موضوع نقاش عام عن الانيمي

!!!!!!!!!!!!!!!!
سمعت خبر قبل يومين
وهو ان مانجاتي المفضلة...ورعان آخر زمن aka 20th C.B. ...بينعمل لها انيمي D:
كان في كلام عن ريل اكشن موفي بس الحين يقولون السنة الجاية راح ينزل

اةةةةةةةةةةةةةةة انا سعيد جداً اليوم
سأاكل التونة واشرب الجوافة
وافرقع المفرقعات


المهم انا كنت الامس بخش بتكلم عن آخر فلمين شفتهم
Jin Roh - The Wolfsbrigade
Millennium Actress


بس المنتدى خبط وسد نفسي اكتب عنهم الحين ماعندي مزاج مخمخة وتفكر وتأمل


FF9

اقتباس:

---

استغرب لما اقرء مواقع تصنف الانمي على انه "overrated" !! (بس هذا نادر :] ) ... الانمي رائع في كل شي ^^ .

---

في فئة ماتبلع فئة كاوبوي
وهي الفئة الي ماتحب خروج الانيمي عن البيئة اليابانية المعتادة

فتلاقي ان كاوبوي مش خيار مناسب لهم

ps : مادري ليش احس هل فئة تكون منحرفة بزيادة P:



A.KB

اقتباس:

---

بخصوص النسخة هل شفت نسخة الـDVD العاديه أم الريمكس. إذا الريمكس عطنا الفروقات إذا وجدت.

---

كانت النسخة التقليدية
ودي المرة الجاية الي اشوفه تكون الـ Remix
مادام انها تحت اشراف واتانابي...اكيد ان ماكانت افضل مابتكون اسوء

اتمنى يظل بطعمه الكلاسيكي...


يبي لي ادوره على النت ادا موجود ونسحبه نشيك ~S:



Bokurano
المانجا انها ماخلصت للحين..توها فوليوم 6 في اليابان
مايندرا كيف الانيمي موصل 17 حلقة...

بس اذكر قاري بداية المانجا مالته قبل..وقصته تبذوا فريدة
على العموم مادام ان القروب الي كان مستلمنه هم Manga Screener فأحتمال انه يكون شي رائع كبيرة..فريق يعرف شيختار

Bokurano
منو الجروب الي ترجمة ؟

حالياً قاعد أطالع Dojin Work هالأنمي مصيبة و مصيبة تصيب مؤلفة الي واضح تحيزه للعبة Muv luv
و Kimi Ga Nozomu

و خلصت من متابعة عدنان و لينا الياباني للمرة الرابعة لول أنصح فيه لعشاق المغامرات و ثم طالعت فلم ميازاكي
الرائع ناوزكا المشكلة أن القصة لها تكملة مانغا أو نوفلز مو متأكد كنت أتمنى أن يسوي ناوزكا سلسلة trilogy

أنا حالياً أحتاج مغمرات + scifi يا ليت تفيدونا ^_+

اقتباس:

---

بخصوص النسخة هل شفت نسخة الـDVD العاديه أم الريمكس. إذا الريمكس عطنا الفروقات إذا وجدت

---

عادية :] .. بس دام في نسخة ثانية خلنا ننزلها علشان نشوفها xD .

اقتباس:

---

Darker than black .. أنصحك به فهم يستحق المتابعه

---

انا وقفت "Darker than BLACK" بعد ماتوقف فريق "Shinsen-Subs" عن الترجمة بالحلقة 10 .. وبعدها نزلت فريق "sudo" بس للحين ماشفت لان مافي شي يشدني للانمي كثير ! .. احس ان بعد 10 حلقات للحين ماشفت شي ولا توضحت القصه او الفكرة بشكل واضح وهذا مخليني اخلي الانمي OnHold بالوقت الحالي ! .

اقتباس:

---

اةةةةةةةةةةةةةةة انا سعيد جداً اليوم .. سأاكل التونة واشرب الجوافة .. وافرقع المفرقعات

---

مبروكين مبروكين :] << مو فاهم شالسالفة (&)

انا ما اقرء مانجا بس ان شاء الله نجربه لما ينزل انمي ونشوف شنو المميز فيه xD ..

اقتباس:

---

في فئة ماتبلع فئة كاوبوي .. وهي الفئة الي ماتحب خروج الانيمي عن البيئة اليابانية المعتادة .. فتلاقي ان كاوبوي مش خيار مناسب لهم

---

لوول .. قبل فترة حاولت اقتنع واحد من الامارات يشوف الانمي وينزله بس مو راضي يغير رايه بسبب الكلام الي ذكرته انت xD .. بس بالنهاية ارسلتله الانمي بالبريد !! .. علشان يشوفه غصب لوول ... بس ما اذكر اذا شافه او لاء لاني ارسله انميات كل فترة وفترة وانسى شنو طرشت @.@ .

