...The Amida channel|| Free Program||

اقتباس:

---

س اكبر سبب يخليني مادخل هو الباسورد مال حسابي في المنتدى موجود في ايميلي وعشان اطلعه لازم ادخل ايميلي وادور فلذالك في العاده مادخل XD
وياهلا بك ^^

---

لووووووووووووووووول من صجك ؟؟ XD?
مو حافظ الباسوورد XD
لوووووووووول
والله مشكلة هذي لازم نرفع القضية حق المجلس الأعلى للمنتدى
لازم يوفرون لك كمبيوتر + اشتراك DSL سرعته 1000 XD

اقتباس:

---

في البحرين والكويت نقول 6 دينار مو دنانير p=

---

احم احم بالبحرين يمكن ^_^"
بس بالكويتي (دنانييييير) دينار ينطح دينار XD
في بعد ناس يقولون (الساعة تسعة)
بالكويتي (الساعة تسع ) ^^"



Yuna / إيراشاي ماسيه (ويلكم^^)

ها ها
بعد موت قدرت ادخل الموضوع

اقتباس:

---

الله يبشرك بالخير عيناوي ^.^

---

الله يبشر الجميع

اقتباس:

---

الصراحه ما اشتغل عندي youtube...

واي احد يعرف كذا اختصارت لفتح هذه المواقع...

بليــــــــــــــــز قولوا لنــــــــــــــــــا..

وجزاكم الله خيرا ً...

---

همممم على حسب الدولة
نحن فتحوا يو تيوب وشلته بعد قتال عنيف مع الاتصالات :D
اعتقد السعودية بعدهم حاضرينه
المشكلة يو تيوب ما ينفع معاه مواقع الي تفك الحظر " الـي بالـ browsing"
اعتقد الطريقة الوحيدة هي استعمال بروكسيات

YooOOoo ^o^oo

سنييييكو كووون
====

إيه نسيت *
شخصية HIME-SAMA من الأنيمي montada
XD

اهااا اي انمي هذاا ؟ واااو شكلها خوووش شخصيه XD

سراااب
-----
باك ~ XD

ليييش؟ ولماااذاا وشحقااا؟ XD

س اكبر سبب يخليني مادخل هو الباسورد مال حسابي في المنتدى موجود في ايميلي وعشان اطلعه لازم ادخل ايميلي وادور فلذالك في العاده مادخل XD

فشلتنااا فشلتنااااXD
جم مره اقوولك لاتبين ذكااائك لغيييركXD

شنو باشيف , انا لا انا مابشيف XD

يااااشييييف * غلطه مطبعيه الكيبروود خرفت لما كتبت اسمكXD

من معلمك تكتبين انتِ XD

ابله زمزم XD

وعادي 10 او 2 كلهم ارقام XD

كلهم ارقااام هااا خلاااص عيل نيييبلك 10 المره الياايه :silly: وانت اللي بتطبخ برووحك:silly: اووكي

والفريج مايستاهل , تخيلي عماره شكبرها وشعرضها ماقط مره دزوا لنا صحن الجيران , اذكر ايام البحرين يدزون لنا وارجعهم من كثر الصحون وهني ناشفه T_T

ياااااسلام والنااااس فااضيلك يدزوولك ويوكلوون بعدXD
زييين رضوو تقعد بعمارتهم وعلى قلبهم XD
ماااقول الا الله يعييينهم على هالجااارXD


عن سوالف الاكل مو السبه الصيام , السبب اني لسى ماحصلت وجبه الاحلام هني , ابي اكل شي واكل وراه اصابعي من حلاته , بس هون مافي T_T

اييي اعترف انه طبخك ولا ابيييزه XD اناااا شقاايلتلك قبل لا تساافر:silly: احسن قلعتكXD

وثانيا محد قالك اكلميني , تستاهلين XD

للاســــــــــــــــف ومن قرااااااااده حظيييييييي T_T
انه مافي احد غييييرك اووون لاين الكل نااايم ولا طالعT_T
حظي تعبااان T_T

تنزيلات ويهك , طلعوا اغلى من السوبر ماركتات الثانيه XD
ضربوني 20 قرش T_T

احسن خبريييييه ألتهاااا XD
يبااا اعترف قووول انهم قصوو عليك :)

ايه الكورن فلكس عندهم غالي ×_×

بيييعهXD

الي عليه صورتك ( سبال , قرد ) بتقريبا 5 دينار ,
السييبال ويهك:silly:
لوووو حاطين صورتي جان ماتلقاه اصلا,, من المصنع يخلص يخلص على طول:p

ارخص شي الي على الديج ب 3 دينار , واخرتها في يومين خلص T_T

احس (&)
وجدري نظيف طبعا لانه اناملي الي تطبخ فيه ^_- << عيار , هاي اول مره يستخدمه XD

مبين انه اول مره لاترقع لرووحكXD

من صجك انتِ !!
طلعوا كتب الطبخ غاليه XD
فمابعطيك مالي , بسويه وبنشره وبحصل فلوس من وراه , موهاهاهاها XD
تبين شتريه واحسن لك دفعي فلوس وحجزي نسختك من الحين ^^

شنووووووو كتااابك !! XD!!
من صجك انتااا يبااا شايفنيي باايعه عمريي انااا !!
اشترييي كتاابكXD >> هذاا اذا صج كتاااب
وليييش اشترييييه وحق شنووو اشتريييه من زييينه من حلالالاتهXD!!
ولا شنوو كتاااب يحمل اسمك انتاااااXD !!!


