اذا عندك اي استفسار عن اللعبه او تحتاج مساعدة تفضل

سلام يا شباب
الله يسلمكم قولوا لي اش اخر نسخه من فاينل فانتسي نزلت على البي سي
وكيف ادخل للعبه يعني اش احتاج وكم المساحه اللازمه وكل شي سويته عشان تلعبوا
تكفووووووووووووووووووووووون خاطري اللعبها انا لعبت كل الأجزاء على البلاي ستيشن واللحين ابي على البي سي
في امل احد يساعدني
وشكرا

السلام عليكم

والله انا استفسار عن فاينل فانتسي 11 اول شي انا حاب ارجع اكمل اللعبة لاكن خايف من شي واحد إن اللعبة توقف من بعد ما نزلت فاينل فانتسي 14 .

هل تنصحني اني اكمل اللعبة ولا ادخل 14 بس الصراحة انا احب 11 اكثر واااايد و الصراحة انا اريد مساعدة فيها .

^^^^
عدد اللاعبين في فاينل 11 اكثر من 14 في الوقت اللي يكونوا الشرق والغرب كلهم داخلين ...

السبب ان فاينل 11 ماتحتاج جهاز قوي .

شباب فيه احد يذكر لاعب اسمه Jorvan? ما ادري ليش ذكرته :) هو لعب فتره بس ما طول، اظن في 2007

اقتباس:

---

المشاركة الأصلية كتبت بواسطة hell-bottom

شباب فيه احد يذكر لاعب اسمه Jorvan? ما ادري ليش ذكرته :) هو لعب فتره بس ما طول، اظن في 2007

---

هذا خويي وترك الجيم من زمان :( الله يذكره بالخير هالساموراي الـ ــ مـ ـ ـعـ ـفـ ن

وهو الان يلعب ايون
احاول اقنعه يرجع لفاينل مو راضي ^^

اقتباس:

---

المشاركة الأصلية كتبت بواسطة MyFinalFantasy

^^^^
عدد اللاعبين في فاينل 11 اكثر من 14 في الوقت اللي يكونوا الشرق والغرب كلهم داخلين ...

السبب ان فاينل 11 ماتحتاج جهاز قوي .

---

معذره ليس السبب قوه الجهاز
فيه ناس ملوا من فاينل 14 ومشاكلها يكفي الفريق شوتوهم و ايظا إلى الان مجانيه فاينل 14

السلام عليكم ورحمة الله وربكاتة
كيف حالكم شباب ان شاءالله بخير حبيت أسئلكم ما هي أفضل شخصية للساحر أتمنى أنكم تستطيعون أفادتي ^^

طيب سؤال مهم
بحكم انه نزل فاينل 14
هل من الممكن مستقبلا انه يوقف فاينل 11 والا راح يستمر لان بصراحه افكر ارجع ل 11

هللللللو صبايا وشباب

كيفكون؟

ابا اسال بخصوص فاينل فانتسي الـ 14 يوم Trial

هل بعده موجود؟ ومن وين ينزلونه ياليت تعطوني موقع @_@

حصلت هالموقع ومكتوب closed :(

http://www.fileplanet.com/192215/190...Day-Free-Trial

ابا مكان ثاني لو بعده موجود ثانكس!

والاخ Faisol افضل شخصيه للساحر هي 3: بلاك ميج .. ريد ميج او بارد

على حسب انته شو تحب وشو ناوي فالمستقبل .. ناوي تسوي solo ولا ناوي اتم فقروب للابد ولا ناوي حبتين جي حبتين جي؟ اقرا عنهم اكثر واختار اللي يريحك .. بس ترا كلهم حلوين ولفل واحد الحين والثاني عقب شو المشكله؟ اصلا التلفيل صار سخيف وتافه

بخصوص فاينل 11 ما اعتقد توقف بس ممكن الاشخاص يهدونها فالمستقبل البعيد جداً

وشكراً

^

اخذي اللعبه من اي واحد شاريها ، وياها يكون فيه Serial Number حق trail.... مادري هذا الحل الوحيد اللي اعرفه

