Re: ركزوا معي لو سمحتوا....
اقتباس:
كتب العضو (Cathy)
مرحبا.....
ياأخت Anime-Girl سكوال مات ..العرض اللي انتي تتكلمي عنة كان توضيح لموقف صار من قبل إذا تفتكري العرض اللي بشاشة صغيرة لما كان إرفين يصور وسيلفي اشرت على رينوا بالشرفة,كانت رينوا وحدها ما معاها حد وهي عاملة الحركة دي....والدليل ان سكوال ماطلع معاها ولا حتى لقطة وحدة لة معاهم بالحفل الصغير ..طبعا هذي حركة ذكية من سكوير بانة تصمم النهاية بشكل مش واضح وغامض ..تعمقي بالقصة أكثر واقري اكثر عنها وراح تشوفين ان كلامي صح...سكوال اختلطت الأحداث بذاكرتة بالنهاية ومات وهو حتى مايذكر وجة رينوا أو ملامحها .... لو صحيح انة حي كان على الاقل طلعوا لة لقطة وحدة بس معاهم بالحفل تثبت انة حي وشي ثاني ..لو انة فعلا حي كان ماطلعت رينوا لوحدها وهي تعمل الحركة وشي ثالث لو لاحظتي انة رينوا اول ماشافت سكوال (شافت شهاب ناري) وبالضبط بالشرفة لمحت شهاب ناري وعملت الحركة ثاني وعادة الشهاب الناري بالنسبة للاجانب يدل على شيئين ..اما قدوم شخص او حدث جديد أو موت حد ...فهي لما شافت الشهاب بالبداية كان دليل على حدوث شي جديد بحياتها والشهاب الثاني كان دليل على قدوم روح سكوال وعشان كذا هي عملت الحركة دي.....أتمنى انك تقتنعين بكلامي ......:)
وتحياتي....:)
تحليلك رائع و منطقي جدااا ... بس ليش التعقيد ؟؟ و ليش التفكير و النهايه واضحه ؟؟
انا لقيت عيوب بتحليلك ...
اول ليش أنتي تقولي ان رينوا لما لقت سكوال كان ميت ... طيب ليش بعد ما زعلت طالعت فيه و بتسمت بعد كذا خرجت من الوقت المضغوط ؟
طيب عندك سيفر ... مادام سكوال مات ليش ما رجع لبلامب جاردن ؟؟
و عندك لاجونا يجي واقف عند قبر رايني زوجته الي ماتت من 17 سنه طيب مو اولى له أنه يوقف عند قبر أبنه الي ما صار له كم يوم ميت ؟؟
عندك البلامب جاردن مسويه حفله ؟؟ و ما مر على موت قائدها كم يوم ؟؟
بالنسبه للموت بالوقت المضغوط ... الشخص الي يضيع فيه و ما يقد يرجع يموت هناك و يظل هناك للابد ... يعني الي ما يرجع يعتبروه مات ... طيب كيف رينوا لقته ؟؟
بعدين بشكل عام تلاحظي الكل سعيد .. رينوا و سيلفي و زيل و كوستيس و ايرفين و سيد و ماترون ؟؟ ماترون ام سكوال الثانيه الي ربته بتكون سعيده لموت ابنها ؟
لو قلتي ماترون ما عرفته الي بطفولته ... عندك ايلون البنت الي ربتها رايني ام سكوال و الي حظرت ولادته و ربته في سنينه الاولى ... و كانت ترسله لماضي ابوه .... بتكون سعيده بموت سكوال ؟
موت سكوال ابدا ما يتوافق مع عرض النهايه.
أما ليش سكوير ما حطت سكوال بالحفله ؟
انا أقول لك ... انت أول ما تشوفي سكوال طايح بالارض على طوووول بتقولي مات ... و سكوير تبغاكي تفكري كذا ... بعدين جابت لك كل الشخصيات و الي صار معاها ... و جابت رينوا واقفه بالبلكونه و نص البلكونه مو ظاهره ... انت هنا بتكون في اشد الحماس تبغى تعرفي سكوال مات ولا لا ؟؟
بعدين مزحه صغيره و البطاريه تخلص ... و انتي على اعصابك و تجي أخر لقطه عشان تطمنك..
بعدين معروف عن سيلفي اللقافه ... و انها تحب تمشي وارى سكوال و تعرف عن حبه الخفي لرينوا ... فهي لما شافت رينوا و سكوال على البلكونه على طوول قالت لايرفين عشان يصورهم ( فرصه ما تتفوت ) كونها شافت ايش قاعدين يسوا..
