استفساراتكم واسألتكم هنا 4

ملف مرفق 357999


شوف الدائره بالاسود تقريبا من الغرف اللي داخلها تحصل اللي يطور الجير

لكن في شروط طبعا , يعني لازم الجير يكون items lvl معين او خاص للفل 90 , و بليزرد اوقفوا هذا التطوير و الان رجعوه لكن لغوا تطوير جير الpvp و تقدر تطور الpve بس

و سالفه انك تموت بسرعه هذا بكل الناس تحصل اذا كانوا مو لابسين جير الpvp يعني اذا تبي تلعب pvp اول شي اوصل لفل 90 وبعدين ابدأ اللعب لأن تلعب من البدايه وقبل لفل 90 تقريبا مالك اي معنى

في تطوير ثاني للجير اللي اهو انجانت enchant انك تزيد قوه الاسلحه والجير لكن بشكل بسيط وهذا تحصله يباع في المزاد

السلام عليكم

شباب اللاتنسي عندي في الفترة الأخيرة 300 و فوق وقبل كان 100 و شي هل في حل ؟ هل اللاتنسي عالي عند الكل ولا بس عندي ؟ و شكرا

السلام عليكم
ممكن احد يشرح لي طريقة الحصول علي هذا الماونت لو سمحتو؟
http://eu.battle.net/wow/en/item/83086

وعليكم السلام

هذا الله يسلمك تسوي انفايت لأحد اصدقائك للعبه و اهو يشترك شهرين باللعبه يعطونك المونت

لازم شهرين مو شهر عشان تاخذه

تسلم اخوي عندي واحد راح يشتري اللعبه كامل هل ارسل له دعوه قبل مايشري اللعبه ويشريها بعدين؟
ياريت تعلمني الطريقه الله يسلمك و المطلوب مني اسوي عشان اعلمه

شوف انا مو متأكد عن طريقه الانفايت

قبل كان في مونت غير هذا اللي يكون نفس الفلاي مونت مال الهورد العادي بس لونه شفاف , هذا كان نفس الطريقه تسوي انفايت لرفيجك عشان تاخذه

لكن شلون طريقه الانفايت ؟

انك تدش اكاونتك و في داخل ترسل انفايت لرفيجك ان تكتب ايميله و ترسله دعوه لكن مو اي اكاونت , لازم يكون اكاونت موجود لكن صاحبه مادخل اللعبه من فتره طويله , وانت مثل ماتقول تسوي ress للأكاونت و تحيه مره ثانيه واهو يدخل مع مميزات ان يعطونه بليزرد شخصيه يختارها ويوصلها لفل 80 بدقيقه

وانت يعطونك مونت اللي لونه شفاف

يمكن هالمونت نفس الطريقه انك ترسل لشخص قطع اللعبه وتخليه يرجع ويشترك شهرين


تأكد بنفسك و انا بدش اكاونتي اشوف بعد وبتأكد

تسلم والله.
يعني اخوي لو شراء حساب جديد وسويت له انفايت واشترك شهرين ماقدر احصل علي الماونت.

اول شي تدخل اكاونت وتروح للصفحه هذي

ملف مرفق 358031


وتختار رقم 1 ويفتح لك تحت اللي تشوفه , في امرين الاول تسوي انفايت عشان تاخذ المونت اللي انت تبيه و الثاني اللي قلتلك عنه تحيي اكاونت صارله فتره مادخل و هم يعطونك المونت اللي قلتلك عنه نفس مال الهورد لكن شفافي


ملف مرفق 358032

هني تسوي انفايت لكن انا لما سويت انفايت ماصار , الظاهر بس دول اوربيه تسوي انفايت , وانا كاتب الدوله الكويت , عشان جذي الظاهر مايصير

انا اكاونتي كويتي مكتوب البلد الكويت والظاهر ماتضبط الا لما يكون اكاونتك بريطاني

وماتقدر تغير الدوله الا لما تكلم الدعم الفني في بليزرد و هم يغيرونه لك


ملف مرفق 358035

انا الدوله في حسابي بريطاني مادري كيف صارت مع اني في السعوديه.
مشكور اخوي علي الشرح كفو والله ماقصرت. المفروض انك مشرف مو عضو

دام بريطانيا يعني انت من اول شي لما سويت الاكاونت كنت حاط بريطانيا

حلو جميل كلم رفيجك وخله يحط البلد بريطانيا بعد

بس انت ادخل اللي انا دخلته بالصور و شوف الانفايت شلون يكون لأني مااقدر اشوفه , شوف شنو يطلبون منك

اهو تحط ايميل رفيجك ويشترك على ايميله او تحط حسابه بالباتل نت , يعني افهم قبل تسوي اي شي ويروح عليك

انا كأني فهمت من كلامهم ان حتى لو ترسل انفايت ويسوي حساب تجريبي اللي لغايه لفل 20 راح تاخذ , ومن كلام الناس يقولون لا لازم تشترك شهرين

افهم منهم قبل تسوي اي شي

انا اللي فهمته لو الحساب جديد واشتراء اللعبه كامله مع شهرين راح يعطوني الصاروخ وانا ما ابيه لان الصاروخ عندي .

حسب الصور من موقعهم الرسمي ان المونت اللي انت تبيه

واذا حتى لو عطوك الصاروخ كلم جيم ماستر يستبدله لك , قوله انا عملت كل شي عشان المونت التايغر اللي يطير وانتوا عطيتوني صاروخ وهو عندي

راح يبدله لك واذا مابدله قوله برفع عليك قضيه , راح يخاف ويبدله لك ويمكن يعطيك جولد

ههههههههه حلوه يعطيني بس بجرب.
يعطيك العافيه

سوال ابا اغير الكلاس حقي انا روق وابا اخلي كلاسي روج كمبات عند مين بظبط اغيرو

روح للمدرب

اذا ماتعرف مكانه اسأل اي حارس بالمدينه ويدلك عليه

لما تروح للمدرب وتكلمه شوف اول اختيار اهو تغيير التالنت

اخوي Karazhan انا عندي حساب قديم مافتحته من 7 اشهر ونسيت باسورده والايميل تقفل .
هل فيه طريقه اقدر ارجع حسابي واحط له ايميل جديد.

صعبه الا انك تكلم الدعم الفني وتعطيهم صوره فيها اسمك الاول والاخير مثل صوره الجواز و تعطيهم البيانات اللي تذكرها ان كنت تعرف الجواب السري او السيريال نمبر

متشددين حيل الجماعه خصوصا بالامور هذي

طيب واذا عندي ارقام الاصدارات اللي شريتها كلها من لفل 60 وحتي لفل 90 . ينفع ؟

اي ينفع بس كلم الدعم الفني وياليت لغتك مضبوطه عشان تفهمهم ويفهمونك

قولهم هذا السيريال نمبر للعبه و هذا الاسم الاول والاخير وهذي صوره جوازي

اذا انت مثلي جوازك مع امك حط الهويه بس يكون البيانات بالانجليزي واذا جوازك بروحك دز صورته

وقولهم بغير الايميل لأن الايميل انسرق او ضاع

شباب لو ابا اشوف معلوماتي الي سجلتها في واو انا نسيت كلمه الاجابه حقت السوال ابا اجيبها كيف الي هيا لما تسوي اكونت اختر سوال واكتب الاجابه هادي نسيتها ياريت لو احد يقلي بصور او الي يسموها سوال الحمايه :33:

السؤال محد يجيبه لك

ماكو الا السيريال نمبر لأن بليزرد تحطك امام خيارين , اما انك تكتب الجواب السري او السيريال نمبر للأكاونت

اذا ماتعرفهم اسأل الشباب وين يبيعون اللعبه ولما تشتريها وتسجل بياناتك سجل بورقه الجواب السري والسيريال نمبر لليوم الاسود

السلام عليكم شباب حاب اسالكم انا لما اخش واو يجيني wow1 و wow2 انا واو2 جات لما حطيت الكود حق 10 ايام فري كيف اشيل واو2 اخليها ماتظهر :33::33: ياريت تجاوبو

ماتشيلها خلاص

تعايش معاها

واذا في طريقه تشيلها من الباتل نت الموقع الرسمي , بس ماتقدر تشيلها حسب ما سمعت

انا عندي 4 مبتلش فيهم وكلهم باند ومتعايش معاهم والوضع ميه ميه

اقتباس:

