تفضل----> للصيانه والاستشارات الميكانيكيه و

هلا بك اخوي الغامدي
والحمد لله ان المشكله عدت على خير
وبالنسبه لضغط المكينه
اول مع القطع التعبانه شي طبيعي ان الضغط بيكون نازل لان المكينه مو شغاله بالشكل المضبوط
وبالنسبه لانبير البنزين (هل لما تعبي بنزين انت تطفي السياره ولا تتركها شغاله)
لان العوامه اذا عبيت والسياره شغاله تكون مرتفعه ومع الوقت وصب البنزين تخرب وزنيتها
فالافضل انك تطفي السياره لما تعبي بنزين
وبلف الحراره مع الوقت يصدي لان المويه تمر عليه والمويه زي ما انت عارف تسبب الصدى للحديد
فاذا صدى ما عاد يفتح ولا يسمح للمويه تدخل للمكينه
واذا غيرته بيكون شي تمام
وانا حريص دايم ان الاعضاء يعرضون تجاربهم مثلك اخوي عشان يستفيد الي يقرا الموضوع
ومشكور على تواصلك اخوي

حسبي الله على بعض الجشعين من الميكانيكيين يصلحوا شي ويخربوا شي...

فتأكد أخي الغامدي أن الورشة اللتي تصلح فيها سيارتك نظيفة..

اقتباس:

---

أصبح الضغط مرتفع عن العادة ، يعني فوق الواحد بشوي لكن المهندس

يقول وعلى كلامه بأنها مع الوقت تنتهي .

---

هذا شي ممكن..وإذا لم ينخفض الضغط مع الوقت ((مع أنني لاأتمنى ذلك)) فربما عليك خفض ضغط البخاخات..

اقتباس:

---

لاحظت اليوم وأنا رايح الدوام بأني يوم عبيت بنزين فل ، أمبير البنزين لم

يرتفع كاملاً بل أقل بالثلث وسأذهب اليه اليوم ليحل المشكلة

( أعتقد العوامة أو ماشابه ) .

---

ربما يجب عليك أخذ كلام إستبنه ...أطفئ السيارة وإرجع شغلها وشوف إذا إرتفع عالأخير فمافي داعي للخوف

اقتباس:

---

3- أشار لي لبمهندس بأن أغير البلف مع هذه الإصلاحات وسوف أغيره

اليوم وسأرى آخر المستجدات .

---

أي شيء يخص عن الحرارة فيجب تغييره في الحال ولاتشاور ((مع أنني أشك في كلام الميكانيكي))..

هل تعاني من مشاكل بالحرارة؟؟

احسن شي
انك تعرف راعي الورشه
يعني تثق فيه
والله يرتاح بالك والسياره عنده

استفسار عن الفورد

السلام عليكم
في واحد من الأصدقاء عنده فورد كروان فيكتوريا موديل 96
وقبل يومين طلع على الطبلون لمبة خضراء مكتوب عليها D/f OFF
فهو يسأل وش السبب

هلا بك اخوي مرسيدس
اذا ماخاب ضني
بس لاني من زماااان عن الفكتوريا
شوف اخوي
مساكت القير فيها زر
هو ضغط هالزر
وهالزر اذا ضغطته وانت ماشي يرجع نمره يعني اذا انت ماشي على قير 4 وضغطت الزر يرجع قير 3
وفهو ضغط الزر وطلعت المبه
فما عليه الا انه يرجع بضغط الزر مره ثانيه وانتهت المشكله

مشكوووور أخوي مستر استبنة على الرد

وأن شاء الله يصير خير

العفو اخوي
وانا بالخدمه باي وقت

هلا أخواني مرة أخرى وبعد إنقطاع المنتدى والحمد لله على سلامة المنتدى ...


في مشكلتي السابقة التي ذكرتها للكامري ،، وبعد أن قمت بتغيير بلف الحرارة

عادت الحرارة إلى وضعها الطبيعي ولله الحمد ،، أما أمبير الضغط فتقريباً اقول

بأنه ممتاز بنسبة 90 % ، ولكن في النادر عند التشغيل يكون الضغط منخفض

جداً لدرجة إحساسي بأن السيارة سوف تنطفئ ولكن لا تنطفئ ، فهل هناك

حل جذري لهذه الـ 10 % من المشكلة ؟


وبالنسبة لعوامة البنزين اصبحت ممتازة وانتهت المشكله مع التعبئة الجديدة

مرة أخرى ومن عادتي إطفاء المحرك عند التعبئة فلم أعبئ سيارتي ولا مرة

وهي في وضع التشغيل ، ولكن أعتقد أنها كانت مشكلة مؤقته فقط ومرة

واحدة والآن لي أكثر من شهر وأمبير البنزين جداً ممتاز ولله الحمد .


شاكر لكم تواصلكم ومنكم نستفيد .

هلا بك اخوي الغامدي
المعروف عند تشغيل السياره يرتفع عداد الضغط او امبير الضغط لان المكينه لسه مشتغله وبارده
بعد 10 دقايق او اقل راح تلاحض ان العداد نزل
وهذا هو الوضع الطبيعي
وبالنسبه للاشياء الثانيه كويس الي صار والحمد لله على كل حال
واي شي او اي خدمه انا حاضر

الوضع الطبيعي معروف لكن الأمبير يكون جداً منخفض لدرجة إحساسي

بأن السيارة ستنطفئ ، وللأسف اليوم حصلت لي المشكله ، ومن

المعروف عند التشغيل والسيارة بارده يكون أمبير الضغط فوق الواحد

بقليل وبعد الإحماء يكون بين الصفر والواحد ولكن المشكلة أن اليوم

الأمبير فوق الصفر بقليل ( أي بين الصفر ونصف الواحد وأحياناً أقل

من ذلك ) وهذا يحدث معي تقريباً من أربع إلى ست مرات أسبوعياً

فهل من آراء أخرى لديكم ، شاكر لكم تواجدكم وردودكم الجميله .

مع اني احس ان الوضع طبيعي لكن انت خايف
بس شيك على الكهربه يعني على الديلكو يمكن يكون فيه مشكله

انا عندي كابرس موديل95 صارت عندي مشكلة عندما بدلت تانكي البنزين وهي عندما ادوس الدواسة البنزين مرة وحدة يقطع الموتر ولا يمشي لكن اذا ادوسه على راحة ما يصير شئ مع العلم قبل أن اغير التانكي كانت تمام فما هو السبب برأيكم ((التانكي شاريه من التشليح)) وارجو منكم أفادتي عن هذه المشكلة وما هو الحل لها وشكراً لكم.

هلا والله اخوي
اخوي
شيك اول شي على الكهرب حق السياره (البواجي والاسلاك الخ..)
وشيك على طرمبه البنزين
لان هذي هي حدود المشكله
وارجوا انك ترد علي اذا عرفت المشكله

شكرا يا اخي استبنه وبسوي الي قلت لي عليه وبشوف .

العفو اخوي