أخر التطورات على Medieval 2:Total War + وصلة تحميل الديمو

مشكور اخوى The Deadly Shadow vbmenu_register("postmenu_5110132", true);

على الرد
هى بالطبع لو كانت روما غير موجوده او لم تصنع كانت لعبتنا فعلا تستاهل 9.9
لكن انا اتكلم مع المقارنه بروما يعنى القصد ةهنا انهم لم يضيفو الكثير على لعبتنا عند المقارنه
يعنى عند المقارنه بلعبتنا والالعاب الاخرى اللتى كان لها اجزاء سابقه وتغيرت تغيرات طفيفه عن اجزائها
فعلى ما اذكر ولا لعبه منهم تعدت ال 8
فمعنى هذا ان لو روما ماكانت موجوده او لم تصنع كما ذكرت سابقا ففى اعتقادى كانت ستكون لعبتنا من اعلى المعدلات فى تاريخ الالعاب
لكن طبعا بوجود روما فان اشخاص مثلى ومثل اشخاص اخرين لعبو الاجزاء السابقه
فكنا نطمح الى المزيد واكيد انت تعلم ان مواقع الالعاب تعطى هذه المعدلات على اساس المقارنه بالاجزاء السابقه وكميه الاضافات والتطورات والافكار عنها .....
ومشكور حبيبى ;)

السلام عليكم

ياشباب ياليت لو واحد يقول لي محل في شرق الرياض اذا ممكن <<< طرار ويتشرط ,,

أو اي محل ثاني بالرياض غير عالم الاّفاق

شكرا مقدما

اهلين اخواني
ياليت ماحد ينساني والي يعرف محل يبيع اللعبة اصلية في الدمام
يقولي
تراني متحمس مووووت
مع السلامة

شباب سؤال اخر

معليش ثقلت عليكم بس السموحه

انا عندي Rome:TotalWar

وشغاله معي فل الفل

هل راح تشتغل معي هاللعبة ولا لا

وشكرا مقدما

اشكركم على هذا الموضوع الجميل ..... لقد وجدت اللعبة اصلية وكرتونها كبير وفيه عدة اشياء مثل البوسترات وسيديات اضافية ما عرفتها عشان شوه بس غالية قيمتها 250 درهم هل تستاهل اني اشتريها اصلية او انزلها من الانترنت .. وبعدين حصلتها بمساحات مختلفة في الانترنت اي وحدة هي الكاملة يا ترى

اخوي UAE لا تتسرع مو هذي اللعبة هذي جميع الاجزاء السابقة
وسعرها في المملكة 229 ريال واللعبة مالها كرتون علبة عادية وسعرها عندنا 199 ريال
توني شاريها^^
واذا تبي تتأكد خلي راعي المحل يفتح الكرتون بتشوف علبتين على ما اذكر ومجموعة بوسترات
افتح العلب بتلاقي الاجزاء السابقة
............................................................
تصدقون اني رحت لجرير وانتظرتها لين تفتح ودخلت ولا لقيت اللعبة سئلت واحد هندي مدري فلبيني
قالي مراح يجي شي اليوم >>>>>>>> إحبــــــــــاط (( وعلى فكرة كنت قبل يومين سائل واحد سعودي قالي يوم الخميس الي هو اليوم ))
الحمد لله ما طلعت انتظرت السعودي لين جا وسئلته قالي 8 بالليل
وبعدين سئلني عن اسم اللعبة وقلت له طلعت موجودة بالكراتين توها جاية اليوم خمس نسخ بس!
اخذت وحدة بـ 199 ريال ^^
واحين رايح العب سي يا

مشكورين يااخوان على الردود ^^

""شباب سؤال اخر

معليش ثقلت عليكم بس السموحه

انا عندي Rome:TotalWar

وشغاله معي فل الفل

هل راح تشتغل معي هاللعبة ولا لا

وشكرا مقدما""

اخوي اذا كانت روم تشتغل معك مثل الفل فميديفل 2 راح تشتغل عندك تمام ان شاء الله^^


King Of The Universe --مبرووووك ننتظر انطباعاتك خخ

اقتباس:

---

المشاركة الأصلية كتبت بواسطة PC man

السلام عليكم
ارجوا المساعده عند هزيمه جيش العدو وليس (احتلال مدينه ) تظهر 3 اختيارات ما هم ؟:33:

لو سمحتم:)

بالمناسبه تستطيع استخدام اسرار روما على هذا الجزء ايضا:D

---

يا هلا والله اخوي :D

بالنسبه لسؤالك

عند هزيمه جيش تستطيع القبض على الجنود الهاربين وتاخذهم سجناء , بعد المعركه راح يطلع لك نافذه فيها ثلاث خيارات Ransom , Execute ,Release

