::.:. Claymore للنقاش لا يطوفكم .:.::

اقتباس:

---

المشاركة الأصلية كتبت بواسطة NsaN

Arc تيريزا من بدأ و هو عاجبني..و انصدمت يوم عرفت انها احداث بالماضي..و انها تقريباً قصة Clare..
وايد عيبتني الحركة..و لو ان التغيير المفاجئ المفروض يخلونه Smooth اكثر..يعني مرة وحدة جيه تبدل الموضوع و رجعونا كذا سنة ورا..بدون لا احم و لا دستور :28:


المهم..الارك حتى الان جميل..و احلى حلقة So far..هي السابعة..

Cool Claymore"s" vs An-even-cooler-Claymore :biggthump

نهاية الحلقة حماس..و للمرة الاولى بهالمسلسل اقول..بانتظار الحلقة الياية على نار..

---

Same here .. انا تعجبني شخصية تيريسا حيل خصوصاً بالحلقة 7 ..

لكن الحلقة الثامنة وااااع لا تعليق .. حلقة غبية وتقهر وايد عصبت وحسيت جني بترك المسلسل ^^

على العموم أتمنى تشوف الحلقة وتحكم ..

الحلقة جداً سخيفة وغير مقبولة يعني شلون جذي تموت تيريسا بكل سهوله والشخصيات الثانية لها طابع خاص ماكان المفترض ينتهون جذي من البداية ..

المهم .. أكو احتمال ان ايرين ما ماتت ( بس اتمنى مب صحيح ) اهي سبب هالبلوة كلها ..

على العموم مافيني اقول غير ..

I HATE YOU BOTH

Priscilla and Irene

الطابع الدرامي للحلقة أهو الشىء الوحيد القوي بالحلقة ..

جلست أبجي على نهاية الحلقة ... وايد مؤثرة وتقطع القلب ..

[Eclipse] Claymore - 08 (XviD) [745E9180] avi


[Eclipse] Claymore - 08 (h264) [3E1F4D19] mkv

الحلقة الثامنة ..

الي ما شاف الحلقة الثامنة لا يقرا ردي..

Yuna

حرام عليج..الحلقة من افضل ما يكون..

على اني توقعت الي بيصير من ردج (الي فوق السبويلر)..بس و انا اشوف الحلقة..قلت لا اكيد ما حبتها عشان الاكشن..
و شوي ينقص راس البنية..والله فجيت عيني بشكل..:bigeyes: <<< شرات هذا..
وصلوني لمرحلة قلت خلاص..بتموت بازلا مادري شسمها..و شوي..نشوف راس تيريزا طاير..
جداً انصدمت..و لو ما اني متلحف و بردان..جان صفقت..هههههههههه..

الحلقة بشكل عام..جداً ممتازة..
قتال..احداث..و الاهم..دراما..ابدعوا بجميع الجوانب..

حبيت مشهد امبريلا مادري شو اسمها يوم تتكلم عن ابوها..يخرب بيت الطريقة..و يخرب بيت القصة..

بالنسبة لموت تيريزا و عدم رضاج عنه..
بالعكس..اشوفه جداً جداً منطقي..
She simply let her gaurd down..و وضحوا هالشي يوم ردت عينها شرات ما كانت..
و لا تنسين انها امام Yoma من نوع خاص..و الكل لاحظ هالشي..حتى قبل التحول الاخير..

Speaking of which..

جداً حبيت التحول (و لو انه ذكرني بـDevil من Tekken) بس بشكل عام جداً ممتاز شكلها..و طريقة كلامها رائعة..

عاد الحين بيكملون الارك نفسه و بنعرف كيف انضمت Clare للمنظمة؟؟
و لا بيردون على قصة Clare و المرض الي اسمه Raki و منها نشوف رحلة البحث عن قاتلة تيريزا و الانتقام؟؟

شخصياً..افضل الاولى..:أفكر:

سؤال توه خطر على بالي..

يا ترى..منو الـNumbers الحين؟؟ ودي بشخصيات كول..

