جزء جديد من Silent Hill في الطريق ( اشاعة اللعبة FPS )

مصير الجزء الفشل إذا أستلمها مطور أخر غير (اليابانيين أو شركة كوجيما)مثل أخر 3 أجزاء .

وأنا أقول أنهم لا يصدرو أي جزء جديد إذا كان الجزء من مطور غربي ولا يفكرو حتى .

ولا إشاعة المنظور الأول أحلى إشاعه طلعت للعبة والأحلى لو تحققت :boggled: .

إيش تبغى كونامي بالضبط تجاه السلسله كل شويه تفرحنا بجزء جديد وتقتلنا لما ترمي التطوير لمطور تعبان ؟

بالنسبة لي حعطي الجزء الجديد سيفون إذا كان من مطور غير اليابانين ويفضل يكون تحت تطوير أحد هذه الجهات :

http://media.giantbomb.com/uploads/1...l_02_large.png

أو

http://www.sextonivel.com/images/200...imalogo6rp.gif

إذا اللعبة طورها كوجيما راح تصير قنبلة موقوتة ويمكن تنافس ألعاب أخرى كثيرة ومتنوعة

لو لا سمح بتكون بالمنظور الاول
اتوقع راح تنزل عالويي وبس
وبخلونك بالريموت تلوح بالعصا او السكين مثل المجنون واخر اللعب تلقى نفسك مكسر
اثاث البيت واخوك جنبك مغمى عليه وعل قمة راسه نقانق :(

لو لا سمح بتكون بالمنظور الاول
اتوقع راح تنزل عالويي وبس
وبخلونك بالريموت تلوح بالعصا او السكين مثل المجنون واخر اللعب تلقى نفسك مكسر
اثاث البيت واخوك جنبك مغمى عليه وعل قمة راسه نقانق

والله حالة :bigeyes::bigeyes:

كيف اللعبة راح تصير لو حصل هذا الشيء فعلاً ؟؟؟؟ :33: ما أبغى أفكر في هذا الأمر

من أصله ؟؟؟

يوم شفت العنوان توقعت الموضوع مرفوع قديم !!

من جدكم فيه جزء جديد لسالينت هيل !!!؟

ماشاء الله عليهم ماامداهم منزلين جزء shattered memories

ياناس والله حاس اني بطير من الفرحة وقبل شهر ختمت جزء shattered memories

اللي اشتريت جهاز الوي خصيصاً علشانه وكان بصراحة قمة بالروعة والأفكار المبتكرة بس عيبه قصير بالمره

يـاسلام تعجبني شركة كونامي لأنها متمسكة بالسلسلة وبالفعل ترى لها معجبين كثاار بكل دول العالم

ويكفي إنها الوحيدة المحافظة على روحها وقصتها وتفاصيلها المميزة

بالنسبة لي كل أجزاء سايلنت هيل TOP عندي بإستثناء الجزء الرابع ذا روم حسيته ممل وكئيب واغلب

الأماكن كانت بالمجاري والعالم السفلي

اتمنى بالجزء القادم تكون اللعبة طويلة جداً جداً جداً زي الجزء الأول

ويتم تحسين الجرافكس والرسوم وعناصر الإبهار لأقصى حد

وتكون القصة غنية بالمفاجآت والأحداث المؤثرة والغير متوقعة

وتظل الخريطة والمصباح والخطوط الحمراء وفكرة الجوال اللي يحفظ ويكلم

وبالنهاية سايلنت هيل لو ينزلون جزء مافيه غير مرحلة وحدة برضو راح اشتريها

وهالسلسة بالنسبة لي عشق لاينتهي وذكريات حلوة

أما بالمرتبة الثانية فبدون منافس تجي سلسلة فيتال فريم بكل أجزائها بس ماادري ليه حسبي الله

عليهم خلوا الجزء الرابع ياباني وصادر في اليابان فقط ؟!!

واللي يقول رعب أن أشوف أكثر لعبة مرعبة لعبتها كانت ريزدنت ايفل 1 & 2 & 3 بس

اقتباس:

---

بالنسبة لي كل أجزاء سايلنت هيل TOP عندي بإستثناء الجزء الرابع ذا روم حسيته ممل وكئيب واغلب

---

يس كل جزء احلى من الثاني حتى الجزء الثاني اللي كنت اكرهه تقبلته لما لعبته للمره الثانيه وحلله لنا مستر تومي..بس نبغيه يحلل زياده :D
والجزء الرابع بالنسبه لي جميل جدا لكن اللي عقدني هو الاوريجينز ويا مراياته السخيفه :(

اقتباس:

---

أما بالمرتبة الثانية فبدون منافس تجي سلسلة فيتال فريم بكل أجزائها بس ماادري ليه حسبي الله

---

فتال فريم ودي أجربها م كثر ما تمدجونها
في يوليو ان شاء الله :biggthump


سايلينت هيل بالنسبه لي من المركز الاول الى الاخير
5
1
4
3
2
اوريجينز

شاتيرد ميموريز ما لعبتها :(

اقتباس:

---

فتال فريم ودي أجربها م كثر ما تمدجونها
في يوليو ان شاء الله

---

صح أسلوبها غريب شوي لكنها مثل سايلنت هيل :bigeyes: تثير الرعب النفسي وبشدة

تصوير الأشباح بكاميرة قديمة والحصول على العديد من النقاط لتطوير الكاميرا

وهي على PS2 بثلاث أجزاء وكل جزء أروع من الأخر

اقتباس:

---

لكن اللي عقدني هو الاوريجينز ويا مراياته السخيفه

---

سبحان الله نفس مشكلتي ، هو صح جزء ممتاز وقوي وفيه من روح سايلنت هيل الأصلية

لكن حركه المرايا تلخبط وكثرتها تدوخ وماأتمنى يكررون الفكرة بأي جزء قادم

أما فيتال فريم فنصيحتي إذا تحبي سايلنت هيل غصب بتعجبك فيتال فريم

وأنا لعبت الجزء الثاني والثالث بس أما الأول فكان بالبلاي ستيشن ون على ماأذكر

اما سايلنت هيل بالنسبة لي الجزء الأفضل من المركز الأول للأخير :-

2 + 3
1
الاوريجينز
5
ميموريز
4

اقتباس:

---

وأنا لعبت الجزء الثاني والثالث بس أما الأول فكان بالبلاي ستيشن ون على ماأذكر

---

ميزة الجزء الأول هو الضباب المنتشر في اللعبة وبالنسبة لفيتال فيرم كل أجزاءه روعة

وغصباً عنك راح تخاف

الأول في قصر

الثاني في قرية

الثالث لا أذكر

هل من اخبار جديدة عن الجزء القادم حتى الآن ؟

اقتباس:

---

هل من اخبار جديدة عن الجزء القادم حتى الآن ؟

---

ولله الخبر صار له اسبوعين بس انه عبالي احد كتبه
في الموضوع لاني مادخل وايد . . . عموما في عرض العبة الجديد
الى على قولت المصدر انه بينعرض في E3

اقتباس:

---

يبين في رجل في الثلاثينات من عمره , أشقر و يشبه كثير ( جيمس )
من SH2 وهو قاعد على كرسي في حديقة على ماعتقد خالية
في سايلنت هيل وهو ماسك في يده راس ؟!!!

---

المصدر من موقع NeoGaf اليحن ادور الوصلة و احطها
وايضا تم تأكيــد انه ( ياموكا ) ماراح يشارك فيها :(

يسلمو على الخبر

تم تأكيــد انه ( ياموكا ) ماراح يشارك فيها

من هو ياموكا ؟؟؟؟:33::33:

^^^^^^ منسجك ماتعرف akira yamaoka؟؟؟؟؟ انته سج تحب سايلنت هيل و لا بس جي؟؟
اكيرا الملحن مال كل اجزاء سايلنت هيل

مغرم سايلنت هيل

سبحان الله نفس مشكلتي ، هو صح جزء ممتاز وقوي وفيه من روح سايلنت هيل الأصلية

لكن حركه المرايا تلخبط وكثرتها تدوخ وماأتمنى يكررون الفكرة بأي جزء قادم

ولو ان فكرة المرايا كقصه كانت حلوه لكن لو جعلوا المناطق أصغر كات اللعبه بتكون معقوله :33:

أما فيتال فريم فنصيحتي إذا تحبي سايلنت هيل غصب بتعجبك فيتال فريم

اكيييييد انا وايد نصحوني فيها عشان سايلينت هيل...ان شاء الله بشتريها اخر الشهر :biggthump

وأنا لعبت الجزء الثاني والثالث بس أما الأول فكان بالبلاي ستيشن ون على ماأذكر

كان اظن على بلاي ستيشن 2 :33:


اما سايلنت هيل بالنسبة لي الجزء الأفضل من المركز الأول للأخير :-

2 + 3
1
الاوريجينز
5
ميموريز

افااااااااااا ليش الخامس قبل الاخير؟ :wow:

اللي اشتريت جهاز الوي خصيصاً علشانه وكان بصراحة قمة بالروعة والأفكار المبتكرة بس عيبه قصير بالمره

خساره والله لكن بعد بشتريها
<<<اللي لعب اوريجينز بيستحمل اي شي :boggled:

اقتباس:

---

المشاركة الأصلية كتبت بواسطة اسكوال الصنديد

تم تأكيــد انه ( ياموكا ) ماراح يشارك فيها

من هو ياموكا ؟؟؟؟:33::33:

---

خساره انه مب مشارك في الجزر اليديد
بس اتوقع الملحن اليديد ببدع في اللعبه اليديده ^^
لكن احسن الالحان الصراحه كانت من نصيب سايلينت هيل 2 :أفكر: