First Cooperation Cup "Saidai Tournament" for 3rd strike

بلاك

تم التعديل على الفيديو و أتمنى ان ينال اعجاب الجميع مع انه بدائي شوي و اتمنى ان يكون يليق بالبطوله :biggthump
بخصوص لحن البداية الي قلتلي غيره تراني ما غيرته لاني ما حصلت لحن انسب منه ان شاء الله بيكون فيديو حماسي و هذا اهم شي في أفتتاح البطوله و ان شاء الله اني اكون اعطيت كل فريق حقه في الفيديو من تصميم و ديزاين و لحن و مؤثرات ;)

مان

السموحه منك لاني ما حصلت وقت عسبة نتعاون في الفيديو و نحاول نخليه احسن ما يكون لان انته ما شاء الله عليك مبدع في تصميم و انتاج الفيديو و انا ادريبك ما بتقصر بس السموحه مره ثانيه لاني كنت وايد مشغول هالفترة

شباب دبي

ان شاء الله بنتعرف عليكم اكثر و اكثر و انتو ضيوف و اخوان في نفس الوقت و فريقكم سويناله ديزاين و تصميم سبشل لانكم ضيوف :)

نلتقي باجر في البطوله ان شاء الله

و الان كلمة جو يابوكي ( جو البطل ) الشهريه

سلام

الزعيم وين الفيديو لو تحطه عشان اشوفه

D:

BigBoss
استاذ في الذوق والأصول بلا ريب ما شاء الله

سالم
ياخي هذه اول بطولة ما تشارك فيها .. وجودك قبل كان عامل حماس للعيبة والجمهور.
Envy Mask بيعمل Live Stream للبطولة , فخليه يعطيك اللينك عشان تشوفها أون لاين.

يامازاكي
see you there ;)

اوه والله شي جميل والله D:

عيل لو تكلمون انفي ماسك و تعطوني الوصلة, تسون خير والله D:

السلام عليكم ،،،

شكراً بلاك امس على اليلسه ...استفدت كم من نقطه مهمه من عندك ..

والشباب ماشاء الله مستواهم قوي جداً ...وخاصة ايمن راعي الهارلي ...وخالد الجنتل من
وثاني ايضاً صار يضمن الجراب + السوبر اكثر عن اول ... الله يستر في البطولة

انفي ماسك ماقصر امس عمل للجلسه لايف ستريم والكل بدأ يتحمس ..

لكن كلنا مثل مايقولون owned من بلاك ...اسلوب التورتال اليديد مصيبة

على العموم سالم هذا رابط قناة انفي للايف ستريم :

www.justin.tv/envymask1


انا امس كان شغال عندي لكن اليوم يقول بلوكد ؟؟!!

احتمال كبير ان انفي مش مشغل الجهاز .

ان شاء الله نتلاقى بكره :)

The Problem with streaming from Justin TV is sometimes it shows you've been blocked...So I might switch to Ustream. I'm still not 100% sure. But inshallah I'll be informing you salem about it :) !I'll post the link to the streaming here and other forums/ggpo

هلا هلا الوكارد, من زمان ما سولفنا وياك ياريال, تسلم على اللينك و ما قصرت, ماشاءالله ياخي مستوي وحش, احينه ما ابا اطلع ضدك في البطولات خخخخخ خلاص في كل بطولة لااااااااازم تطلع ضدي هههههههه احينه ماقول غير بعيد الشر و لاتطلع ضدي مره اليايه ههههههههههههه يالله عاد كسر راسهم فالبطولة D:

--------

envy yo0 yo0 thanks dude :D i will wait for the link to be posted, inshalla i will be waked up the whole night to watch the tourney :D thanks envy

موعدنا الصبح الساعة 9:30 صباحا ونتلاقى مع بلاك عند محطة غنتوت.
شدو حيلكم شباب و نراكم في الفندق :)

شباب يلي يحاب يطالع المباريات live

http://www.justin.tv/envymask1#/w/829209904

الحمدلله من عندي واضح D:

جود جيمز للكل و مبروك للفايزين تيم ريزو الصراحه البطوله كانت روعه و البث الحي و المباشر الصراحه فكره يديده بس كانت لها طعمها الخاص بالنسبه لنا ( انا و سالم السويدي و تيزاب لول) و الله ذكرتوني بالبطوله اللي طافت حماس و الله... اوه صح العتب عليكم و الله يوم دخلت اليوتيوب ابا اشوف فيديوز بطولة رمضان لقيت كل الفيديوهات و ما لقيت مباراتي ويا بلاك... خاطري اشوفها و الله و اذا تلحقون ترفعونها ما تقصرون!

الصيعري ولا يهمك انا بدور عليها و ان شاء الله ارفعها, ابشر والله

لكن صدقت والله خخخخخخخخ كان انا وياك و تيزاب خخخخخخخخ كان لنا التعليق الخاص و جونا الخاص خخخخخخخخخخخخخخخخ

و مبروك للشباب و الفرق

و هذا هو الترتيب لو انا مب غلطان

فريق DARK-C المركز الاول

Jhon (ken) TBA
Rizu (Ryu) TBA
Musa (Akuma) TBA
Forqan (Chun-li) TBA
Kenshin (Dudley)TBA


فريق Akaaaaaaai! المركز الثاني

Black Berserker (Ryu) MP
Envy Mask (Ibuki) TBA
Thani (Makoto) TBA
Yamazaki (Hugo) TBA
Man4UAE (Urien) LP

فريق Nerves Breakers المركز الثالث

Tareq (Chun-li) TBA
Odie (Yun) TBA
Ayman (Twelve) TBA
Bastard (Urien) TBA
Scoobie (Ken) TBA

فريق Hokuto المركز الرابع

Big Boss (Oro) TBA
Gambit (Urien) TBA
Shin Akuma (Akuma) TBA
Alucard4ever(Ryu) TBA
Majid (Dudley) TBA


فريق White Hawks المركز الخامس

BBSilver -( Remy) Color LP
ShinVergil - (Ryu) Color LP
SnakeSensei - (Ken) Color MP Blue
ChaosSol - (Akuma) Color LP

------------

مبروك لفريق Dark-C و مبروك للشباب و باقي الفرق

و نفس ما قلت يالصيعري خخخخ كان لنا جو خاص

الف مبروك
DARK-C
فريق ابداع ماشالله
وشكرا ل black and envy mask على المستوى الرائع الي خلانا نوصل الفاينال
كان في حماس و highlevel players
احلى يوم صراحة
ومن اليوم بنبدا التدريبات حق البطولة الياية
---------------------------------------------------
http://www.youtube.com/watch?v=V8ZVA...layer_embedded

Hi all :)
Thank you all for the joyful day, I was HAPPY to play with you guys :)
Everyone was friendly and played with his own style. I hope tournaments like these continue to exist.
Congratulations to Dark-C, and to all of us who have experienced this competition. See you guys on GGPO :P

السموحه يالصيعري دورت على الفيدي ولكن بلا جدوي, ماحصلته :(

عيل بلاك اكيد عنده,

والله البطوله كانت حلوه الصراحه و تمنيت اني اكون متواجد وياكم لكن خير ان شاء الله المره اليايه ^_^

الصراحه ماشاءالله على ربيعنا اودي, بدع والله D:

شبااب عندي اقتراح

هالبطوله ماشاءالله فيها وايد لقطات حلوه, ليش ما تسون فيديو و يكون مقطع مثلا يطلع اسم بلاك تحت و تحطون اللقطات الحلوه من مبارياته و ما يخالف لو من البطوله الجديمه, و مثلا الزعيم و الكومبوهات و الميكس اب يلي سواها, يعني والله فكره حلوه و اتمني حد يسويها :)

الحمدلله البطولة كانت ممتعة الصراحة وخسرت النهائي بس والله إني مسرور لأنه كمستوى نهائي حلو وسوينا الي علينا لكن ريزو تصيد الغلطات وكسر راسي...خخخخخ أول أيام الإستعجال كنت أصيده لكن الحين مبسوط إنه غير طريقة لعبه ويستاهل الصراحه وألف مبروك لفريقهم

التعليق كان حلو بالنسبة لي وخلاص الواحد يصير متعود على جو البطولات والتوتر ومع تعليق الجمهور كان الجو حمااااس الصراحة

والفلبيني الجديد بوكيمون من الطراز الرفيع....كفخنا أول مرة بس شغلنا الشارينقان ضده لوووول وشي ممتاز نحصل واحد يعرف يلعب بهالشخصية الأساسية في اللعبة لأنه عندنا نقص شديد في اللي يلعبون فيها وهذا يزيد عندنا خبرة المباريات ^___^

وطبعا كل ماكان يضبط الكومبو الجمهور يشتغل "هاي هاي هاي هاااااي" وحتى دوق فليد وحمد حضروا وعملوا جو حلو الصراحه ويعطيهم العافية

شكر خاص لفريق العين على تجهيز الجوائز والصراحة كان خاطرنا فيهم خصوصا إنفي كسر خاطري وحسيت بالذنب عالخسارة لوووول بس يله مثل مايقول القطو مال كيندير("هي للمرة القادمة!")

وشكر خاص للزعيم ماقصر على الفيديو يعطيه ألف عافيه الصراحه وشغل متعوب عليه وماقصر والريال مسكين تعبان ومريض وحضر البطولة يعطيك الله عافية والله

وطبعا شيبوب طلع يشتغل على الديزل يطول لين مايسخن

وفيه شغلة...ترى التلفزيون لاعب فيه مرة قبل البطولة ولاعب في تلفزيوننا ولاعب في التفزيون الي عند الزعيم وأقولكم تراهم نفس الشي بس الواحد في جو البطولة خلاص يفكر إنه سوى حركة وهو أصلا ماسواها...ومثال بسيط مستوى الزعيم في آخر مباراة....الواحد لما يتخلص من الضغوط يطلع لعبه الي هو يلعب فيه دايما...وكمثال من مبارياتي فمع ريزو...شايف المسافه بيني وبينه وعارف إنه بيسوي مسكة الكارا وأنا حاط أصابعي على LP+LK وفي لحظتها أفكر إني ضغطتهم لكن ماكون ضغطتهم وأستغرب ليش ماصار شي ...هذا الي يسويه جو البطولات...صدقوني والله لو نحن عندنا Ranking battle كل أسبوعين أو كل شهر ونجيب موسى معلق والجمهور مثل البطولة ونخلي جايزة رومزية صغيرة حق هالشغله أحس الكل بيتعود على هالجو وشوفوا اليابانيين شغالين دوم على هالشغلة فتحسه عادي يدخل أي بطولة لأنه هالشي خلاص تعود عليه وصارت مسألة البطولة وأجواءها شي إعتيادي....لو تبون قبل كل بطولة نقدر نسوي على مدى شهر كل أسبوع ranking battles وهذي بتساعدنا كلنا وصدقوني ساعتها شيبوب بيشتغل على السوبر مب الديزل خخخخخ...وبالنسبة ل gambit فغشيت الصراحة وشلينا القهوة العربية من الكوفي بريك لأننا مانباه يسخن لووول....بس والله ألوكارد بالذات كنت متوقع منه بلاوي خصوصا ماشاء الله عليه آخر قعدة لعبه ممتاز بس والله أدري كيف جو البطولة غير والدليل أنا أول بطولة كنت بخسر بيرفيكت في أول مباراة مع واحد مستواه عادي جدا بس بسبب التوتر والله كنت أقول في نفسي لما ألعب ليش الحركات ماتطلع!!!! وفكرت إنه التلفزيون فيه لاق مع إنه CRT !!! وإن شاء الله شين أكوما المرة الياية يجهز كوكتيل خاص للبطولة والشباب مايتوترون مثل هالمرة....وطبعا مايد الصراحه لعبه كان حلو وفاز على ربيعه إنفي خخخخخ أحسه خلاه يرجع مشي أمس ^__^

الحمدلله عن نفسي وايد إستانست والشباب إن شاء الله يكونون إستانسوا وإسمحولنا على القصور ومشكور إنفي على شغلة النقل الحي وماقصرت والله وأدري صدعة راس بس يله هالشي لازم وأيمن يعطيك ألف عافية لولاك ولولا شباب العين ماقدرنا ننظم شي خصوصا السويدي في أمريكا...وشكر خاص لفريق دبي على الحضور ويعطيهم ألف عافية ماقصروا ومشكورين ونبى نشوفكم دايما في البطولات القادمة ^___^

وشكر خاص لكل اللاعبين والمشاركين ماقصرتوا والي حس إنه مالعب زين فعادي ياشباب هذي بطولة ومباراة وحدة هي الي تقرر كل شي ولما تتعودون على هالجو أكثر إن شاء الله راح تبدعون أكثر ومشكورين ويعطيكم ألف عافية

==================================================================================================== =========================================

الحين في 3 راح أستلمهم من الفريق ...مان هالإنسان راح أودي الجبل معسكر تدريب وراح أجيب أخوه تان عشان يستلمه معاي وأخوهم عبدالله...كلنا في الجبل تدريب نفسي ومعنوي وقتالي!!! صدقني ماراح تصمد في هالتدريب بس لو صمدت أقولك أبشر بالخير ^__^

وثاني أنا أعرف دواه...راح أخليه يلعب على خشبة مسرح وأجيبله أقل شي 500 من الجمهور...أحسه مسكين من التوتر شعره بيوقف وبيصير مثل سونيك!!

ويامازاكي لازم نقعد معاه أكثر لأنه ماحصلنا فرصه هالبطولة وإن شاء الله يكسر الكل في البطولة القادمة

وبقولكم أنا مش زعلان لأنكم خسرتوا المباريات صدقوني هذا آخر شي يهمني لكن أزعل لما أعرف إنه شباب عندهم مستوى أفضل من هذا لكن ماطلعوه....خخخخخ أكثر واحد يضحكني ثاني ...لما يمسك واحد ويعطيه الHP ووراها سوبر دايما يضبطها لما الجمهور مايتكلم....أول مايسمع صوت من الجمهور في لحظتها على طووووول تضيع خخخخخخخ...عسب جذا لازم أخليه يلعب جدام جمهور أكبر مب بس يقعد يستلمنا في البيت ^___^ الخسيس قبل البطولة صكني بيرفيكت -___-

وإن شاء الله أيمن مايقصر في الفيديوز ورايحين نستغله أكثر في هالموضوع لوول