:( عندي اكاونتي وكل شي بس صديق سألني وماعرف اجاوبه قلت يمكن حد منكم يعرف

ثانكس اني ويز =)

السلام عليكم ... عندي استفسارين بسيطين أولا لعبة ff14 اشتراك شهري لذلك لو تعطيني رابط من وين اشترك ومن وين اسوي اكونت للعبة لانه دورت مالقيت علماانا عندي فيزا كاردمن اجل الاشتراك
ثانيا اللعبة فيها نسختين امريكي وكندي ماكو فرق بين الاثنين ولا شلون ومن وين اجيبه وشكرا

انا لااعرف اللعبة لدي بعض الاسئلة

هل اللعبةRPGمثل
World of WarCraft

وماهي متطلبات تشغيلها علي الاقل

بسم الله الرحمن الرحيم

Hauw :
مادري كيف طريقه التسجيل لمده 14 يوم للأسف


lighting37

مافيه فرق بينهم , لكن خذ الأمريكي احسن لك

متطلبات التشغيل ( اقل شيء )

- 800 MHz Pentium III Processor
- Windows 98 or higher
- DirectX 8.1 or higher
- 128 MB of RAM
- 6.5 GB of Hard Drive Space
- CD Rom drive
- A 56k connection or greater
- An ATI card with at least 32 MB of Video RAM or a NVIDIA GeForce card with at least 32 MB of Video RAM.

السلام عليكم

شريت اللعبه امس وكان عندي اكاونت قديم بس كانت الدوله السعوديه ومافي غير خيار Click and Buy للدفع, فتسرعت وكنسلت الاكاونت بعد ما سويت ريجستر للعبة

سويتلي اكاونت جديد وحطيت الدوله بريطانيا, بس الحين ماقدر اسوي ريجستر للعبه لان السي دي كي استخدمته قبل
كيف اقدر العب اللعبه الحين؟
مشكورين

السلام عليكم

انا شريت اللعبة لي اسبوع وما سجلت علشان كنت اشنري جهاز جديد
انا ودي العب فاينل ffxiv
انا كنت سابقا العب ffxi+wow
wow تركتها مليت
وحاليا العب
league of legends

بس المشكله موقفني Click and buy انا ابي احد يفتحلي اللعبه حق مجاني في حل؟
لآن الفيزا تبعي راح تتأخر ممكن شهر علشان تجي وانا ابي العب
اذا احد قادر يساعدني يضفني علىkira__saeed@hotmail.com
or skype my name :
linklink

سلام عليكم
أرجو احد يفيدني في موضوع التسجيل..ادري ان اللعبه قديمه وانا الآن جاي العبها..بس من جد حااب اني العبها..بس الي كان يردني عدم وجود طريقة دفع..ولازاالت المشكله تواجهني

انا اشتريت اللعبه بس هل البطاقات مسبقة الدفع من البنك الاهلي مقبوله في التسجيل؟؟

وغير ذلك, هل بطاقات كاشيو مقبوله؟؟

ارجو الإفاااده
شكرا....تقبلو مروري

اقتباس:

---

المشاركة الأصلية كتبت بواسطة DevilSoulll

سلام عليكم
أرجو احد يفيدني في موضوع التسجيل..ادري ان اللعبه قديمه وانا الآن جاي العبها..بس من جد حااب اني العبها..بس الي كان يردني عدم وجود طريقة دفع..ولازاالت المشكله تواجهني

انا اشتريت اللعبه بس هل البطاقات مسبقة الدفع من البنك الاهلي مقبوله في التسجيل؟؟

وغير ذلك, هل بطاقات كاشيو مقبوله؟؟

ارجو الإفاااده
شكرا....تقبلو مروري

---

بطاقة الأهلي ياأخي مقبولة
وأنا كنت أدفع فيها وهي أفضل بطاقة لفاينل

اقتباس:

---

المشاركة الأصلية كتبت بواسطة Angel Of Night

بطاقة الأهلي ياأخي مقبولة
وأنا كنت أدفع فيها وهي أفضل بطاقة لفاينل

---

الله يعطيك ألف عافيه على المعلومه
السبت ان شاء الله أحلى بطاقه من احلى بنك ههههههه
شكرا اخوي الكريم

يا شباب اللعبه ماتت او المنتدى ميت ! ؟

السلام عليكم

عندي سؤال بسيط :

لازم أدفع حق العب اون لاين ؟

لو أول ماشتري الشريط أقدر العب اون لاين ؟

وعدد الناس اللي شابكين واجد أو قليل ؟

شوف FFXI لازم اشتراك شهري بس دايما بأي لعبة MMO اول شهر ببلاش وعندك FFXIV ببلاش فتره معينه لما يعدلون اللعبه

السلام عليكم
من زمااااااااااااااان عن المنتدى ومن عهد جدتي مادخلت اللعبه
كيفكم وكيف اللعبه معاكم؟
بس حبيت اسلم عاد كان اسمي يوما من الايام Darkpain خخخ

اشتركت بالمنتدى لاني اتوقع بالقى اجوبتي هنا ^^
انا بدي العب فاينل 14 بس قالولي فيها مشاكل كتير فسحيت على اللعبة وسمعت ناس كتير سحبت على اللعبة
ودحين بسال هل نزل باتشات واتعدلت ؟
كم اشتراك اللعبة الشهري ؟
هل تحتاج صرف اموال غير الاشتراك .؟
مافضل سيرفر عربي ؟

واخر شي هل اللعبة تستاهل ولا ارجع ووركرافت ؟؟؟؟؟

اقتباس:

---

المشاركة الأصلية كتبت بواسطة hbk700

اشتركت بالمنتدى لاني اتوقع بالقى اجوبتي هنا ^^
انا بدي العب فاينل 14 بس قالولي فيها مشاكل كتير فسحيت على اللعبة وسمعت ناس كتير سحبت على اللعبة
ودحين بسال هل نزل باتشات واتعدلت ؟

نزلت باتشات (تقريبا 3) عدلت فيها بس لسه مب للمستوى المطلوب

كم اشتراك اللعبة الشهري ؟

للحين مجاني اللعب بس راح يبدون اخذ اشتراك بعد شهر او شهرين
وراح يكون تقريبا 13$ + عدد الشخصيات (كل وحده 1$)

هل تحتاج صرف اموال غير الاشتراك .؟

لا وفي اعتقادي حتى في المستقبل كمان لا

مافضل سيرفر عربي ؟

ماعندي اي فكره

واخر شي هل اللعبة تستاهل ولا ارجع ووركرافت ؟؟؟؟؟

---

في الوضع الحالي اقول لا
SE اعلنت خطتها للعبه من اسبوع واللعبه راح تكون بصورتها الحقيقيه في اخر 2012 وتقدر تشوف كل التفاصيل في
http://lodestone.finalfantasyxiv.com/pl/teaser/
وفي اخر الصفحه تقدر تنزل صور لمستقبل اللعبه
واذا قدرت SE تحط 50% من اللي موعود في الخطه تراها بتكون تستاهل

مشكوور وماقصرت

عندي مشكلة انا لدي الأجزاء كلها بس نظام الويندوز عندي windows 7 وما يشتغل عليها الألعاب

هل هناك طريقة ممكن أحد يساعدني ويشرحها لي أستطيع تشغيل اللعبة final fantasy XI على win7

وجزاكم الله خير

اقتباس:

---

المشاركة الأصلية كتبت بواسطة ملسونة السعودية

السلام عليكم
من زمااااااااااااااان عن المنتدى ومن عهد جدتي مادخلت اللعبه
كيفكم وكيف اللعبه معاكم؟
بس حبيت اسلم عاد كان اسمي يوما من الايام Darkpain خخخ

---

:O
...........

اقتباس:

---

المشاركة الأصلية كتبت بواسطة TIDUS_FFX

:O
...........