ايه الخمه وانا قايل لهم من قبل ماعزمهم انه عليك غسل الصحون XD

بسك بسك ترقع :silly:
بس ماقصروا امس فطروني على حسابهم ولو انا طلبت نص ديايه وهم يابولي ربع , بس الحمد لله على كل حال XD
لو انااا بداالهم ماوكلك XD
زييين احمد ربك عطوووك ربع دياايه XD

طال في ويهك XD
الكامرا تخسر جارج والجارج يحتاج كهرباء للشحن وبيل الكهرباء ادفعه انا من جيبي , لا تحلمين اصور مره ثانيه XD

لالالا في طريقه احسن من الكهرباا:silly: حط واير الشحن براسك :silly: >> مو انت عبقري؟ شغل مخكXD
ولا اقوول لالا خلاص هونا من زين الصوره عادXD

هيموووووووووووووووووووووووي .....شو رايج الحين في اليوميه الجديدة ؟؟

ترا هذي قصتها قصة ^^

Dr.GHOST
===

ههههههههههههههههههههههههXD
حسبيااا الله علييكم حراام عليييكم شمسويين فيه XD?

سلاااااااااااااااام

قوه شلونكم شخباركم.....

صراحه من زمان ما شفتكم وينكم اختيفتوا عن المواضيع ما تشاركون الا بالشات ...^_^ هالكلام موجه للسراب#_#

انجل اوف تيرز^_^

اقتباس:

---

في سؤال قبل ما اروح؟..

ماهي الشخصيه الانميه يلي تعجبك تصرفاته وتموت عليه ولماذا؟..

---

اللي اموت عليهم وايد مثل دمويوجي هانا يوري دانقو ..ريوكي هوت جيميك ..نوبو من نانا..هاريما سكول رمبل...بياكويا من بليش

اقتباس:

---

وبليز اي شخصيه نفس اخلاقك حطها XD...

---

فوشان من بارفيتك^_^

مارشي ترد بالسلامه وشكله الكليه وايد عاجبتك^_^

شباب
عندي سؤال جريئ أطرحه لكم وهو

- شرايكم بالوزيرة معصومة المبارك XD?
أول وزيرة بالكويت XD

وشرايكم بالمرأة لما تدخل البرلمان وهي تشوف أنيميشن ؟
وتدعم هذه الشغلة

- أما بالنسبة للرجل بالبرلمان وهو يقرا مانجا بس ما يشوف أنيمي ؟

أنا أييد هذه الشغلة
ولكن ...

أنا مع معارضين حقوق المرأة


أدري ما فهمتوا شي بس حاولو تعبرون


ja neeh

شباب
عندي سؤال جريئ أطرحه لكم وهو

- شرايكم بالوزيرة معصومة المبارك XD?
أول وزيرة بالكويت XD

وشرايكم بالمرأة لما تدخل البرلمان وهي تشوف أنيميشن ؟
وتدعم هذه الشغلة

- أما بالنسبة للرجل بالبرلمان وهو يقرا مانجا بس ما يشوف أنيمي ؟

أنا أييد هذه الشغلة
ولكن ...

أنا مع معارضين حقوق المرأة


أدري ما فهمتوا شي بس حاولو تعبرون


ja neeh

Sarab

بخصوص الشهر الله يبارك فيك ^^

وعن التوقيع فضحتني ^^" اتمنى انه فيني أصممه لك في إجازة الإسبوع القادمة ^^

عن الحيوانات ترى ولا سبب قلته مقنع بنسبة لي ^^"

أولاً بخصوص المعاملة السيئة هذي النقطة سلبية من ناحيتين ,,

بالأول المعاملة السيئة ما كان من المفترض ان تحدث بالأساس الصراحة الإنسان بعض الأوقات يكون بدون إنسانية مايفكرون الا بمصلحة أنفسهم يعني المعاملة السيئة مستحيل تكون سبب مقنع ..

أما بنسبة إلى الناحية الأخرى اهي نتيجة للمعاملة السيئة الحيونات تتعرض الى خوف وممكن حتى اصابات من سوء التعامل وهذا الشىء ينعكس سلبياً عليك وقت أكلها بسبب تكدس الإفرازات ..