اقتباس:

---

يبي لي ادوره على النت ادا موجود ونسحبه نشيك ~S:

---

اذا حصلت تورنت ينفع .. ارميه صوبنا xD .

اقتباس:

---

Bokurano منو الجروب الي ترجمة ؟

---

انا نزلته من "Triad" :] .

+++++++

الموسم الجديد احسه كئيب شوي ومافيه شي مميز الواحد ينتظره بصبر ~_~ .. كل الي اتابعه اول بأول هم "Bamboo Blade" و "Dragonaut" و "Genshiken 2" ... اما الباقي مثل جندام00 او "Shakugan no Shana" او "Hero Tales" فماشاديني كثير ~__~ .

واشوف بعض الانميات الجديدة الثانيه مثل(Minami-ke و Ghost Hound) وانزل لكن للحين ماشفتهم ( Rental Magica و Night_Wizard_The_Animation و Myself; Yourself ) بعد بس للحين مو حاس بأي شد في الموسم .. احد ينصح بشيء غير ذولا ؟ <<<< مو كأنه ماخلى شي الا ونزله xD .

وشــــــــــ:yup::yup::yup::yup:ـــــــــــكراً

السلام عليكم

أخيراً شي جديد من ماكروس أتمنى أن يعوضني عن 00
http://www.anime-legends.org/up/uploads/73d3251967.jpg

اقتباس:

---

الموسم الجديد احسه كئيب شوي ومافيه شي مميز الواحد ينتظره بصبر ~_~ .. كل الي اتابعه اول بأول هم "Bamboo Blade" و "Dragonaut" و "Genshiken 2" ... اما الباقي مثل جندام00 او "Shakugan no Shana" او "Hero Tales" فماشاديني كثير ~__~ .

---

جندام 00 رائع لكنه يفتقد لشيئين مهمين جداّ هما الحماس و شخصيات ~__~ الأفضل متابعته دفعه

اقتباس:

---

واشوف بعض الانميات الجديدة الثانيه مثل(Minami-ke و Ghost Hound)

---

غوست هوند الحلقة الأولى جيدة

السلام عليكم

صراحة أنا ما بي أسطورة و لا قصة عظيمة تخفس في الأدبيات العالمية و لا جرافيك يكسر الي أكو و الي ما كو
أبي شي واحد
أطالع و أستانس بس T____T لكن عقب هذا العرض أحس أني سعيد جداً و قد أتوقف عن مشاهدة غاندام 00

يا كوموري لا تفشلنا

السلام ...
أستمتعوا بالإيفا الجديد ~ ودعاياته ~
الاولى
http://youtube.com/watch?v=9M5F2Yr0NEw
الثانيه
http://youtube.com/watch?v=jHahq1G4n6M&feature=related
الثالثه
http://youtube.com/watch?v=REgGL8iPmFg&feature=related


والآن ..؟
وش رايك ديو ؟ نفسك تشاهد أفلامه الجديده ولالا ~"

ملاحظه :
الدعايات صار لها حول الشهرإلى شهرين ~ من يوم ماشفتها ~

الفلم عرض في اليابان من شهر و نص
و للحين ما نزل أي تورنت >__< كل ما أفكر أني أطالع إيفانغليون أقول لنفسي أنطر الأفلام فجأة و لا أطالع
Nadia مرة ثانية شي ما له علاقة

أحد عنده فكرة متى تنزل الديفيديات ؟

ادري خشت عرض بس ادا عندكم مشكلة لومو كاتشورا هو الي طلب مني << نذل P:

اقتباس:

---

هي TNT ياراقل منو هذا الي في توقيعك شكله فاصل عليك (:
رد في العام اذا حبيت ترد

---

مشكلتك جيت الملتي بلاي متأخر انت D:
زاااكي هذا واحد ضحيتي انا وبو خشم حفلنا فيه وبعدين خلينا الموقع يقفل حسابه ومن يومها اختفى

ادا تريد مزيد من المعلومات ادخل قروب z8rt 4 life وبعدين موضوعي Cyber-Molesting
بتلقى قصته

اوه ذكرتني عندي صورة جديدة تستاهل موضوع D:

قديمك نديمك ولو جديدك أغناك (تلاقوها فكل علبة كبريت P: )

أمس كنت أفتش بين مجموعة من أشرطة الفديو لمجرد البحث عن فلم أمريكي لمشاهدته مره أخرى ولكن وجدت شيئاً أثرياً حل عليه الزمان وهو كونان أو بجملة أخرى عدنان ولينا P:

جلست وشفته وكانت الجزء الاخير منه @@

تحفه والله تحفة هذا الانمي ... شفته لاحظت فيه جمال الدبلجة العربية القديمة .. وجمال الأصوات .. عرفت ليه الشعب طاير فالياباني ورامي العربي على جنب هذي اليومين