---

Hey Tid ^_^
long time no see

السلام عليكمعندي أسئلة بسيطة عن اللعبة, وهي :أقدر العب بدون اون لاين ؟وهل يوجد قصة فاللعبة ؟وكم الدفع الشهري ؟ ( بالريال السعودي )

اقتباس:

---

المشاركة الأصلية كتبت بواسطة UltimateZio

السلام عليكمعندي أسئلة بسيطة عن اللعبة, وهي :أقدر العب بدون اون لاين ؟وهل يوجد قصة فاللعبة ؟وكم الدفع الشهري ؟ ( بالريال السعودي )

---

تقصد FinalFantasyXIV!
اللعبه اون لاين فقط مافيها اوف لاين,
في مهمات في اللعبه لكل مدينه و في مهمات جانبيه,
مثل العاب الاون لاين مفتوحة العالم, يعني مو قصه مثل فاينل فانتازي 13 وباقي الاجزاء,
نفس تقريبا FF11,

سلام عليكم
ذحين نزل تحديث جديد على لعبة FinalFantasyXIV ما أقدر أدخل اللعبة لين ما احمل التحديث
و النت سيء جدا

اللي أبغاه هو هل أستطيع تحميل التحديث من الكمبيوتر و من ثمة أنزله على السوني ؟

لأن التحميل من الكمبيوتر أفضل بكثير من السوني
إذا يمديني ياليت تعطوني رابط لتحميل التحديث + طريقة تنزيله على السوني لأن ما عندي إلا نسخة السوني

وشكرا

^^
خلاص ما يحتاج
حملت التحديث

السلام عليكم ورحمة الله وبركاته ..
انا الحين واصل اللفل 36 وعندي مشاكل وايد .. يعني احس اني اضعف من اللاعبين الثانيين
شي طريقه اني ازيد من قوة اسلحتي ودفاعاتي ؟؟
انا اعتمد على زيادة اللفل وشراء الاسلحه الجديده
والمشكله الثانيه شي مهمات تطلب مني اهزم وحش مستواه 25 مثلاً لكن هو عملاق وانا في اللفل 32
لكنه يظل صعب وما اقدر اهزمه ..
شي استرتيجيات معينه لهذا النوع من الوحوش العملاقه !!
السؤال الثالث اشوف الناس يصنعون اشياء ويكسرون خشب وما اعرف كيف انا ولا مره جربت هذا الشي ..
كيف ادخل فيه وايش فوايده !؟

وعليكم السلام ورحمة الله و بركاته

الوظائف او الكلاس (class) الي تقدر تلعبها تنقسم الى نوعين:

1- نوع القتالي (وهو مقسم نوعين ايضا : كلاس محاربين و الاخر سحره)
محاربين مثل البلادن و الواريور والبارد وغيره الي يضربون الوحش بادوات,
السحره الي يستخدمون السحر لقتال الوحوش او لحماية اللاعبين, مقل الوايت ميج والبلاك ميج,

2- النوع الغير قتالي : (وهو مقسم نوعين ايضا: الصناعه و التجميع)
الصناعه هي الي تشوفهم يجلسون و يصنعون شيء بمكانهم,
التجميع الي يكونون في الاماكن المفتوحه خارج المدينه يكسرون الشجر او الصخر,

تقدر تلعب فيهم كلهم و تزيد لفلك في كل واحد وتبدل بينهم باي وقت من خلال تغير السلاح لك,
لكن اول شيء لازم انه تفتحهم, كيف فتحه! ببساطه كلم الـ NPC الي مسؤول عن هذا الكلاس , موزعين على المدن الثلاث,

بالنسبه للوحوش والصعوبه... حسب الوحش الي تقاتله و حسب الكلاس لك ونوعه,

السلام عليكم انا شخصيتي GLA واصل اللفل 46 والكلاس المساعد اللي هو PGL الحين واصل 16
لما رحت للكوست اللي تعطيني الجوب لقيتها مقفوله ومكتوب لازم يكون CNJ = 15 اللي هو الهيلر اعتقد
هذا غير عن اللي قريته هنا :blackeye:
المهم ايش الحل اذا يبوني العب بالهيلر من وين اجيب سلاحه ؟؟

الغريب انهم عطوني كوست للساحرايش هذي الخبصه !!

