Nintendo Fan's Club III

اللي عاليسار Rocky
ما تعرف سلسلة أفلام Rocky :bigeyes:
تزعلني منك
الممثل sylvester stallone ما تعرفه؟ مال Rambo.

أصلا سلسلة Rocky اقوى من Rambo بوايد.


http://tvblog.blog.hr/slike/1620499488.jpg http://www.geocities.com/slyfan03/RAMBO_2_II.gif

شباب: منو فيكم انهى CastleVania: Portriat of Ruin?

أحتاج مساعده :o

كنوج ... بالنسبه لصوت ,
الحل موجود , أحط الجهاز ورا التلفزيون وبذلك خل الجهاز يطلع أصوات قد ما يبي , عندي وايرلس :jap043:

سنيك ...

بلى الرسوم قويه ... لكن صوت الجهاز ... كان أزمه ما تسمع الألعاب ولازم تعلي الصوت , أشوى لقيت له حل

بسبوس

مبروك على كل الي ذكرته :)

شادو
مبروك
باركلي يوم أوصل 4الف :)

_____
بعيد عن عالم الفيديوغيمز .....
أحب أهني عبودي ومجودي وفهودي ( وأي واحد ينتهي اسمه ب***ـودي )
على فوز السعودية The HULK على الأبيض الإماراتي ....
الفوز المرتقب طبعاً .... وهارد لك ديكوفليد + يامي ويي + النمس
سويتوا الي عليكم وصلتوا قبل النهائي ....
والأخضر صعب عليكم :jap017:
لا توقعون انكم راح تسون :party: راح يمللونك النسور >>>> وأنت شو حاشرك وياهم ههههههه :jap017:

اووووووف
قعدت على ملبيون مكالمة ومسج
* جدة رفيجي ماتت العزى بعد قليل
* سيارة امي خلصت روح استلمها من الجراج
* خالي داق علي ما ادري شنو يبي
* الخدامة طاقة الباب روح عط الصبي غدى
* الصاحبة داقة علي تقول وينك ما تبين xD ---> (ودي اصدق بس قوية xD)
*بروح اشوف فاستتلكو وشصار على فلوسي إلي باقوها
*يدتي داقة علي تبيني آخذ خدامة وأوديها بيتنا
* ربعي بييون بالليل
* بمر عمي ما ادري شنو يبي فيني

اليوم حااااااااافل T_T

اقتباس:

---

لعبت F.E.A.R أون لاين و مسحوا فيني بالأرض

---

I got owned too
مشكلة F.E.A.R إنه في ناس تلعب معاك وهي بالـPC يعني تستخدم ماوس+كيبورد ، يعني حركتهم سريعة جدا ً وإنت ما يمديك تلف جسمك إلا الريّال مطشرك وخالص =_="

اقتباس:

---

أصلا سلسلة Rocky اقوى من Rambo بوايد.


http://tvblog.blog.hr/slike/1620499488.jpg http://www.geocities.com/slyfan03/RAMBO_2_II.gif

---

هذه استكراته كانت ماليه البيت ...
ولا كن في يوم شلتهم كلهم هذه من 8سنوات ...
ولي ملصقهم اخويه الكبير يمكن بغرفته في استكرات باقيه بصورهم وبحطهم...

اقتباس:

---

بروح اشوف فاستتلكو وشصار على فلوسي إلي باقوها

---

same here !!
ليش شركات الإتصال في كل أنحاء العالم محط شكوى !!!
____
أخيراً لعبت غيرز أوف وور ....
بصراحه رهيبه , وحماسيه , طول الوقت أنت في حرب , مافي فتره راحه تقدر توقف وتاخذ نفس ...
ع طول داخل الحرب وواحد ورا الثاني ....
بس لاحظت ان نفس الأعداء هم نفسهم الي يجون كل مرة !!!
عالعموم انا ما لعبت وايد , بانتظر لين اوصل مراحل اصعب وابعد وواشوف حلاوة اللعبه ....
( كنت ألعب ع الهاردكور , ودعسوا وجهي , فرجعت العب ع الكجوال , ولما اخلصه برجع للهاردكور:jap017: )
____

اقتباس:

---

مشكلة F.E.A.R إنه في ناس تلعب معاك وهي بالـPC يعني تستخدم ماوس+كيبورد ، يعني حركتهم سريعة جدا ً وإنت ما يمديك تلف جسمك إلا الريّال مطشرك وخالص

---

ألحين التحكم بالكيبورد أسهل ؟؟؟

اقتباس:

---

ألحين التحكم بالكيبورد أسهل ؟؟؟

---

أسرع حييييييييييييييييييل.
شوف، جرّب تلعب أي لعبة FPS، حاول إنت تدور على نفسك 360 درجة، يعني إنت واقف بمكان، تدور على نفسك دورة كاملة وترجع نفس المكان. كم تاخذ منك ؟ ثانية (1 Second) كاملة ؟ بالماوس بلمح البصر تلف لفة كاملة :D

-

بالنسبة حق جيرز، الأعداء اللي تشوفهم ، الـLocust. القصة بالبداية إنه هالأعداء كانوا منخشّين تحت الأرض فترة طويلة، وكانوا مجهزين حق يوم Emergence Day إنه يسوون "إنقلاب" على الكوكب. مجموعة قليلة نجت والحين إنت لازم تحاربهم :D

اقتباس:

---

وكانوا مجهزين حق يوم Emergence Day

---

إي صح , شفت بداية اللعبه يقول 14 days beforeE day
ولا عرفت شو يقصدون بالE !!
إلا ليش الرئيس قال لفينكس يا خاين !!

اقتباس:

---

حاول إنت تدور على نفسك 360 درجة، يعني إنت واقف بمكان، تدور على نفسك دورة كاملة وترجع نفس المكان

---

شايفني أهبل تشرحلي شو يعني 360 ؟؟ :jap017:
أذكر في ريزدنت ايفل لو تبي تسوي دوران 180 تضغط ورا + السرعه

اقتباس:

---

إلا ليش الرئيس قال لفينكس يا خاين !!