حلقة 8 كانت قوية بأحداثها وبلأثارة الي فيها

ماتوقعت موت تريزا بيد أكوما برسيلا !!!

لكن في شي مب فاهمه ليش برسيلا خلت الصغيرة clare تعيش -_-؟؟

yuna

اقتباس:

---

جلست أبجي على نهاية الحلقة ... وايد مؤثرة وتقطع القلب ..

---

هيه المقطع لأخير للحلقة كان مؤثر

أظن clare الصغيرة راح تنتقم من موت تريزا

بأنتظار الحلقة القادمة

اقتباس:

---

الي ما شاف الحلقة الثامنة لا يقرا ردي..

---

>> كسلانه أكتب جملة بنفس المعنى ..



NsaN

لوول خلاص من اليوم بسمي Priscilla بازلاء الصراحة روعة الأسم ^^

اهي الحلقة راح تكون أكثر من حلوة لو أنهم ماذبحوا شخصيتي المفضلة .. * حاقدة حيل *

يعني الصراحة ماشوف شىء مميز بشخصية Priscilla .. ورغم ان رقمها 2 بس ايرين ( رقم 3 ) لها شخصية أقوى منها بمراحل عديدة ..

المهم بنسبة لي الشخصية وتصرفاتها والمحتوى النصي الي تقوله ومايهمني القوة بشكل كبير ..

يعني واضح طريقة كلام تيريسا عجيبة حيل لها اسلوب خاص وفريد ^^

هذا ينطبق على الشخصيات البقية نويل وصوفيا من ناحية إسلوب الفكاهة ..

بس Priscilla شنو عندها من إسلوب ؟ تبجي وتقول بابا ماما وبس ..

عرفت شنو السبب اني محترة لأن شخصية مثل هذي حرام يعطونها دور خاص بالسلسلة ^^

وهذي أحلى كلمة قالتها تيريسا لهم لوول ...

http://i11.photobucket.com/albums/a1...l11/Teresa.jpg

ائحم بعد التصحيح .. four


DMC

بنسبة لسؤالك اهو اصلا شنو من سبب ان اليوما ما قتل كلير بالقرية ؟؟


بالأساس كلير كانت موجودة بقرية لا تنتمي لها ..

من خلال الأنمي يعتقد أن اليوما هم من قام بجلب كلير للقرية وتم التلميح انها تعرف انهم يوما كذلك !

فهذا السؤال مافيني اعرف جوابه لأن اليوما سابقاً لم يقتل كلير كذلك ..

الإستنتاج الوحيد انهم استخدموا كلير كطريق للدخول الى القرية دون أن يحس بهم أحد من البشر ..

واحنا نعرف ان كلير كان مافيها تتكلم سابقاً ..

أما بنسبة الى Priscilla وعدم إداء كلير هو سبب غامض حالياً لأن كلير في الحلقة الثامنة توقعت أنها راح تموت مع إقترابها ..

على العموم هذي غلطة عمرها بازلاء الشريرة ..

الحلقة التاسعة

Couldnt be any better...

A bit of both of what i had anticipated..

بدت بداية رائعة..و انتهت بنهاية اروع..

حبيت مشهد Clare و هي تمشي بالقرية و ماسكة راس تيريزا..
و اخراج المشهد و هي تركض ورا The Man in Black..و تقدمله الراس..وااو..

بس الصدمة الكبيرة..و الي حبيتها وايد هي ان Clare ترتيبها 48..
كنت حاس انها ضعيفة مقارنة بباقي الـClaymores..لكن انها تكون الاخيرة؟؟! ممتاز..

و الشلة اليديدة..كنت اتمنى ان محد فيهم يكون من الـTop 10..بس Miria طلعت 6..
راضي..و لو اني بغيتها عالاقل تكون 10..

اتوقع بعد مشهد اغماء Clare..انها راح تعتمد على اسلوب تيريزا بالقتال..و تصير تيريزا الثانية..
اتمنى هالشي الصراحة..

بصراحة..كل مالي و يزيد اعجابي بالمسلسل..
بانتظار الحلقة الياية..

