بيت شعر تهديه للي قبلك

تعبت ارد الموج والبحر مجنون ...
وعجزت اطفي النار والجمر غابه ...
رجيت بعض الصبر والعزم مدفون ...
بارض المصير اللي لحفني ترابه ..
لو في يديني شي ماعشت من دون ...
شخص عزيز وغصب عني غيابه...

ماني من اللي لا مشى الدهر ينساك
و لاني من اللي عاشروك لمصالح
و لاني من لا بغى شى حياك
انا من اللي يقدمون النصايح
لاخانتك دنياك والكل خلاك
تلقاني صديق وافي عند بابك

أنا بعدك مثل زهره نامت في آخر البستان
تناسوها ولا أسقوها وحر الصيف موتها

أنا بعدك مثل قريه خاليه مابها سكان
هجرها الماء ولا جاها وسوء الحظ حالفها

أنا بعدك مثل قصه غريبه مالها عنوان
أضاعوها وكاتبها قضى عمره يألفها

نشري رضاك وخاطرك مانبيعه
حبك هوى نفسي وشوفك متاعي
واشواق قلبي تندفع لك سريعه
وان على شانك سريع اندفاعي
امرك يلبيه الخفوق ويطيعه
لو في النوم فزيت واعي
حب البشر لو تجمعه لي جمعيه
لك اكبر والوفا من طباعي

خلك قريـب وخـل عينـي تراعيـك

ولو أبتعدت اترك لنـا رسـم تذكـار

لو غبت باقي العمـر مانـي بناسيـك

ولو صرت جنبي زدت في حبك إصرار

متى يكون اللقاء وقد باعدت بيننااااا الاسفار
يامن عزفت على قيثارتي وغنيت أجمل الالحان والأشعار
طال الفراق فبت في نأيكم عني اطلال دراسات وآثار
وكلمات فقدت معناهاا واسطوره بكى عليهاا الزمان وجار
سألت المولى ان يجمعني بكم في جنه الخلد وهي جنه الأحرار

ما كان عندي شي أغلى من الـروح

ولا كنت أحب أحدٍ كثر حب روحـي

كنت أحسب الـروح ما بعدها روح

ولا في روحٍ حبها مثل حب روحـي

وعرفت إن الـروح ترخص لجل روح

روحٍ حبها زاد عن حب روحـي
....

فـدوة عيونك لو غدت روح مغليك
................. وش عـاد لـوراحت لعينك عشاير
ابـيع مـايغلى على الكون واشريك
................. واسـوق لـى جـتنى علومك بشاير
وازعل جميع الناس بالحيل وارضيك
................. واصـبر ولـودارت عـلى الدواير
وآخـذ مـن ايامي لك ايام و أعطيك
................. وان راح عـمري لك فلا هو خساير

هاك العيون ودمعهـا لا تهونيـن
وهاك القلوب اللي شكت من لهبها
أهل الهوى وأهل الموده مساكين
والقلب لو له حاجـة مـا طلبهـا
تكفين لا تبطين يـا قـرة العيـن
النار تشعل من ضلوعي حطبهـا

تعبت أسافر في عروقي ومليت ....
من جلدي اللي لو عصيته غصبني
ياما تجاوزت الجسد و استقليت ....
عن الألم .. لا شك جرحي غلبني
أنا سجين الحال .. مهما تسليت ....
وأنا الطليـــق وكل شيٍ قبضني

يفداك قلب(ن) بين الاضلاع محتاس

مذهول من بوحك ولك هرج ساحر
احييت فيني من لواهيب الاحساس
و جددت في عيني جميع المظاهـر

دقيت في قلبي نواقـس الاجـراس

و جاوبتك بنوح عن الناس ساتـر

أحبك كثر ماهلت من عين اليتيم دموع .... و أحبك كثر ماذقت الطعون وقلة الراحه

أحبك كثر مايصعب على الشفة تحب الكوع ... و أحبك كثر مايفرك نديم الهم مسباحه

و أحبك كثر ما حب (؟؟؟؟؟ ) بداخلي مزروع ... وأحبك كثر ماسلمت لك قلبي و مفتاحه

أهـواك ؟ أي والله وأهــواك مجـبـور
أصــلاً أنــا روحـــي حـيـاتـك سبـبـهـا

لا جيت لك من قاصي الوقت مذعور
والـنـار تـوقـد مــن ضلـوعـي حطبـهـا

القـى بـك السـلـوان واســج مـسـرور
وكــن نفـسـي الهـلـكـا جـفـاهـا تعـبـهـا

وصفك
بالحروف
الغاز
ورسمك زايد نوره
وأن كان
القمر بروازه
اكيد
وجهك الصورة

أجمل غلا وأجمل محبه تمسيك
يذوب معها خافقي فيك كلك
كل المشاعر يالغلا ذايبه فيك
آمر تدلل ماتبي فدوتن لك
لبيك ثم لبيك لبيك لبيك
ياللي غرامك للمشاعر تملك