---

المشاركة الأصلية كتبت بواسطة Karazhan

ماتشيلها خلاص

تعايش معاها

واذا في طريقه تشيلها من الباتل نت الموقع الرسمي , بس ماتقدر تشيلها حسب ما سمعت

انا عندي 4 مبتلش فيهم وكلهم باند ومتعايش معاهم والوضع ميه ميه

---

اها مشكور طيب دحين لما اشتري القيم كارد او ابا اجي افعل كيف انا اباها علا الكامله الي هي واو 1 الي فيها كل اجزاء واو الي مشتريها يعني ابا افعلها على واو 1 كيف ؟؟؟؟:33:

عادي ادخل الباتل نت ولما تسجيل تشوف بصفحتهم كاتبين wow1 على اكاونتاتك اللي بالباتل نت هذا . يعني كل شي مكتوب بموقعهم

ملف مرفق 358165


هذا الصوره توضحلك الحساب في الباتل نت

شوف الدائره الكبيره فوق والاربع اكاونتات اول شي , هذول النسخه الامريكيه

الاربعه تحت بالدائره الكبيره الاوربي

انت يمكن عندك اوربي بس و حسابين فقط

شوف الدوائر الصغيره داخل الدائره الكبيره . الدائره يسار تحدد الاكاونت اهو wow1 او 2 او 3 او 4 و الدوائر اليمين تحدد السيرفر او النسخه امريكيه او اوربيه

فأنت لما تدخل اكاونت و بما انك تعرف ان لاعبينك كلهم في واو 1 , لما تدخل الباتل نت روح لواو 1 واضغط عليه و بداخله تقدر تجدد الاشتراك الشهري

بو شنب شو راسم

قطووو وبطه ب اربع رجول هاي اول مره اشوفها وراسم صورتك بعد وراسم واحد راكب كلب او حمار شو هذا بالضبط

لا فضيع بالرسم انت لازم تدخل دوره عشان تحسن وضعك

هذا مو كلب

هذا انديد راكب الذيب . مونت الاورك

شعرفكم انتوا بالرسم و فان جوخ و بيكاسو

اي انديد هذا شكله صاحب الظل الطويل
هههههههههههههههه

انت الي شو عرفك بالارسم

الله يا بو شنب لو ترووح متحف اللوفر وتشوف الرسم على اصوووووله مكان يجنن والله اوقف عن صوره صوره واشوف تفاصيلها وافر كيف في زمنهم عندهم الوان وكل لون احلى من لون والتفاصيل كيف راسمينه وفي صور كبيره وعلى جدار واسال عمري هذوله كيف شلوو الجدار ويابوه هني والرسام رسمها على الارض او كان راكب درج وووووو الخ من اساله الصراحه وايد وايد حلو يبالك تروحله

ان شاء الله بروح البيت وبحط كم صوره من المتحف في قسم القهوه وكم صوره عجبتني

هي وصح دام تقول انك رسام لو رحت هناك بتسوف الرسامين قاعدين يرسمون وايد رسمات هناك

في مكان ممنوع التصوير والرسامين بس ينسخون الرسومات

المهم وايد طول في مكان مب المفروض ندردش فيه :) الحين يوشي بيتضارب ويانا مافينا على ضرابته وزعله ورمضان عالابواب

ورمضان كريم

يوشي يدخل مخفي يوم بالسنه , يشوف الوضع , هل في ثوره قامت ضده او لا وبعدين يرجع سردابه , اخاف حطله سرداب وراح منتدى ثاني يقولهم انه الملك ويقص عليهم

يلا القهوى لا نتصطر

السلام عليكم ياخوان انا جديد بلعبه
وصلت لفل20 ووقف معاي قلت امكن اشتراك وشريت اشتراك شهرين كيف احطه

وعليكم السلام

تحطه بموقعهم battle.net

لما تدخل حط ايميلك والباسوورد مال اللعبه و ادخل حسابك وبعدين روح حق add game time وحط الكود

احطه تطلعلي هرساله
The following errors have occurred:
You need to verify your email address to continue.

انت مو معرف ايميلك

حط ايميلك بالحساب و شوف الرساله اللي يدزونها لك , يمكن فيها رابط تعرفين الايميل او شي

بس الرساله تقول ان ايميلك مو معرف عندهم

في توقيعك كاتب سبحان الله وبحمده سبحان الله العضيم

والصحيح العظيم مو العضيم


وانت ادخل حسابك في الباتل نت و شوف مسجل ايميل او لأ , اذا مو مسجل حطه وشوف ايميلك عشان يرسلون رابط تعرفين


بس شلون تدخل موقعهم بدون ايميل ؟

اخاف انت مو ووركرافت بس

ماجاني شي على الايميل

ارسلولي رساله على الايميل وفعلت الحساب وجيت احط الكود و
طلع ذا
The following errors have occurred:
The code you entered cannot be claimed. Please check the code and try again. If you see this error again, please try again later, as the game or website may be undergoing maintenance.

كنت حاطه خطا عفونا الحين تاكدت منه وطلعتلي هرساله
You cannot claim this game card key. You have no eligible World of Warcraft accounts for this game card key.

يخوي بعرف ليش وقف التلفيل

الكرت مو مضبوط

انت مو قادر تلفل لأن اكاونتك تجريبي ستارتر , الاكاونت اللي انت فيه اخاف اوربي و عندك بطاقه امريكيه

او العكس

او انك تحاول تدخل السيريال نمبر مكان الكرت مال الاشتراك الشهري , يعني في امور لازم نعرفها عشان نعطيك المشكله و حلها

لكن ليش ما تروح تشترك بالفيزا مثلا افضل من الكرت واسهل , حط رقم البطاقه و لما تشترك ويقولولك العمليه ناجحه تروح تكنسل الفيزا و ينتهي الموضوع

وكيف اعرف الكرت لحساب امريكي او اوربي

مكتوب عليه

US او EU


شوف الكرت شنو و شوف اللعبه شنو . اذا اللعبه امريكي والكرت اوربي او العكس مايمشي

الكرت امريكي

جميل

واللعبه شنو ؟ امريكيه او اوربيه


لما تدخل الباتل نت وتشوف حسابك مثل هالصوره

شنو مكتوب تحت wow1


ملف مرفق 358228

امريكيه اخوي

اخوي ماكو الا تجرب كرت ثاني او الفيزا , لأن كرتك هذا اما انه مستهلك او في مشكله

بما انك كل شي امريكي و كل ماتحط الكرت يقولون ماعندك صلاحيه فأنا اقول انك تشترك بالفيزا

مشكور ويعطيك العافيه تعبناك معانا

لا ما عليك لا تعب ولا شي

هذا مندوووب الملك يعني يشتغل عنده وهذا شغلته

واي سؤال حاضرين

وما عليك امر أبو نايف غير التوقيع لانه غلط



سبحان الله وبحمده سبحان الله العضيم = سبحان الله وبحمده سبحان الله العظيم

اليوم سري شي حلو خلص اشتراكي اليوم في واو قلت خليني اروح اشتري قيم كارد وبس وشويه قلت خليني ادور على البطاقات القيم كارد القديمه لقيتها بس قلت خليني اجرب اكتب رقم الدا ولافجئه يسير معايا 60 يووم وانا انصدمت وفرحت البطاقه سار ليها اكثر من 3 سنوات ههههههه بس في سوال كان في بالي كيف امشي بشويش يعني لما اضغت w بجري بس في ناس كدا يستعرضو يمشو بشويش كيف اسويها دي :33:

اذا انت تستعمل كمبيوتر تضغط على Number Lock وإذا ما صارت معاك هالحركه ف عليك بعمل الآتي:
1- ESC
2- Key Binding
3-دور على كلمة Walk خل اي مفتاح انت تبيه مثلا / خله حق المشي ولو تبي السرعه العادية دق عليه مره ثانية

ان شاء الله فهمت ولو ما عرفت بو شنب الحين بينط وبيحطلك صور ورسومات من العصر الحجري وحصان وبطه وزيوي مع الشرح الكافي والوافي

هههههههههههههههههه

اقتباس:

---

المشاركة الأصلية كتبت بواسطة Dudette

اذا انت تستعمل كمبيوتر تضغط على Number Lock وإذا ما صارت معاك هالحركه ف عليك بعمل الآتي:
1- ESC
2- Key Binding
3-دور على كلمة Walk خل اي مفتاح انت تبيه مثلا / خله حق المشي ولو تبي السرعه العادية دق عليه مره ثانية

ان شاء الله فهمت ولو ما عرفت بو شنب الحين بينط وبيحطلك صور ورسومات من العصر الحجري وحصان وبطه وزيوي مع الشرح الكافي والوافي