Ransome تطلق سراح الجنود اللي قبضت عليهم مقابل مبلغ من جيش العدو((كل ما زادت اهمية السجناء كل مازاد السعر))

Excute- هي الاعدام ببساطه تعدم السجناء وهذا يزيد من عداد الـ Dread في جنرالك
وكل مازاد الـ Dread في جنرالك كل ما كان اكثر شر فيتغير صوته وشخصيته :D


Release -وهي تطلق سراح الجنود بدون مقابل وهذا يجعلك فارس شريف ويزيد من عداد الـ Chivalry يجعل جنرالك شريف وطيب خخخخخ

ارجوأ اني اجبتك

والسلام عليكم......

مشكور اخوي The Deadly Shadow

على ردك اللي خلاني اطمئن

وان شاء الله احاول ادورها كوبي

لاني ماقدر اشتريها اصلي حاليا

سلام

اللعبه انا اشتريتها لصاحبي " انا ما جربت العب هالنوع من الالعاب لكن بعد قراءت الردود اثارت فضولي :) " المهم انا اشتريتها ب 190 درهم و في يوجد نوع ثاني ب 250 درهم وهذي الكرتونه تحتوي على بوستر وطريقة اللعب واشياء ثانيه و انا ما أتكلم عن الكرتونه اللي بنفس السعر 250 ولكن تحتوي على الاجزاء القديمه :) انا شفت جميع الاصدارات والكراتين :) بالتوفيق للجميع

مشكور أخي The Deadly Shadow

في حركه كانت تستوي مع روما وهي تستطيع تزود رصيد فلوسك حتى الملايين و تفتح جميع الحضارات المغلقه يعني ما عليك الا ان تبنى جيش و تهاجم ولا تفكر بالدخل و لاغيره
هذه الحركه تقدر تسويها كذللك مع Medieval 2 الرائعه
واذا الشباب مهتمين بهذه الطريقه ممكن اوضحها .

كذلك في نقطه سلبيه في اللعبه وهي انه لك دورات محدده يعني مثلا قاعد ألعب بال Moors ومطلوب احتل مدينتان +45 مدينه في 225 دوره وهذا يعني لازم تفكر بشكل صحيح في كل حركه و دوره

و السلام ختام

اخواني زي ما قلت شريت اللعبة بس يافرحة ماتمت
كرتي غبي 32 ميجا ولا يدعم الـ 3d
وعندي واحد ثاني من شركة ATI 256MB
المشكلة ماعندي تعريفه ركبته يطلع لي اسمه SIS 315
وهو يدعم 3D
بس ياليت احد يساعدني ويعطيني موقع اقدر انزل تعريف الكرت منه
ومشكوورين

السلام عليكم إلي عايز اللعبة على دي في دي في اللعبة متوفرة بسعر 60 جنيه والي خارج مصر وعنده طريقة أشحنها ليه فا ما عندي أي مانع . وشكراً

اخواني ركبت كرتي ATI 256MB ودخلت موقع الشركة ونزلت التعريف واحين احاول اثبته
يقول لي تأكد من ترتيب الاجهزة ومدري وش المهم انا ذكرت في ردي فوق اني ركبته طلع مو هو عندي واحد ثاني يشبهه ^^" وذاك خربان الي اسمه SIS 315 اما ابو 256 ميجا اسمه ATI RADEON 9250 قديم ^^"
المهم الي عنده شي لا يبخل علي وقولولي هالكرت يشغل اللعبة او لا

اخواني ارجوووكم الفزعة
والله قهررررررر بعد ما دفعت 199 ريال وعلى انتظاري للعبة وصبري على التخلف الي عندنا
طلعلي كرت الشاشة نوع كرتي ATI Radeon 9250. 256 mb
انجدوني بأسرع وقت ابي التعريف نوع جهازي وندوز اكس بي بروفيشونال
انا نزلت من اسطوانته المنسوخة تعريف بس لوندوز 2000 والجهاز يظل وقت ويعلق والشاشة تصير سوداء
اخواني اذا كرتي مستحيل يشغل اللعبة عطوني اسم كرت قوي ويشغلها وسعره ممتاز يعني مناسب
واذا كرتي يقدر يشغلها عطوني التعريف علما والكل يدري ان اللعبة زي ماهو مكتوب تحتاج كرت 128 ميجا والي عندي زي ما قلت لكم 256 ميجا
وشكرا ارجو الرد بسرررعة