تصحيح لموضوع : الرسم و التلوين بالفتوشوب .... ( بس بجنوون !)

نحدد .... تحديد مستطيل حول الخط الابيض المشدود ..... مع ترك مسافه معقوله من فوق و تحت (( لا تحدد المستطيل على الخط بالضبط ... اترك مسافه بسيطه )) ^^
مثل ما هو موضح بالصوره الجايه ........ و بعدها نضغط بزر الماوس اليمين فوق التحديد .... و نختار من القائمه اللي تطلع .... أمر Free Transform (( تشكيل حر )) :D

نلاحظ ان طلعت لنا محاور و نقط تحكم ........ نقدر فيها نشد و نفر الشكل براحتنا :)

شد الشكل ..... مثل ما هو باين بالصوره ( من فوق و من تحت )

إضغط على Apply (اللي بتطلع لك لما تختار أداة التحديد المربع مثلا مره ثانيه) إذا النتيجه من الشد عجبتك

الحين طلعت لنا لمعه للشعر شكلها جميل ....... لكنها جامده ما فيها ليونه مثل ليونة و مرونة الشعر

لازم نحني اللمعه .... على شان تكون أكثر مرونه و شكلها انسيابي و مسترسل مع الخصله اللي راح نحطها فوقها
و على شان نحنيها ..... نروح لفلتر اسمه Shear ( إتبع الصوره على شان تعرف مكانه)

لما يفتح الفلتر ........ راح تشوف خط رأسي .... حط عليه نقطه و خله يميل للدرجه المطلوبه بالإتجاه اللي تبيه ..... و لاحظ شكل اللمعه ينحني معاك تحت كل ما تغير بميلان الخط :cool:

إضغط اوكي
و راح ينتج معانا لمعه جميله للشعر ..... مايله بشكل متناسق

الحين أضف طبقات كثيره و كل طبقه حط فيها لمعه شكلها غير ... و طولها غير ... و ميلانها غير (( و تقدر تنسخ الطبقه بدون ما تعيد كل الشغل من جديد .... بضغطه على زر الماوس اليمين على الطبقه اللي تبي تنسخها ... و بعدين إختار أمر Duplicate Layer و راح تطلع لك نسخه منها))
و الحين صارت عندنا صوره فيها لمعات كثيره كل وحده شكلها غير و ميلتها غير

هاذي الصوره (اللي سوينا فيها لمعات كثيره و مختلفه) بمثابة أرشيف او مخزون للمعات شعر ممكن أستخدمها في أي وقت و على اي رسمه للشعر (( مثل أوراق القص و اللزق ))
يعني ما يحتاج كل مره نعيدها .......بس نسويها مره وحده بعدين نحفظها و نستخدمها متى ما نبي

نرجع لصورة الخصله ....... و نفتح جنبها صورة اللمعات
و نختار أداة التحريك الـ Move Tool مع مراعان ان خاصيتين الـ Auto Select Layer و الـ Show Bounding Box شغالات و عليهم علامة صح

.......... و ننقل اللمعه المناسبه إلى صورة الخصله ^^

إنتقلت اللمعه بنجاح و صارت بطقبه بروحها مثل ما هو واضح ....... و صارت جنب الخصله (( لازم تكون طبقة اللمعه فوق طبقة الخصله ..... ))
و لاحط محاور و نقط الشد و الفر باينه حول اللمعه ......... تقدر فيها تعدل و تضبط و تفر اللمعه لما تركب على الخصله تمام ;)

الآن غير باللمعه و شدها و فرها لما تركب فوق الخصله بشكل مقبول ....... و لا تهتم حتى لو ما صارت ميه بالميه ..... لكن على الاقل خلها تتماشى مع حركة الخصله و تكون بحجم مقبول :)

الحين غير شفافية اللمعه ....... و خلها تندمج بشكل ناعم مع الخصله .... يعني إضغط على طبقة اللمعه بالأول بعدين غير بخاصية الـ Opacity و قللها للدرجه المناسبه :)

الحين إستخدم المساحه و إمسح أطراف اللمعه اللي طلعه برا الخصله بشكل خفيف ....... و إحرق و غمق أطراف الخصله الفوقي و التحتي ......

^^

و النتيجه الأخيره بمثالنا البسيط هي خصله عليها لمعه مفصله و دقيقه ;)

(( ممكن من كثر الكلام تحس الخطوات طويله ..... لكن بالحقيقه الأمر ما ياخذ ثلاث دقايق لو طبقته من نفسك ... و هذا الاسلوب ما هو اكثر من فكره بسيطه أسويها مرات و ممكن تغيرها او تطورها بإسلوب اكثر دقه ))