---

لاخلاص فهمتها سويتها كمان شكراااا

العفو اخوي

السلام عليكم انا وصلت لفل 70 بس ابا اخش الارينا ومني عارف كيق ياريت واحد يفهمني

اذا تبي تسوي فريق ارينا اضغط باللعبه حرف H وبعدين تفتح الباتل جراند

بالنافذه مالت الباتل جراند تحت تشوف Arena Teams تضغط عليها وتسوي فريق وتكتب اسم له وبعدين تعزم اي شخص معاك بالفريق ولما يصير بالفريق تقدر تسجل بالارينا وتلعب

من وين احصل الاحجار مال اللبس لان في الاكشن هاوس فاضي ما حصلت شي طبعا سيرفير كازاك الاينس pvp و هل في اكشن هاوس جديد في بلاد الباندا

السلام عليكم
يا الربع ادوني اسم برنامج بوت يكون كويس وجميل ورائع

وثنكيوو

الاحجار من بروفيشن ( مهنه) اسمها jewelcrafting هي الي تسوي الاحجار ولو ما لقيت في الاكشن هاوس تقدر تشوف شو الي محتاجها من materials وتشتريه من الاكشن هاوس وتشوف منو عنده البروفيشين ويسويلك الحجر الي تبيه

اول شي بما إنك في سيرفر

kazzak alliance

انصحك إنك تغير السيرفر السيرفر جدا ميت بالنسبة للأينس روح هورد جدا افضل لك

او حاول تنقل لسيرفر زي frostmane او outland او ravencrest او grimpatol

في حالة إنك من عشاق الاينس

اما بالنسبة للجيمات هيا فعلا من بروفيشن اسمه jewelcrafting

والماتيريال حقتها تجيبها عن طريق بروفيشن mining

وممكن تصنع جيماتك او تشتريها عن طريق الاكشن هاوس

اما بالنسبة للأكشن هاوس اللي في البانداريا بس للي عندهم بروفشن engineering

سلام عليكم جميعا
و مبارك عليكم ما تبقى من شهر رمضان المبارك و تقبل الله صيامكم و قيامكم
وقفت عن لعبه الواو ما يقارب السنتين و رجعت لها و بس ابي اعدل التالانت للوارير
طبعا ابي تانك و محتار في اختيار فيوري و لا ارمز
اذا في احد يساعدني عليها جزاه الله خير

وعليكم السلام و مبارك عليك باقي الشهر

اخوي انت تبي تانك بس ماتدري تختار فيوري او ارمز

الجمله هذي يبيلها دراسه و نبي ناس جامعيين يحلون اللغز . كيف ياترى تبي تانك و ماتدري فيوري او ارمز ؟

عموما التالنت الجديد خلاص بعد مايحتاج تختار شي و تاخذ الحركات من الspellbook وبعدين تروح تالنت التانك وتحط النقاط فيه مثل قبل

الحين تدخل على التالنت وتختار شنو تبي , تبي تانك تختاره و تروح السبل بوك تاخذ كل شي , التالنت اللي مال النقاط ماعليك الا انك تحط النقاط بالحركات اللي تبيهم وتشوف انهم يفيدونك ان صرت تانك , بعض الحركات راح تعرفهم ويكونون للتانك قبل مايتغير التالنت

او انك تحط شي جديد , واذا مليت من حركه بالتالنت وتبي تغيرها ماعليك الا انك تشوف اي بياع Reagents و تشتري منه كتاب اسمه Tome of the Clear Mind

هالكتاب تحصله ب45 سلفر , اشتر منه 20 حبه و خله بالجنطه عندك ووقت ماتبي تغير حركه بالتالنت ماعليك الا انك تحط الماوس عليها وتضغط يمين كلك وتشيل منها الاختيار و تشوف حركه غيرها وتختارها

بشرط ان يكون عندك هالكتاب بالجنطه , يعني بدع لين تطيح على حركات حلوه

مشكورين ماقصرتو شكلي بنتقل من السيرفر شو السيرفر الي فيه عرب كثيىرين و ايكون اللعيبه فيه فل و ايكون

للأينس فيه اقوى بقليل من الهورد طبعا pvp واروبي

أظن OutLand وايد اللاينس

مشكورين تم النقل الى OutLand

بالتوفيق اخوي

السلام عليكم
ياريت تسمعون قصتي وتساعدوني او تعلمون وش اسوي.

شباب انا شكلي طحت في نصاب وسرق مني ذهب.
المهم لقيت واحد يكتب في الشات انه يبيع ماونتات بليزرد الي في الاستوري blizzard/store والمقابل ذهب وكلمته وقلت له ابي الماونت الحصان او الخروف اللي يطير اسمه Swift Windsteed وهذا رابط الصفحه في استوري
http://us.blizzard.com/store/details.xml?id=1100002357 قالي اشريه لك واعطيك الكود انت تحطه في حسابك وقال ابي 20 كيلو ذهب وقلت اوكي اتفقنا بس انا سويت فيها شاطر وقلت له اعطيك الذهب بعد ما اسوي الكود واشوفه معي هنا وراكبه وقال اوكي والصراحه استغربت من الثقه القويه اللي هو فيها وماخاف او فكر اني راح استلم الماونت وانحاش وما اعطيه الذهب . المهم اعطاني الكود ووسويته وكل شي تمام وبعد ثواني جاني رساله في اللعبه فتحتها لقيت الماونت واخذته وانضاف مع الماونتات اللي معي وانبسطت بالسعر 20 كيلو حلو واعطيته الذهب وكان يحاول فيني اشري ماونت ثاني بعد وخصم راح يسوي لي هههههه المهم راح الرجال وانا قعدت يمكن ساعه افحط في الماونت في اورج ومافي احد قدي وكاني مخترع صاروخ . بعدين قفلت اللعبه ورحت نمت ورجعت اليوم الثاني اللي هو اليوم ومتحمس ابي اخذ لفه علي اورج بالماونت ومالقيته ؟
دورت في كل مكان مالقيته رح للبنك ادور مالقيته فتحت البريد مالقيته انهبلت وشلون اختفاء الماونت ؟ المهم حسيت بشي داخلي انه انصب علي عيني عينك وانا مو فاهم شلون.
رجعت اسوي الكود مره ثاني في حسابي لانه معي الكود وما اشتغل معي .
الحل شنووووووووووو الحين كيف ارجع حقي ساعدوني وعلموني وهل ارسل رساله لمسؤولين اللعبه وارسل الكود معهم واسم الشخص لاني سويت له ادد فرحان يمكن اشري منه مره ثانيه هههههه.
الصراحه الذهب ماهمني والماونت اقدر اجيبه بس والله قهرني واذا كان هو اللي اخذ الماونت ورجعه فيكف دخل حسابي واخذ الماونت يعني مافي ثقه وامان في اللعبه ؟

اخاف هو معطيك تجربه للمونت وانت على بالك شريته

بس مااذكر اني شفت تجربه مونت ، انا شفت بالوكاله تجربه قياده سياره بس مونت ماشفت

المهم دام عندك الكود والسالفه طازه والشخص موجود وتعرف اسمه و انت حتى مشكلتك بالعبه

فأنصحك تكلم جيم ماستر وتقوله عن الموضوع وتعطيه اسم الشخص

تقوله ان هذا الشخص باعلك مونت لأن انت ماعندك فيزا تشتريه من واو ستور واهو شراه لك مقابل جولد والحين

المونت مو موجود ليش ياجماعه ؟ عشان يعني انا مسكين تسوون فيني جذي او لأني عربي ؟

وشوفهم شنو يردون عليك


مشكلتك هذي بيد الجيم ماستر فقط ، لازم تكلمه قبل تبرد السالفه

تدري وش كان ردهم؟

يقولون ان الماونت مسروق من بليزرد ببطاقة مسروقه وبعد48 ساعه اكتشفت الامر بليزرد وسحبت الماونت .
وانهم غير مسئولين عن اي نصب واحتيال يصير لك ؟ هههههههههههههههه
يعني هذا نصب علي بليزرد نصبه كبيره.
وانا المسكين اللي شريته خذوه مني . قلت له ليه ماتمسكونه مارد علي وقال راح نمسكه
--- نصاب هذا وكذاب لان هذاك اليوم كان جالس يعرض كل الماونتات في اورج علي الشات وعلني من الظهر لين الفجر يعني 14 ساعه وكل اورج شافته ويقول راح نمسكه ؟
السالفه باختصار انه نصب علي بليزرد واخذ ذهب وماقدرت تمسكه ورجعت بليزرد علينا حنا المساكين وتتهمنا ان تم النصب علينا ههههه

الله يعوض عليك اخوي وهالسالفه مب اول مره تصير ومعروف الي يسوون اسبام في الجينيرال ترا كلهم نصابين لو حاب تشتري شي لازم يكون عن طريق الTrade وانت تعطيه الجولد وهو يسلمك الماونت ولا تشتري اي شي ابكود لانك ما تقدر تقوله بجرب ولو شغال بعطيك الجولد

السلام عليكم
تسلم اخوي وعادي الذهب ماهمني لانه ذهب لعبه و 20 كيلو بسيطه تتعوض. وانا نسيت الموضوع

--- المهم عند سوال مهم وابي احد احد يفهمني :
البوس الحقير اللي في رايد Throne of Thunder ابو عين وحده والله ذبحني وبيني وبينكم هذا احقر بوس شفته في اللعبه وهذا اسمه للي ماعرفه Durumu the Forgotten ورابط صفحته http://www.wowhead.com/npc=68036

المطلوب احد يفهمني كيف اتعامل مع الحقير هذا والله مو فاهم وش اسوي مره يطلع خطوط الوان اصفر وابيض واحمر ويقولون مووف ونسوي نتحرك . وبعدها يخلي الارض كلها بنفسجي وتلقاني مسدوح ميت ومو انا فيه ناس اشوفه مثلي بعد مسدوحين وفيه ناس لا قاعدين يتحركون
ياريت احد يشرح لي ويفهمني خطوه خطوه نظام هذا البوس وكيف اكف شره عنه. واذا فيه فيديو عربي او عنده صور فيها شرح يفيدني.
تحياتي

البوس هذا سهل حده بس افهمني عشان تفهمه

شوف البوس هذا اول شي اقعد طقه عادي , يطلع خطوط تتحرك ماعليك منهم خلهم يحوشونك

لكن الموت المحتم لما يطلع شعاع اسود او مادري شنو لونه بس المهم يطلع شعاع من عينه و ياخذ فتره قصيره تشوفه واقف ويطلع الشعاع وتشوف على الارض دخان اسود

بالحاله هذي لا تصير واقف امام البوس , لأن ان وقفت جدامه و حاشك الشعاع تموت على طول زي رفيجي ابو شنب

خلك على جنب او خلف البوس , مو هذا كل شي

الدخان اللي تشوفه عالارض راح تشوف انه يغطي كل الارض , لكن في مسار عليه دخان شويه وتشوف الارض من تحته , هالمسار مايكون مستقيم , يعني كأنك تركض على جسر متعرج وخايف تطيح منه

انت خل الكاميرا على شخصيتك شوي مرتفعه , يعني ماتخلي الكاميرا خلف شخصيتك , تخليها مايله عشان تشوف الارض او تشوف المسار من بين الدخان و تمشي معاه عشان تدور حول البوس و تتفادى الليزر اللي يطلع من عينه

هذا الليزر مثل ماتقول واحد عينه حاره , ان صكك عين ما يثنيها , هالبوس جذي ان صكك بليزر عينه ما يثنيها لك وتموت على طول

وان مشيت على كيفك على الدخان راح تموت بعد , فلازم تشوف المسار من بين الدخان و ماتخلي شعاع عينه يحوشك

هذا الفيديو وصاحبه الفيديو مجنونه ماتت

http://www.youtube.com/watch?v=GyOt1hcGKI0


شوف اول شي الليزر الذهبي والاحمر عاديين

المشكله او الموت المحتم لما يطلع الشعاع من عينه

بالدقيقه 4:41 راح تشوف البوس وقف قاعد يسخن , طلع من عينه الشعاع المميت و بدأت الارض تطلع دخان

شوف بالدقيقه 4:58 الناس قاعدين يمشون على الفراغات اللي بين الدخان وينحاشون من الشعاع اللي يطلع من عين البوس

الشعاع او الدخان يذبحون , فأنت لازم تمشي بالفراغات و تبتعد عن شعاع العين و ترفع الكاميرا مثل ما المصور مسوي عشان تشوف دربك

فهمت الفكره الحين ؟

سؤال يا شباب كيف اطلع او احصل على ماونت الماموث الي يسوي ربير للاسلحه

تشتريه من دالاران

اول ماتوصل دالاران وتدخلها من صوب المطار اول ماتدش تشوف وحده واقفه وعندها مونتات , تشتريه منها هذي

هي اعرف هالطريقه بس غالي جدا انا اسال اذا شي طريقة ثانية مثل دانجن ولا ريد

مافي طريقه ثانيه

وهذا ارخص لأن في واحد جديد وغالي بحدود 100 الف يمكن

مااذكر كم سعره بالضبط لكن غالي

هذا رخيص 17 الف بس

اقتباس:

---

المطلوب احد يفهمني كيف اتعامل مع الحقير هذا والله مو فاهم وش اسوي مره يطلع خطوط الوان اصفر وابيض واحمر ويقولون مووف ونسوي نتحرك . وبعدها يخلي الارض كلها بنفسجي وتلقاني مسدوح ميت ومو انا فيه ناس اشوفه مثلي بعد مسدوحين وفيه ناس لا قاعدين يتحركون
ياريت احد يشرح لي ويفهمني خطوه خطوه نظام هذا البوس وكيف اكف شره عنه. واذا فيه فيديو عربي او عنده صور فيها شرح يفيدني.

---

مرحبا بالنسبة لهذا البوس فتكتيكه بسيط جدا اللي هو زي ماقال كرزان دي بي اس في البداية عليك انك تنتبه يرمي كرات خضراء تسوي دمج على الارض عليك ترجع ورا عن الريد حتى ماتجي البقعة الخضراء وسط اللعيبة واذا اختارك البوس لواحد من الاضواء الثلاثة فعليك انك تجري بالضوء بشكل دائري حول البوس والافضل ان طريقك يكون قريب من الحافة حتى تاخذ وقت طويل بالجري ولازم تكون انت والاثنين اللي معاهم بقية الاضواء تجرون بنفس الاتجاه يعني ماتتقاطع معهم بيطلع ادد لازم يقتلونهم الدي بي اس حتى تخلصون من هذا الفيس او بتظل الاضواء معكم فترة طويلة بعد كذا بيطلع خط ليزر من وجه البوس وبيبدا يدور والارض يصير لونها بنفسجي انت عليك تقرب من البوس وتشوف هو باي اتجاه يدور والبقعة الامنة هي اللي قدام الليزر مباشرة يعني انت تصير تتحرك والليزر وراك حتى ينتهي هذا الفيس

نصيحة : ادخل هذا الريد يوم الاربعاء بيدخلون معك ناس دي بي اسهم عالي وبتقتلون البوس قبل الفيس الاخير .

السلام عليكم شباب ابا افعل اشتراك حقي حق واو ابا شهر ٣٠ يوم يعني ويكون بي بطاقه كاش يو اذا ممكن تدوني موقع

اقتباس:

---

السلام عليكم شباب ابا افعل اشتراك حقي حق واو ابا شهر ٣٠ يوم يعني ويكون بي بطاقه كاش يو اذا ممكن تدوني موقع

---

وعليكم السلام
ادخل موقع اووف قيمرز وسجل عضوية واختر شراء بطاقة 60 يوم لواو وانتبه اوروبي او امريكي ثم اختر طريقة الدفع كاش يو .. موقع اووف قيمرز ماعنده بطاقة 30 يوم

السلام عليكم


ودي اجرب الشامان وياريت اللي مجربه يفيدني فيه لاني اول مره راح اجربه ووش الزين فيه
Enhancement او Elemental وياريت القير حقه شنو نوعه Leather او Mail .
الصراحه مافهمت ناس تقول لين لفل 40 Leather وبعدها تغيير صح ؟

وعليكم السلام

الشامان حلو خصوصا هيلر من اقوى شخصيات الهيلر

وتقدر تصير dps اما ان تكون caster تستخدم الاسحار او melee تستخدم سيوف وغيره

عاد انت و ميولك تحب تدخل بالمعركه او تحب تكون من بعيد

والشامان مثل ما قالولك ، من لفل ١ الى لفل ٤٠ تستخدم leather و من توصل ٤٠ تتعلم شي جديد يكون بالspellbook وهذي يعني ان الشامان يبدأ يستعمل الmail

مو بس اهو ترى ، الهنتر بدايه مثل الشامان يستعمل الجلود وبعدين بلفل ٤٠ يستعمل الحديد