---

القصة لين الحين مو فاهمينها عدل، الجزء الثاني راح يحل هاللغز. لكن اللي أعرفه إنه ماركوس "سجين" ومو عارفين إحنا -اللاعبين- السبب

اقتباس:

---

شايفني أهبل تشرحلي شو يعني 360 ؟؟

---

خخخخخخخخخخخخخخخخخخخخ
آنا الأهبل اللي قعدت أشرح، أصلا ً في أحد ما يعرف ؟ :banana:

آها ,... يعني في الجزء الثاني راح تكتمل القصه.... حلو , العب واشوف ....
___
Check this

><"
وصلت بماروكوا الحلقة 15 .. لووووووووووول تضحك و مسلية .. قعدت اتذكر أيام الطفولة ..
خخخخخخخخخخ
شباب مو جنه المواضيع المثبته كثيره ><"

ماروكوووووووووووو تقول لكم ...
ماروكوووووووووووووووووووو
( جيه الأغنيه صح ؟ ولا أنا خالط ؟ )
___
بخصوص التثبيت

أنت ووجهك تحب تعترض ....
الفانز كلوب ( لازم تثبيته )
المجلس ( لازم تثبيته )
الأغلفه ( اقترحنا تثبيته في المجلس وتمت الموافقه , ليش ما اعترضت لما اقترحنا يا بطه )
مراجعة دراغون بول ( مثبته للتشجيع والفائده )

السلام عليكم ورحمة الله وبركاته

اقول فاس انت من وين ومبروك لك تجريب جيرس اوف وار وجربها بعد باللايف ترا هي هبااااال:D

اقول ترا ماركوس انسجن عشانه عصا اوامر القائد < < ادخلوا منتدى الأكس بوكس فيه مراجعه هناك

مكتوب فيها كذا ماادري عاد من مصادر موثوقه او لا

سوليمان ...
أي منتخب يخسر .... أنا ضده :)
عشان استانس وألعب بأعصاب الخصم هههههههه
وإذا خسرتوا اليوم من الإمارات يا ويلكم مني ....

السلام عليكم ورحمة الله وبركاته
عندما تتدخل السياسة بالألعاب .. ماهو موقفكم يا أيها العرب ؟

اترقب الآراء ..
و سأقوم بنشرة بملتقى البلاي ستيشن .. و الأكس بوكس .. لنشعل روح النقاش بمنتدانا العزيز النينتدو ..

موب حنا اللي نخسر يافاس^_^ اقول انت من وين يعني وين ساكن وين ولدت اين تربيت< < فهمت وإلا للحين؟!

من وين ... من قطر
وين ساكن ... فرنسا
وين ولدت ... قطر
وين تربيت ... Multi Region :jap017:

اهاااا انت الحين بفرنسا يعني؟!

للأسف استخدم نظام اوروبي PAL
وصج انه بال !
في قطر يستخدمون NTSC .... وطبعا أنا ضايع بالطوشه ....
انتظر لين ما تنزل لعبة بالنظام الأوروبي , ويكون وقتها راح , ولا حد يتكلم عنها في المنتدى .... ياخي سالفه ....
( حاليا في قطر )

واااااااو .. نزل سعر الوي إلى 394 .. خخخخخخخخخخخ
بس اخذني الطمع .. و ابيه ينزل أكثر ^ ^ علما بأن تقريبا فترة 10 أيام نزل 100 دولار .. هذا يعني ان بعد كم يوم بيرجع لسعره الطبيعي

اما حنا مافيه امل له شهرين الحين ماتغير سعره واظن مافيه امل يغيرون السعر حاليا-_-

فازت عمان على البحرين (&).. مع أنه يعجبني لعب المنتخب العماني إلا اني تعاطفت مع البحرين :31: , لكنهم قدموا مستوى رائع في المباراة وضيعوا فرص خطيرة..

بعد شوي مباراتنا مع الإمارات.. منتخبنا من الناحية العناصرية أفضل من الإمارات (هالجملة ماخذها من المحللين اللي بالتلفزيون (&)) , المشكلة أنه المباراة على أرضهم وبين جمهورهم.. الله يستر بس *_*..

صالح موضوعك النقاشي رائع.. فكرة ممتازة منك صراحة :D..

اقتباس:

---

وين ساكن ... فرنسا

---

عاد تعرف تتكلم فرنسي ولا من جنبها :09:..

اقتباس:

---

وبين جمهورهم

---

ماعليك فيه ناصر هناك:D

اقتباس:

---

* جدة رفيجي ماتت العزى بعد قليل
* سيارة امي خلصت روح استلمها من الجراج
* خالي داق علي ما ادري شنو يبي
* الخدامة طاقة الباب روح عط الصبي غدى
* الصاحبة داقة علي تقول وينك ما تبين xD ---> (ودي اصدق بس قوية xD)
*بروح اشوف فاستتلكو وشصار على فلوسي إلي باقوها
*يدتي داقة علي تبيني آخذ خدامة وأوديها بيتنا
* ربعي بييون بالليل
* بمر عمي ما ادري شنو يبي فيني

---

اخيييرا خلصتهم كلهم T,T
بس في ثنتين تأجلو :
* ربعي بييون بالليل
* خالي داق علي ما ادري شنو يبي

لوول خالي يبيني أضبط الـPSP مالت ولده xD

كومنتاليفو سافا توتابيل بونجووووغ >>> شرايك أعرف اتكلم :)
____
أما مباراتكم مع الإمارات , الظاهر انك ما سمعت شو يسمون يسار القحطاني ؟
يسمونه ياسرهايم The Illusionist :jap017:
واليوم راح يسويلهم سحر في الملعب .... >>> يا ويلكم يال الإماراتيين ....
نسور المملكة بياكلونكم النسور الخضرا >>> أذكر نيجيريا هي النسور الخضرا ؟ أنتوا بايقين اللقب ؟

بالتوفيق للسعودية D=

*انا اتوقع السعودية بتفوز 3-1
ياسر بجيب هدفين (بلنتي - و هدف عادي)
مالك معاذ بيجيب هدف تصليحه من ياسر

*شفت المباراة من قبل :09:

اقتباس:

---

كومنتاليفو سافا توتابيل بونجووووغ

---

يس يس (&)..

اقتباس:

---

نسور المملكة بياكلونكم النسور الخضرا >>> أذكر نيجيريا هي النسور الخضرا ؟ أنتوا بايقين اللقب ؟

---

المنتخب السعودي يلقبونه الصقور :09: , والله الصقور شرق وهم غرب.. العصافير الخضر وأنت الصادق (&)..

اقتباس:

---

*انا اتوقع السعودية بتفوز 3-1
ياسر بجيب هدفين (بلنتي - و هدف عادي)
مالك معاذ بيجيب هدف تصليحه من ياسر

---

الله يسمع منك :D..

اقتباس:

---

ياسر بجيب هدفين (بلنتي - و هدف عادي)

---

ما تخلون سوالفكم , لازم تفوزون بالتحكيم >>>> :jap017:
حتى في توقعاتك متوقع بلنتي !! شو هالثقه يا ولد !!!
____
سوليمان , أنت وووجهك ....
كم مرة اقولك ضيفني عالمسنجر ... وأنت مطنش !!! >>> لا يكون ما عندك مسنجر ؟؟

Ok.
جبت الـ360 مالتي من التصليح، 15 دينار T_T
شريت فلم Black Hawk Dawn الـSpecial Edition فيه ديسكين، بعد شوي بشوف شنو فيه مافيه
شريت Prison Break السيزن الأول
شريت فلم Behind The Enemy Lines 2

Today's gonna be a big day :banana:

بلاك هوك داون ....
لما تشوفه , تأكد انك ما تاكل ... لأنه بيلوع جبدك ....

الشوط الأول انتهى.. السيطرة سعودية لكن بدون أهداف (&) , فيه لاعب مقرود بالإمارات اسمه هلال سعيد.. هذا في مباراته الأولى انطرد بكرت أحمر.. وفي هالمباراة قام يطلع من خشمه دم :blackeye:.. الله يعينه على حظه :31:..

إن شاء الله الشوط الثاني يحسمونها لاعبينا (&)..

الله ستر عليكم الشوط الأول :jap017:
نشوف الشوط الثاني , بو مطر بيكويكم

مبارة حلوة + حماسية D=

لكن الحكم إماراتي!! S:
:blackeye:

اقتباس:

---

ما تخلون سوالفكم , لازم تفوزون بالتحكيم >>>> :jap017:
حتى في توقعاتك متوقع بلنتي !! شو هالثقه يا ولد !!!

---

لا...
ياسر و مالك كل الناس حاقدين عليهم P=
اول ما يدخلون منطقة الجزاء على طول يحشونهم :09:

بالتوفيق للسعودية
:D

هلا فااس وانا كم مرة اقول لك عطني ايميلك وجاحدني:D

اقتباس:

---

الشوط الأول انتهى.. السيطرة سعودية لكن بدون أهداف (&) , فيه لاعب مقرود بالإمارات اسمه هلال سعيد.. هذا في مباراته الأولى انطرد بكرت أحمر.. وفي هالمباراة قام يطلع من خشمه دم :blackeye:.. الله يعينه على حظه :31:..

---

لاعبكم دفش كسر خشم لاعبنا ....
_______
اشوف كله مشجيعن
السعوديه
بس انا الوحيد مشجع الامارات وينكم ....
يامشجعيين الابيض....
والله يوفق الجميع....

في فرصة حلوه وخطير لياسرهايم ... عجبني كيف سحبها وشاتها ....
____
سوليمان
fasknight@hotmail.com
___
يامي ويي

انا مو مع السعودية ....
ولا مع الإمارات ....
ودي لو يخسرون الاثنين بضحك وااااااااااااااااااااااااايد :) :jap017:

وي وي وي وي وي وي وي
شربتوها حارة .... سواها بو مطر و كواكم ....
:jap017:
هاردلك يا العصافير الخضر هههههههههه

مبروك الفوز للإمارات والله حظ بآخر دقيقة -__-

قووووووووووووووووووووووووووول
مبروووووووووووووووووووووووووك لجماهير الابيض
واااااااااااااااااااااااااااااااااااااااااو

اقتباس:

---

مبروك الفوز للإمارات والله حظ بآخر دقيقة -__-

---

الله وفقنا ...
الحمد لله انا في صلاه العشى يالس ادعي
الحمد لله...
وامي قبل القول يالسه تدعي...

حرام (&)

لكن الحسنة الوحيدة أنه العصافير عرفوا نتيجة إضاعتهم للفرص السهلة ×_× + المباراة النهائية راح استمتع فيها لأني محايد :D

مبروك يامي :31:

(مجود ادمج ردودي)

مبروك يامي ويي ...
بس لا تكثر الفرحه ترى وراكم عمان..:jap017:

مبروك للإمارات ^__^

الحكم مع الإمارات!!

**انا اول مرة اسمع صوت الي يتكلم عن الوقت البدل الضائع...×__×
و أول ما سمعوا اللاعبين الإماراتين الصوت على طول بدلوا من طور الدفاع إلى الهجوم (صار عندهم 4 مهاجمين!!)
:blackeye:

بالتوفيق للعمان ^__^
:D

اقتباس:

---

مبروك يامي :31:

---

اقتباس:

---

(مجود ادمج ردودي)

مبروك يامي ويي ...
بس لا تكثر الفرحه ترى وراكم عمان..:jap017:

---

اقتباس:

---

مبروك للإمارات ^__^

---

الله يبارك فيكم ...
وهارد لك للسعودين ...
لعبتو...
هجماتكم 18
ونحن 10
والله وفقنا وحظ اوفر في البطوله القادمه....
__________
انا فرحاااااااااااااااان:p
بس حرام كسرووا
سعيد هلال
تدروون
الشيخ محمد بن زايد
بيعطي كل لاعب مليون ونص
وعلى كل قول ميتين وخمسين الف...
____________________

هجمات السعودية 30!!
و الإستحواذ على الكرة 60%
:أفكر:

اقتباس:

---

هجمات السعودية 30!!
و الإستحواذ على الكرة 60%

---

اسمحلي ما انتبهت ....
__________________
اخوانا الي في السعوديه الحين انتو في فتره امتحانات...
صح....
الله يعينكم بس استغربت ان تابعتو المباره
انا في فتره الامتحانات من ارجع من المدرسه ايلس اذاكر لين ما اخلص مذاكره
الله يوفقكم...

خظ اوفر لنا:D

الله يبارك فيكم شباب والله مستانس وان شاءالله ناخذ الكاس

اقتباس:

---

مبروك الفوز للإمارات والله حظ بآخر دقيقة -__-

---

مافي شي اسمه حظ الغلط من دفاعكم وماشاءالله على اسماعيل :D

بيس ديفل شفيك على الامارات بنتفاهم في المسن :12:

اقتباس:

---

المشاركة الأصلية كتبت بواسطة namses

بيس ديفل شفيك على الامارات بنتفاهم في المسن :12:

---

BRING IT OOOOOOOOOOOOOON!!
:12:

اقتباس:

---

المشاركة الأصلية كتبت بواسطة namses

الله يبارك فيكم شباب والله مستانس وان شاءالله ناخذ الكاس



مافي شي اسمه حظ الغلط من دفاعكم وماشاءالله على اسماعيل :D

بيس ديفل شفيك على الامارات بنتفاهم في المسن :12:

---

تو الناس...
وينك ما طلعت الا يوم فزتوا..
المباراه النهائيه نبيك تحضر عندنا في الفانز كلوب..;)

اقتباس:

---

الله يبارك فيكم شباب والله مستانس وان شاءالله ناخذ الكاس

---

ان شاء الله....

مبروك فوز المنتخب الاماراتي

اقتباس:

---

مافي شي اسمه حظ الغلط من دفاعكم وماشاءالله على اسماعيل :D

---

اسمحلي اخوي

بصراحة الهدف جا بالحظ

بصراحة اكثر حظكم حلوه انكم جبتوا هدف باخر الدقائق

كأني اكلم نفسي .. شباب انتو ما تحبوني T,T

الف الف الف الف الف الف مبروك للابيض ...و للامارات ..
ان شاء الله الكاس ابيض ...

اقتباس:

---

المشاركة الأصلية كتبت بواسطة Snake-87

اخيييرا خلصتهم كلهم T,T
بس في ثنتين تأجلو :
* ربعي بييون بالليل
* خالي داق علي ما ادري شنو يبي

لوول خالي يبيني أضبط الـPSP مالت ولده xD

---

أنت و وجهك , تشوف العالم مشغولين بكاس الخليج ... عشان جيه ما درينا عنك ....
مبروك الPSP >>> واحد ما يدري ش السالفه !!!
الله يعينك على تصليحها ....
ومبروك انك خلصت مشاويرك ....

Snake-87:

اقتباس:

---

* الصاحبة داقة علي تقول وينك ما تبين xD ---> (ودي اصدق بس قوية xD)

---

Lo0o0oL حلوة منك.
عسى خلصت الـTo Do List مالتك ألحين؟ :D

اقتباس:

---

كأني اكلم نفسي .. شباب انتو ما تحبوني T,T

---

شلون ما نحبك أفا عليك؟ :kiss:
بس الله يسلمك فرق التوقيت بيني و بينكم مأثر:
أنا الحين الساعة عندي 1:47 الظهر (توني قاعد من النوم) و انتو الحين بتنامون :boggled: u know what i mean؟

Kenji:
شلونك مع Half-Life 2 ؟ عسى عديت المكان؟
لا تيأس يا بني.

اقتباس:

---

Kenji:
شلونك مع Half-Life 2 ؟ عسى عديت المكان؟
لا تيأس يا بني.

---

Naaah. I prefer washin' ma cloth than going back again and search for dat ****** car
:banana:

قاعد أطالع بريزون بريك، بس أخلصه بسوي المهمة العظيمة للبحث عن السيارة الضائعة :D

+

مادري شتحبون بالكرة، مادري شنو الواحد يستفيد لما فريقه ياخذ الكاس !
someone : *فريقنا شرّفنا*
me : بيع بطيخ عالدوار

اقتباس:

---

قاعد أطالع بريزون بريك، بس أخلصه بسوي المهمة العظيمة للبحث عن السيارة الضائعة :D

---

قبل لا تدور السيارة الضايعه عالفاضي .......... تأكد........ أخاف انا مضيع.
بس انا 90% متأكد.
روح موقع
http://db.gamefaqs.com/computer/doswin/file/half_life_2_f.txt

هذا walkthru
دور على مشكلتك :D

فاس شفت الحلقة 15؟!

من جد الحلقة مثيرة بشكل بس فيها اشياء احزنتني من جد الحلقة الجاايه بتكون رهييييبه وكئيبه شوي

< < نتفاهم عالماسنجر عشان مايقولون سبويلر

السلام عليكم ورحمة الله وبركاته
احد هينا ذحينا ؟
إذا في أحد لايرد .. لاني بنام لووووووووول

اقتباس:

---

عسى خلصت الـTo Do List مالتك ألحين؟ :D

---

لا زادت ><"
معزوم على الغدى من 3 اطراف .. + بصوم .. لا تنسون الصيام شباب
+ خالي ما ادري متى اروح له + اهلي بيرجعون من السفر الاثنين بروح اييبهم + بروح ادفع 41.700 دينار تصليح T_T طاحت منه الباناسونك .. صكوه عين xD
+ وايد اشياء .. جيرز اوف وور ماني قادر العبه ><"

اقتباس:

---

شلون ما نحبك أفا عليك؟ :kiss:

---

انت حبيبي :kiss:

اقتباس:

---

+ بصوم .. لا تنسون الصيام شباب

---

تذكير لأعضاء المنتدى.
لا تنسون صيام التاسع و العاشر من محرم
(يوم الأحد و الأثنين)
و جزاكم الله خيرا

عَنْ ابْنِ عَبَّاسٍ رَضِيَ اللَّهُ عَنْهُمَا قَالَ ( قَدِمَ النَّبِيُّ صَلَّى اللَّهُ عَلَيْهِ وَسَلَّمَ الْمَدِينَةَ فَرَأَى الْيَهُودَ تَصُومُ يَوْمَ عَاشُورَاءَ فَقَالَ مَا هَذَا قَالُوا هَذَا يَوْمٌ صَالِحٌ هَذَا يَوْمٌ نَجَّى اللَّهُ بَنِي إِسْرَائِيلَ مِنْ عَدُوِّهِمْ فَصَامَهُ مُوسَى ، قَالَ فَأَنَا أَحَقُّ بِمُوسَى مِنْكُمْ فَصَامَهُ وَأَمَرَ بِصِيَامِهِ ) [ رواه البخاري ].

روى عَبْدَ اللَّهِ بْنَ عَبَّاسٍ رَضِيَ اللَّهُ عَنْهُمَا قال : حِينَ صَامَ رَسُولُ اللَّهِ صَلَّى اللَّهُ عَلَيْهِ وَسَلَّمَ يَوْمَ عَاشُورَاءَ وَأَمَرَ بِصِيَامِهِ قَالُوا يَا رَسُولَ اللَّهِ إِنَّهُ يَوْمٌ تُعَظِّمُهُ الْيَهُودُ وَالنَّصَارَى فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ ( فَإِذَا كَانَ الْعَامُ الْمُقْبِلُ إِنْ شَاءَ اللَّهُ صُمْنَا الْيَوْمَ التَّاسِعَ ) قَالَ فَلَمْ يَأْتِ الْعَامُ الْمُقْبِلُ حَتَّى تُوُفِّيَ رَسُولُ اللَّهِ صَلَّى اللَّهُ عَلَيْهِ وَسَلَّمَ [ رواه مسلم ].

جزاكم الله خير ^ ^
انا صايم الحمدلله ..
و ان شاء الله بميزان حسناتكم يا جماعة الخير ^ ^

حرام فات على يوم الاحد خسارة T_T

تقدر تعوض بيوم الثلاثاء ..
و على فكرة .. إذا صمت عاشورا فقط مافي مشكلة ..
لان الرسول أوصى بصوم عاشورا فقط و لكن من باب الأستحباب أراد مخالفة اليهود .. فصام تاسوعا و عاشورا ..
انت المهم انك تخالف اليهود علشان تقتدي بالرسول بشكل طيب .. so .. صوم بكره واللي بعده ..
و الله يتقبل منا و منكم خالص الأعمال

اقتباس:

---

جزاكم الله خير ^ ^
انا صايم الحمدلله ..
و ان شاء الله بميزان حسناتكم يا جماعة الخير ^ ^

---

انا بعد صايم...
_______________

اقتباس:

---

حرام فات على يوم الاحد خسارة T_T

---

اقتباس:

---

تقدر تعوض بيوم الثلاثاء ..

---

سوليمان , إي شفتها ,
مو مشكلة اكتب السبويلر بالأبيض ,

عجبني إل وذكائه , وحركة التلفونات وشلون تحدى كيرا ... ,احسن لقطه لما طاح كيرا من العمارة .... والي يشدك للحلقه 16 هو لما قال كيرا لرييوك : وداعاً !!!

السلام اخباركم طيبين ان شاءالله!!

اقول فاس:

من جد الحلقة تحمس للحلقة الجايه وانت صادق يوم قال وداعا ولو انت شفت نهاية الحلقة يجيبون لقطات للحلقة الجايه وفيها صورة للايت وهو بالسجن بس تبي الصدق ماادري بس احس الشينجامي مايروحون

ويرجعون يساعدونهم وإلا شي بس لو من جد راحو بنفتقد شي مهم بالمسلسل خاصة اني احب ريوك:D

سوليمان ,

ريووك ذكي جداً , وتلاحظ انه يخبي أشياء كثيرة عن لايت , وتحس انه يعرف بس يسكت وبخصوص الحلقة الجايه , ما شفت اللقطات الي تقولها !! ننتظر ....

فاس

تبي الصدق احس ان الأنيمي بيصير سخيف الأيام الجايه بعدين تعال في حركة غبيه بالأنيمي ماانتبهوا لها او يمكن انا الغبي:D

من يوم جا ياجامي لايت يعاونهم بالقضيه ماانقتل ناس يعني شي واضح جدا ان ياجامي هو كيرا لكن شكلهم لهو بالأحداث بعدين كيرا الحين وقف ماعاد يقتتل احد بس يبي يقتل L

مو بالضبط ...

هم كانوا مشغولين بقضية كيرا 2 .... وألحين خلصوا منه , شوف شو يصير في الحلقات الجايه ....

مو بالظبط...

انت شغل الحلقة عندك وشف لين نهايتها فيه ياجامي لايت وميسى يحتجزون كلهم وبيصير تحقيق واعترافات واظن ان لايت بيتخلى عن المذكرة لأنه لو تخلى بيروح طعم المسلسل-_-

شفت الحلقه ,

مافي شيء في نهايتها ؟ لا سجن ولا مساجين .... وترى ميسا خلاص ... نست كل شيء

....

نهاية كل حلقة يجيبون 8 ثواني عن الحلقة اللي بعدها يمكن المترجم حقكم يشيلها اذا تبيها قول لي اخليها على صيغة صورة واقول ترا لايت بيلحق ميسا بينسى بعد

حطوا السبويلر بالأبيضضضضضضضضضضضضضضضضضضضضضضضضضضضضض :@

كينجي

ههههههههه أنا حاط السبويلر داخل مربع أسود :)
___
ذا ليجند

أنت أي فريق تتابع ؟

شلونكم ^^"؟
اليوم صرت بيبي ستر حق يدتي xD
عمي رايح البر .. وانا رحت قعدت عندها .. والله توونس .. مسكينة مخرفة .. بس تضحك ..
انا :شلونج يدتي ؟
يدتي: هااا؟ الحمد لله زينة .. اهلك مسافرين؟
انا : ايه مسافرين
يدتي:وين؟
أنا :والله الامارات
يدتي: ايييه .. ابوك مع امك ؟
انا : ايه .. واخواني
... سكتت شوي .. تنادري الخادمة : وين العشى ؟
الخدامة : ماما العشى انتي كليتي خلاص .
يدتي: : لااا؟
انا : ... لا تغليق
يدتي: محمد .. ابوك مسافر ؟؟
انا : ايه
يدتي: ويين؟
انا : الامارات


والله على هالحال يمكن 5 مرات لووووووووووووووووووووووووووووول
وكل ساع تقول سالفة وتعيدها ^^
الله يخليها لنا :)

امي شرت لي سونك من الامارات .. ايواااااا (الموزة الي ترقص)
xD


مبروك FAS على الالفية 4


كينجي .. سألت امك ؟؟؟
كل يوم اروح اقرى الجريدة ماكو شي T_T

جدتك ....هههههههههه
الله يحفظها ....

اقتباس:

---

الخدامة : ماما العشى انتي كليتي خلاص .
يدتي: : لااا؟

---

( الموزه الي ترقص ) >>> شدخل

اقتباس:

---

مبروك FAS على الالفية 4

---

الله يبارك فيك , وانت مبروك عالألفيه ال6 coming soon

ههههههههههه الله يخلي لك جدتك ويوفقها ويطول عمرها ان شاءالله

السلام عليكم ورحمة الله وبركاته
الله يخليها لك .. عاد انا يكسرون خاطري المخرفين .. والله اشفق عليهم بشكل مو طبيعي ..

خخخخخخخخخخخخخخخخخ
يلا شباب .. ماعليه هالأيام انا مدمن على شيء اسمه موروكو ^ ^
عجيبه موصل حلقة 20 ^ ^

مالقيت تدمن إلا على ماروكو لووول

اقتباس:

---

والله على هالحال يمكن 5 مرات لووووووووووووووووووووووووووووول
وكل ساع تقول سالفة وتعيدها ^^
الله يخليها لنا :)

---

الله يحفظها لكم ^^..

اقتباس:

---

المشاركة الأصلية كتبت بواسطة The Broken Legend

خخخخخخخخخخخخخخخخخ

يلا شباب .. ماعليه هالأيام انا مدمن على شيء اسمه موروكو ^ ^

عجيبه موصل حلقة 20 ^ ^

---

ماروكو خبال.. خصوصاً الجد المنسم :09:..

اقتباس:

---

المشاركة الأصلية كتبت بواسطة The Broken Legend

خخخخخخخخخخخخخخخخخ

يلا شباب .. ماعليه هالأيام انا مدمن على شيء اسمه موروكو ^ ^

عجيبه موصل حلقة 20 ^ ^

---

لوووووووووووووووووووووووووول كنت اشوفه على القناه السودانيه ......
عندي فلم ساعتين ....
ما قدرت اكمل نصه ...

شباب عندي سؤال.
شنو سالفة النقاط و الترشيح بالمنتدى؟ شلون طريقتها؟
و شلون أقدر أرشح؟
ماني فاهم شالسالفة
وايد من الأعضاء بآخر موضوعهم يقولون ......... و لاتنسونا بالرشيح

اقتباس:

---

المشاركة الأصلية كتبت بواسطة cantona222

شباب عندي سؤال.

شنو سالفة النقاط و الترشيح بالمنتدى؟ شلون طريقتها؟
و شلون أقدر أرشح؟
ماني فاهم شالسالفة

وايد من الأعضاء بآخر موضوعهم يقولون ......... و لاتنسونا بالرشيح

---

كل ما زادت عدد نقاط ترشيحك تزيد المربعات الخضرا اللي على يسار إسمك :31: , الترشيح على كلام الشباب كان في السابق مسموح لأي عضو يرشح.. لكن الحين الترشيح مسموح فيه للمراقبين والمشرفين فقط (&)..

