كلام الناس على لاعبي كمال الاجسام(كله ابر,هرمون,بروتينات,منفوخ على الفاضي)

اقتباس:

---

المشاركة الأصلية كتبت بواسطة uahr

معذرة من صاحب الموضوع على المداخلة ,



معلومة خاطئة يا اخي بهرمون او بدون العضل هو هو نفس الشكل

---

صباح الخيرات ع الجميع وكل عام وانتم بخير
حبيبي اختلف معاك اصحاب الهرمونات اجسامهم تختلف عن الطبيعي طبعا يعود ذلك حسب استخدام الشخص + عدد الكورسات والتايم .. اما مايفرق مستحيل كان مااحد اخذ هرمون لان جسمك الطبيعي يرفض التغيير الكبير اللي يسويه الهرمون ويحسن فيه العضلات ... الهرمونات والستيرويدات شر لابد منه للي يبغى جسم بس لازم يفهم جسمه كويس ويمشي بالطريق الصح

انا اعتقد الاسباب اللي تخلي الناس تفكر بالطريقة هذي هي
١- الجهل :
الناس في مناطقنا العربية تفتقر للثقافة الرياضية الصحيحة .. الأغلب يلعب رياضة وسلام عليكم .. بدون وضع هدف وجدول زمني محدد لانجاز الهدف .. ايضا هناك من ياخذ المعلومة بدون التأكد منها .. تلقاه سمع ان البروتين مو زين وعلى طول ثبت هالمعلومة بمخه !! والمشكلة ان الحين المعلومة سهل الحصول عليها بمجرد تاخذ لك لفة ودقايق بسيطة على النت من الأماكن الصحيحة ( والحمدلله منتداكم من احسنها وافضلها )

٢- الحسد والغيرة :

يالله لو بس تركنا النظر لغيرنا والتفتنا لأنفسنا .. والله صار الواحد لازم يقرى المعوذات مع دخول الصالة دايما من اعين الناس .. والمشكلة الناس عندنا لا يمكن تترك واحد لحاله .. لدرجة اصبحت نوادينا مراكز للغيبة والكلام في الناس

٣- الكسل :
قالوها في الامثال .. اللي ما يطول العنب يقول عنه حامض .. ولهالسبب تلقى اول كلمة يوقل هذا الشخص الكسول اذا شاف واحد تعبان على جسمه " اي هذا ماخذ ابر ولا هرمون"
٤- بعض لاعبي كمال الأجسام:

البعض للاسف يخلي الناس تقول هالكلام .. ينقصهم الصبر .. تلقاه من اول يوم دخل النادي يسال عن الابر والهرمون ويبي يصير ارنولد بشهرين .. ونرد للنقطة الأولى اللي هي الجهل وعدم وجود هدف

بالاخير الواحد لازم يعرف انه لو بيسمع كلام الناس ما راح يخلص ابدا .. لذلك خلك واثق من نفسك واعرف انت شنو تاخذ من مكملات صحيحة وخل الناس تقول وانت طنش
ووفقنا الله واياكم لما يحب ويرضى

.. كلامك سليم .. ولين باجر .. وانا اسمع فهالكلااااااااااااااااااااااااااااااااااااااااااااااااااااام

حتى عالفطور وانا اشرب بروتين .. بعد اسمع كلام .. ياخوك الناس مادري شوتحب وشو يرضيها