ومن ناحية اضافية نسبة كبيرة للغاية من الدواجن تعطى مواد كيميائية لزيادة نموها وتكاثرها..

هذا غير الطريقة الي يتم جمع الدواجن فيها ببعضها البعض والي تسبب انتشار أمراض لا تحصى ..

وغيرها الكثير من الأسباب حتى انه بدأت اتوقع انها سبب انتشار السرطانات ...

والصراحة الي اشوفه انه الخضروات كافية بنسبة لنا وصحية أكثر ..

وبعدين منو قال لك انها ماتكفي بالعكس واصلاً في معوضات كبيرة عن اللحوم ..

وحتى انه اكو نوع من النبات المجفف يعطي نفس طعم اللحم ^^

على العموم ترى الي فكرت فيه يبقى قرار شخصي مب أكثر ..

يعني حاسه انه محافظة على الصحة وكذلك الطبيعية وهذا يعطي جانب أخلاقي ..

ويمكن لأنه عندي شويه شعور من disgusting لفترة طويلة ^^"

تصدق بدأت احس اني متعقدة ..

Ja nee ~


Snake-87

ثانكس ^^

هيسو ^^
snake

اقتباس:

---

لووووووووووووووووول من صجك ؟؟ XD?
مو حافظ الباسوورد XD
لوووووووووول
والله مشكلة هذي لازم نرفع القضية حق المجلس الأعلى للمنتدى
لازم يوفرون لك كمبيوتر + اشتراك DSL سرعته 1000 XD

---

ليش لازم اكون حافظه XD ?
هو انا مره نسيت الباس فطلبت استعادتها من المنتدى فارسل على ايميلي الباس اليديد ومن يومها وانا ماغيرته وماحفظت الرقم XD
ولاء ابي سرعه ال dsl 2000 مو بس 1000 XD
<< طماع p=

اقتباس:

---

احم احم بالبحرين يمكن ^_^"
بس بالكويتي (دنانييييير) دينار ينطح دينار XD
في بعد ناس يقولون (الساعة تسعة)
بالكويتي (الساعة تسع ) ^^"

---

طلع حتى بالبحرين دنانير بس بالعاميه دينار XD
والساعه تسعة بالشام اعتقد ومنهم طبعا الاردن , اما البحرين الساعه تسع p=
بس كله واحد اهم شي توصل المعلومه XD
___________
هيمي

اقتباس:

---

ليييش؟ ولماااذاا وشحقااا؟ XD

---

حريه شخصيه , موعاجبك عندك مدبوس السلم روحي اكليه " فطور اليوم بكرا او الي بعده بحط لكم الطبق XD "

اقتباس:

---

فشلتنااا فشلتنااااXD
جم مره اقوولك لاتبين ذكااائك لغيييركXD

---

يعني الريال سالني تبيني اجذب عليه XD
اذا انا عادتي الصدق شاسوي ^^ << ياه رايت XD

اقتباس:

---

يااااشييييف * غلطه مطبعيه الكيبروود خرفت لما كتبت اسمكXD

---

الكيبرود XD
كيبرود مين XD
طلع محد مخرف غيرك XD

اقتباس:

---

ابله زمزم XD

---

والنعم فيها XD

اقتباس:

---

كلهم ارقااام هااا خلاااص عيل نيييبلك 10 المره الياايه :silly: وانت اللي بتطبخ برووحك:silly: اووكي

---

ماكو مشكله دام انه مو انا الي اغسل الصحون ^^
عزمي الكويت كلها XD

اقتباس:

---

ياااااسلام والنااااس فااضيلك يدزوولك ويوكلوون بعدXD
زييين رضوو تقعد بعمارتهم وعلى قلبهم XD
ماااقول الا الله يعييينهم على هالجااارXD

---

ايه ليش حرام , انا جار ومن حق الجيران يطرشون الصحن >.>
انا بكرا بكلم زيد وبساله ليش الماما ماتطرش لنا XD
"زيد طفل في الطابق الاول من عماره ربعي XD "

اقتباس:

---

اييي اعترف انه طبخك ولا ابيييزه XD اناااا شقاايلتلك قبل لا تساافر:silly: احسن قلعتكXD

---

انو باكا XD
قلت لك ماحصلت مو ماعرفت اطبخ طبخه حلوه XD
ثانيا مافي مكان لك ذلفي XD

اقتباس:

---

للاســــــــــــــــف ومن قرااااااااده حظيييييييي T_T
انه مافي احد غييييرك اووون لاين الكل نااايم ولا طالعT_T

---

وانا شو ذنبي ؟ -.-
اذا محد يبي يكلمك مو معناتها انا ابي , باكا XD

اقتباس:

---

حظي تعبااان T_T

---

خليه ينام ان شاء الله بيرتاح وبيروح التعب ^^

اقتباس:

---

احسن خبريييييه ألتهااااXD
يبااا اعترف قووول انهم قصوو عليك :)