اقتباس:

---

يلا شباب .. ماعليه هالأيام انا مدمن على شيء اسمه موروكو ^ ^

---

وين على اي قناه او من وين اتحمله...

اقتباس:

---

كينجي .. سألت امك ؟؟؟
كل يوم اروح اقرى الجريدة ماكو شي T_T

---

she don't really know.

إسمحوا لي شباب، بطلع من المنتدى لظروف خاصة جدا ً :)

سلام

كريس شطح من هنا (&)

اقتباس:

---

المشاركة الأصلية كتبت بواسطة Black Box

كل ما زادت عدد نقاط ترشيحك تزيد المربعات الخضرا اللي على يسار إسمك :31: , الترشيح على كلام الشباب كان في السابق مسموح لأي عضو يرشح.. لكن الحين الترشيح مسموح فيه للمراقبين والمشرفين فقط (&)..

---

صدقني ترا النظام هذا أحسن

لأن في أعضاء ما يستاهلون الترشيح و ياخذون نقاط بدون تعب أو جهد http://www.geocities.com/super_broly11/o16.bmp

اقتباس:

---

المشاركة الأصلية كتبت بواسطة Kenji 42

.
إسمحوا لي شباب، بطلع من المنتدى لظروف خاصة جدا ً :)

---

شتقصد ؟
أقصد شو تقصد ب(بطلع من المنتدى ) ؟
يعني خلاص ما عاد فيه كينجي ؟؟؟

ما ينفع هالكلام ... الله يعينك على ( لظروف خاصه جداً ) وارجع لنا ان شاء الله ...
take care .....
& come back

Yo.. خلاص شباب ، My Wii is incoming @Thursday :biggthump

بس بغيت أسأل كم سؤال.

اذا عندي فلوس حق لعبتين، تنصحوني بشو بالضبط(خصوصاً اني ابحث عن الـMultiplayer Games أكثر عن الـSingle) علماً بأني خلصت زيلدا مرتين تقريباً على الجيم كيوب(وباخذها على الوي ، بس مب الحين :09:)

أنا مخطط آخذ WarioWare ولعبة ثانية، ومب متأكد: Rayman or Super Monkey Ball?

Rayman شكلها "احلى" ، بس مادري :09:

FAS, you have to help me this time :jap002:

اقتباس:

---

FAS, you have to help me this time

---

لازم توهقني يعني :jap017:
انصحك بواريو + ريمان
اما مونكي بول يقولون قصيره .....

شكلي باخذ بالنصيحة ههه.. اتوقع هاللعبتين + Virtual Console games = احلى كلام :D خصوصاً Mario Kart 64!

ماريو كارت 64 تعبانه ألحين ... صارت باردة بعد نسخة الدي اس والكيوب + سهله جدا
الفيرتشوا كونسول عندك :
ستريت فايتر
لينك تو ذا باست
غن ستار هيروز ( انصحك بقوة )
____
بتوصلني قطعة الواي فاي , وراح انزل هالألعاب ان شاء الله

بالعكس.. في نظري Mario Kart 64 احلى عن Mario Kart Double Dash، وانا ما جربت مال الـDS

Link to the past يمكن آخذها، بما اني للحين ما خلصت ولا لعبة Zelda 2D ، مادري ياخي مب داخلين مزاجي :09:

أما Street Fighter 2 = A Big NO! اللعبة الي على الـVC هي الي كانت للـSNES.. والي على الـX360 = الي على الـArcade.. الـArcade افضل بوايد! وانا عندي اياها على الاكس بوكس، فما أتوقع اني باخذها مرة ثانية هني (ولو اني احب هالـ Street Fighter بالذات)

وآخر لعبة ما اعرفها ههه، بجربها ان شاء الله. :tongue1:

آها ....
بس ألعاب زيلد 2D حلوه خصوصاً اوراكل .
اما غن ستار هيروز , من أحلى العاب الميغا درايف
وبخصوص الثلاجة أقصد الاكس بوكس 360 مافي حل لصوت الدتسن ؟

السلام عليكم
لو سمحتو عندي كم سؤال
أنا بشتري الوي ب2500 هل هذا السعرجيد
وش الألعاب اللي تنصحوني بها

T____T انا رجعت
اخيرا شفتكم مرة تانية
كيف حالكم ....و مين موجود منكم هالايام

اوكي مع السلامه كينجي ونشوفك على خير

هلا كريس ياخي بسرعه احتريك عشان نرجع لأيام زمان< < ايام التزويد

هلا اشرف اخبارك عساك طيب^^

الحاير الجهاز سعره غالي جدا جدا انتظر لك كم شهر وإلا كم اسبوع وينزل سعره ان شااءالله

اقتباس:

---

المشاركة الأصلية كتبت بواسطة FAS

آها ....
بس ألعاب زيلد 2D حلوه خصوصاً اوراكل .
اما غن ستار هيروز , من أحلى العاب الميغا درايف
وبخصوص الثلاجة أقصد الاكس بوكس 360 مافي حل لصوت الدتسن ؟

---

أدري انه العاب زيلدا الـ2D حلوة، بس والله مادري مو قادر العبهم.. افضل الـ3D بشكل كبير.

وأي صوت بالضبط قصدك :jap045:

اقتباس:

---

المشاركة الأصلية كتبت بواسطة الحاير2008

السلام عليكم
لو سمحتو عندي كم سؤال
أنا بشتري الوي ب2500 هل هذا السعرجيد
وش الألعاب اللي تنصحوني بها

---

غالي السعر وايد، شو يعطونك ويا الجهاز؟

لوووووووووول ..
اللي سألني عن على القناة اللي تنعرض فيها ^ ^ ..
اقوله اني اشوفها من اللاب توب .. بس مو تحميل ..
هي في موقع لتحميلها .. لكن صاحب الموقع ولد خالتي .. سو عطاني كل الحلقات جاهزة عنده ..

و على فكرة اليوم خلصتها ^ ^ .. 33 حلقة .. رهيبه و تضحك ^ ^

شباب عندي مجموعة اسئلة .. اتمنى تجاوبون عليها بسرعه ..
شنو آخر جزء نزل لبوكيمون ؟
أقدر ألعب أجزاء بوكيمون على اللاب توب ؟ ( يعني اقدر انزلهم على الكمبيوتر ؟ )
و شنو احتاج لتنزيلهم ؟
و ياريت تعطوني وصلات التنزيل ^ ^
وشكرا

اقتباس:

---

وأي صوت بالضبط قصدك :jap045:

---

قصده صوت حنّة الجهاز.

