقيقيه اللي تظهر في النهايه


In my restless dreams,
I see that town.
Silent Hill.
You promised me you'd take me
there again someday.
But you never did.
Well, I'm alone there now...
In our "special place"
Waiting for you...
Waiting for you

to
come to see me.
But you never do.
And so I wait, wrapped in my
cocoon of pain and loneliness.
I know I've done a terrible
thing to you. Something you'll
never forgive me for.
I wish I could change
that, but I can't.


السؤال هو ليش التكرار اللي بالاحمر
شلون قدر جيمس يتخيل النص الاول من الرساله ؟
شلون خياله طابق الرساله الحقيقيه؟ "


وشكرا على قراءتك لتعليقه واستانس عالبونس :silly:

مريت على كذا فيديو يضحكون لسايلينت هيل :biggthump



هالفيدوهات للجزء الخامس
واحد يمثل حاور من عنده ههههه ضحكني مقطع أليكس وجوشوا
حاسبوا من السبويلر لازم تنهي اللعبه بالكاااامل قبل ماتشاهد حتى المشهد الاول :wow:

هلا شخباركم شباب ؟؟ والله لكم وحشه T-T

انا متابعه كل الردود وكل مابغيت انزل رد مسكوني اهئ اهئ

مستر تومي عظم الله اجرك والله يرحم جميع موتانا وموتى المسلمين يارب

انا طلعت تحليل من موقع علىا لشخصيات الثانيه في سايلنت 2 خاطري اترجمه واحطه لكم ^_^

والسموحه بحاول اني اتواصل واشارك معاكم اول باول

اقتباس:

---

يقول لك سوبارو:

"الرساله اللي من خيال جيمس

In my restless dreams,
I see that town. Silent Hill.
You promised me you'd take me
there again someday.
But you never did.
Well, I'm alone there now...
In our "special place"
Waiting for you...




الرساله الحقيقيه اللي تظهر في النهايه


In my restless dreams,
I see that town.
Silent Hill.
You promised me you'd take me
there again someday.
But you never did.
Well, I'm alone there now...
In our "special place"
Waiting for you...
Waiting for you

to
come to see me.
But you never do.
And so I wait, wrapped in my
cocoon of pain and loneliness.
I know I've done a terrible
thing to you. Something you'll
never forgive me for.
I wish I could change
that, but I can't.


السؤال هو ليش التكرار اللي بالاحمر
شلون قدر جيمس يتخيل النص الاول من الرساله ؟
شلون خياله طابق الرساله الحقيقيه؟ "

---

وليش استنتجت ان الرسالة حقيقية؟
انا من البداية كنت مؤمن بان رسالة النهاية هي جزء اخر من ذاكرة جيمس نفسه, جزء يذكره بمدى حاجة ماري له وقت مرضها, ولكني بفترض ان الرسالة حقيقية لان احتمال صحتها ممكن يكون اعلى من انها مجرد رسالة صنعها خيال جيمس, اذا ما هو سبب تكرار الكلام بالرسالة الحقيقية باالرسالة الموجودة عند جيمس من البداية؟ بسيطة, جيمس قرء الرسالة بعد وفاة ماري, واعتقد انه لما قرأها كانت الشرارة اللي بدء منها عملية الكبت النفسي وظهور شخصية جيمس المحب لزوجته, جيمس اللي يبي يلتقي ماري بمكانهم الخاص لانه يحبها ويهتم فيها
لكنه بالواقع ما اوفى بوعده ولما قرء الرسالة زاد شعوره بالذنب
النظريتين اشوفهم متساوين وتعتمد على نظرة كل لاعب للقصة, انا مؤيد للنظرية الاولى لكني ما انفي ان النظرية الثانية اقرب للواقع :)

اقتباس:

---

وشكرا على قراءتك لتعليقه واستانس عالبونس

---

لا ولو, انا ايتانست يوم شفت تعليقه وواضح انه لعب اللعبة بعيون فاحصة وهذا النوع من اللاعبين اللي احب اشوف تحليله وكلامه عن مثل هذه الالعاب, اشكرك على تعليقاتك :)