بالنسبه لسكوال لما نسى ملامح وجه رينوا ... سكوال وقتها كان ضايع بدوامت الزمن ( الي تكلم عنها لاجونا قبل في الروجناروك ) هذه الدوامه ما يقدر يطلع منها احد ألا أذا اتذكر أو عرف اصدقائه و الناس الي يبغى يكون معاهم ... عشان كذا ينوا قالت ...
Time...place...who I wanna be with..."
"I wanna go there! Where Squall and I promised!"
و عقدة الوحده كانت ماثره على سكوال ... كان خايف أنه يرجع وحيد مثل اليوم الي كان فيه طفل.... عمره خمس سنين جالس تحت المطر لوحده...
عشان هذه العقده سكوال ضاع بالزمن ... بس قدر بمساعدت رينوا انه يطلع من الزمن المظغوط معاها.
بالنسبه للشهاب ... انتي تقولي أن للشهاب معناه تغير حياة الشخص .. يمكن كلامك صح ( مع اني اعرف أن معناها تحقق الامنيه ) حياة رينوا تغيرت لما قابلت سكوال أول مره ( مثل ما قلتي ) ...
أما الشهاب الثاني و تبعا لكلامك رينوا اتغيرت حياتها مره ثانيه بتغير سكوال من انسان معقد الي شخص طبيعي ...و أظن هذه هو التفسير السليم.
شوفي الي الان انا ما عندي تفسير واضح لقصة الشهاب ... بس بجيبه لكي ...
بالنهايه ( :D ) تفسيرك حلووووووووووو منطقي ( بكاني :D ) بس في عيب واحد أنه مو صحيح لانه ما يتفق مع عرض النهايه ابدا ... و بس :)
و انا متأكده أنك قرأتي قصه أو شيء زي كذا و تأثرتي بها ...
أكثر من كذا...................
مرحبا رينوا...............
ياأخت رينوا اللي اعرفة عن سكوير سوفت عموما وفاينل فانتسي خصوصا الغموض ...يعني مافي شي واضح ...الأحداث قدامك والشخصيات قدامك وانتي حللي على كيفك....بالنسبة لكلامك صح حلو ومنطقي جدا جدا ..لكن هذي مش أدلة قاطعة على حياة سكوال ...يارينوا انتي وقعتي بالفخ اللي عملتة سكوير مثل العادة بكل العابها...صح العرض الأخير سكوال طلع بالنهاية معاها ...لكن هذا مش دليل ...صح رينوا لاقتة بالوقت المضغوط لكن لاقتة ميت والإبتسامة اللي ظهرت عليها (دققي زين) مسحة حزن وألم ممزوجة بابتسامة ليش لانها رجعت للوقت الحقيقي او الزمن الحالي وماراح تضل وحدها مع واحد ميت بالوقت المضغوط ...وبعدين حكاية لاجونا مع القبر....مين قال لك بالأساس إن لاجونا والبقية إرفين وسيلفي .............يذكرون سكوال بالنهاية !!!! سكوال لما مات بالوقت المضغوط انحذف من ذاكرة الجميييييييييييييييييييييع.....ماحد عاد يذكرة وهذا هو اللي يفسر سعادة الجميع بالنهاية....لان سكوال انحذف من ذاكرتهم كلهم .. هذا هو التحليل او التفسير الباطني للقصة ...انا لعبتها فوق الألف مرة ودققت على كل صغيرة وكبيرة ...كلامة وكلام غيرة....تحليلك صح ومنطقي ظاهريا ...لكن باطنيا القصة أكبر وأعمق من كذة....يارينوا الأساطير أو الملاحم عمرها مانتهت نهاية سعيدة ابد وبعدين لازم تنتهي بموت البطل وانا ماقاعدة اقول كلام من عندي لكن فن القصة والرواية هو اللي يثبت كلامي...وانا بالبداية حللت القصة مثلك لكن بعدين مع التركيز والتدقيق بالإضافة إلى مجال تخصصي واللي ساعدني كثير بالتحليل ...يارينوا القصة محتاجة أكثر من مجرد تفسير الأمور ظاهريا محتاجة الى فلسفة وتغلغل بأعماق شخصية البطل والقصة ...وأخيرا انا ماتأثرت بقصة معينة لكن دايما ابني تحليلاتي على عدة امور ومجالات....عموما...انا احترم وجهة نظرك ونقدك وارحب باي نقد جديد.....:) طبعا انا اتوقع كثير راح ينتقدون طريقة تحليلي للأمور وربطها بمجال الأدب والفن الإنجليزي القديم...ماعليش لا تزعلون..انا تحليلي كذا.....:)