ملف مرفق 362972
هذي صوره توضح

اقتباس:

---

المشاركة الأصلية كتبت بواسطة Scar48

السلام عليكم انا شخصيتي GLA واصل اللفل 46 والكلاس المساعد اللي هو PGL الحين واصل 16
لما رحت للكوست اللي تعطيني الجوب لقيتها مقفوله ومكتوب لازم يكون CNJ = 15 اللي هو الهيلر اعتقد
هذا غير عن اللي قريته هنا :blackeye:
المهم ايش الحل اذا يبوني العب بالهيلر من وين اجيب سلاحه ؟؟

الغريب انهم عطوني كوست للساحرايش هذي الخبصه !!

---

مو لخبطه الكويست بيكون متوفر لكل كلاس مع صعودك فاللفل, فعادي اذا كلمت اي مكان خاص لهذا الكلاس يعطيك كويست جديد كل 5 لفل,
لكل كلاس مكان معين تاخذ منه الكويست تبعه,
متطلبات PLD هو انك تكون 15 GNJ ايضا,
لروح لمكان GNJ في Gridania, بخذ السلاح هناك, بعدين لفل 15 وتتقدر بعدها تصير PLD,
اذا تريد اساعدك باللعبه خبرني السيرفر,

السلام عليكم ورحمة الله وبركاته

انا عندي مشكلة في الدخول على اللعبة كنت العبها على الـ ps3 والان اريد ان العبها على Ps4 دخلت على حسابي في mog sation وعملت ترقيه للعبة على الـ ps4

واعطاني كود مكون من 12 خانه وحملت اللعبة كامله ولما ادخل الكود عن طريق الستور ثم Redeem codes تأتي رساله تفيد ان هذا الكود مستخدم

انا لا اعلم ماهي المشكلة ؟ علما انني دخلت بحسابي نفسه اللي كان في الـ Ps3 على Ps4 هل يمكن انه فعل نفسه بنفسه لأن اللعبة اشتريتها على الـ Ps3

وبعد تحميل اللعبة ومحاولت الدخول تظهر لي هذه الرساله موجوده في المرفقات اتمنى ان اجد حل لهذه المشكلة

اللي فهمته انك قدرت تحصل كود لتحميل اللعبه مجانا عالبلاي4 (اللي هي الترقيه) وحملت اللعبه عالبلاي4 بنجاح... لكن مب قادر تدخل حسابك صح؟

ادخل مره ثانيه على حسابك في البلاي3 وكمل شغلك هناك...انا من 3 شهور سويت هالشي فما اذكر عدل
اللي أذكره ان من بعد الموغ ستيشن اضطريت اروح عالبلاي3 اسوي كم شغله ومنها نقل حسابي ولاعبتي للبلاي4 وعقب بديت العب عالبلاي4


لو ما نفع تقدر تسأل

http://www.gamefaqs.com/ps4/718931-f...a-realm-reborn

انا استفدت منهم لأني واجهت مشكلة اني ماقدرت ادخل بلاعبتي وانحلت ^^

شكراً لك اختي الكريمة Arashi على المساعدة دخلت على حسابي في الـ PS3 ولقيت خانة ترقية الشخصية إلى الـ PS4 وعملت الترقية وحاولت ادخل لكن الاشتراك انتهى :(

اجدد الاشتراك وان شاء الله الامور تضبط وشكراً لك على الرد والمساعدة مره اخرى :)

العفو والحمدلله مشت امورك تمام :biggthump

تتهنى بالباتش الجديد باذن الله ^^

السلام عليكم
اول شي خلوني ابكي :cray::cray::cray::cray::cray::cray::cray::cray::cray::cray::cray::cray::cray::cray::cray::cray::cra y::cray::cray::cray::cray::cray::cray::cray::cray::cray::cray:

يااخي قسم بالله شي يقهرر عندي مشكلهه ياخي لي 4 ايام وانا ادور حل ومالقيت
حملت اللعبةة واخيرااا على ps4
ولعبت يوم واحد قسم يوم واحد بس وجت اختي الله يصلحها بس بتدخل اللعبة من حسابها بس رفض طبعا
وكل مابي ادخل لازم اغير كلمة السر
وجت اختي هي نفسها مره ثانيه وسوت نفس الحركه :) وانا اغير الكلمه
اخر شي نسيت البس ورد :| ...
من كر ماغيرت نسيتهه
اسوي استعادة لرقم فيهه بيانات مطلوبه وكذا يقولي تاريخ الميلاد خطاء :| كيف خطاء تاريخ ميلادي متاكده منهه
حاولت لحد مافقدت الامل خلاص مابي الحساب القديم ابي اسوي لي حساب جديد وعجزت ماعرفت كيف
لاتقولون انه اللبه بس بحساب واحد ومايمديني اسوي حساب جديد قسم مادري وش بيصير فيني
:ds002:
وش هالجزء المعقد لعبت ال8 و9 و10 و11 و12 و13 بالجزئين دخل الشريط وردعم في اللعبهه
وش هالقهرر ياااخي
ساعدوني تكفون اللى يعرف الحل واذا مافيه حل مهدوي لي الموضوع قلبي مايتحمل
اذا فيهه اخطاء املائية مشوها لي اكتب من حرقةة قلبي

اقتباس:

---

ولعبت يوم واحد قسم يوم واحد بس وجت اختي الله يصلحها بس بتدخل اللعبة من حسابها بس رفض طبعا

---

أبي أفهم هالنقطه أكثر ^^
شريتي اللعبه وثبتيها على حسابج في البلي ستيشن4 صح؟
وتدخلين عاللعبه بحسابج تبع سكوير اينيكس صح؟
واختج...لها حساب سكوير اينيكس مختلف؟ لكنها من وين تدخل اللعبه؟ من حسابها عالبلاي سيشن4 ولا حسابج عالبلاي4؟

وعليكم السلام ورحمة الله و بركاته

حسب مافهمت ان انتي بس عندك حساب في اللعبه ، و الجهاز فيه حسابين لك و لاختك,
و ان حسابك انتي بس الي مرتبطه فيه اللعبه بكود, (واللعبه منزلتها من الستور في حسابك)

يعني الحين مشكلته باستعادة كلمة السر ؟ او شيء ثاني ايضا ؟
اذا كلمة السر جربي تسون لها استعاده من جهاز اخر مثلا الكمبيوتر,
وامس كان فيه صيانه لمدة ساعتين يمكن كان بوقت الصيانه و ماقدرتي,

اقتباس:

---

المشاركة الأصلية كتبت بواسطة Iris

وعليكم السلام ورحمة الله و بركاته

حسب مافهمت ان انتي بس عندك حساب في اللعبه ، و الجهاز فيه حسابين لك و لاختك,
و ان حسابك انتي بس الي مرتبطه فيه اللعبه بكود, (واللعبه منزلتها من الستور في حسابك)

يعني الحين مشكلته باستعادة كلمة السر ؟ او شيء ثاني ايضا ؟
اذا كلمة السر جربي تسون لها استعاده من جهاز اخر مثلا الكمبيوتر,
وامس كان فيه صيانه لمدة ساعتين يمكن كان بوقت الصيانه و ماقدرتي,

---

اييه اييه كذا الموضوع بالضبط لي اربع ايام احاول ومن راضي خلاص مابي حسابي القديم بالاينكس ابي أسوي لي حساب جديد لان فقدت الأمل انه يرجع اقدر ولا اروح إندب حظي :(

اقتباس:

---

المشاركة الأصلية كتبت بواسطة Arashi

أبي أفهم هالنقطه أكثر ^^
شريتي اللعبه وثبتيها على حسابج في البلي ستيشن4 صح؟
وتدخلين عاللعبه بحسابج تبع سكوير اينيكس صح؟
واختج...لها حساب سكوير اينيكس مختلف؟ لكنها من وين تدخل اللعبه؟ من حسابها عالبلاي سيشن4 ولا حسابج عالبلاي4؟