يامي

اقتباس:

---

هلا شخباركم شباب ؟؟ والله لكم وحشه T-T

---

انتي اللي لج وحشة وينج ما نسمع ارائج احس قاعدة تتغلين P:

اقتباس:

---

انا متابعه كل الردود وكل مابغيت انزل رد مسكوني اهئ اهئ

مستر تومي عظم الله اجرك والله يرحم جميع موتانا وموتى المسلمين يارب

---

أمين يا رب, واشكرج على تعزيتج والحمدالله ان اعضاء سايلنت ما ينسوني لو غبت عنهم وهالشي يخلي معزتكم عندي تزيد

اقتباس:

---

انا طلعت تحليل من موقع علىا لشخصيات الثانيه في سايلنت 2 خاطري اترجمه واحطه لكم ^_^

---

ممتاز, دامه تحليل للشخصيات اتمنى يخاالف تحليلي عشان اتهاوش معاج واطلع نفسي غصب صح>>> ثقة زايدة P:

اقتباس:

---

والسموحه بحاول اني اتواصل واشارك معاكم اول باول

---

اصلا نزلت عليج انذار اول وان ما تواصلتي ترا بتاخذين حرمان ^^

I am going to silnet hill where is the resident evil ...... I and my friends we made a big bang theory there ....... and that is my Final fantasy :)

اقتباس:

---

النظريتين اشوفهم متساوين وتعتمد على نظرة كل لاعب للقصة, انا مؤيد للنظرية الاولى لكني ما انفي ان النظرية الثانية اقرب للواقع :)

---

انا عندي تفسير استنتجته وانا اقرى ردك وان شاء الله عليه بونس :D

تقدر تقول ان جيمس قرا رسالة ماري الطويله العريضه بالكاااااااامل لما ماتت
حس وقتها بالذنب لأنه قتلها وقصر في حقها وبدى ينسى
الرساله كانت هي نفسها اللي بالنهايه لكن لاحظ انه بدأ يتوهم شي جافه في الواقع
الرساله الوهميه فعلا تطابق الحقيقيه ولكن لاحظ عند اي جمله تنتهي:


In my restless dreams,
I see that town. Silent Hill.
You promised me you'd take me
there again someday.
But you never did.
Well, I'm alone there now...
In our "special place"
Waiting for you...

لما توقف عند هالجمله تقول ان ماري اكيد ما ماتت وهي على قيد الحياه وتنتظره في سايلينت هيل

لكن الرساله الكامله اللي جيمس قراها قبل لما ماتت ماري تكتمل من بعد هاذي الجمله

Waiting for you...
Waiting for you

to
come to see me.
But you never do.
And so I wait, wrapped in my
cocoon of pain and loneliness...........الخ.

وباقي الرساله طبعا توضح ان ماري تحكي قصتها وهي على فراش الموت وان الوقت اللي جيمس يقرا الرساله تكون ماري ماتت

اذن السبب ان الرساله الاولى تطابق النص الاول من الرساله الكامله هو ان جيمس قرا رسالتها بعد ماتوفت لكن شعوره بالذنب هو اللي خلاه يتذكر جزء منها واللي ينتهي عند جمله Waiting for you فقط وكأنها عايشه وتبغيه يقابلها في مكان معين

اقتباس:

---

لا ولو, انا ايتانست يوم شفت تعليقه وواضح انه لعب اللعبة بعيون فاحصة وهذا النوع من اللاعبين اللي احب اشوف تحليله وكلامه عن مثل هذه الالعاب, اشكرك على تعليقاتك :)

---

خلاص دام هو مب مشارك في المنتدى فطبيعي البونس يروح لأخته اللي كتبت تعليقه :أفكر:

سوبارو اول مره يشتط على تحليل لعبه لدرجه انه ياي يركض غرفتي وانا أصلي يبي يقول لي وحده من استنتاجاته اللي كتبتها :D
يامي مستكه وقالت له يقول لها الاول بعدين يقول لي :silly:

اقتباس:

---

I am going to silnet hill where is the resident evil ...... I and my friends we made a big bang theory there ....... and that is my Final fantasy :)