الوورير و البالادن من لفل ١ يستعملون mail وبعد لفل ٤٠ يستعملون plate

بس انت مش واخد بالك

ابي اسال بخصوص الروج

1. مين افضل pvp الـ compat ام sub

2. ايش احسن تالنت pvp للإثنين

3. اذا برجع عن نقطة لازم vanishing powder كيف احصل علية

4 . ايش هوا ال glphs ويليت تفهموني هوا

وسلامتكم

اهلا وسهلا

نورت القسم يااخ بوب

بخصوص الروج ، انا اخر مره لعبت فيه فعليا كان في لفل ٨٠ و بعدها تركته

لكن المشهور عندنا ان الكومبات اهو للpve و الpvp يفضل سب

طبعا اذا انت شاطر بالروج تقدر تلعب بأي نوع بدون مشاكل ان كان pvp او pve

لو تلاحظ ان الsub يتكلم عن الدمج و التخفي و هذا اللي تحتاج او يحتاجه الروج ضد اللاعبين الحقيقيين ، اما الكومبات يتكلم عن الدمج و دمج الoff hand

فأنا من خبرتي البسيطه ارشح الsub للpvp

اما بخصوص ال vanishing powder

هذا البودر تحصله عن البائعين اللي تحت اسمهم مكتوب reagents

والبياعين موجودين بكل مكان تقريبا

هذا الرابط حاطلك اسماء البائعين و اماكن تواجدهم

مواقع البائعين

لما تشتري البودر ويكون معاك بالشنطه ، اضغط يمين كلك على اي حركه بالتالنت تحب تغيرها و بعد ما تلغيها اختار غيرها و خلاص

اما ال glyph فهذا مثل ماتقول تعديل بعض الحركات ، اما من ناحيه الشكل او الوقت او التوقيت

يعني مثلا عندك حركه وقتها دقيقه ، يقولك الكتاب هذا اننا نخليها اقل بالوقت يعني بدل ٦٠ ثانيه تصير ٣٠ ثانيه ولكن نقلل الدمج مالها ٥٠٪

مثل هالافكار وظيفه الglyph و طبعا في بعضهم يقولك نقلل الكاست عشان الروج يفتح صناديق المقفله . بدل يفتح الصندوق ب٥ ثواني نخليه يفتحه بدون كاست

والكتب هذي ماتغير شي بالكلاس ، يعني ان حطيتهم او ما حطيتهم ماراح يغير شي بشخصيتك


واللي يسوي الكتب هذي اللي وظيفته Inscription

شكرا

انا لما ادخل رايد الاقي الleader يتكلم في شات اسمه raid warning وهو اللي يطلع اشارة بوسط الشاشة فيه كلام الlead مثل stop all in all out وهكذا وحبيت اسوي raid group من شخصين بس عشان اجرب واتعلم عشان لما احتاج اروح رايد اكون جاهز وعارف كل شئ
سويت كل الخطوات وتعلمت كيف احول الgroup الى raid group لكن باقي شئ واحد وهو كيف اتكلم في raid warning؟

سهله جدا اكتب
rw/ بعدها على طول اضغط space

اوك شكرا
لكن سؤال ثاني
شايف ناس في BG وRAID يتحولوا لوحوش اخرى NPC
مثل THE TUANKA
او الDWARF الحجري او الKALU AK
هذول كيف يقدروا يتحولوا لهم؟

اذا قصدك الدوارف الحجري ( الازرق )

هذي في شغلها تحصلها بالسوق وتروح توديها مكان يعطونك مثل شي تشربه تتحول حق الدوارف اما الباجي

اتوقع قصدك trinket dbw من raid icc البوس الرابع

وفي وايد وايد اشياء تخليك تتحول

يب الازرق هذاك اللي تشوف شكله تقول احلى من الدوارف العادي
بدي احصلها قلي كيف؟

ممكن احد يساعدني ويقولي كيفية الطيران في جزيرة الباندا .. خلصت مدينتين من الكويستات وللحين ما سمحوا لي بالطيران .. لفلي 89 .. وشكرا ..

الطيران في لفل 90 فقط تتعلم عليه

حبيت استفسر للي عنده خبره ..

ايهم افضل بالنسبه لكلاس الهنتر ..
survival أو marksmanship أو beast mastery
وشكرا جزيلا ..

اذا solo يفضل BM

اذا raiding اختار احد الاثنين المتبقين

اذا pvp انت ولعبك كلهم يقزرون

حبيبي والله .. شكرا ..

اقتباس:

---

المشاركة الأصلية كتبت بواسطة toothbrown

حبيبي والله .. شكرا ..

---

يالغالي اي سيرفر انت ؟

اقتباس:

---

المشاركة الأصلية كتبت بواسطة Mufcanas

يالغالي اي سيرفر انت ؟

---

في سيرفر spinebreaker

شباب .. مدرب الطياران في جزيره الباندا للفل 90 وين احصله ؟!

لاني رحت للمدرب الطياران اللي في مدينة الاوراك ولقته فاضي !!!

اهلا وسهلا

طوف المقطع لغايه الدقيقه 4:44 راح تشوفه واقف عن دب باندا راكب تنين , هذا اهو المدرب


http://www.youtube.com/watch?v=-eC_pXdElI4

اقتباس:

---

المشاركة الأصلية كتبت بواسطة Karazhan

اهلا وسهلا

طوف المقطع لغايه الدقيقه 4:44 راح تشوفه واقف عن دب باندا راكب تنين , هذا اهو المدرب


http://www.youtube.com/watch?v=-eC_pXdElI4

---

لبى قلبك ي شيخ .. احسن واحد انت ..:biggthump

طيب فيه عندي كم سؤال ..
الاول بعض المقاطع في اليوتيوب .. يطلع في خرايطهم الوان مثل الاصفر والوردي والازرق ...الخ
وش هذولي ؟!

الثاني كيف ارفع مستوى لاعبي .. مع العلم اني احاول اجمع اونر علشان البس اللاعب من و الى ..
لكن لما العب مع العالم القى زي الشتم ان لاعبي ضعيف !!
فقلت مو معقوله ان اللاعب يصير اقوى بمجرد ما البسه اونر !!!!!!!

الثالث بالنسبه للريدات وغيرها .. لازم انا اسوي قروب ولا عادي من القيلد !!

السلام عليكم

اولا الالوان اللي تشوفهم هذا خاص في ادون اسمه npc scan والالوان بالخريطه يحددون مواقع كل الrare و يقولك يعني تحصله بالمكان هذا اذا كنت مهتم بالrare خصوصا اللي يعطونك مثلا مونت او شي مهم

في ادونين حقيقا , واحد وظيفته كل ما مريت في مكان و المكان في rare موجود يقولك عنه بالشاشه وانت تروح تذبحه

الثاني اهو وظيفته يحطلك بالخريطه الوان يحدد اماكنهم مثل ماتشوف بالمقطع فوق

اعتقد الحين صاحب الادون دمج الاثنين مع بعض , مو متأكد

تحصل الادون بالرابط هذا

http://www.curse.com/addons/wow/npcscan

وهذا الرابط اهو للألوان بالخريطه

http://www.curse.com/addons/wow/npcscan-overlay

لكن انت نزل الاول فوق و حطه في مكانه بالملف داخل ملف ووركرافت وبعدين شغل اللعبه وشوف يطلعلك الالوان او لأ , اذا ماطلع نزل الثاني


اما بخصوص رفع مستوى اللاعب , اول شي العب pvp و اجمع الانرات واشتر الجير , الجير يخليك 50% قوي وبعدين يعتمد على لعبك والتكتيك اللي تستعمله

يمكن انت تضرب لاعبين من الضد وماتقدر تذبحهم وتقول انا جير فل pvp شنو ناقص بعد عشان مااذبح اللي امامي , هذا لأن الان كل اللاعبين يشترون الترنكات الخاصه بالpvp والترنكات مع بعض يعطونك ريسايلنس اكثر من 5 الاف , الريسايلنس وظيفته ان يقلل الدمج عليك او على اللاعب

يعني ماراح تشوف نتيجه مرضيه لما تلبس جير pvp و تلعب باتل جراند و تضرب لاعبين لابسين مثل جيرك

وهنا لازم تكون تعرف تلعب بالكلاس مضبوط وتعرف متى تستخدم الحركات وبالحاله هذي راح تتغير الى الاحسن

بخصوص الرايدات , اذا قصدك تلعب رايدات LFR ماعليك الا تضغط حرف I ويفتح معاك الصندوق وتختار raid finder وتختار انت dps او healer او tank ويفضل اذا كانت هذي اول مره لك انك تلعب dps وبعدين تحت تضغط البحث عن رايد