أنا وقفت على الحلقة الخامسة .. وودي أكمل الباجي .. كلامكم يحمس .. والحلقات عاجبه إنسان يعني شي قوي :D .. لازم أنزلهم قريباً :(

Calymore 10..

اسهم هالمسلسل بدت ترتفع بشكل مو طبيعي..خاصة مع ادمان اغنية النهاية..
حلقة ممتازة من جميع النواحي..

تكفي دخلة Clare بالضرابة و طريقتها بالقتال..
و Miria ممتازة بعد..

و الـCalymore اليديدة..الي كانت واقفة بعيد..هاي بهد تحمستلها..

صرت مدمن كلايمور @.@ .. من اول مارجعت من الدوام وانا ناطر الحلقة تنزل على Baka-update xD .. اخرتها طلعت نازله في تراكر اكلبس وانا ما ادري -.- .. مالت عليهم baka بطيئين , نفس الشي من One Piece تلاقيهم يتأخرون بالساعات بعد اصدار الحلقه ... 3: .

C L I C K H E R E

لتنزيل الحلقة 12 ! .. باقي 15% واشوفها :] .

وشــــــــــ:yup::yup::yup::yup:ــــــــــكراً

FinalFantasy9

اقتباس:

---

صرت مدمن كلايمور @.@ .. من اول مارجعت من الدوام وانا ناطر الحلقة تنزل على Baka-update xD .. اخرتها طلعت نازله في تراكر اكلبس وانا ما ادري -.- .. مالت عليهم baka بطيئين , نفس الشي من One Piece تلاقيهم يتأخرون بالساعات بعد اصدار الحلقه ... 3: .

---

صدقت ياريال بسالفة التأخير

دومهم جي -_-

وبخصوص الحماس

لأنمي وصل لمرحلة من القصة والقتال بأختصار اصبح تحفة هذا الموسم

لدرجة أني يوم أطالع لأنمي أنسى أن عندي أمتحانات أخر السمستر :blackeye:

انا شف حلقته 11 الحلقه فيها معلومات ممتازه جد بس الجوده ضعيفه هم وصلو القروبات انجليزي حد حلقه كم ؟؟؟؟؟

عندي طلب احد يعرف قروب يترجمها عربي اذا مافيه عطوني انجليزي وامري لي ربي

الحلقة 11
الحلقة 12
الجودة avi الحجم حوالي 168 mb

اقتباس:

---

انا شف حلقته 11 الحلقه فيها معلومات ممتازه جد بس الجوده ضعيفه هم وصلو القروبات انجليزي حد حلقه كم ؟؟؟؟؟

عندي طلب احد يعرف قروب يترجمها عربي اذا مافيه عطوني انجليزي وامري لي ربي

---

شباب ياليت تردون على استفساري لو سمحتوا

اقتباس:

---

اقتباس:

---

انا شف حلقته 11 الحلقه فيها معلومات ممتازه جد بس الجوده ضعيفه هم وصلو القروبات انجليزي حد حلقه كم ؟؟؟؟؟

عندي طلب احد يعرف قروب يترجمها عربي اذا مافيه عطوني انجليزي وامري لي ربي

---

شباب ياليت تردون على استفساري لو سمحتوا

---

اي نعم هنالك جرووب يترجم هذا الانيمي وهو جرووب بحر الانيمي اضغط هنا
واظن ترجم 10 حلقات او 9 حلقات مو متأكد لاني مانزلتهم ترجمة عربيه :أفكر:

بخصوص هذا الانيمي الصراحه عجبني وانا تابعت اول 11 حلقه في يوم واحد تصدقون له متعه اذا تابعته مره وحده :32:
الانيمي عجيب واكثر شيء قهرني هو موت تريزا وماتوقعت ان تكون قصة تيريزا عوده لماضي كلاير
على العموم انا لي عوده ان شاء الله وياليت لو يتفاعل الموضوع اكثر

السلام عليكم ورحمة الله

بغيت أسأل اذا في حد يتابع المانجا لها الأنيمي لاني سمعت ان الشابتر 74 ما بينزل إلا شهر 11 وبس أريد أتأكد