---

احسن من رفيجي ضربوه 30 ليره "دينار "
استغفر الله , مابي اتطنز عليه , الحمد لله والشكر XD

اقتباس:

---

بيييعهXD

---

ايه بايب من البحرين وببيعه XD

اقتباس:

---

السييبال ويهك:silly:
لوووو حاطين صورتي جان ماتلقاه اصلا,, من المصنع يخلص يخلص على طول:p

---

ايه يالغبيه XD
هو ليش انا مو محصله في مكان غير اسواق زمزم العالميه + اغلى كون فلكس , هاي يثبت انه ويهك XD

اقتباس:

---

احس (&)

---

من متى ؟؟

اقتباس:

---

مبين انه اول مره لاترقع لرووحكXD

---

وانا عندي فلوس حق اشتري رقعات XD

اقتباس:

---

شنووووووو كتااابك !! XD!!
من صجك انتااا يبااا شايفنيي باايعه عمريي انااا !!
اشترييي كتاابكXD >> هذاا اذا صج كتاااب
وليييش اشترييييه وحق شنووو اشتريييه من زييينه من حلالالاتهXD!!
ولا شنوو كتاااب يحمل اسمك انتاااااXD !!!

---

خلاص الي يريحك انا الي علي نصحتك فالي يريحك ^^
ويوم اشوفين صاحباتك في الشغل يتكلمون عن كتابي والوصفات الي فيه وتروحين المكاتب تبي تاخذينه وماتلقينه لاتين تبجين عندي ^^
بسلامتك ^^

اقتباس:

---

بسك بسك ترقع :silly:

---

شدخل الرقعات في الصحون XD

اقتباس:

---

لو انااا بداالهم ماوكلك XD
زييين احمد ربك عطوووك ربع دياايه XD

---

وت افر , بس اصدقين اليوم احنا كنا 6 والطبخه كانت 3 جيلات عيش " تخيلي XD " ونصف ديايه , والكل شبع وانترس بطنه XD
كان اكل مبارك والحمد لله XD

اقتباس:

---

لالالا في طريقه احسن من الكهرباا:silly: حط واير الشحن براسك :silly: >> مو انت عبقري؟ شغل مخكXD
ولا اقوول لالا خلاص هونا من زين الصوره عادXD

---

والمخ من متى يصير اوف او مبند عشان اشغله , والله كل يوم تفاجئيني بالذكائك ماشاء الله XD
وخلاص انتِ قلتي ماتبين , راحت عليك ^^
______________
فوجان ~

اقتباس:

---

سلاااااااااااااااام

قوه شلونكم شخباركم.....

صراحه من زمان ما شفتكم وينكم اختيفتوا عن المواضيع ما تشاركون الا بالشات ...^_^ هالكلام موجه للسراب#_#

---

وعليكم السلام ورحمه الله ^^
الكل بخير والحمد لله XD
عني ماشارك الا في الشات السبب انه ماعندي لا وقت اشوف انمي + ماعندي مكان انزل فيه انمي + ماعندي انمي XD
فمادخل مواضيع النقاش لانهم ممتلئين سبويلرات XD
بس ان شاء الله احنا موجودين واذا قدر الله احصل وقت فراغ في الاجازات اشاركم شويه في المنتدى كامل << يبي يشارك في مواضيع النقاش في المنتدى العام , كل ربعه هناك XD
وعلى خير نشوفك ^^
________
سنيك ~
بعلق بس على هاي XD

اقتباس:

---

أنا مع معارضين حقوق المرأة

---

عندي انا حقوق البنت كامله موجوده ومصونه في شريعتنا واي شي مايخالف شريعتنا هو حريه وهي ترتاح فيها , اما اذا بعض الدول نقصوها او زادوها جعل بناتنا يختربون , ولاحظ انت المجتمعات الموجوده وبتعرف ^^
_______________
يونا ~ْ

اقتباس:

---

وعن التوقيع فضحتني ^^" اتمنى انه فيني أصممه لك في إجازة الإسبوع القادمة ^^

---

عادي اخذي راحتك امزح انا XD
اذا ماعندك وقت مو ضروري تكلفين على نفسك ^^

اقتباس:

---

عن الحيوانات ترى ولا سبب قلته مقنع بنسبة لي ^^"

---

اهم شي اني اناقش واذا انا مااقنعتك لازم انتِ تقنعيني , هاي هو النقاش XD

اقتباس:

---

أولاً بخصوص المعاملة السيئة هذي النقطة سلبية من ناحيتين ,,

بالأول المعاملة السيئة ما كان من المفترض ان تحدث بالأساس الصراحة الإنسان بعض الأوقات يكون بدون إنسانية مايفكرون الا بمصلحة أنفسهم يعني المعاملة السيئة مستحيل تكون سبب مقنع ..