اذا قصدك تلعب رايدات مع قروبات من سيرفرك او الجيلد , هني لازم تكلمهم ويسوولك انفايت وتروح معاهم

اقتباس:

---

المشاركة الأصلية كتبت بواسطة Karazhan

السلام عليكم

اولا الالوان اللي تشوفهم هذا خاص في ادون اسمه npc scan والالوان بالخريطه يحددون مواقع كل الrare و يقولك يعني تحصله بالمكان هذا اذا كنت مهتم بالrare خصوصا اللي يعطونك مثلا مونت او شي مهم

في ادونين حقيقا , واحد وظيفته كل ما مريت في مكان و المكان في rare موجود يقولك عنه بالشاشه وانت تروح تذبحه

الثاني اهو وظيفته يحطلك بالخريطه الوان يحدد اماكنهم مثل ماتشوف بالمقطع فوق

اعتقد الحين صاحب الادون دمج الاثنين مع بعض , مو متأكد

تحصل الادون بالرابط هذا

http://www.curse.com/addons/wow/npcscan

وهذا الرابط اهو للألوان بالخريطه

http://www.curse.com/addons/wow/npcscan-overlay

لكن انت نزل الاول فوق و حطه في مكانه بالملف داخل ملف ووركرافت وبعدين شغل اللعبه وشوف يطلعلك الالوان او لأ , اذا ماطلع نزل الثاني


اما بخصوص رفع مستوى اللاعب , اول شي العب pvp و اجمع الانرات واشتر الجير , الجير يخليك 50% قوي وبعدين يعتمد على لعبك والتكتيك اللي تستعمله

يمكن انت تضرب لاعبين من الضد وماتقدر تذبحهم وتقول انا جير فل pvp شنو ناقص بعد عشان مااذبح اللي امامي , هذا لأن الان كل اللاعبين يشترون الترنكات الخاصه بالpvp والترنكات مع بعض يعطونك ريسايلنس اكثر من 5 الاف , الريسايلنس وظيفته ان يقلل الدمج عليك او على اللاعب

يعني ماراح تشوف نتيجه مرضيه لما تلبس جير pvp و تلعب باتل جراند و تضرب لاعبين لابسين مثل جيرك

وهنا لازم تكون تعرف تلعب بالكلاس مضبوط وتعرف متى تستخدم الحركات وبالحاله هذي راح تتغير الى الاحسن

بخصوص الرايدات , اذا قصدك تلعب رايدات LFR ماعليك الا تضغط حرف I ويفتح معاك الصندوق وتختار raid finder وتختار انت dps او healer او tank ويفضل اذا كانت هذي اول مره لك انك تلعب dps وبعدين تحت تضغط البحث عن رايد

اذا قصدك تلعب رايدات مع قروبات من سيرفرك او الجيلد , هني لازم تكلمهم ويسوولك انفايت وتروح معاهم

---

يعني قصدك مثلا دحين لما اشتري فل pvp اشتري كمان الجواهر معاها ؟

مرحبا شباب اليوم الصيانة طويلة من الساعة 2 الفجر للساعة 1 او 12 هل في شي جديد بيضيفونه

من جد اشبها الصيانه طولت

غريبة طويلة هالمرة بتستمر للساعة 2 الظهر يعني باقي تقريبا 25 دقيقة

تم تمديد الصيانة لجميع السيرفرات للساعة 4 العصر

طويلة جدا يعني تقريبا 14 ساعة

نعم تشتري الجير وتروح المزاد تشتري جواهر و انجانت للجير

الان بليزرد قاعدين يدمجون المزاد او الاكشن هاوس مع بعض , يعني الهورد والاينس مزادهم واحد , عشان جذي طولوا الظاهر طلع لهم بعض العقبات

http://www.wowhead.com/#.


يمكن يكنسلون المشروع


-

تصير احسن اذا عندك هورد و الاينس بنفس السيرفر , وترسل جولد لشخصياتك بالفاكشن الثاني , بس لا يكون الرسوم عاليه مثل مزاد تاناريس و بوتي باي


عموما ريلاسك ياجماعه هدأو من روعكم اللعبه ماراح تطير , والله العظيم ماراح تطير , هدأو من روعكم , انا اعلم انه امر مريع لكن تبقى ساعه او ساعتين فقط

طبعا انا بالامريكيه الان وتحديدا في سيرفر ايليدن

مااشوف اي تغيير باللعبه , ماكو شي جديد , علما بأني لفل 1

اقتباس:

---

المشاركة الأصلية كتبت بواسطة Karazhan

نعم تشتري الجير وتروح المزاد تشتري جواهر و انجانت للجير

الان بليزرد قاعدين يدمجون المزاد او الاكشن هاوس مع بعض , يعني الهورد والاينس مزادهم واحد , عشان جذي طولوا الظاهر طلع لهم بعض العقبات

http://www.wowhead.com/#.


يمكن يكنسلون المشروع


-

تصير احسن اذا عندك هورد و الاينس بنفس السيرفر , وترسل جولد لشخصياتك بالفاكشن الثاني , بس لا يكون الرسوم عاليه مثل مزاد تاناريس و بوتي باي


عموما ريلاسك ياجماعه هدأو من روعكم اللعبه ماراح تطير , والله العظيم ماراح تطير , هدأو من روعكم , انا اعلم انه امر مريع لكن تبقى ساعه او ساعتين فقط

---

وربي جالس استنا من اول كل شويه اخش اتاكد اذا خلص ولا لا بس حلوه الحركه انو يدمجو الاكشن هاوس حق الهورد و الالينس مع بعض

ياليت يتم هذا الأمر لأن في بعض السيرفرات يكون الفكشن ميت فتلقى أسعار الأكشن هاوس خيالية

شباب بنسبه لل هونر اقصا حد 4000 لاني انا عندي dk ولفلو 70 ونواي علا جير pvp 85 ودحين معايا 3500 هونر تقريبا

اي نعم اقصى حد 4 الاف

بالنسبة لجير 85 pvp اشوفه مايصلح أفضل لو تشتري آيتمات من لفل 84 و 85 يكون لفلها من 415 الى 450 راح تنبسط أكثر في الباتل

شباب عندي سؤال ابغا الfps يكون في ال60 اغير كرت الشاشه مع اني جهازي i5 مركب في كرت شاشه بس صاحب المحل قلي في اقوا فا ايش اسوي عشان اخلي ال fps 60 وما فوق مع اني ابغا العب على وضعيه ال high ومسوي الظلال low

1- حبيت اسأل عن موضوع Addonns وش فايدته !!

2- بالنسبه للرابطين اللي عطيتني للالوان بالخريطه حملتهم اثنينهم .. وفكيت الضغط وشلت الملف كامل وحطيته بملف ورالدكرافت .. بس للحين مو شايف اي شيء بالخريطه !!
هل في خطأ !!!

3- في spellbook فيه عندي حاجه لازم اتعلمها بس م اعرف وش هي ف جبت صورتها عشان اسهل الموضوع وتساعدوني :boggled:..
ملف مرفق 362592

4- ي ليت يكون فيه موضوع عن كل كلاس وافضل specialization فيه .. وكل specialization ايش افضل active جواته .. يعني زي كذا ..

ملف مرفق 362593

شباب ابغا احسن شي لل ديث نايت blood ولا frost ????