(الصوت الصادر من الجهاز من المروحة بسبب الحرارة، و لقد شبهه أخونا فاس بالدتسن، علما بأن الدتسن هي سيارة وانيت تخرج صوت حنة مشابه نوعا ما)

اقتباس:

---

شنو آخر جزء نزل لبوكيمون ؟
أقدر ألعب أجزاء بوكيمون على اللاب توب ؟ ( يعني اقدر انزلهم على الكمبيوتر ؟ )
و شنو احتاج لتنزيلهم ؟
و ياريت تعطوني وصلات التنزيل ^ ^
وشكرا

---

آخر جزء بالأنجليزي نزل اهو Pokemon Ranger عالـDS
http://search.ign.com/products?query=pokemon
و ما أعرف جواب باقي اسئلتك :p

اقتباس:

---

شباب عندي مجموعة اسئلة .. اتمنى تجاوبون عليها بسرعه ..
شنو آخر جزء نزل لبوكيمون ؟
أقدر ألعب أجزاء بوكيمون على اللاب توب ؟ ( يعني اقدر انزلهم على الكمبيوتر ؟ )
و شنو احتاج لتنزيلهم ؟
و ياريت تعطوني وصلات التنزيل ^ ^
وشكرا

---

حسب معلوماتي اعتقد انها النسخة الماسية واللؤلؤة على الDS بس ما بتقدر تنزلهم
بس اذا بدك تلعب بوكمون اعتقد ممكن تجرب اجزاء الدفانس مثل نسخة البركان .....عن طريقة تسمى المحاكاة (emulation) ...حاليا ما بقدر اعطيك وصلة -__-

اقتباس:

---

حسب معلوماتي اعتقد انها النسخة الماسية واللؤلؤة على الDS بس ما بتقدر تنزلهم

---

المشكلة انهم بس نزلو ياباني.

ما سمعت بهذه المشكلة واعتقد انها نفس مشكلة جمب سوبر ستارس لانها ما في لها تصريح لانه هذا جزء جديد من الانمي (بوكيمون)

فاينال هارت تقدر تلعب على اللابتوب بوكيمون حقات الجيم بوي ماتقدر لحقات الدي اس

وله اجزاء كثيييرة على الجيم بوي وازينها اظن ايمرالد المهم ادخل منتدى المحاكيات وتلقى موضوع مثبت

لبيس ديفل فتش شوي بين الصفحات بتلقى المحاكي والألعاب ان شاءالله^^

الحاير :
السعر غالي , انتظر عليه لين ما ينزل .
____
أشرف , غبار طلع من ردك :jap017:
ولكم باك
___
دوك فليد

شرحلك كانتونا قصدي :)
____
كانتونا

عطنا رايك في الحلقه 15 ولاتنسى , السبويلرز باللون الأبيض
____
فاينال هارت

بوكيمون اميرالد وبوكيمون بيرل على الدي اس , وراح ينزلون امريكي , اصبر عليهم .
وبعدين انت ووجهك مسوي دعاية حق ولد خالتك ... زين عطنا موقعه وكمل دعايتك :jap043:

هلا شباب (&)

اهلين ناصر^^

كريس وينك من زمان
خلية مكانك فارغ
وشو اخر اخبار الجيمز معاك

كريس .... أمير المحششين ...
ممكن تقولنا قصتك أنت وفهد !
وليش غايبين ؟

ظروف الدنيا (&) !!

احب اوصل لكم سلام فهد ويقول استاق لكم (&)!!

وسوف يعود باقرب فرصة ^^"

الله يسلمه .... والله يعينكم ...
المنتدى مفتقدكم

ناااصر :bigeyes:

شو فيك طلعت من الأيميل !! :blackeye:
متى بتسير المباراه بااجر !!؟؟ :p
عشان نتفق:smirk: ..وأشوفك هالمره :wow: ...مب نفس هذيك المره -_-
انا عند الشاشه وانت عند الصور >_<

نصور ! أنت في الإمارات ! يادي النيله وتقولي ظروف الدنيا
وأثاريك يا نظر عيني غلاتي .,, الحبايب رايحين يشجعون العصافير الخضر ههههههههه ( ميم قاف )

اقتباس:

---

لأن في أعضاء ما يستاهلون الترشيح

---

99% من المراقبين ما يرشحون ><"

اقتباس:

---

يعني خلاص ما عاد فيه كينجي ؟؟؟

---

فيه فيه .. ولكن ادعوله الله يوفقه ^^"
إن شاء الله يكمل الشي إلي بدا فيه ^^"
xD

اقتباس:

---

إن شاء الله يكمل الشي إلي بدا فيه

---

ناوي يتزوج !!!
الله يوفقه :)

اقتباس:

---

ناوي يتزوج !!!

---

on my dead body
آخر شي أسويه بالدنيا هو الزواج، هذا إذا تزوجت لول.


سنيك، التلفون صك لأنه مافيه شحن -_______-
Call again whenever you got the chance

السلام عليكم

كيفكم أعضاء الننتندو و كيف المنتدى معكم ؟

عذرا على الانقطاع طيلة الشهر الماضي لكن كما شرحت لكم ظروفي أن سفرتي الأخيرة كانت لتقديم الاختبارات و العودة للرياض مرة أخرى .. و ها أنا ذا :)


الحمد لله أتممت اختباراتي على خير ما يرام ..
قضيت 3 أسابيع من أسوء أسابيع عمري .. نوم أقل من 4 ساعات .. دراسة ليل نهار .. دروس خصوصي .. تعب و تكسير وووووووووووووووووووو >_<"
الحمد لله بالأمس الأحد قدمت آخر اختباراتي و صباح اليوم خرجت من الأردن و وصلت ظهر اليوم للرياض .


حاليا عندي عطلة الى 18/2/2007 ... يعني قرابة الـ20 يوم
طبعا لازم أعوض الانقطاع عن الـGaming طول الفترة الماضية .
ناوي ان شاء الله على :
YOSHI's ISLAND DS
FINAL FANTASY III
CASTLEVANIA : PT
PHOENIX WRIGHT 2


أخيرا ..
استجابة لرغبة المتحديين ---> (&)
أحضرت معي MARIO KART DS ...
so , كونوا جاهزين لمنافسة حامية قريبا .
أعتقد معظم طلاب المدارس عندهم اختبارات حتى نهاية الأسبوع القادم .
لذا لو ناويين على شوية تحديات نخليها الى أن تنتهوا من كل شي .


الله يوفق الجميع ..
و اشتقنالكم و الله يا جماعة ..
و باذن الله أتواصل معاكم بشكل طبيعي خلال هالـ20 يوم


Zero_IYAD

اياد يا شرير (&)
اخر مرة شفتك فيها كنت انت رح تغيب وماكنت فاهم ايش حكايتك لاني انا كمان غبت -___-
ولكم باك على اية حال ^__^

اقتباس:

---

احب اوصل لكم سلام فهد ويقول استاق لكم (&)!!

