السلام عليكم^_^
شباب و صبايا, عندي تعقيب سريع. لا تهم الطريقة اللي تحصلون منها على الاجابة, طالما انكم تجاوبون على الأسئلة!! يعني لو تسرقون اجابات بعض, تجتلون بعض, أهم شي تجاوبون:09:.
بقولكم سالفة تظحك. في عضو" الله يستر عليه" (تعرفون الستر زين و ما يحتاي نفظح, و من ستر مسلما ستره الله يوم القيامة:D) مطرش لي رسالة خاصة يشتكي من أحد الأعضاء اللي تناقشوا معاه بخصوص الاجوبة, و كيف هالعضوين اتفقوا انهم ما يستخدمون اجوبة بعض. المهم, العضو اللي الله يستر عليه, و اللي يكسر الخاطر, انصدم من العضو الثاني اللي حصل على نقاط اعلى عنه. طبعا مات هالعضو قهر لدرجة انه طرش رسالة خاصة يقولي فيها قصة الكلب الجريح, و كيف تمت خيانته + عنده الأدلة من محادثة المسن!!
و انا اقرا هالمعلقة كنت جيه:boggled::boggled::boggled:, ^_^, ما كنت اتوقع يكون عندنا يهال بالمنتدى, فعلا و لله في خلقه شؤون!.
أول شي خطر على بالي هو ردة فعل الأخ "انسان" لو جاف هالرسالة, حسيته بيكون جيه:31::31::31:. و تخيلت كيف رده "القاصف" بيكون للعضو المشتكي, لووووول.
الخلاصة, تروم تخدعون بعض و تستخدمون كل الوسائل كي تجاوبون على الأسئلة^_^.
على فكرة , أيها العضو المشتكي:أفكر:: الأخ "الخريط" اللي عندك محادثته جيكت اجاباته, و جاوب على 12 من 20, و اللي ياب 15 واحد ثاني^_^. يعني لا تخاف ما ياب أكثر عنك!!
اتذكرت أيام المدارس و الحركات مال "أكيلة" الكتب, كييييييييييييف فلااااااااان يحصل أكثر عني بالامتحان:12::12::12:. لووووووووووووووووووول^_^
خلاصة الكلام: المسابقة للتسلية فما لها داعي هالحساسيات خاصة بين الزملاء في المنتدى(ما بقول أصدقاء), بس شكله الأنيمي مأثر فيكم عدل و مخلنكم تستون Emotional.
anyway, مليت من كثر الرمسة و الكلام:p.
نجوفكم على خير و اللهم بلغنا رمضان سالمين غانمين يا أرحم الرحمين, آمييييييين, و صل اللهم على سيدنا محمد و على آله و صحبه أجمعين, و من تبعهم و والاهم الى يوم الدين.
و كل عام و انتو بخير^_^
