البطولة الرمضانية لستريت فايتر ثيرد سترايك في الامارات ( 27th aug )

تسلمون يا شباب و ما قصرتو و طبعا لاتنسون انتو بعد شكرا و ما قصرتو تراكم وقفتو ويانه و تعاونا كلنا ويه بعض و الحمدلله البطوله مشى نفس العسل :)

طبعا حبيت احط لكم المراكز الخمسه الاولى

1st - furqan - Chun li

2nd - Black_berserker - Q

3rd - DieoXiN - Necro

4th - Big boss -Oro

5th - Tareq - chun li

---------------------

ان شاء الله جريب بلاك بيحط لكم الترتيب للعيبه من الاول الى العاشر :) و ان شاء الله يرفع لكم الجداول :)

و قريبا الفيديوهات بنسويلها ابلود ان شاء الله

السلام عليكم و رحمة الله و براكاته

:biggthump فالبداية أحب ان أشكر كل من شارك و حضر البطولة :biggthump

:biggthump و أشكر المشاركين الجدد و أتمنى ان يستمرون في لعب الثيرد و هم :biggthump

TAN_UAE
MAN4UAE
A-A-N
NAITHT-TRON
FAHAD-NMX
UAE4HAMAD ( رغم عدم تواجده )
DUKEFLEED ( رغم عدم تواجده )

مستوياتهم طيبه بالرغم من من بدايتهم الحاليه ما شاء الله عليكم

:biggthump أشكر A.Z و B.B و السويدي و Sangahlolo على هذا التنظيم الممتاز و المجهود الطيب المتعوب عليه :biggthump

;) و كنت أتمنى مشاركة لاعب من أفضل لاعبين الثيرد هوه SHIN AKUMA الملقب ( بملك الـ MIX-UP ) لاكن للأسف الريال مشغول ;)

:biggthump البطولة كانت بمستوى ممتاز و مستوى المشاركين ممتاز :biggthump

:biggthump بالنسبه للأوائل الخمسه هم :biggthump

المركز الأول FURQAN ( جيستن خان ) ( CHIN-LI )
المركز الثاني BLACK BERSERKER ( عمود الثيرد ) ( Q )
المركز الثالث MoMeNTuM ( السويدي ) ( NECRO )
المركز الرابع BIG BOSS ( كودي ) ( ORO )
المركز الخامس TAREQ ( لاعب خطير ) ( CHIN-LI )

:bigok::bigok::bigok: مبروك للفائزين :bigok::bigok::bigok:

:biggthump:biggthump مشكورين مشكورين مشكورين مشكورين مشكورين مشكورين :biggthump:biggthump

:biggthump ماقصرتو بصراحه :biggthump

يوم شفت ردودكم الصراحه حسيت بالذنب لووول... بدون حلف و غيره كانت احلى بطوله شاركت فيها و لو انا خسرنا بس كنا نضحك لأن جو بطوله نفس هذي يخلي الفوز و الخساره شي واحد المهم انك اتبدع و تتونس في اللعب... شكر موصول لبلاك و A.Z و السويدي...


السويدي... يبالنا يمعه اخيره عالاقل قبل لا تسافر... اباك اترتب ويا الشباب ما عليك اماره... هيه صح ابا اعرف كم كان ترتيبي!؟ كل ما سألت حد هناك قالي ماعرف

Salam 3aleikom

Mashallah 3aleikom ya shbab! the tourny was done really well!

I would like to thank :

Black Berserker
A.Z
BIG BOSS
Diexon

You guys have done excellent job! really :) .. Inshallah the next time I will do better!

thank you shabab.this was joyful times.I had much fun and became a big 3rd strike fan now.I'm gon practice for the next tourny starting from now!....congratulations for the winners..me and lin maffia had to leave before the finals..so accept our apologies...keep it up

الله يبارك في حياتكم يا شباب و الفوز و الخساره في الثيرد شي واحد لان الثيرد يرضي الكل انا ما دام الكل مستانس أعتبر الكل فايز و انا المفروض اباركلكم و مشكورين

تان حبيت اقولك ان هذا جو الثيرد الكل يكون راضي و مستانس لان الثيرد يرضي الكل و مشاركتكم تكفي اننا تعرفنا عليكم و هذا شرف ألنا و مشكورين على مشاركتكم

كنت أتمنى لو كان فيه وقت الكل يشوف مشهد الختام البطولة مع اني تعبان عليه يومين متواصلة و منتهي منه في يوم البطولة على الساعه 9 صباحاً بس للأسف ما كان فيه وقت مع انه كان مشوق ( خيرها في غيرها ) و أي واحد يريد مشهد الافتتاح أو الختام حاضرين بلاك عنده نسخه و انا عندي نسخه و أن شاء الله الشباب ما بيقصرون بيرفعون كل البطولة على اليوتيوب مع مشهد الافتتاح و الختام