الله يهديهم .. وان شاء الله ثقافتهم تزيد عن هاللعبه

انا من وجهت نظري انه كلام الناس وفكرتهم على لاعبين كمال الاجسام انبنت غلط يعني اهم ما عندهم خبره مثل اللاعبين اذا الدكتور يقولك وخر عن البروتين ويحذرك منه بشكل كبير يعني حتى الدكتور ( جاهل ) والفكره شائعه انه المنفوخ حيل او المعظل حيل كله ابر وبروتين ووو ... الخ . وهم بعد في شغله مهمه وهي ( الاعلام ) سواء بالتلفزيون وخاصه بالجرايد تلقى كتبوا عن واحد مات بسبب تحضيره لبطوله وزاد جرعه ( الانسولين ) ومعروفه خطوره الانسولين ومو اي شخص ياخذه وطبعا يجيك الكاتب في الجريده ويكتب مثلا ( وفاة شاب بسبب بروتينات او بسبب هرمونات ) مثلا . فالناس بنوا فكرتهم على جهل ومن غير لا يعرفون شنو الصح وشنو الغلط ومن غير لا يجرب على قولتهم مع الخيل يا شقرا الناس كلها تقول البروتينات مضره والابر منفوخ على الفاضي ورسخت براسه والحسد يلعب دور كبير

اقتباس:

---

المشاركة الأصلية كتبت بواسطة Azo0oz88

صباح الخيرات ع الجميع وكل عام وانتم بخير
حبيبي اختلف معاك اصحاب الهرمونات اجسامهم تختلف عن الطبيعي طبعا يعود ذلك حسب استخدام الشخص + عدد الكورسات والتايم .. اما مايفرق مستحيل كان مااحد اخذ هرمون لان جسمك الطبيعي يرفض التغيير الكبير اللي يسويه الهرمون ويحسن فيه العضلات ... الهرمونات والستيرويدات شر لابد منه للي يبغى جسم بس لازم يفهم جسمه كويس ويمشي بالطريق الصح

---

يفرق في حجم العضلة وليس في شكلها وتكوينها .

فعلاً شيء يقهر

يجيك الواحد بكل وقاحة ويردد هالكلام أنك تستخدم أبر أو هرمونات

أنا أقول للأشخاص ألي يتكلمون مثل هالكلام قل خيراً أو أصمت

وإذا ما ينفع معاه أقوله

ما يضر السحاب نبح الكلاب

وأزيده بعد

الكلاب تنبح والقافلة تسييييييييير

وشكراً

وعليكم السلام ..

صحيح لازم اي واحد منا يمارس الرياضه هاذي يسمع نفس هاذي التفاهات بس الحمد الله انا المحيط اللي انا عايش فيه من ناحية الأهل والأصدقاء رياضيين ويتفهمون الرياضه ويعرفون اولوياتها وفاهمين شنو الزين وشنو الشين ومتى يكون الزين شين والشين زين وطبعا اذا نبي نتكلم عنها بلخصوص فـا عندي ثلاثه من اخواني كلهم لهم باع طويل برياضه هاذي والحمد الله على كل حال ..
ومن ناحية الدوافع اللي تخليهم يتهجمون عليك كرياضي عشقت وحبيت الرياضه وفرت لها كل شي من ناحيه ماديه ومعنويه ونفسيه الــخ بنفس الكلام اللي قلته فأكثرهم يعلمون ان المرحله اللي وصلت لها انك لايمكن تكون طبيعي فـا المفروض يعطيك دافع وليس احباط لأنه ماقال الكلام هاذا الا انه شاف تطور عليك ملحوض ..
( اسـف علـى الأطـالـه )
واشكرك على طرحك وتنسيقك الجميل وبالتوفيق ..

هذا كوم والي يقولك طول عمرك تتمرن ما شفنا فيك فرق
اكثر كلمه تقتلني من اخواني مادري غيره او تحبيط عزيمه مادري وش الشي الي يدفعهم يقولوه
مع ان كل شخص اغيب عنه فتره يقولي في تحسن واضح

موضوع مثير جداً تشكر عليه يا وحش

انا في حقيقة الأمر كنت مثل باقي الناس .
عندي نظرة مغلوطة على لاعب كمال الأجسام.
لكن عندما قرأت عن هذا المجال و تعمقت فيه تبين لي العكس .
و أنا أكن الإحترام لجميع الاعبين.
و لا يلام المرء لجهله

الله يوفقكم .

والله ناس حسوده

تتمنى الواحد مايكون متميز في شئ

اذا صرت افضل منه صرت عدوه ....