رسمتك الاخيره وايد حلوه عاجبتني التسريحه :D
عرض للطباعة
رسمتك الاخيره وايد حلوه عاجبتني التسريحه :D
مشكورة وايلد كيتي على الرد
الظاهر محد برد غيرج
يمكن الرسمة مو عاجبتهم:(
حرام عليج بابل
شنو محد بيرد :D
وانا وين :D
بالعكس حبيبتي رسومج روعه كفايه انها تعب
باليد :) وهاي له تقدير بالنسبه لي :D
و لج خطوط حلوه بابل :)
و أعتذر لو اني مارديت بس فعلا إنشغلت :":
و السلااااام :":
اوكي .....انا مسامحتج علشان كنتي مشغولة
ومشكورة على الرد;)
وانشاالله عن قريب راح احط رسمة يديدة:)
بابل .....
الرسمه رائعه.... تذكرني بالبطله في فوشيغي يوغي...
و اظن ان الوجه يحتاج الى تعديل... اليس كذلك؟؟ :D
نحن بانتظار الرسوم الجديده... ;)
مشكورة نوريكوعلى ردج
انا قلت ان الويه يحتاج الى شويه تعديل بس قلت اسمع رايكم بالاول قبل لا اخرب الرسمة
وبالنسبة للرسمات اليديدة ....يمكن اتاخر شوي لان المسابقات وايد و ماراح اقدر ارسم رسومات حق الجاليري بس علشانكم باحاول اقعد مبجر علشان ارسم اكثر لاني اسهر و ما اقعد الا ساعة 3 الظهر:":
اعذروني عن التاخير?:
هاااي
كاني رجعت و معاي رسمة
انشاالله تعجبكم;)
رسومات رائعة بابل
تلوينك جميل ومتقن ورسمك فظيع
ارى ان رسمك من الخيال يحتاج الى مراعاة وهي بسيطة فقط عندما ترسمين من صورة اعجبتك... ركزي على كل نقطة حتى تتذكرينها فيما بعد لترسمينها من خيالك... كما يجب عندما تنظرين الى رسمة او صورة ركزي فيها لتتعرفي على كيفية رسمها.. وستصبحين افضل باذن الله.
نريد ان نرى لك رسوما قريبا من الخيال وقد تطورتي في الرسم..
على فكرة تعجبني مشاركاتك في المواضيع الاخرى.. نشيطة ماشاء الله عليج وحظا اوفر
;)
حلوه رسمتج بابل ...
بس ليش احس انج استعجلتي شوي...:أفكر:
يعني احس الرجل طالعه شوي غلط...
يلله عاد انطر رسمات احلى بابل... ولا تنسين رسمي على راحتج.. ;)
مشكور شاهين على الرد وانشالله راح ااطبق نصايحك على رسوماتي الياية .....وانشاالله راح تشوفون مني الافضل قريبا
ونوريكو
كلامج صح يمكن انا استعجلت شوي في السمة ( وهذي من عادتي ) بس اوعدج اني ما ارح استعجل مرة ثانية
وشكرا على ردودكم;-)
اليوم وانا عافسة غرفتي لقيت هذي الرسمة قديمة ومو ملونة
قلت الونها واحطها في الجاليري ما طلعت بذاك المستوى
بس يعني اهي شوية زوينة
:D ...انا ناطرة ردودكم وتعليقاتكم
رسمة البنت اللي لابسه اصفر وشورت بني حلوه وايد وحركة الرجِل عجيبه.. تلوينج بهالالوان حلو والويه عندج جدا جميل.. في بس احس ان الراس شوي مسطح..
الرسمه الثانيه التلوين فيها وخاصة الفستان وااايد حلو.. شخصيات جميله.. لكن في شي خرب على الرسمه وهو ان النصف العلوي من البنت متجه باتجاهنا الجالسين اما الشاشه، لكن النصف السفلي مرسوم كأن البنت واقفه باتجاه البحر.. انتبهي لهالنقطه;) وغيره في الرسمه مافي.. بصراحه حلو رسمج..
البنت الثالثه عاد احلى وحده فيهم.. العيون فيها رهييييبه.. التعابير في هالرسمه طالعه واايد حلوه والالوان اللي فيها احلى ماشالله عليج فنانه.. بس هالرسوم ماشالله كلها من مخيلتج ولا في منها منقول منه شوي؟
رسمج حلو ونبي اكثر نبي اكثر.. :D
شكرا رانما على الرد
....وعلى ملاحظاتك المفيدة
وبالنسبو لسؤالك فرسوماتي مخلوطة يعني انا اجمع رسومات وايد عندي
واخذ من كل رسمة شي وبعدين اكمل الباجي من مخيلتي ..............ز
........او مرات تكون كلها من مخيلتي مثل رسمة البنت اللي لابسة احمر
.......ومرات انقل الرسمة كلها >>>>وهذا احسن شي ....يعني الرسمة تكون مضبوطة
بس يمكن اكثر الرسمات اللي عجبتكم كانت منقولة او مخلوطة
مرحبا بابل:)
شفت رسومج الأخيره :) واعجبتني وايد كلها كيوووووووت مثلج والألوان حلوه عجبني اختيارج للألوان ....ألوانج بسيطه وناعمه ورسوماتج بعد ابسط كلها تدل على شخصيتج المرحه والحبوبه وتلوينج لبعض الرسومات ومحاولاتج مع الفوتوشوب اعجبتني اختيارج للمع واستخدامج لها حلو وجميل ...على الأقل تستخدمينه مو مثلي انا اللي ما أعرف له أبد....:D
بس يبيلج تدريب على رسم الأطراف وأعضاء الجسم:) وبتشوفين رسمج كيف راح يتحسن بشكل ملحوظ ;-) أرجو إني ماكون ثقلت عليج بكلامي:":
لكن رسومج اعجبتني ولازم تعطينها شوي من وقتج وماتستعجلين عليها:o
اوكي;-)
:)
see u
هاي ونتر سول
مشكورة على النصايح المهمة اللي عطيتيني اياها
وانتي رسوماتج بعد حلوة و مرتبة مو مثلي انا عفسة ولازم اعفس نفسي علشان تصير الرسمة زينة
وقريبا راح اعرض رسمة بمساعدة النصايح اللي قلتوا لي عنها ;-)