سعر Ps3 للي يبي يشتريها من الكويت XD ---> مصخرة

اقتباس:

---

المشاركة الأصلية كتبت بواسطة Snake-87

.
.
.
.
.
أما جيم سنتر فسألته سؤالين
السؤال الأول قبل تحديد سعر السوني 3
(من زمااااااااان ساأله)
رد علي شعبان بضحكة :
شوف حبيبي السعر الأصلي جم ؟ إذا عرفته ضربه بـ 2 :p
:35:

---

والله إنه رجال على الأقل صدق معاك وقالك أضربه في أثنين :D وصراحة الشخص هذا أتمنى ألقى أحد زيه بالرياض كان كونت صداقه معاه
عندنا في السعودية السرقة عيني عينك وأسمع الشلخ يقول طالبينه من نفس سوني وهم محددين الأسعار وحنا مانكسب فيه أكثر من 500 ريال
على مييييييييييين شايفني تيس قدامك

اليوم رحت الرحاب صار لي فترة ما رحت له..

وكلمت الهندي محيي الي بجيم سنتر عبط عن سعر البلايستيشن 3 تعرفون جم قالي..؟؟

550 دينار حق النسخة ام 20 غيغا تصوروا..

ويقولي الفرق 50 دينار حق نسخة ام 60 غيغا يعني 600 دينار كويتي..

يعني يساوي 2000 دولار أمريكي..

بهالفلوس آخذ جهازين لابتوب من أحدث نوع الي فيهم معالجين duo ..

وطبعا قالي بعد 3 اسابيع توصل الاجهزة..

اقتباس:

---

المشاركة الأصلية كتبت بواسطة SFS

اليوم رحت الرحاب صار لي فترة ما رحت له..

وكلمت الهندي محيي الي بجيم سنتر عبط عن سعر البلايستيشن 3 تعرفون جم قالي..؟؟

550 دينار حق النسخة ام 20 غيغا تصوروا..

ويقولي الفرق 50 دينار حق نسخة ام 60 غيغا يعني 600 دينار كويتي..

يعني يساوي 2000 دولار أمريكي..

بهالفلوس آخذ جهازين لابتوب من أحدث نوع الي فيهم معالجين duo ..

وطبعا قالي بعد 3 اسابيع توصل الاجهزة..

---

اخي الرحاب والمحلات اللى بالكويت كلها تجذب علينا شافونا مقصات :28:

يا ربي شنو هذا وين ما اروح اشوف السعر يزيد T_T
بس 1000 دينار وايد والله وايد شنو هذا
انا بعد رحت مجمع الرحاب وقال لي انها رح تكون وايد غاليه لان عليها طلب مو طبيعي
><"
مالنا غير ننتظر شوي عشان ينزل سعرها
لو يكون ب 600 وكي موافقين المهم اشتريها لان حدي متحمسه

يلا مالنا غير الصبر وننتظر مع الوقت رح ينزل سعرها >> تهدي على نفسها :blackeye:

ياجماعه
نصيحه ..

افتكوا من العصابات اللي مسيطره على السوق..

اشتروها من النت ارخ واريح .. وأضمن !

اقتباس:

---

مالنا غير ننتظر شوي عشان ينزل سعرها
لو يكون ب 600 وكي موافقين المهم اشتريها لان حدي متحمسه

---

لوووووول 1000 ؟؟
لا بالمحلات 500 عند جيم سنتر و600 عند جيم ستيشن
جيم ستيشن :
60 جيجا + شريطين ويدتين
والحجز متوافر حاليا

وكلمت محل جنة الرحاب إلي تحت (يقووووووووووووووول) انه اليوم توصل (نصاب حده لأنه بتنزل برة 17-11) فهل رئيس الشركة ولد عمه مثلا XD ?
وسعره 600

اقتباس:

---

اشتروها من النت ارخ واريح .. وأضمن !

---

إطلبها لي .. وأنا مستعد أدفع
لأنه ماكو حتى بالنت
والنت عصابات أكثر من الرحاب حاليا XD
حتى سوني مسوية تحذيرات ^^

جيم ستيشن في الرحاب حاط اعلان احجز نسختك من البلاي ستيشن 3 ((نصاب)) دشيت سئلته قال لي 500 دينار مع لعبتين اطلبها من النت ارخص لي

اتحدى الشباب الي يتفلسفون اشترها من النت ارخص اذا قدرو يشترونها من النت اساسا لأنها اول ما تنزل ماراح تنزل بكمية كبيرة على النت مو مثل الكمية الي راح تكون موجودة في المحلات الامريكية وغير هذا بيكون فرق التوقيت من صالحهم انا اتوقع اصلا انها اول ما تنزل راح تخلص من اول يوم وراح تشوفون عدد النسخ شوية واكبر مثال محلات بيست باي اول ما نزلت البري اوردر خلص بنفس اليوم في زمن قياسي عدد الفواتير للبري اوردو وتقدرون تشوفون بعض الي اخذو الفواتير حاطينها في موقع اي باي ويبيعونها بأسعار خيالية وفي صفحة موقع امازون لاحظ عدد المتواجدين فيها تلاحظ التعليقات كل ثانية يعني الي راح يشترون موجودين على مدار الساعة ما اعتقد بتحصلون نسخة وحده وهذا كلامي والايام ياية وتثبت كلامي وبتشوفون ولا لكم شغل بمحلات الرحاب خلوهم يولون النصابين ونطرو ان شاء الله لي شهر 3 تنزل النسخة الاوروبية وذيك الساعه راح تنزل سوني نسخ امريكية ثانية ان شاء الله

^
^
كلامك صح ^^
بس ماكو نسخ اوربية
كلها موحدة ^^

اقتباس:

---

المشاركة الأصلية كتبت بواسطة Snake-87

مثل ما يكون عندنا صعب
أيضا راح يرتفع السعر عندهم هناك ><"

---

كلامك صحيح

انا اخوي بأمريكا حاليا وبعد سبوعين برد

أمس كان عند محل BestBuy & Wallmart سألهم عن الجهاز قالو الجمعه بكون موجود بس

بسعر 1500$ تقريبا لأن الكميه محدوده والتحكم بالسعر ولاننسى كرسمس ورأس السنه عندهم

يعني صج شي يسد النفس وفوق هذا كله اذا قدر يحصله جهاز !! :( بس بحاول

يعني اللي نقدر نفهمه انه الجهاز للتجربه باليابان و امريكا حاليا حتى شهر 3 من 2007 وبعدها

بنستمتع فيه طبعا صاحب الحظ اهو اللي بيستمتع فيه حاله

ومشكور على موضوعك

جيم ستيشن في الرحاب حاط اعلان احجز نسختك من البلاي ستيشن 3 ((نصاب)) دشيت سئلته قال لي 500 دينار مع لعبتين اطلبها من النت ارخص لي

منو يقول ان بالنت ارخص انا شايفها بموقع ايباي ebay على 1200 $ وفوق هذا طبعا مزاد مو سعر الشراء وغير الشحن والتأمين يكلف بعد انا اشوف ان سعرها مناسب اذا ب500 دينار مع يدتين وشريطين هذا للي يبي يشتريها اول ماتنزل وسلامتكم..............................................

انطر شهر احسن لي عشان تكون الدفعه اعتقد اللي راح تكون ب 2 مليون جهاز
وبهذا يكون الجهاز انتشر تقريبا ورخص سعره

اغبى شي انك تشتريه إلحين لإنه سعره هيكون غالي و هيكون للزينه فقط لإن مافي العاب تستاهل, يعني مش مشكله الفلوس, بس إن يكون غالي و ماقي العاب, طب على إيششششششش؟ و بعدين ديما الأجهزه بنسختها الأولى فيها نسبه كبيره إن تعطل بسرعه نفس ماحصل في xbox360

الحييين وقت القراصنة انهم يخترقون البلاي 3 ويدبرون لنا الكوبي:D

اسعار الجهاز في الكويت الاصدار الياباني

الجهاز خالي يعني بدون العاب 450 دك للعشرين جيجا

550 للستين جيجا

والسلام