اقتباس:

---

المشاركة الأصلية كتبت بواسطة ahmedwow999

شباب عندي سؤال ابغا الfps يكون في ال60 اغير كرت الشاشه مع اني جهازي i5 مركب في كرت شاشه بس صاحب المحل قلي في اقوا فا ايش اسوي عشان اخلي ال fps 60 وما فوق مع اني ابغا العب على وضعيه ال high ومسوي الظلال low

---

اخي الكريم اعلم بارك الله فيك ان ال60 فريم صعبه شوي تحصلها بأجهزه الكمبيوتر الستوك , اللي يعني تشتريها جاهزه من المحل

اذا كنت تبي 60 فريم و يوصل الى 120 فريم بعد ماينزل منها لازم يكون الجهاز قوي , والجهاز القوي يعني زياده فلوس , اجهزه الكمبيوتر تكون مخصصه للألعاب وهذي الاجهزه اقل شي تدفع عليها 800 دينار يعني 10 الاف ريال تقريبا

يعني انت تقول جهازك i5 وكرت الشاشه ماذكرت كم رقمه

اذا تبي شي طيب تحتاج i7 كواد كور او سكس كور و في 8 و 12 وكل ما ارتفع هالرقم كل ما زاد السعر لكن الكواد كور شي طيب , يعني 4 كور بالشريحه هذا اللي تجي تقريبا كبر حجم الكبريت وكل ما زاد الكور كل ما صار الجهاز اسرع بالقراءه

كرت الشاشه في انواع كثيره والطيب فيهم حسب علمي بكروت الشاشه الخاصه بشركه انفيديا اهو GEFORCE GTX 780 هذا كرت شاشه قوي من الشركه لكن في شركات تاخذ الكرت هذا وتطوره زياده تخليه اقوى منهم شركه اسوس وشركه جيجا بايت

عندك كرت شاشه اقوى منه حسب كلام شخص من اصحابي متخصص بالامور هذي يقول كرت GEFORCE GTX 690 يقول انه اقوى من اللي فوق بالضعف , يعني بدل تركب على جهازك كرتين شاشه 790 ركب كرت واحد 690 يعطيك قوه الكرتين من 790

اخي الكريم الاجهزه و قطع الكمبيوتر بحر كبير , تتكلم عن شي وبعد شهر او شهرين تشوف نزل شي اقوى , مثل اجهزه التلفون كل سنه ينزل شي جديد و اقوى بالمواصفات

لكن حاليا كرت شاشه جيفورس جي تي اكس 690 اهو الاقوى , طبعا في شركه ثانيه تسوي كروت بس انا اتكلم من شي اعرفه

واغلى ما في الجهاز اهو كرت الشاشه و الcore اذا كواد كور اللي اهو 4 او سكس كور او اعلى , في اشياء غاليه بعد لكن تقدر تستغني عنهم

فأنت طالما انك على قد حالك لا تدخل بالامور هذي لأنها ماتخلص و لو انت دايم تتابع التكنلوجيا و تركب كل ماهو جديد راح تضيع فلوسك وراهم

اخوي بقولك شي مهم , انا ولله الحمد عندي فلوس تخليني اشتري اقوى جهاز بالسوق او اشتري القطع واركبهم عند اخوي اهو خبير بالاجهزه التجميع , لكن ما اعور راسي تدري ليش ؟

لأني مرتاح بجهاز الماك ميني , تدري كم الفريم عندي ؟؟ تقريبا من 20 الى 25 ومرات اكثر شوي

لكن ماعندي لاق ولا يفصل الجهاز , اخذ نصيحتي , اذا اللعبه شغاله معاك بدون تهنيق او تعليق خلاص عيش على هالوضع لأن مو كل شي الفريم , يعني تشوف الفريم عندك 30 واللعبه اخر حلاوه تقول 60 فريم

اقتباس:

---

المشاركة الأصلية كتبت بواسطة toothbrown

1- حبيت اسأل عن موضوع Addonns وش فايدته !!

2- بالنسبه للرابطين اللي عطيتني للالوان بالخريطه حملتهم اثنينهم .. وفكيت الضغط وشلت الملف كامل وحطيته بملف ورالدكرافت .. بس للحين مو شايف اي شيء بالخريطه !!
هل في خطأ !!!

3- في spellbook فيه عندي حاجه لازم اتعلمها بس م اعرف وش هي ف جبت صورتها عشان اسهل الموضوع وتساعدوني :boggled:..
ملف مرفق 362592

4- ي ليت يكون فيه موضوع عن كل كلاس وافضل specialization فيه .. وكل specialization ايش افضل active جواته .. يعني زي كذا ..

ملف مرفق 362593

---

الادون يساعدك في امور كثيره داخل اللعبه او يسهل عليك القيام ببعض الامور , مع الاستعمال راح تفهم قصدي

بخصوص الادون المذكور يمكن انت ما وضعت الادون عدل , تأكد انك اخذت الملف الصحيح , يعني ادخل على ملف الادون الى ان تصل للملفات التشغيليه له , ان وصلت لهم اضغط back واخذ الملف اللي داخل الملفات التشغيليه و حطهم في ملف الادون في اللعبه وبعدين ادخل اللعبه

في صفحه اختيار الشخصيات تشوف كلمه ادون تحت يسار , اضغط عليها وشوف الادون موجود او لأ , اذا موجود تأكد انه شغال , يعني على المربع الصغير يساره عليه صح وبعدين ادخل اللعبه وشوف اشتغل او لأ , وايضا افتح الخريطه داخل اللعبه و شوف يسار بالاعلى عند كلمه zone map

تشوف في ايقونتين , وحده منهم تضغط عليها تخفي الخطوط بالخريطه و تضغط مره ثانيه ترجع الخطوط

بخصوص الصوره الاولى , هذا تدريب خاص عشان تقدر تستخدم مونت التنين

ملف مرفق 362629

وهذا التدريب مو بالجولد تتعلمه , لازم علاقه توصل فيها الى exalted عشان يعطونك التدريب و معاه مونت مجاني قيمته بحدود 700 جولد , مثل المونت اللي حطيت صورته و في الوان غير بعد اخضر و ذهبي

والعلاقه تكون مع

Order of the Cloud Serpent


http://www.wowhead.com/faction=1271#comments

ان وصلت معاهم الى honored وشفت ان ماعندك شغل تقدر تجمع onyx eggs وكل بيضه اعتقد تعطيك 500 ريبوتيشن , وماتقدر تجمع البيض هذا من البدايه , لازم اول شي تسوي كم كويست معاهم وتوصل honored بعدين يسمح لك بتجميع البيض

والبيض مو متوفر , يعني مثل ماتقول rare لكن اسهل شوي خصوصا اذا ماكان في احد معاك يجمع بيض

وهذا مقطع يحدد لك اماكن تواجد البيض

http://www.youtube.com/watch?v=JQMwUxzJrjk


البيض تحصله اكثر شي فوق رؤوس الجبال مثل ماهو بالمقطع


اما بخصوص التالنت , فكل شخص له اسلوبه الخاص , انت شوف شنو يفيدك من التالنت وحط عليهم نقاط او تطوير بعض الحركات

مثلا انت حاط تالنت هنتر , انا بالهنتر اخترت كل الحركات اللي على اليمين , يعني مشيت على خط مستقيم من اول حركه لغايه اخر حركه

واسف عالاطاله

اقتباس:

---

المشاركة الأصلية كتبت بواسطة ahmedwow999

شباب ابغا احسن شي لل ديث نايت blood ولا frost ????

---

الblood اهو تانك والfrost دمج او dps

اذا انت مو تانك او ماتبي تصير تانك اختار فروست او انهولي

واذا كنت لفل اقل من 90 و تبي تلفل انصحك تختار blood لأن ما يموت بسهوله وتقدر تجمع عليك الموبات وتذبحهم بدون مشاكل

هذا البروسيسر

ملف مرفق 362630



وهذا كرت الشاشه

ملف مرفق 362631

وهذا الرامات 32 جيجا

ملف مرفق 362632

وهذا الssd

ملف مرفق 362633




هذي القطع بس تاخذ راتبي كله , طبعا غير المذربورد و الباور سبلاي و الكيز او الصندوق اللي راح اركب فيه القطع ولازم يكون صندوق محترم فيه تهويه ومراوح يكلف يمكن 100 دينار او اقل وغير قارئ الدي في دي والناسخ

يعني شغلات صغيره ثانيه اقل سعرها من المعروض صورهم , اللي معروض صورهم اغلى شي بالكمبيوتر كله وتقدر تروح امازون او ايباي وتشوف اسعارهم

يكسرون الظهر

اقتباس:

---

المشاركة الأصلية كتبت بواسطة Karazhan

اخي الكريم اعلم بارك الله فيك ان ال60 فريم صعبه شوي تحصلها بأجهزه الكمبيوتر الستوك , اللي يعني تشتريها جاهزه من المحل

اذا كنت تبي 60 فريم و يوصل الى 120 فريم بعد ماينزل منها لازم يكون الجهاز قوي , والجهاز القوي يعني زياده فلوس , اجهزه الكمبيوتر تكون مخصصه للألعاب وهذي الاجهزه اقل شي تدفع عليها 800 دينار يعني 10 الاف ريال تقريبا

يعني انت تقول جهازك i5 وكرت الشاشه ماذكرت كم رقمه

اذا تبي شي طيب تحتاج i7 كواد كور او سكس كور و في 8 و 12 وكل ما ارتفع هالرقم كل ما زاد السعر لكن الكواد كور شي طيب , يعني 4 كور بالشريحه هذا اللي تجي تقريبا كبر حجم الكبريت وكل ما زاد الكور كل ما صار الجهاز اسرع بالقراءه