---

كبدايه صح المفروض انه ماتكون هاي المعامله موجوده , لكن في شي ماتطرقتي له وهو الحيوانات ذي ماكانت لتوجد لولا انه بعض الناس قاموا بعمل شركات دواجن او لحوم او وت افر , يعني المعامله السيئه ذي هي الي خلت الحيوانات تتكاثر , لو ماوجدت هاي المعامله ماوجت الكائنات ولا سبل الحياه حقها عشان تعيش , اي ولو كانت معامله سيئه الا انها وفرت سبل الحياه للكائنات ذي ~

اقتباس:

---

أما بنسبة إلى الناحية الأخرى اهي نتيجة للمعاملة السيئة الحيونات تتعرض الى خوف وممكن حتى اصابات من سوء التعامل وهذا الشىء ينعكس سلبياً عليك وقت أكلها بسبب تكدس الإفرازات ..

---

صح لكن مو الكل الحيوانات تكون معامله كذا , فكمثال , في كثير من القبايل والناس هم يربون هاي الحيوانات , فالافرازات والامور ذي تكون مو موجوده , لانه لحم ودجاج طبيعي 100%
وشيء اخر خل نفرض انه الكل كذا , لسى عندنا السمك , لا تربيه ولا هم يحزنون , نروح البحر ونرمي خيط الحداق " الصيد " ونصيد وناكل , السمك هذا مايكون فيه اي شيء حيث في اماكن الصيد يكون البحر صافي ومافي اي تلوث , فالشفقه لهم ليش , لا عذبناهم ولا شي صدنا واكلنا ^^
بس مثل ماقلتي صح ممكن يضرنا اكلهم لانه مو مضمون لحمهم ^^

اقتباس:

---

ومن ناحية اضافية نسبة كبيرة للغاية من الدواجن تعطى مواد كيميائية لزيادة نموها وتكاثرها..

هذا غير الطريقة الي يتم جمع الدواجن فيها ببعضها البعض والي تسبب انتشار أمراض لا تحصى

---

مو الكل كذا , والامراض ماتنتشر ابدا , حيث انه على الرغم من المعاملات السيئه وكل شي توجد رقابه , اول مايكتشف مرض يقتلون الحيوان الي فيه ويسون فحص على الكل تقريبا للتاكد من خلو الامراض ~

اقتباس:

---

وغيرها الكثير من الأسباب حتى انه بدأت اتوقع انها سبب انتشار السرطانات

---

لاء هاي ممكن يكون مساعد في السالفه او شيء , لكن اذا بتنظرين بصوره اعمق واكبر شوفي من متى واحنا نستخدم الادويه الكيميائيه ومن متى وحنا مبتعدين عن الادويه العشبيه والامور ذي ؟
يعني من طول ذيك الفتره ماتعتقدين انه حدث تغير جذري فينا بطيء وكل فتره يطور , خاصتا التلوث عامل شغله + ذات عندك البيوت الي بالقرب من شبكات الكهرباء ليش يصيبهم السرطان في الدماغ عادتا , بكل بساطه لانه هاي يعمل على تغير في جيناتنا وحركتهم تتشوش فيكون النظام نوعا ما مو مضبوط , والله اعلم هاي على الي انا دارسه وممكن انتِ توضحين لي الصح اذا كنت على خطا ^^"

اقتباس:

---

والصراحة الي اشوفه انه الخضروات كافية بنسبة لنا وصحية أكثر ..

وبعدين منو قال لك انها ماتكفي بالعكس واصلاً في معوضات كبيرة عن اللحوم ..

وحتى انه اكو نوع من النبات المجفف يعطي نفس طعم اللحم ^^

---

صح بس انا ماقلت ماكفينا , قلت انها ماتكفي غريزتي في الاكل , يعني لو ماكل اي نوع من اللحوم في وجبه ماحس اني كليت شي XD
وعندي انا اكل عشان املي بطني مو عشان اغذي نفسي صراحتا , لذالك ماعتقد اني اتخلى عن اللحوم XD
وشو هو هاي النبات المجفف , ابي اجربه XD

اقتباس:

---

على العموم ترى الي فكرت فيه يبقى قرار شخصي مب أكثر ..

يعني حاسه انه محافظة على الصحة وكذلك الطبيعية وهذا يعطي جانب أخلاقي ..