---

ننتظر عودته بأقرب وقت.. وبالتوفيق له..

اقتباس:

---

السلام عليكم

كيفكم أعضاء الننتندو و كيف المنتدى معكم ؟

عذرا على الانقطاع طيلة الشهر الماضي لكن كما شرحت لكم ظروفي أن سفرتي الأخيرة كانت لتقديم الاختبارات و العودة للرياض مرة أخرى .. و ها أنا ذا :)


الحمد لله أتممت اختباراتي على خير ما يرام ..
قضيت 3 أسابيع من أسوء أسابيع عمري .. نوم أقل من 4 ساعات .. دراسة ليل نهار .. دروس خصوصي .. تعب و تكسير وووووووووووووووووووو >_<"
الحمد لله بالأمس الأحد قدمت آخر اختباراتي و صباح اليوم خرجت من الأردن و وصلت ظهر اليوم للرياض .


حاليا عندي عطلة الى 18/2/2007 ... يعني قرابة الـ20 يوم
طبعا لازم أعوض الانقطاع عن الـGaming طول الفترة الماضية .
ناوي ان شاء الله على :
YOSHI's ISLAND DS
FINAL FANTASY III
CASTLEVANIA : PT
PHOENIX WRIGHT 2

---

وعليكم السلام ورحمة الله وبركاته..

أهلين إياد.. الحمد لله على السلامة..

أهم شيء أنك انتهيت من الإختبارات وعدت على خير >_< , إن شاء الله جهودك ما تضيع سدى وتبين بعدين :D..

بالنسبة للألعاب فلا تنسى تضيف هوتيل دوسك وكيربي (&) , كيربي عندي.. حلوة وممتعة لكن قصيرة وما تطورت كثير عن ألعاب الأدفانس..

والحمد لله على السلامة مرة ثانية ^^..

ولكم باك إياد ^ ^

ذليجند .. انا بتعبك معاي شوي ماعليه ^ ^ ممكن تحط لي روابط الصفحة .. لان مالي خلق أبحث وحالتي حالة << خوش عذر .. << عاد توه شايف موروكوا .. فشيء طبيعي بيكون عيّار ..

ننتظر عودة زعيم الدببه بربريتوا ^ ^ ..

و حياك الله كريس .. لا تقطع ^ ^

و فاس يا دب .. موقع ولد خالتي ما يحتاج إعلان ^ ^ .. لانه ضخم جدا .. إذا تبيه كلمني بالمسن واعطيك إياه .. منعا للدعاية .. اللي احنا بغنا عنها << قط ويهه مع ولد خالته .. انت شكو ..

و تحياتي لكم يا دببه النينتدو جميعا ^ ^

و عادي عطوني بوكيمون يلو .. الله يا سلام لو يكون موجود بس ^ ^ ..

اقتباس:

---

لانه ضخم جدا .. إذا تبيه كلمني بالمسن واعطيك إياه .. منعا للدعاية .. اللي احنا بغنا عنها << قط ويهه مع ولد خالته .. انت شكو ..

---

انا ما عدي ايميلك...
عطني ولا عطنا الوقع...
اوكي..دير
__________________
باجر المباره
ناصر وزولديك
ماوصيكم بالتشجيع ...
انصحكم ايلسو..
عدال خالد حريه...اذا حصلتو مكان...
ولاتنسون ياأعضاء النيتندو تدعولنا ..
مب تدعون علنا لأنه الملَك يقول للداعي ولك مثله...
يعني لكم نفس الدعوه<<<حشا مدرس تربه اسلاميه
_________________
وولكم باك ..
للعضوين الغايبن ...
Zero_IYAD
ashraf_2003

Welcome back, Iyad.

- ASH :
أهلين بتنجامون (&)
كيفك و كيف هالدنيا معك ×_× ؟

- B.BOX :
الله يسلم عمرك يا رب ^_^
و بالنسبة لي تكفيني PHOENIX WRIGHT عن غيرها من مثيلاتها .
أما KIRBY فاسمحلي .. رغم شدة قصر عمر اللعبة ننتندو مو مستعدة تبذل شوية جهد في التطوير لأجزاء الـDS ... مطابقة لنسخ الـGBA و هذا شي قمة الاحباط .
Canvas Curse كان التحكم فيها فكرته جديدة و تستاهل التجربة أما اني أضيع فلوسي على جزء متواضع فما عندي استعداد .
لما ترجع تنوي ننتندو على جزء مثل جزء الـ64 بنفس الجرافيكس الجبار و القدرات العديدة فوقتها تكون فعلا لعبة تستاهل .
" مجرد وجهة نظر شخصية :أفكر: ".

- The Broken Legend:
أريجاتو ^_^

- yameii Wii :
أريجاتووو 2
و الله يحييك في الننتندوووو

- Kenji 42 :
أريجاتوووو كينجيوووو


برب ألحق يلي فاتني من One Piece :)

Iyad، أنصحك تشوف مسلسل Prison Break . تخيّل، 22 حلقة (السيزن الأول فقط) ، كل حلقة مدتها 45 دقيقة، من الإثارة شفتها كلها بيومين فقط !! :D كل يوم من بعد صلاة العشاء إلى صلاة الفجر بس أشوفه :D لكن اليوم بديتها من بعد صلاة العصر وقدرت أخلصه :banana: ..
أوّل ما أحصّل فلوس بروح أشتري السيزن الثاني

اقتباس:

---

المشاركة الأصلية كتبت بواسطة Kenji 42

Iyad، أنصحك تشوف مسلسل Prison Break . تخيّل، 22 حلقة (السيزن الأول فقط) ، كل حلقة مدتها 45 دقيقة، من الإثارة شفتها كلها بيومين فقط !! :D كل يوم من بعد صلاة العشاء إلى صلاة الفجر بس أشوفه :D لكن اليوم بديتها من بعد صلاة العصر وقدرت أخلصه :banana: ..
أوّل ما أحصّل فلوس بروح أشتري السيزن الثاني

---

الكل يمدح فهالمسلسل :D شكله عجيب ... < <" اهو يستاهل المتابعه ولا لا ؟ << واحد ماعنده شغله XD >>

اقتباس:

---

الكل يمدح فهالمسلسل :D شكله عجيب ... < <" اهو يستاهل المتابعه ولا لا ؟ << واحد ماعنده شغله XD >>

---

are you kiddin' me
افضل مسلسل مرّ علي. آنا إنسان كسول لأقصى درجة ومستحيل أقعد 9 ساعات امام الشاشة أشوف مسلسل، لكن PB شفته أكثر من 9 ساعات متواصلة و ودي أشوف أكثر !!
best TV series ever