نبدي بالتحليل
اولا ديدا
مستواه ما يبشر بخير وعليه هفوات مثل وجهه وتصديه لضربة الجزاء غطى شوي من اخطاءه في المباراه لكن يجب الاستعانه بحارس اخر والمتوفر حاليا هو ستوراري
كووووستا كورتا :12::12::12::12:
اكبر غباااء سواه انشلوتي ان لعب كوتا لاعب كبير وبطىء وحتى ما يقدر يركض وهو السبب الرئيسي بالخساره :12: بسبب اخطاءه الفادحه :12:
بونيرا :kiss:
والله انك وحش الله يستر لو انك مو لاعب جان رحنا فيها بإختصار كفييت ووفيت
سيميتش
مستواه بالمباراه عادي جدا جدا جدا بس اللي سواه ان كل شوي زالق بالمعلب :12:
كافو :12:
ثاني واحد بالمباراه بط جبدي بس قاعد ويتعلج بالعلج(العلكه) ماله ويشوت على الجمهور اظن ان كان يجب ادخال اودو من بداية اللقاء وخاصة ان عنده الخبره الكافيه في لقاءات روما
امبروسيني :12:
شباب انا حاس ان امبروسيني ماسك شي على المدرب وهذا اللي مخلي المدرب يلعبه اساسي
والله ما ادري ليش المدرب فضله على غاتوزو :12:
يكفي ان امبروسيني لي اللحين في الفورمه وليس في مستواه وايضا ليس امبروسيني القديم الخطير
المفروض ان ما يلعبه بالمباراه :12:
بيرلو :12:
كاااان بطىء جدا جدا جدا على المستوى الذهني والجسدي يعني لما ياخذ الكوره لازم 5او 6 ثواني على ما يمررها لاحد اللاعبين بصراحه بيرلو بعد كأس العالم لم يقدم مستوى جيد اتمنى ان تعود لمستواك يا بيرلو
يانكو :kiss:
والله ان اهو نجم اللقاء بصراحه اللاعب هذا قاعد يثبت نفسه بالفريق
بحيث انه اذا لعب ظهير ابدع واذا لعب وسط ابدع واذا لعب جناح ابدع والله مو باقي الا يصير هجوم
بطل يا يانكولفسكي
سيدورف :12:
سيدورف اليوم كسر قاعدته الا وهي ان معروف ان سيدورف بالقاءات الصعبه والمهمه يبدع لكن بالامس بصراحه كان مستواه سىء اتمنى ان تعود لمستواك يا كلارنس لان الفريق مو ناقص
كاكا :12:
أأأه يا كاكا والله اني حاس ان عين جايتك ياخي مستواك قلب 180 درجه عن مستواك اول الموسم
بصراحه ما قدمت شي باللقاء وتمريراتك الصحيحه لا تتعدى الاصابع باليد الواحده كان يجب استبدالك بجوركوف المظلوم
جيلادينيو :kiss:
والله انك وحش يكفي انك وفيت بوعدك وسجلت بالاولمبيكو
كان ناقصك بس وسط مثل الناس علشان تسجل
خطير يا جيلادينيو
انزاغي
دخوله لم يضف اي شي باللقاء بإختصار ورقه غير رابحه :33:
اودو
مستواك كان جيد بس اللي قهرني شي واحد واهو عرضياتك المكشوفه
يعني اذا ماني غلطان ولا عرضيه عرضتها وصلت صح للمهاجمين كلها مكشوفه من قبل الدفاع ومبعده لكن مع ذلك كان يجب البدء فيك لان عندك خبره كبيره وكافيه في لقاء نادي العاصمه روما
غاتوزو والله كبير يا غاتوزو :kiss:
لاعب مجهوده اكثر من فنياته
ومثل ما قال اخوي حكيم يلعب من قلبه
اعتقد ان كان من اللازم ان يبدأ فيك بالخطه الاساسيه
اللحين الكوبا الايطاليه راحت علينا
بس بصراح شباب انا ارى ان شي جيد ان خسرنا تدورن ليش
علشان ما يكون للاعبين بديل يعني لو فزنا باللقاء مثلا راح تشوف لاعبين الميلان يقولون املنا الكبير هو الفوز بالكأس وبذلك
تلقاهم ما يقدمون مستوى100% بحيث انهم علقوا امالهم بالكأس
فعلشان جذي اللحين صار على اللاعبين ان لازم يفوزون ببطوله او يقدمون شي في هذي السنه يعني الوصول الى المركز الثالث او لثاني بالدوري
الوصول الى دوري الاربعه او النهائي بدوري الابطال علشان يشفع لهم
بالنهايه ما اقول اللا هاردلك على تضييع بطولة الكوبا ايطاليا