و أقول للكل


STREET FIGHTER III 3rd STRIKE FIGHT FOR THE FUTUER

القتال من أجل المستقبل

اللعبه كم بتمر عليها من السنين و بعدها ما بتنتهي لانها لعبه سابقه لعصرها

وفي كل الاجيال القادمه سيظل الثيرد في القمه

و مشكورين

السلام عليكم

حبيت أبارك للفائزين وفرقان ويستاهل ماشاء الله عليه مايتوتر...لازم نحن كلنا نتعلم منه وكيف نلعب بأعصاب هادئة لأنه هالشي نهمله في كل بطولة وإن شاء الله من اليوم ورايح التركيز بيكون على هالشي

وشكر خاص لأيمن والزعيم والسويدي و A.Z على جهدهم الكبير وماقصروا والشباب ماقصروا الصراحه كفيتوا ووفيتوا وشكر خاص لشباب العين وأيمن على الجوائز....الصراحة فرحان فيهم ومستانس :)

والزعيم الفيديو ماشاء الله حلو...وحتى الخاتمة بس الوقت ما أسعفنا نشوفه كامل والله يعطيك ألف عافية ماقصرت والله

بالنسبة للمستوى الصراحة المستوى في هالبطولة حلو ولو إنه التوتر أثر على أغلبنا لكننا الحمدلله إستانسنا وإستمتعنا :)

ألوكارد أهنيك هالبطولة مستواك أفضل بكثير عن البطولات السابقة وشكله لما أخوك يغيب إنت تبدع لول ;) :09:

سانادا الدينجين ريو الي عنده ماعليه كلام...بس بغينا نشوف الجزار ...البطولة القادمة لازم نشوفه :wink2:

أيمن لعب لعب حلو الصراحة وأمتعنا مع طيران 12 :silly: الله يعينهم الي لعبوا ضده إرتفع ضغطهم

تان وأقربائه لعبه بشكل ممتاز كأول بطولة وبدعوا وماقصروا...نتمنى إنكم تستمرون الصراحة :)

إنفي ماسك كالعاده ماشاء الله عليه محافظ على مستواه :)

طبعا كان في مفاجآت في البطولة بس نخلي الشباب يسولفون ويعلقون على المباريات وأخطاءهم :wink2:

وإن شاء الله البطولات القادمة تكون أفضل بعد

النتائج خلصت منها وهذي الجداول:



ملف مرفق 330103
ملف مرفق 330104
ملف مرفق 330105
ملف مرفق 330106
ملف مرفق 330107
ملف مرفق 330108
ملف مرفق 330109

بالنسبة للفيديوز ف سميت المباريات وكانوا متلخبطين هذا غير إنه كان في مباريات ماكانت محفوظة بس الحمدلله إنه البرنامج موجودة فيه وقدرت أخزنها...عملت أبلود لفيديو واحد أجرب إذا بيضبط في اليوتيوب أو لا وأول ماطلع كان سريع فقلت الحين لازم أقعد أعدل فيهم بس الحمدلله الحين طلع أوكي...طبعا الفيديو هذا وضعته إحتراما وتقديرا لأخينا A.Z ;)

مرحبا بلاك مبروك المركز الثاني ما شاء الله عليك بس

و فرقان يستاهل المركز الأول بجداره ما شاء الله عليه

بخصوص الفيديوهات بعدل عليها شوي لاني كنت ناسي معاذ لاعب YANG وضفته الحين و بعطيك الفيديوهات بعد التعديل إن شاء الله

هذي البطوله كترتيب و تنظيم على مستوى عالمي بصراحه و من غير مجامله لو لا التأخير الي حصل بس أهم شي أن الكل مستانس و راضي :biggthump

ماعرف شو مشكلة الجداول؟ ومادري شفيه اليوتيوب يستهبل ساعات الفيديو سريع وساعات عادي ؟!

المهم هذي وصلات للجداول

http://dc04.arabsh.com/i/01945/c8d2qdp6rrxh.jpg
http://dc04.arabsh.com/i/01945/yr4kf7s6dyx3.jpg
http://dc04.arabsh.com/i/01945/tdvqrhou4fyc.jpg
http://dc10.arabsh.com/i/01945/5a2le6ix9ud4.jpg
http://dc10.arabsh.com/i/01945/o04nh8cjy6xo.jpg
http://dc10.arabsh.com/i/01945/cqk3gb6f1pf3.jpg
http://dc06.arabsh.com/i/01945/jg4jsmv1jvkm.jpg

ملف مرفق 330116

الصراحه النهائيات كانت قوييييييييييييييه ماشاءالله

و ارد اقول شكرا ل
Big boss
sanga7lolo
Black_berserker
A.Z

على المجهود :)

-------------------

و ان شاء الله الفيديوهات للبطوله الرابعه و الاخيره بنسويلها ابلود في اقرب وقت :)

The tourny was really enjoyable ! The atmosphere was great, people were great and friendly too! hopefully the next one will be even better !!


PS: I need to improve :( .. ybali aseer m3askr 3rd strike :P

السلام عليكم

ما شاء الله عليكم شباب التنظيم كان رقم واحد بصراحة
بلاك والسويدي و A.Z مشكورين على التنظيم الممتاز يعطيكم العافية
وأحب أبارك للفائزين وأقولهم مبروك تستاهلون بصراحة
وحتى الي ما حالفهم الحظ بالفوز يعتبرون فائزين لأن أي واحد يحظر بطولة مثل هذي يعتبر فائز

أجواء البطولة هذي المره ما أقدر أقول عنها الا أنها كانت خطيرة واللاعبين قدموا مستويات ممتازة وإن شاء الله يتطور المستوى للأفضل

بلاك
الجزار إن شاء الله بتشوفه في البطولات القادمة وبمستوى أفضل إن شاء الله وبالنسبة لريو كنت أطبق مقوله (السهل الممتنع) لعب خفيف مافيه شي لكن يفي بالغرض
وما شاء الله عليك الا من فتره بسيطه تلعب بـ Q ومستواك ممتاز أهنيك على هذا المستوى

إنفي ماسك
سجلني وياك فالمعسكر يبالنا دورة :D

I think maybe next time I'll play with Hugo, I'll be practicing alot with him ! Maleit mn Ibuki :( .. Miskeena..She gets hit alot badly :'(

مشكورين شباب ماقصرتوا

وسانادا إن شاء الله نشوف الجزار بس خف علينا...مصيبة الجزار ضد كيو...تركب عليه كومبوهات من المريخ

ومثل ماقلت....لازم كلنا نتدرب كيف نتعود على الضغط والتوتر قبل البطولة بفترة عشان الكل يلعب وهو مرتاح ويطلع مستواه

ومن الحين...البطولة القادمة فرقان محد يقرب صوبه...بخلي كيو يدوس على تشن لي ويربيها هالصينية ^___^

بالنسبة للنتائج

المراكز العشر الأولى:

الأول فرقان (تشن لي)

الثاني بلاك بيرسيركير (كيو)

الثالث السويدي (نيكرو)

الرابع الزعيم الكبير (أورو)

الخامس طارق ( تشن لي)

السادس جابر ( يون)

السابع إنفي ماسك ( إيبوكي)

الثامن ألوكار ( ريو)

التاسع Tan-UAE (كين)

العاشر أيمن (12)

أتمنى بس تتأكدوا من A.Z بالنسبة للمراكز من السابع إلى العاشر

بالنسبة للمركز ال 11 فهو من نصيب sparken (كين)
=============================================================
إنفي ماسك

معقولة تخلي إيبوكي؟ ممممم صعبة هيوغو بدون أركيد...إنت جرب وشوف...ولو إنه الأحسن إنك تشوف شو الشخصيات الي تسبب مشاكل لإيبوكي ونعرف كيف تقدر تتصرف معاها ...أبسط مثال كيو....أكوما مصيبة كبرى ويوريين يخليه يصيح فالحلو إنك تعرف تتصرف ضد هالشخصيتين الي الماتش أب ضدهم صعب

المهم إنه لو بتبدون شخصية لازم تواضبون على التدريب فيها بحيث البطولة القادمة في سنة 2011 إن شاء الله مستواكم في هالشخصية يكون ممتاز

عن نفسي مسرور مع كيو وأحس إني جالس أتعلم الثيرد سترايك صح....أخيرا قمت أطبق ال zonning والمسافات وكل ضربة شو أوليتها وإنه الكارا لازم أضبطها أو راح أتعاقب....ممتع اللعب ب كيو لكن أحس الخصم يتنرفز لما يلعب ضده لول وناوي أكمل تدريب خصوصا على أشياء أصعب والي الوقت قبل البطولة ماكان يسعفني إني أتدرب عليها...

وبالنسبة للفيديوز فراح أرفعها بس كدفعات وتوقعوا بكرة تشوفوا فيديوز أكثر في القناة
=============================================================
المباراة الختامية كان لازم أفوز مباراتين مقابل إنه فرقان يفوز في مباراة ...فزت في الأولى وخسرت في الثانية -___-
وملاحظة على النظام...الصراحة المفروض المباراة الأخيرة في ال winners bracket و losers bracket صراحة لازم تكون best of 3 وهالشي حسب علمي مطبق في الإيفو!

المهم لاتنسون بطولة SBO في شهر 9 هالسنة وإن شاء الله يكون في نقل مباشر نبى نستمتع خصوصا إنه ماراح يكون في دي في دي إلا النهائيات وأفضل المباريات فقط وماتحصلها إلا إذا تشتري مجلة Arcadia العدد الخاص بالبطولة

^ البطولة بتُنقل live streaming?