ويمكن لأنه عندي شويه شعور من disgusting لفترة طويلة ^^"

تصدق بدأت احس اني متعقدة

---

هو صح قرارك شخصي بس حبيت اناقش وسوري اذا تدخلت في الي مايخصني ^^"
ومعاك حق في كل الي قلتيه وماعتقد غلط افتر اول انا نكون نباتين مافي مشكله , بس عني انا ماحس بالراحه في الاكل الا في الاكلات الثقيله + ماحس انه الطعام حلو الا اذا كان مو صحي 100% << غبي XD
ومثل ماقلت لك ان شاء الله الي فيه خير لك يصير , وكونك تقومين بشي عن قناعه مايخليك معقده ^^
وعلى خير نشوفك , مع السلامه ^_^

سراب

اقتباس:

---

انا بعد بتخرج بعد 6 سنوات ان شاء الله T_T
الله يوفقك

---

إن شالله ... بالتوفيق ... بس لحظة خل أضحك عليك إشوي XD << عشان أحس بالفرق :D

اقتباس:

---

اصدقين من كم يوم كان عندي المبلغ , جان ذكرتيني ارسله لك , بس خلاص راح عليك XD

---

الله يهديك ... جان عطيتني ياهم XD أنا مفلسه حدي.. قاعده عل حديده و بعد مؤجرة :09:

اقتباس:

---

بس الاسعاف اكيد لاء , خبرك ماكنت ادري 911 يسحب من الكردت او مجان , بس على كل حال كان فيها تخسير جارج فمستحيل كنت اتصل XD

---

صح صح ما يستهل الموضوع تدفع

[QUOTE]انا اعرف اسوي بيتزا , من زمان , تعرفين انتِ مطعمكم ثمانيه ثمانيه ثمانيتي عقبه بعدها خمستين ( لتل سيزر ) هو متعلم مني صنع البيتزا ^^
المهم شنو المقادير XD[/QUOTE]
هذا المطعم يمكن طلبنا منه مرتين و لا ثلاث ... أقول ليش أكله مو حلو طلع لأنك معلمهم >.>

لووول ... أوكي بما أنك ريال و طالب مازلت في بداية الطريق و جدامك 6 سنين بتدرس و بغربة و... المهم برأف بحالك و أعلمك أسهل نوع :silly: ...

اشتر خبزه أسمها بريوش ، جبن كلاسات ( ما أدري شنو تسمونه أقصد نفس كرافت ) صلصة البتزا ، زيتون شرايح ، مشروم شرايح ، بيبروني و جبنة موزاريلا
حط المكونا السابقة على الخبزة (إبدا من اليمين إلي اليسار ) ، حطها بالفرن لمده خمس إلى سبع دقايق و بعدها بالهنا و الشفاء :D

اقتباس:

---

غسل الصحون بعد 4 ايام XD

---

@.@ ، عادي ؟ ما تتعب نفسياً لما تشوف شي مو مترتب؟>_>

اقتباس:

---

انا دوامي احسن من 8 الى 11 وعشر , هيهيهيهيهي XD

---

أكره محاضرات الثمان >.< ما أحبها كلش أنا عادي عندي يكون جدولي من 11 إلى ما له نهاية بس مو من الثمان >_>

اقتباس:

---

شرايكم بالوزيرة معصومة المبارك XD?

---

أنا ما احب السياسه و لا شي يتعلق فيه

اقتباس:

---

أنا مع معارضين حقوق المرأة

---

أنا أحس مالها داعي :silly: لكن حتى نمشي مع باقي الدول ...

سراب

وااااااااااااو سراب شيف O_O
معلومة يديدة علي :33: <<<< انكت ترى كنت عارفها كنت مشغول في الكلية بس :09:
اخيرا لقيت وقت لسراب سان :D
ولأن وقت رد على التعليقاته الرائعة :biggthump

اقتباس:

---

السلام عليكم ورحمه الله ~^^
من زمان ماشفتكم XD
مبارك عليكم الشهر وكل سنه وانتوا طيبين ^^
اليوم بحكي لكم اول ايام رمضان عندنا ~
طبعا بما اني في الاردن حاليا فكان اول ايام رمضان عندنا هو يوم الامس الموافق 1 رمضان XD
ولانه الكل مشتاق لفطور البحرين وتحت شعار التوفير قمت انا سراب وقلت لجميع اصحابي ( مجرد 2 XD ) انه الفطور علي انا , وبنائا على كلمتي اول مارجعت من الجامعه امس ذهبت الي ملتقى الصفوه للنت في شارع الهاشمي ~

---

بما انه كأن اول رمضان لك
كيف كان الجو في اردن :33:
وشي ثاني ليش رحت ملتقى الصفوة :ponder:
لو كنت بمكانك كنت بحوش البيزات على لاكل والشرب :09:

اقتباس:

---

قعدت اسولف في الماسنجر واهلوس من الصيام الى ان دقت الساعه ال 3 بتوقيت السعوديه والبحرين والاردن XD
ثم ذهبت الى اسواق زمزم العالميه لشراء الحليب + سائل الليمون + الايسكريم + ماجي ~
بعد ماشريتهم وكلفوني 6 دينار T_T
ذهبت الى شقتي وفي الطريق تذكرت انه ينقصني صحن + اشواك فذهبت للمحل الي بالقرب من السكن وماقصر عطاني اياهم باالمجان :D
بعد ذالك سئلته عن مكان لبيع الخضار وطلع بالقرب من شقتي في مكان لكني مالاحظته ~
فذهبت اليه وشتريت كيلو طماطم + جزر + فلفل بارد ~
وكلفني دينار الا ربع T_T