لو بس نرجع للدبلجة القديمة كان نشوف كيف الاقبال يرجع من جديد ^^

أسيبكم مع صورة من التحفة الأثرية .. صورة لقيتها فوحدة من المنتديات فتوقيع واحد :P:

http://up.eqla3.com/up/get-10-2007-m81z9rjy.png


طبعاً لو تلاحضون يقولون ان الحرب العالمية الثالثة بتبدأ 2008 لول .. شكلها والله هع

^ اخذت طلة على النسخة اليابانية منه

مادري كيف مابلعت اصواتهم بالمرة :\

الدبلجة العربية كانت الافضل بلامنازع ... كانت محطمه كل اللغات الثانية عشان كذا ما بلعتها + تعودت على أصواتهم العربية أصلاً (&)

قبل يومين شفت الحلقة الوالى من Kaiji
فكرته رهيبة وفريدة وحدي متحمس اكمله

سفينة فيها مجموعة ناس مديونة بديون ثقيلة..يدينونهم فلوس بعد على شان يقامورا فيها ويسددون ديونهم

بس المشكلة ان الـ DSL مادري شسالفته لي سبوع ما ييشبك
فمانا قادر انزل تكملة


اخوي هل يومين مبدي Darker than black وينصحني فيه بقوة
حطيته على القائمة الي مادري متى بشوف فيها شي

أنا قاعد أتابع كايجي بعد

حدي ناطر الحلقة التاسعة, اندق دقة وصخة كايجي بالحلقة الثامنة كل الي اقدر اقوله عشان ما اخرب, اقتباس: fat people are greedy :09:

وأحد فيكم شاف Baccano ؟؟ ما بلشت فيه للحين لكن عن جريب ان شاء الله, يستاهل اتابعه ؟

انا انزل "Kaiji" ولكن للحين ماشفته , بس وصلني مديح كثير له فأتوقع انه بيكون حلو :] .. بس برجعله وبشوفه بالكامل مره وحده لما يقرب يخلص .

اقتباس:

---

اخوي هل يومين مبدي Darker than black وينصحني فيه بقوة .. حطيته على القائمة الي مادري متى بشوف فيها شي

---

"Darker than black" أنا تابعته لين الحلقه 10 لما وقفوا "Shinsen-Subs" عن ترجمته وعملوله درووب ! .. وبعد فترة نزلت التكمله من ترجمة "sudo" ولكن الى الان واقف على 10 وما كملته لانه مايشدني كثير .. ونظرتي للانمي بشكل عام انه جيد من نواحي الانميشن والصوت , بس ضعيف من ناحية الشخصيات والقصة ! .. وخصوصاً ان القصة تحس ان مالها هدف ببعض الاحيان , لان معظم الحلقات تعتبر قصص جانبيه اما القصة نفسها فماتتحرك الا نادر .

اقتباس:

---

وأحد فيكم شاف Baccano ؟؟

---

شفت الحلقه الاولى وعملتله Drop مباشر .. ما اذكر بالضبط ايش الي خلاني اترك هالانمي رغم اني مو من النوع الي يوقف انمي بعد مشاهدته ولكني ماحبيته .

+++++++

قبل كم يوم انتهيت من انمي "Evangelion" !! .. بس جد انحبطت منه , ما بخرب شي عليكم بس جد خربوا كل شي بأخر كم حلقه مو فاهم ليش ~__~ , الانمي صحيح انه كان بدون هدف والقصه تحس انها مغصوبه ولكن مع هذا كان الانمي ينشاف ولكن بالنهاية تحول كل شي الى انمي ممل بنهاية سخيفة لدرجة اني نسخت فلم "Evangelion" بدون ما اشوفه ... جد خيبة امل بعد تنزيل 12 جيجا من المسلسل والفلم بأفضل جودة موجودة لفريق "ZX" .

اما حالياً فقاعد انزل "Rahxephon" في باتش كامل من المسلسل والفلم xD .. ان شاء الله مايطلع مثل الي قبله خصوصاً اني جالس انزل نسخة "a-l" وهي الافضل ولكن السييد قليل حجمها 7 جيجا خخخخ .

وشــــــــــ:yup::yup::yup::yup:ــــــــــكراً

السلامو عليكمو

أهلين شباب...

بغيت أسأل في حد هنا يتابع Clannad ??

الاحداث بدأت تتشابك والتعاسة بدات تحل وما أعرف شو بلاهم وما شاء الله منتدانا ما فيه موضوع نقاش...

سؤال آخر يطرح نفسه: كم حلقة هالانيمي Clannad؟

معظم الانيميات اليديدة بأجلها لاجازة الربيع، لانه تدرون المزاج معفن حده والعقل قد تخبل بدراما Legend الكورية (آآآخ يا قلبي المجروح)، بس التحميل سيظل مستمرا ...نياحاحا