عرض للطباعة
أتوقع بعد ما إنضم "محارب قديم" إلى خيال ما بقى أحد يتحدى..:D ":"
عموما يا شباب خيال مو ناوي يحول المنتدى إلى ساحة حرب....
ببساطة السالفة من أولها إلى آخرها مجرد تحدي أحباب سلمي.....
وأتمنا إن ما أحد يزعل مني......
خاصة الأخ العزيز على القلب.. الزعلان علينا ...: "acer2".....
والأخـــــــ:"E7Sas".......
وكمان الأخــــت :"المحبة".............
وكمان الأخــــ :"bravo4ever"........
وسامحوني إذا نسيت أحد زعلان مني وما اعتذرت له........
وســـــــلام................;) ;) ;)
أخوكم المحــــــ :"خيال"
ماصااااااااااااااااااااااااااااااار الا الخير0
كل واحد يصلح سيارتة 00
صرنا نموذج مصغر لتفكك العرب واختلافهم وصدق القائل( اتفق العرب على ان لا يتفقوا)
انا من هذا المنبر اناشد جميع الاعضاء التخلي عن هذا المراء وبخاصة الاخ/ الخيال
لان بصراحة شكلة اذا خش مضاربة بيحوسكم كلكم تكفى اهدا وطول بالك شايلينك للعوزة الكبيرة
(( ترى امزح معك يالخيال ))
واخيرآ امل اعتبار الموضوع من هذة اللحظة منتهي من الجميع
وتقبلوا تحياتنا جميعآ :) :( :o :D ;) :واو: :غضب: :أفكر: :
الاخ خيال
وشو قصدك تحدي احباب........ومو ناوي حرب........؟؟؟
نمزح ....والا .....نمزح ؟؟؟
الحين.....رايح أنا ...ومتعب نفسي ومجمع نص اعضاء المنتدى..........وتقول احباب
والله انك طيب زياده عن اللزوم......................
محارب قديم يدور الحرب في عين اعور........ هه :غضب:
بس يالله حنا معك خيال اذا احتجت الفزعه.........رايح انام :واو:
واللي يبغى يصلح سيارته ترى عندي ورشه شباب :D :D
50% تخفيض للمشاركين
01% بس لـacer2
":"
شنو هذا شنووووووو هذا
ترى السالفه ما تسوى كل هذا
انا وشجون كنا نتفاهم...........
بعدين صدق الاخ اللي قال هذا نموذج مصغر للدول العربيه
فانا كاني الكويت
والمحارب القديم يمثل العراق
والذين مع المحارب القديم هم يمثلون الدول التي وقفت مع العراق ضد الكويت
وهم من مثل السودان و الاردن واليمن وغيرهم
واقول للاخ خيال مثل ما انت شعللت السالفه
انت تطفيها:غضب: :غضب: :غضب: :غضب: :غضب: :غضب:
بطني عورني من الضحك على الكلام اللي كاتبينه...والله يضحك......وأي واحد بيدخل المنتدى بيضحك على الكلام اللى كاتبينه...لهاي الدرجه السالفه كبيرة وانا ما ادري...وبعدين يا اسير 2 ابعد عن السياسيه..احنا ما قاعدين نحل قضية الكويت مع العراق ....ونتهاوش مع الدول اللي وقفت معاها....
واشفيكم على الاخ خيال.......هو انسان مسالم ....والله طلعت راعيها...
والله اهم دخلونا السياسه وما يبونا نتكلم عنها ما يصر جذي
اتكلم فيها على كيفك بس لا تسويلنا مشاكل في المنتدى..ترى بعدين صدام بيسكر المنتدى ....وبيقتل كل الاعضاء اللى فيه....
لا عاد شدعوه
يا ليت من المشرف اودين يحذف الموضوع
شجــــــــــــــــــــــــــــــــــــــــــــــــــــــــون فرحانه
:D :D :D :D :D :D :D يحليلج شجوووون :)
تدرون اول مره اشوف الموضوع هذا
ماتخيلت انه بهالطوووووووووووووووول كله
وعلى شنو؟؟ مدري
شجون
اسر يمكن قصد في اول الموضوع ب ياحليلج - انه كم انت رومانسيه يا شجون ورقيقه وبعدين لما نفختي عليه وهاوشتي
يمكن اتضايق واستحى يقول لك قصده وانت خذتيه بشراع ومجداف تقل زكيه زكريا (sorry) وطالت القصه وصارت حزايه حبابه
ووكلت محامي وادعاء وطالت وهو مسيكين ما سوى شي يستاهل هذا كله
لا وقومت عليه مجلس التعاون
ماصارت مسكين
تراني ما ادافع عنه بس اعتبر نفسي ولو سمحت جميع الاطراف القاضي علشان اقصر السالفه عليكم
يعني شجون ماقصرت حست برمضان انه رايح واتضايقت وحبت تشرك الجميع بشعورها وهذا شي طيب وماقصرت
جاء الدفش اسر وقال اللي قال وكانت نفسيتها مو متقبله كذا عصبت وشدت بالكلام
اسر داس الفرامل لكن شجون دعست بنزين وصاروا توم وجيري انتم عارفين من توم ومن جيري (امزح ) والى الان ماخلص الفلم
ومن منطلق كوني القاضي وشرحت القضيه احكم بما يلي
اولا يعتذر اسر من شجون اعتذار خطي وواضح لانه تسبب في جرح شعورها بكلماته التي رد عليها بها في البدايه
ثانيا تقبل شجون التنازل عن حقها في الضرر النفسي والمادي وتكتفي باعتذار اسر
ثالثا مني انا يارا احلى اسف واعتذار بالنيابه عن اسر ايضا لشجون علشان ما تزعل وعيديه لها ولو هي متأخره
رابعا مني لاسر اعتذار لو كان سمع مالا يسره من شجون
وخامسا اعتذار من كل من شارك بالموضوع لاسر وشجون (بس فكوا بعض )
وسادسا كلنا حبايب واصحاب من جميع المشاركين في المنتدى مهما كان انتمائهم فنحن مسلمين واخوان قبل كل شىء
وسابعا واخيرا اعلن قفل باب هذه القضيه التي اشغلت اهل المنتدى وزعلت البعض وان شاء الله الجميع الان متراضين وحبايب
ورفعت الجلسه بتاريخ 20دسيمبر الموافق 5 شوال الساعه السادسه بتوقيت مكة المكرمه
والله ولي التوفيق
القاضيه بمحكمة العدل الدوليه يارا
:D:D
خلاص صرتو حبايب ؟؟
ولا روسكم ناشفه الى الان؟
لا اكيد انتو حبايب وان شاء الله السالفه قصرت ورضيتوا على بعض
o.k
انا اسف ولا تزعلين
يالله هذا اسر بدأ واعتذر ونبغى نشوف ردك علشان نسكر القضيه يا عمري