---

ياسلام طباخ من حق وحقيقي :28:

اقتباس:

---

بعد ذالك انطلقت الي شقتي وبدئت بغسل وتقطيع الخضار والامور هاي ثم اشعلت النار ووضعت الجدر عليها حيث ملئت ثلثيه ماء واليكم الصوره ~

---

يسلام الصور رائعة تشهي الواحد للأكل مرة ثانية :32:

اقتباس:

---

بعد ذالك اعددت السويت والي كان ملك شيك باسكن اند روبنز - طبعا باسكن مقلديني XD - واليكم صورته ~
[IMG]http://www.pha**********ter.com/images/Image(005).jpg[/IMG]

---

اقول هذا الشراب يبيعونه في لأمارات
وبكم بعد :33:

اقتباس:

---

بعدها انتهى يوم حافل بوجبه بدون طعم ^^

---

شي مؤسف يوم من يوميات الشيف سراب تنتهي :ponder:
وشي اخير :33:
ماتنسى تصور المحل والجامعة وبعض المناطق اردن
ترى من كثر ماسمعنا عن اردن حبينا نشوفها :D

اقتباس:

---

النهايه XD

---

انزين كان بامكانك تقول انتهى او game over
يعني لازم النهاية <_<

كلير :09:

اقتباس:

---

راح أتخرج كورس أول TT________TT << راح أظل أحن لما أتخرج إن شاء الله XD

قعدوا ادعوا لي عشان تاخذون أجر :09:

---

وااااااااو كلير مبروك
ترى كنت اتحرى تدرسين في مدرسة
بس يلا عقباليك تتخرجين من الكلية :bigok:
للاسف بعدني في الكلية بعد :blackeye:
ترى مخلص كورسين ونص بس لحد الحين :09:

دكتور جوست

اقتباس:

---

http://uae4up.com/uploads/e5dd323b5c.jpg

---

مايكون الي شفته هذاك اليوم :33:

ساتان

اقتباس:

---

السلام عليكم ..

كل رمضان وانتم بألف خير وصحه وعافيه .. ^^

---

رمضان كريم ساتان ^_^

عيناوي

اقتباس:

---

فتحــــــــــــــــوا youtube

---

خبر مفرح عيناوي :biggthump
تسلم عليه

yuna

اقتباس:

---

السلام عليكم ..

شحالكم ؟

أول شىء سجلوني من الي ردو للمنتدى والي أول مرة يشاركون في الموضوع ..

أدري اني اترك و أرد بالشهر مئة مرة بس والله محتاسة ^^"

---

وعليكم السلام ورحمة الله وبركاته
الحمدالله اشحاليج يونا
وينيك عنا :ponder:
كيف امريكا :D <<<< ترى الولد قراء من الدولة :09:

اقتباس:

---

حتى انه اليوم فتحت الفوتوشوب وصممت أشياء تخروع من القهر

---

مستحيل تواقيعيك وايدة حلوة ليش تقولين بحاليج جي :bigeyes:
اذا تقولين تواقيعيك تخرع فما بال مالتي ,_,

اقتباس:

---

وثاني شىء باركوا لي قررت انه اتحول الى آكلة خضروات مدى الحياة وللأبد لعدة أسباب واكتشافات سرية قرأتها مؤخراً ..

وممكن لأني احس بالشفقة على الحيوانات ترى لها أحقية بالحياة ^^"

---

طيب شو السبب التغير المفاجئ :ponder:
يلا ان شاء الله تتوفقين في قراريك ^_^

سراب

اقتباس:

---

للاسف انا ماعرف السبب ايضا ولو انه الكل تثير شفقته على طلبه سنه اولى XD

---

ماتفشلنا جي ياشيف --_--

هيمي ساما

اقتباس:

---

ههههههههههههههههههههههههXD
حسبيااا الله علييكم حراام عليييكم شمسويين فيه XD?

---

هيمي لو تشوفين اميدا شكله يومها :28:

fuuchan

اقتباس:

---

سلاااااااااااااااام

قوه شلونكم شخباركم.....

---

وعليكم السلام
اشحاليج فيو جان ^_^
عساج بخير ^_^

سنيك

اقتباس:

---

شباب
عندي سؤال جريئ أطرحه لكم

---

عسا مايكون عليه علامات <_< <<<<< ترى الولد متأثر من الدراسة -_-

اقتباس:

---

- شرايكم بالوزيرة معصومة المبارك XD?
أول وزيرة بالكويت XD

---

مبروك عليكم :D
بس اظن لامارات سبقتكم في هذا الشي :09:

سراب

اقتباس:

---

ليش لازم اكون حافظه XD ?
هو انا مره نسيت الباس فطلبت استعادتها من المنتدى فارسل على ايميلي الباس اليديد ومن يومها وانا ماغيرته وماحفظت الرقم XD
ولاء ابي سرعه ال dsl 2000 مو بس 1000 XD
<< طماع p=