---

لا اختي لها حساب باالبلايستيشن مو بالاينيكس اللعبه مرتبطة بحسابي على البللايستيشن وإذا حاولت تدخل اللعبه من حسابها مايرضي ويجي لي تنبيهه أني لازم أغير الباس

اقتباس:

---

المشاركة الأصلية كتبت بواسطة macintosh999

اييه اييه كذا الموضوع بالضبط لي اربع ايام احاول ومن راضي خلاص مابي حسابي القديم بالاينكس ابي أسوي لي حساب جديد لان فقدت الأمل انه يرجع اقدر ولا اروح إندب حظي :(

---

حساب جديد... يعني لازم تشترين لعبه جديده ,
لا تفقدي الامل تقدرين تسترجعين حسابك في سبورت اونلاين كتبي بالتشات مالهم مع احد العاملين جربي ....
او حاولي تتذكرين بياناتك, ممكن انك عكستي الشهر واليوم اوطريقة كتابة السنه,

انا متذكرتهااا بس يطّلع لي غلط يمكن أخطائت بكتابتها وقت التسجيل
:02: بس الحمد لله رجعت حساااابي اخييييييييييييرراااااا
انني سعيدة جداا ��
سويت حركة وضبطت معي مدري ليش ما فكرت فيها من اول
��������������������������
دخلت على الرسايل القديمة في الإيميل إللى يطلبون فيها أغير البأس فتحت الرابط وماكنت متوقعه ان الصفحة بتفتح لأَنِّي دخلتها من قبل وغيرت منها فقلت أكيد ماراح تفتح مره ثانيه
بس فتحت معي وقدرت أغير البأس ودخلت اللعبه وضبطت معي ����������������

الحمد لله وشكرا من اعماق اعماق قلبي ����������

nice مبروك, سو الان كتبي كلمة السر عندك او خليها كلمه ما تنسينها ..

اووووه الحمدلله مبروك مبروك ^.^
صارت معاي مره لما كنت توني مسجله للعبه...لحد اليوم شخص يحاول يهكر حسابي ومتأذيه من قصة تغييرالباس
وضيّع مني الفانتازيا حسبي الله عليه >_>

تعير الرقم السري اجباري يجي عن طريق شغله وحده فقط .. الي اهي تغير الاي بي حق الخادم .. اتصال الشبكه ب اختصار


يطلع لكم رساله مكتوب فيها هجوم من شخص مجهول الي اهو انت لان الاي بي الاساسي تغير .. ف يدزون مسج دايركت ع الايميل حقك من سكوير اينكس وتغير الباس ويرد كل شي طبيعي ... للي حاب يضيفني باللعبه راجنورك ليغسي
Black power


+

باقي وقت قصير ب اذن الله واترك اللعبه بعد مرور ٨ سنين من ايام ff11 :(

الي محتاج قيل يجيني عندي مبالغ كثيره مو محتاجها
:

السلام عليكم
:02: رجعت بمشكلهه جديده
ابي اسأل عن تجديد الاشتراك للعبه فيه فرق بالطريقه اذا كان الحساب أمريكي او اوربي ؟

حسابي أمريكي وشريت الكاشيو وسويت كل الخطوات وآخر شي عند الكود يقولي غلط
هالطريقه ماتنفع للحساب الامريكي ؟

هاللعبه جابت لي الحزن ياأخي :02::02:

السلام عليكم
:02: رجعت بمشكلهه جديده
ابي اسأل عن تجديد الاشتراك للعبه فيه فرق بالطريقه اذا كان الحساب أمريكي او اوربي ؟

حسابي أمريكي وشريت الكاشيو وسويت كل الخطوات وآخر شي عند الكود يقولي غلط
هالطريقه ماتنفع للحساب الامريكي ؟

هاللعبه جابت لي الحزن ياأخي :02::02:

وعليكم السلام ورحمة الله و بركاته
البطاقة الي اشتريتهيا للعبه يكون عمله اوربية,
نفس فكرة الستور في البلايستيشن والايل ستور وغيرها,