كرت الشاشه في انواع كثيره والطيب فيهم حسب علمي بكروت الشاشه الخاصه بشركه انفيديا اهو GEFORCE GTX 780 هذا كرت شاشه قوي من الشركه لكن في شركات تاخذ الكرت هذا وتطوره زياده تخليه اقوى منهم شركه اسوس وشركه جيجا بايت

عندك كرت شاشه اقوى منه حسب كلام شخص من اصحابي متخصص بالامور هذي يقول كرت GEFORCE GTX 690 يقول انه اقوى من اللي فوق بالضعف , يعني بدل تركب على جهازك كرتين شاشه 790 ركب كرت واحد 690 يعطيك قوه الكرتين من 790

اخي الكريم الاجهزه و قطع الكمبيوتر بحر كبير , تتكلم عن شي وبعد شهر او شهرين تشوف نزل شي اقوى , مثل اجهزه التلفون كل سنه ينزل شي جديد و اقوى بالمواصفات

لكن حاليا كرت شاشه جيفورس جي تي اكس 690 اهو الاقوى , طبعا في شركه ثانيه تسوي كروت بس انا اتكلم من شي اعرفه

واغلى ما في الجهاز اهو كرت الشاشه و الcore اذا كواد كور اللي اهو 4 او سكس كور او اعلى , في اشياء غاليه بعد لكن تقدر تستغني عنهم

فأنت طالما انك على قد حالك لا تدخل بالامور هذي لأنها ماتخلص و لو انت دايم تتابع التكنلوجيا و تركب كل ماهو جديد راح تضيع فلوسك وراهم

اخوي بقولك شي مهم , انا ولله الحمد عندي فلوس تخليني اشتري اقوى جهاز بالسوق او اشتري القطع واركبهم عند اخوي اهو خبير بالاجهزه التجميع , لكن ما اعور راسي تدري ليش ؟

لأني مرتاح بجهاز الماك ميني , تدري كم الفريم عندي ؟؟ تقريبا من 20 الى 25 ومرات اكثر شوي

لكن ماعندي لاق ولا يفصل الجهاز , اخذ نصيحتي , اذا اللعبه شغاله معاك بدون تهنيق او تعليق خلاص عيش على هالوضع لأن مو كل شي الفريم , يعني تشوف الفريم عندك 30 واللعبه اخر حلاوه تقول 60 فريم

---

شكرا ماقصرت انا عندي الfps اماكن زحمه او كبيره 30-40 والعب high

فوق الممتاز

و اي جهاز حتى لو اقوى من مواصفات جهازك راح يعطيك نفس الرقم , وانا اقول لو تخلي الوضع Good يكون احسن بعد لأن ماراح يفرق كثير عن الhigh مع تعطيل الظل ايضا , او شوف بليزرد شنو تنصحك فيه و طبقه

لكن 30 - 40 في الزحمه هذا شي طيب

اقتباس:

---

المشاركة الأصلية كتبت بواسطة Karazhan

فوق الممتاز

و اي جهاز حتى لو اقوى من مواصفات جهازك راح يعطيك نفس الرقم , وانا اقول لو تخلي الوضع Good يكون احسن بعد لأن ماراح يفرق كثير عن الhigh مع تعطيل الظل ايضا , او شوف بليزرد شنو تنصحك فيه و طبقه

لكن 30 - 40 في الزحمه هذا شي طيب

---

يعطيك العافيه ابغا اسألك انا دحين معايا شخصيه لفلها 90 حلو دحين انا بسوي روج بس ابغا الدروع الي من 1-85 في ناس كثير يلبسونها كيف اجيبها ؟ وهيا بجولد ؟

نصهم بالجولد و نصهم اما بالجستك بوينت او انرات بس الجستك بوينت احسن للتلفيل

تحصل بعض القطع عند بياع الجيلد و هذا يبيع بالجولد , باقي القطع تاخذهم من بياعين الجستك بوينت اللي اذا كنت هورد تحصلهم فوق الغرفه اللي فقيها جاروش

اقتباس:

---

المشاركة الأصلية كتبت بواسطة Karazhan

نصهم بالجولد و نصهم اما بالجستك بوينت او انرات بس الجستك بوينت احسن للتلفيل

تحصل بعض القطع عند بياع الجيلد و هذا يبيع بالجولد , باقي القطع تاخذهم من بياعين الجستك بوينت اللي اذا كنت هورد تحصلهم فوق الغرفه اللي فقيها جاروش

---

طيب حلو طيب دحين اقدر اشتريهم بي الكركتر حقي ال90 وارسلو للاعاب حقي الي بسوي جديد؟

نعم عزيزي

تشتريهم كلهم بشخصيتك ال90 و ترسلهم لأي شخصيه تحب ان كانت هورد او الاينس

واذا كانت الشخصيه اللي تبي تلفلها بسيرفر ثاني مختلف عن السيرفر اللي فيه شخصيتك ال90 ايضا تقدر ترسلهم لها لكن تكتب اسم السيرفر

مثلا

انت في سيرفر outland و تبي ترسل الجير لشخصيه في سيرفر kazzak

لو فرضنا ان شخصيتك اللي تبي تلفلها اسمها ahmedwow

تروح للبريد وتكتب في خانه المرسل اليه ahmedwow-kazzak وتضع الجير وترسله بس

يعني اي سيرفر شخصيتك فيه ماعليك الا تكتب اسم الشخصيه و - واسم السيرفر

اقتباس:

---

المشاركة الأصلية كتبت بواسطة Karazhan

نعم عزيزي

تشتريهم كلهم بشخصيتك ال90 و ترسلهم لأي شخصيه تحب ان كانت هورد او الاينس

واذا كانت الشخصيه اللي تبي تلفلها بسيرفر ثاني مختلف عن السيرفر اللي فيه شخصيتك ال90 ايضا تقدر ترسلهم لها لكن تكتب اسم السيرفر

مثلا

انت في سيرفر outland و تبي ترسل الجير لشخصيه في سيرفر kazzak

لو فرضنا ان شخصيتك اللي تبي تلفلها اسمها ahmedwow

تروح للبريد وتكتب في خانه المرسل اليه ahmedwow-kazzak وتضع الجير وترسله بس

يعني اي سيرفر شخصيتك فيه ماعليك الا تكتب اسم الشخصيه و - واسم السيرفر

---

يعطيك العافيه والله ماقصرت خلاص اشتريت كل القطع طبعا عندي شخصيتين dk اسمو wardark لفل90 والثاني روج دوبي سويتو اسمو hamadou كلهم في كازاك

بالتوفيق استاذ احمد وان شاء الله تحصل على ما تطمح اليه في اللعبه وخارج اللعبه

واذا احتجت الى اي شي لا يردك الا لسانك

مرحبا شباب هل في عندكم مشاكل بدخول اللعبة
انا عندي القيم تايم منتهي ولما شريت واحد من اوف قيمرز ماقدرت ادخل الباتل نت ولاحظت منتدى الصيانة آخر رد من ساعتين فاعتقد ان المشكلة عامة وماحد يقدر يدخل المنتدى

أمس صارت لي مشلكة كرت الشاشة توقف علي عدة مرات وفشلني باللعبة خصوصا كنت داخل رايد وانا تانك
فقررت أشتري جهاز جديد ورحت محلات الكمبيوتر سعرت الكروت ونويت على واحد بس قلت خل أعطي كمبيوتري فرصة فركبت مروحة للكيس قلت ممكن المشكلة حرارة أو شيء لأن الصيف يعفس كل شيء
لما رجعت البيت لقيت القيم تايم منتهي وماقدرت أدخل الباتل نت دخلت على المنتدى عشان اقرآ مشاكل دخول الباتل نت ولا ألقى ناس عندهم نفس المشكلة صارت لهم توقف كرت الشاشة وموجود ردود من القيم ماستر يعطي بعض الحلول فاللي عنده نفس هالمشكلة يدخل منتدى واو ويحاول يطبق الحلول الموجودة

رابط أحد المواضيع

شباب ابغا اسأل في حاجه اسمها تاجير في لعبه يعني اجر مونتي كم ساعه او كم يوم ؟؟؟ او أجر درع معين ؟

ماصارت معي مشكله ابدا

من امس الى اليوم وانا مجابل وماشفت اي مشكله


-


سالفه تأجير ماسمعت فيها

اللي نعرفه كلنا ان اي شي تاخذه وتستعمله يصير سول باوند , لا تقدر تبيعه او تعطيه احد

فإذا في شي تأجير يمكن بالجزء الجديد , اما حاليا ما شفت او سمعت عنه ابدا