---

ترى دائما انت جي سراب تطمع ولا تشبع <_<

اقتباس:

---

المشاركة الأصلية كتبت بواسطة DMC

كلير :09:

وااااااااو كلير مبروك
ترى كنت اتحرى تدرسين في مدرسة
بس يلا عقباليك تتخرجين من الكلية :bigok:
للاسف بعدني في الكلية بعد :blackeye:
ترى مخلص كورسين ونص بس لحد الحين :09:

---

تبي أقوم أذبحك إلحين ؟ (6) ... بروحي لايعة جبدي و اتقولي في مدرسة ... لو كنت أمامي لذبحتك >_> ... الصغار إلي للحينهم في بداية الطريق لا يتكلمون أحسن لهم :28: << تبي تحس أنها خريجه غصب :p

لا تقول كلير ...T_T بديت أشتاق لهذا الأسم

هلا هلا دموووووس صديقي كيف حالك ؟؟؟

عن التوقيع يا اخي شو اسوي هذا اللي لقيته في الجمعية و بعد انا ما اشتريته انا ربحته مع كرتون شبس ...^^"

اقتباس:

---

مبروك عليكم :D
بس اظن لامارات سبقتكم في هذا الشي :09:

---

على شنو يا حظي XD ؟
من زماان حاطينها
الجديد بالسالفة كان التصويت للنساء والترشيح للنساء أيضا
ولكن الإنتخابات الفائتة كانت مصخرة وتضحك جداجداجدا XD
تخيل تدخل عجوز تصوت ولما تطلع من باب التصويت تقول : ( وين فلوسنا ؟؟ صوتنا يالله) --- > (أشكرااااااااا رشاااااوي) XD
لااا وبالمقرات الإنتخابية يوزعون على الحريم جناط ماركات عالمية غالية بس يرحم أمج تعالي صوتي XD
وتذاكر سفر انت وأهلك وقبيلتك بس تعالو صوتوا ^^ .
لا وفي مرشح الله يستر عليه حاط صورة ياهال وااايد (صورة جماعية ) وكاتب : انقذوا جيل المستقبل .
لوووووول تقول الحين رشاشات فوق روسهم ومهددينهم XD
صج لي قالو : (يسوي من الحبة كبة) XD
والثاني يقول : (عائدون بإذن الله ) ---- > اصواته تعدهم على الاصابع XD

أما المرشح الحفيتي سالفته سالفة فهو ريال يدور الشهرة وناهيته كانت ببرنامج (صادوه 4) وهذا يثبت بإنه انسان (خبل XD)



بس أكثر شي ضحكني بالانتخابات الي طافت شيئين
الأول - جمييع المرشات كانت أعمارهم 45 + XD وأشكال بعضهم تقول داشين ستار آكاديمي
الثاني - أول مرة المرأة تدخل الإنتخابات ... وأيضا ولا مرأة فازت بالإنتخابات XD
لوووووووووووووووووووووول


نرجع لمحور الوزيرة ^^
أول شي حطوها وزيرة التخطيط
جان يلغون الوزارة بأكملها XD
بعدين حطوها بالمواصلات (تلفونات)
أنا بعرف أهي مو كانت بالتخطيييط؟ شكوووو ودوها المواصلااات ؟ بتاع كله يعني ؟
لا كانت جارة عمي قبل بمنطقة صباح السالم XD
(منطقة يكثر فيها ناس مثل : http://uae4up.com/uploads/e5dd323b5c.jpg) XD

والحين وزيرة ؟
المشكلة أني محتاج لها أكثر واحد بالكويت
لأنه منطقتنا ما فيها خطوووط وعلى كلامها انه قربت الخطوط (من سنة 2000 ويقولون الشهر الياي)
بس هالمرة صج وإن شاء الله الشهر الياي قولو آمين يحطون لي خط ^^ ولكن مو أي خط
اللـــــــــــــه ... ما احتاج DSL ولا شي .. بيحطون لنا كيــــــــــــــــــــبل :)
قولو ماشاء الله
اول ناس بالشرق الأوسط والشبكة جديدة يقولون الأولى عالميا (قولو ماشاء الله مالي خلق تتأخر زيادة T_T)
ما أدري صج كلامهم وإلا جذب المهم إنه انا ريال أبي أنترنت XD

الظاهر بشتري هارد دسك جديد علشان كمبيوتري راح يفول من كثر الداون لووود XD

اقتباس:

---

عن التوقيع يا اخي شو اسوي هذا اللي لقيته في الجمعية و بعد انا ما اشتريته انا ربحته مع كرتون شبس ...^^"

---

لووووووووووووووووووول
ربحته والله ؟ أنا طلعلي هذا مرة
http://www.ukgameshows.com/atoz/prog...eep/sweep3.jpg


تصبحون على خير ^^"