---

ما فهمت بس احس الجمله تنفع لتوقيع
اكتبها لأنها تشمل احلى 3 ألعاب

ارووش :أفكر:

اقتباس:

---

انا عندي تفسير استنتجته وانا اقرى ردك وان شاء الله عليه بونس

---

حدج واثقة بعطيج بونس.... انا ما اعطي بونس الا اذا واحد كتب نقطة خلت عيوني جذي :bigeyes:
بنشوف في بونس والا لا:28:

اقتباس:

---

تقدر تقول ان جيمس قرا رسالة ماري الطويله العريضه بالكاااااااامل لما ماتت
حس وقتها بالذنب لأنه قتلها وقصر في حقها وبدى ينسى
الرساله كانت هي نفسها اللي بالنهايه لكن لاحظ انه بدأ يتوهم شي جافه في الواقع
الرساله الوهميه فعلا تطابق الحقيقيه ولكن لاحظ عند اي جمله تنتهي:


In my restless dreams,
I see that town. Silent Hill.
You promised me you'd take me
there again someday.
But you never did.
Well, I'm alone there now...
In our "special place"
Waiting for you...

لما توقف عند هالجمله تقول ان ماري اكيد ما ماتت وهي على قيد الحياه وتنتظره في سايلينت هيل

لكن الرساله الكامله اللي جيمس قراها قبل لما ماتت ماري تكتمل من بعد هاذي الجمله

Waiting for you...
Waiting for you

to
come to see me.
But you never do.
And so I wait, wrapped in my
cocoon of pain and loneliness...........الخ.

وباقي الرساله طبعا توضح ان ماري تحكي قصتها وهي على فراش الموت وان الوقت اللي جيمس يقرا الرساله تكون ماري ماتت

اذن السبب ان الرساله الاولى تطابق النص الاول من الرساله الكامله هو ان جيمس قرا رسالتها بعد ماتوفت لكن شعوره بالذنب هو اللي خلاه يتذكر جزء منها واللي ينتهي عند جمله Waiting for you فقط وكأنها عايشه وتبغيه يقابلها في مكان معين

---

كلامج حلو بس تقريبا rephrase للكلام اللي انا ذكرته فبعتبر كلامج ناجح لكن بدون بونس:33:

اقتباس:

---

خلاص دام هو مب مشارك في المنتدى فطبيعي البونس يروح لأخته اللي كتبت تعليقه

---

يادا اليوم المنيل من اولوه, مفيش درجات يا بنت :12:>>>> عباله مطلعهم من جيبه:p
لا خلاص البونس بحتفظ فيه لين يسجل سوبارو بالمنتدى... عضو يديد برابطة سايلنت هيل:أفكر:
احس بظرف سنة او ثنتين عايلتكم كلها بتشارك بالرابطة وبتحتلونها:D

اقتباس:

---

سوبارو اول مره يشتط على تحليل لعبه لدرجه انه ياي يركض غرفتي وانا أصلي يبي يقول لي وحده من استنتاجاته اللي كتبتها
يامي مستكه وقالت له يقول لها الاول بعدين يقول لي

---

ههههههههههههههههههههه اموت واعرف شنو نوايا يامي يوم قالتله قولي التحليل بعدين قول حق اروش>> Evil aura surrounding her head :D

عاد شنو رايه بالجزء بشكل خاص وسايلنت هيل بشكل عام:أفكر:
هالكلام وعمره 15 سنة, اتوقع له مستقبل الله يخليه لكم:)
بس لا يصير جوشوا قدوته:أفكر:
واذا عندكم اخو بعمر اليكس باعدوه عنه:p

هههههههههههههههه اروش توني شفت مقاطع الفيديو اللي حطيتيهم حدهم ابداع
كل مقطع لازم في مقولة على الاقل تموتني من الضحك
خصوصا Alex in Wonderlands هههههههه
اللي سوا الفيديو حده عجيب

ثاااااااااانكس اروش ^^

Mr.Tommy

اقتباس:

---

انتي اللي لج وحشة وينج ما نسمع ارائج احس قاعدة تتغلين P:

---

هههههه لا والله غصبن عني >< هالايام مريضه وتعبانه حدي ... ذبحنا الغبار ععععععع مالي خلق حق نفسي
بس قلت انزل رد ولا بتطردوني من الرابطه P:

اقتباس:

---

ممتاز, دامه تحليل للشخصيات اتمنى يخاالف تحليلي عشان اتهاوش معاج واطلع نفسي غصب صح>>> ثقة زايدة P:

---

انا ماقريته كله عدل عدل ولا قلت انه الي مكتوب صح هههههههههههه احنا ممكن نتسلى فيه ونحش في الي كتبه بين مأيد ومعارض هع... بس سامحوني بتأخر شوي ماقدر انزله هالايام

اقتباس:

---

اصلا نزلت عليج انذار اول وان ما تواصلتي ترا بتاخذين حرمان ^^

---

ياساتر يارب @@
معلش يا استاز تومي اصلي عيانه من كم يوم ومليش نفس اخش المنتدى من التعب
ولفيت المراكز الصحيه كلها ومحدش رضى يديني اجازه مرضيه >< احسبها ليه اجازة عرضه مش مشكله P:

اقتباس:

---

كلامج حلو بس تقريبا rephrase للكلام اللي انا ذكرته فبعتبر كلامج ناجح لكن بدون بونس:33:

---

ايي في الرد على سوبارو .. بس ماكان واضح الشرح اراشي فصفصته اكثر ^^

اقتباس:

---

البونس بحتفظ فيه لين يسجل سوبارو بالمنتدى

---

ويييييييييه سوبارو ... مب مال منتديات حاولنا معاه ^_^

اقتباس:

---

ههههههههههههههههههههه اموت واعرف شنو نوايا يامي يوم قالتله قولي التحليل بعدين قول حق اروش>> Evil aura surrounding her head :D

---

ههههههههههههه واااااااااااي >< مسكته عشان مايزعجها وهي تصلي وتشوقت اعرف شنو استنتاجه ولما خلصت صلاتها قلت لها تعالي سمعي شنو قال اخوج بس كااااااك

اقتباس:

---

بس لا يصير جوشوا قدوته:أفكر:
واذا عندكم اخو بعمر اليكس باعدوه عنه:p

---

خلاص اراشي من يوم ورايح انتي في صوب وسوبارو في صوب

اروش

حد فيكم شاف الفلم الهندي الجمعه عال mbc max كاااااك البطل اسمه اروش

الحين بعلق عالفيديوات ^_^

اقتباس:

---

يفطس من الضحك احلى شي لما تقول judge hallaway بفقع عينك بالدرل ههههههههههههههههه
ولما ذاك نسيت شنو اسمه الي يصلح اسلحه وساعات ان بيحط السجاره في عينه كااااااهاهاا تحشيش

---

مالي صبر ينزل المقاطع الي بعدها

اقتباس:

---

هههههه لا والله غصبن عني >< هالايام مريضه وتعبانه حدي ... ذبحنا الغبار ععععععع مالي خلق حق نفسي
بس قلت انزل رد ولا بتطردوني من الرابطه P:

---

ما تشوفين شر وانتبهي لصحتج من هالغبار :) , والله انا نفس الحالة هالايام بس مريض نفسيا من امتحانات الفاينل والحين قاعد اكتب هالرد وانا صارلي اكثر من يوم مواصل بخلص حل الاسألة المطلوبة مني بالـstudy group المشكلة صاير فيها الفاهم وخذيت اصعب أسالة :(

بس اخلص الفاينل الاثنين بخلص موضوع الرسايل على طول, حدي مصختها ما نزلته ليلحين

اقتباس:

---

انا ماقريته كله عدل عدل ولا قلت انه الي مكتوب صح هههههههههههه احنا ممكن نتسلى فيه ونحش في الي كتبه بين مأيد ومعارض هع... بس سامحوني بتأخر شوي ماقدر انزله هالايام

---

هههههههه ناوية شر :p, خلاص اخذي راحتج احنا مو مستعيلين العالم امتحانات والمنتدى نايم اصلا وانتي مريضة :blackeye:

اقتباس:

---

ياساتر يارب @@
معلش يا استاز تومي اصلي عيانه من كم يوم ومليش نفس اخش المنتدى من التعب
ولفيت المراكز الصحيه كلها ومحدش رضى يديني اجازه مرضيه >< احسبها ليه اجازة عرضه مش مشكله P:

---

التحليل الوحيد اللي اشوفه لتغييرج اللهجة اهو انج تشعرين بالذنب :p, وانتي مسموحة بدون عذر طبي لو اروش يمكن اطلب منها اما انتي ما يحتاج>> يحس اروش بتخترع عليه كومبو :blackeye:

اقتباس:

---

ايي في الرد على سوبارو .. بس ماكان واضح الشرح اراشي فصفصته اكثر ^^

---

اراشي ما تقصر :أفكر:

اقتباس:

---

ويييييييييه سوبارو ... مب مال منتديات حاولنا معاه ^_^

---

اذا ما يحب منتديات شنو يحب عيل؟ لا تقوليلي كرة قدم:09:

اقتباس:

---

ههههههههههههه واااااااااااي >< مسكته عشان مايزعجها وهي تصلي وتشوقت اعرف شنو استنتاجه ولما خلصت صلاتها قلت لها تعالي سمعي شنو قال اخوج بس كااااااك

---

ههههههههههههههه اشوة كنت اظن انج ماسكته وانتي ناوية شر, طلعت انا ظالمج :p

اقتباس:

---

خلاص اراشي من يوم ورايح انتي في صوب وسوبارو في صوب

---

الحين اروش بتعاند اكثر وزاد التهديد على سبارو>>> يتذكر الكومبو اللي صار قبل جم سطر:blackeye:

اقتباس:

---

حد فيكم شاف الفلم الهندي الجمعه عال mbc max كاااااك البطل اسمه اروش

---

ههههههههه لا ما شفته بس لو ادري ان البطل اروش جان سجلته بعد ومسكت عليها انها بايقة النك نيم من فلم هندي :biggrin2:

اقتباس:

---

ارووش :أفكر:

---

ههههههه لا خلاص انا مب اروش...اروش طلع اسم ريال هندي :09:

اقتباس:

---

كلامج حلو بس تقريبا rephrase للكلام اللي انا ذكرته فبعتبر كلامج ناجح لكن بدون بونس:33:

---

No fair...I brought evidence :cray:

اقتباس:

---

احس بظرف سنة او ثنتين عايلتكم كلها بتشارك بالرابطة وبتحتلونها:D

---

هههه سوبارو كسول مب مال منتديات
هو يتكلم واحنا نكتب..خلاص انت عطني البونس وانا بوصله لأخوي :D

اقتباس:

---

بس لا يصير جوشوا قدوته:أفكر:
واذا عندكم اخو بعمر اليكس باعدوه عنه:p

---

هو يشبه جوشوا ههههه
انا أليكس في العيله وهو جوشوا عشان جذي احس في معاناة أليكس :silly:
كان عندنا تسجيل برنامج في شريط كاسيت بس ضيعناه >>> نفس هبالة أليكس وجوشوا :silly:

اقتباس:

---

هههههههههههههههه اروش توني شفت مقاطع الفيديو اللي حطيتيهم حدهم ابداع

---

بس الصراحه...بعض النكت خلتني افهم الجزء الخامس اكثر وطلعنا نظريه يديده كتبناها في ورقه وبنحللها ان شاء الله بعيد :33:

اقتباس:

---

التحليل الوحيد اللي اشوفه لتغييرج اللهجة اهو انج تشعرين بالذنب :p, وانتي مسموحة بدون عذر طبي لو اروش يمكن اطلب منها اما انتي ما يحتاج>> يحس اروش بتخترع عليه كومبو :blackeye:

---

هههه اصبر بس انا انتقامي شديد...بالقلم الرصاص ... اولكم يامي الخيانه :09:

اقتباس:

---

ههههههههه لا ما شفته بس لو ادري ان البطل اروش جان سجلته بعد ومسكت عليها انها بايقة النك نيم من فلم هندي :biggrin2:

---

لالالالا هم بايقينه مني..خبركم الهنود حتى يبوقون الالحان العربيه :09:
في بعد مغني فارسي باق اسمي لكن حذف حرف واحد هالنصاب..اسمه Arash :D


المهم برجع للموضوع....برويكم يوميات يامي مع سايلينت هيل 2 :D
القصه من تأليف يامي ورسمي :D


http://files02.arb-up.com/i/00061/zjl2i9q12ulr.jpg

^^^^
ههه يامي الجبانه تخاف يطلع لها البيراميدهيد...لازم اقعد على راسها لما تلعب :silly:

http://files02.arb-up.com/i/00061/8x7wgy2g0bf8.jpg

^^^^
حليب شوكولاته المراعي هو الشراب المقدس عندنا في البيت:32:
حتى البيراميدهيد أخذ العدوى :silly:

http://files02.arb-up.com/i/00061/5uegqxv0bg96.jpg

^^^
يامي كانت متهاوشه معاي و رفست قطوه سوده والمسكينه كارت من 13 دريّه لين الارض :ponder:
اليوم الثاني انا رفستها بسبب يامي :D


المره اليايه برسم واحد فيكم صبروا بس :D

ههههههههههههههههههههه لا المانجا المصغرة مو صج, حدج بدعتي فيها
ما شاء الله عليج مبدعة بالرسم ياليتني اعرف ارسم جذي, استمري بالرسم لان عندج الموهبة

اما القصة ههههه كسرت خاطري يامي كله خايفة بس ناقص تسكرين عليها الليت وتقفلين الباب عشان تصير السالفة صج

وبعدين تعالي شلون طعم الناتشوز مع الحليب كاكاو احس مو راكبة هههه

اشوة انج مو شايفتني والا كان تفننتي برسمي على اني شرير لاني اساند جيمس وهنري هيهيهي, والله من قلتي بتنتقمين بقلم رصاص وانا حاس ان الانتقام ماراح يكون بسيط, have mercy on my soul
ارحميني كتعوض للقطو المسكين اللي ذاق العذاب منكم انتو الثنتين, احس احفاد ذاك القطو ليلحين يمرون عند بيتكم ويشوفونه بنظرة غضب

لازم تشوفيلنا اسم دلع يديد حقج اذا ما كنتي تبين اروش>> احس انج كرهتي ذاك الفلم
ثااااانكس على هالرسمات الحلوة ^^

اقتباس:

---

ما شاء الله عليج مبدعة بالرسم ياليتني اعرف ارسم جذي, استمري بالرسم لان عندج الموهبة

---

شكرا مستر تومي :D
أستاهل عليها بونس صح؟
نص الدرجه لي والنص الثاني للمؤلفه :09:

اقتباس:

---

اما القصة ههههه كسرت خاطري يامي كله خايفة بس ناقص تسكرين عليها الليت وتقفلين الباب عشان تصير السالفة صج

---

اووووووووف فاتتني والله خوش حركه :أفكر:
بس يامي ان سويت فيها شي يخوف ترويني الويل
انا مره سويت فيها مقلب يخوف اكثر من سايلينت هيل من يومها ما ترضى اخوفها حتى لو بس أطلع لها من ورى الباب ببرنوص :28:

اقتباس:

---

وبعدين تعالي شلون طعم الناتشوز مع الحليب كاكاو احس مو راكبة هههه

---

بالعكس...جرب ناشتوز الدوريتوس مع حليب كاكاو شرط يكون المراعي :biggthump

اقتباس:

---

لازم تشوفيلنا اسم دلع يديد حقج اذا ما كنتي تبين اروش>> احس انج كرهتي ذاك الفلم

---

الصراحه الفلم كان cheap الله يرحم ايام زمان :(
لا ههه انا اروش الحقيقيه ما عليكم من ذاك المزيف:silly:

اوكي مستر تومي..الدور عليك..انا ويامي اتفقنا عالقصه
وفكرنا شلون لازم تنرسم :أفكر:

حاليا بنزل لكم قصه ثانيه
الضحيه: دكتور جامعه شرير أخّرني سنه في الجامعه :12: