3DS .. إِلى أيـن يآ Nintendo ? .. ( مرآجعة شآملة )

السـلآم عليكم ورحمة الله وبركآته ,,

قبل ما أخش عرض .. وانبرش بالكلام .. واخرشكم .. اشتقت لكم .. اي والله اشتقت زمآن لأيآم الكتآبة واخرآج مافي الذآت وهرجة وكلام كثير .. يعني باختصآر .. لكم وحشه :02: .. لاعاد أحد يقطعنا كذآ . ترآ مالكم دآعي .. يالله نمشيها لكم هالمرة .. عمومآ .. بما اني انقطعت عن هالمنتدى .. مو معناته اني انقطعت عن الفيديو جيمز .. لكن قل اهتمآمي بها بشكل كبير .. وماعاد يعجبني .. الا الشئ النآدر .. وقليل مايجذبني من الألعآب .. مدري هل هو من المصمممين .. صآروا سيئين .. ولا انا ذوقي صآر صعب ؟ .. اخر ماعجبني في هالفترة .. MGS Peace Walker .. من زمان ماخشيت جو مع لعبة زي كذآ .. وسحرتني من أول لحظه .. للحظه هذي الي العبها حآليآ .. واشتريت Galaxy 2 .. بس للحين بغلافهآ .. بلعبها بعد هالموضوع .. بسم الله نبدأ :




http://www.nintendo.com/images/3ds/home/3ds_logo.png

تاريخ الإصدآر : 27 مآرش
السعر : 940 ريآل تقريبآ > المفروض يكون كذآ

وبس البآقي بالتقرير .. :أفكر:



عالم الألعاب .. فيه ازمآت .. وشركآت تقفل .. وفرق .. رآحت .. وانتقل العالم للجيل الجديد .. وشفنا أشيآء ابهرتنا .. واسآمي كبيرة .. طاحت بسمعتها .. لأنها لم تعد بنكهتها المميزة .. لكي تجذب نوع واحد من اللآعبين ..تعودنا .. لأنها صدمة ورآء صدمة .. نآدر ماتعجبنا الألعآب .. أي لاعب مستجد .. رآح يقول لا بالعكس .. مثلاً .. فآينل فانتسي 13 .. هي الأفضل في السلسلة .. مثلاً .. رزدنت ايفل .. لعبة رعب من المستوى الأول .. لأن هذآ الي سعت له الشركآت .. خلاص تبي توجهها يروح لشئ يعجب جميع الأذوآق .. ويمشي سوقها .. ليش تسوي شئ معقد وتتعب عليه .. وكله فن من أوله لأخره .. وفي الأخير مايشتري اللعبة .. الا المخضرمين .. ؟ .. وهم أقل من المستجدين أكيد ..


عمومآ .. الجيل الجديد .. انتقلت له الأجهزة المنزلية .. PS3 .. والإكس .. wii .. لكن الأجهزة المحمولة .. بقيت كما هي ... ليه ؟ ..>> انا ماأسألكم :09: .. بس يعني اسأل الشركآت .. ( سوني + نينتدو ) .. ومايكروسوفت إذا ودها تخش هالمجآل ولا تزعل .. فجأه .. وانا اتصفح النت .. طبعآ .. شئ مو جديد .. شئ اكيد ان الاجهزة المحمولة بيجي لها يوم تنتقل للجيل الجديد .. كانت نينتدو مبسوطه بآربآح ds الخيآليه بكل انواعه .. في اليابان الأجهزة والألعاب اليآبانية يمشي سوقها بالهبل .. المهم .. نينتدو اعلنت عن منتج جديد .. في محلات الفول !!! .. تروح لأي افغآني .. تقول عندكم عدس نينتدو ؟ .. يقول جآي تضحك علي انت ؟ .. تقول ليه .. يقول لك .. هذآ نوع من انواع الشكشوكه يانصآب .. :31:.. وتحتار فيه .. احم .. >> انا وشفيني ؟ ..


اعلنت عن جهازها الجديد .. 3DS .. الأسم مميز .. كثير مميز .. لأنه يوفي بميزة الجهآز مع اسمه الجديد .. كيف ؟ .. الجهآز ميزته الرئيسيه .. الثري دي .. لأنه يدعم هالشي بدون نظارات !؟ .. :bigeyes: .. وبنفس الوقت .. مافقدت اسمها الدي اس لازال في العنوان .. كم انت ذكية يانينتدو ! .. الجهآز يآتي بلونين الى الان اعلنوا عنها .. وغلطانين بصرآحه .. لو كان فيه لون أحمر .. كأن احسن بكثير .. لأن الأحمر والأسود .. قآتلة .. عالعموم أكيد بتجي الوان كثير .. بس انا اقصد وقت الاطلاق الي هو .. 27 March ..



http://www.nintendo.com/images/3ds/h...ware_black.png http://www.nintendo.com/images/3ds/h...dware_blue.png


زي ماتشوفون .. هذي اللونين الي يجي بهآ الجهآز .. اعجبني الأسود أكثر من الأزرق .. لأنه يكمل انآقة الجهآز .. وجهآز زي هذآ .. يا أنك تآخذه بآناقة .. لا لاتآخذه .. بس النآس اذواق ..>>:ponder: .. وفيه نآس يحبون اللون الأزرق والأسود .. يمكن انا ذوقي منحرف .. مايحب هاللونين .. عالعموم .. هذآ الشكل العام للجهآز .. وراح نفصلة بالتفصيل الممل .. انا دآري اسلوبي مايصلح رسمي. . بس مايهم .. بقدر مااهتم اخلي القآرء يقرء وينبسط .. ويبتسم كل شوي .. :biggthump


سعر الجهآز .. 940 ريآل تقريبآ .. بالنسبة لي السعر حلو .. ماشوفه مره مرتفع .. :33: ..



http://www.nintendo.com/images/3ds/h...mages/img1.png

الحين بنبدء تفصيل الجهآز .. كل حتى فيه .. هذآ هو جهآز النينتدو الجديد ..

مميزات الجهآز الخآرجية

http://www.nintendo.com/images/3ds/h.../3d_screen.jpg
3D Screen

شآشة تدعم الـ3D بدون نظآرات ولا شئ !! .. هذا هو الأسآس الي صمم عليه جهاز نينتدو الجديد .. الثري دي .. شآشة اعرض من السفلية .. واكبر .. لكي تعطي مجآل اكبر لرؤية التقنية بشكل أصح .



http://www.nintendo.com/images/3ds/h.../3d_slider.jpg
3D Depth Slider

زر جانبي لتفعيل خاصية ال3D .. لأنك احيآنا ماتحتاجها .. واظن لتوفير البطآرية احيآنا .. واعتقد بعد .. مو كل الألعاب تستغل الخاصية ذي .. يمكن البعض ماتستغلها صح ..


هذي هي أسآسيآت الجهآز بشكل عآم .. والفكرة الأسآسية في ابتكآر الجهآز الي هي الثري دي .. الحين بنشرح التفآصيل البآقية .. : -

http://www.nintendo.com/images/3ds/h..._gyroscope.jpg
motion sensor and gyro sensor

خاصية استشعار الحركة .. نفس الخآصية الي موجودة في كنترول الPS3 .. مع ميلان الجهآز يميل معك الوضع .. لكل الاتجآهات الأمام .. والزوايا كلها .. تستغلها الألعاب حسب ماتبغى .. وعلى مايقولون .. " كلآ وفنه ! " .. حلوة خاصية الاستشعار تفيد كثير .


http://www.nintendo.com/images/3ds/h...ion_screen.jpg
Two Screens

شآشتين للعب , التغيير الي حصل .. اللعب صآر في الشآشة العلوية .. يكفي ان الجهآز هو الأفضل في الجرآفيكس بآجهزة نينتدو المحمولة حتى الآن !
الشآشة العلوية .. هي الأعرض والأكبر .. ابعآدها 800x240 بكسل .. الجرآفكس يظهر بشكل افضل .. 400 بكسل لكل عين .. لتصوير الثري دي امام العين المجردة ..
الشآشة السفلية .. ابعآدها 320x240 بكسل .. LCD .. وغالبآ تستخدم للخيآرات وكذآ .. زي ماكنا نشوف في الدي اس القديم .



http://www.nintendo.com/images/3ds/h...circle-pad.jpg
Analog Control

الأنلوج هذآ مخصص للثري دي .. للتحكم فيه .. والتحكم بالزوآيا .. هذي فكرة نينتدو منه .. استخدآمه .. برضوا يعتمد على شركات الألعاب كيف تبي .. لكن لو نلاحظ .. الcontrol pad .. والأنلوج .. وخاصية الاستشعآر ! .. كلها تستخدم للحركة .. وتعدد الخيآرات .. نينتدو اهتمت بشركات الألعاب بشكل كبير .. :biggthump.


http://www.nintendo.com/images/3ds/h..._3d-camera.jpg
3D Camera

نظآم الثري دي في 3ds .. يستخدم كاميرتان لرؤية العالم ثلاثي ابعآد .. قريب من العين البشرية .. مع الامكان لتصوير صور وتصميمها بشكل ثلاثي ابعآد ! .. واعتقد فيديو بعد مع الوقت !



http://www.nintendo.com/images/3ds/h...000_stylus.jpg
Adjustable Stylus

القلم زي ماعتدنا .. موجود .. لخاصية اللمس .. بس الحين تقدر تتحكم بطوله .. لأريحية اليد .



http://www.nintendo.com/images/3ds/h...02_sd-card.jpg
2GB SD

ميموري سعتها 2 جيجا .. لتخزين الصور والفيديوات .. والمقاطع .. والاغاني .. مع العلم انك تقدر تحمل العاب من ستور الجهآز .. اي فيه العاب تنزل على الستور .. ;) الجهآز يدعم الـ mp3 > احلى شئ !


http://www.nintendo.com/images/3ds/s...streetpass.jpg
Street Pass

اذا كنت في احد الشوارع في المنطقة الوسطى او الغربية او الشرقية .. والشمآلية ولا يزعلون وبرضوا اهل الجنوب .. تمشي وحيدا .. وترآ في اخر الشآرع شخص .. او شخصة .. قآدمة بنفس طريقة .. وتطيح عينك بعين الشخص هذآ .. ويخزك وتخزه :blackeye: .. وتقول في نفسك والله ماسويت شئ .. ولما تمرون من جنب بعض .. وتسمع " طيط طيط طيط " .. لاتخآف .. ماحد يدق عليك .. ولا جآك برودكاست ولا شئ .. اعرف ان جهازك ال3ds إذا كان في وضع الsleep mode .. وجهاز الشخص الثاني نفس الكلام .. ان جهازك تعرف على جهآزة .. يعني اعرف ان عنده جهاز زيك .. وتقدرون تتبادلون ألعاب .. ^^ .. وتقدرون تلعبون ضد بعض ..




مميزآت الجهآز الدآخلية

http://www.nintendo.com/images/3ds/s...ht_content.png


نبدء بالـ
http://www.nintendo.com/images/3ds/s...homescreen.jpg

هالشي اعجبني كثير صرآحة .. لأنه ينقلك على طول للهوم بيج .. بس بنفس الوقت مايطلعك من اللعبة .. يعمل Pause للقيم .. متى ماودك ترجع للعب تكمل .. عآدي تقدر .. اعجبتني حيل هالخاصية .. واول مره اشوفها بجهآز .. بالعادة .. اغلب الأجهزة اذا تبي تروح للهوم بيج لازم خروج كامل من اللعبة .

تأزمت في لعبة ؟ .. ماعرفت وش تسوي .. Pause للعبة .. اختار Internet Browser .. وابحث عن الحل للعبة .. ولاتتأزم أبد :biggthump .



http://www.nintendo.com/images/3ds/s..._3DSCamera.jpg

ماقدر اقول شئ .. الا هل معقول اني اصور الصور .. واحولها ثلآثية أبعآد .. يعني أشوف ابعاد الصورة كاملة.. هالشئ رآح يبهرني من جد !


http://www.nintendo.com/images/3ds/s...5_MiiMaker.jpg

تعودنا مع أجهزة الجيل الجديد .. انه يكون لشخصيتك الخآصة والي تظهر للجميع شكل معين .. وهنا تقدر تصمم شكل شخصيتك المعين في الأونلاين .. والي يظهر لكل اصدقآءك في اللستة .. بس الحلو انك تقدر تصور خشتك .. وتصمم على نفس شكلك .. قريب منك يعني .


http://www.nintendo.com/images/3ds/s...n_miiplaza.jpg

هذآ المكآن الي يلتقون في اللآعبين اونلاين .. او لما يتحدون بعض .. زي الهوم حق البلاي3 .. نفس السآلفة تقريبآ .. نينتدو حاولت ماتهمل هالنقطة .. عشآن هي احد النقآط الأسآسية في اجهزة الجيل الجديد , وبالأصح هذآ مكان تبآدل المعلومات .. تشوف انجازات اللاعبين .. وش سوا وش ماسوا .


http://www.nintendo.com/images/3ds/s...04_ARGames.jpg

تلوموني يوم رجعت اكتب عشآن خاطر هالجهآز .. نينتدو لك احلى تحية مني .. فيه قطعة تجي مع الجهآز AR .. تخيل انك تلعب في العالم الحقيقي .. اوك جالس على مكتب غرفتك .. وتبغى تتخيل البيئة حقت مكتبك خلفية لعبة .. اوك مو مشكلة .. ثبت القطعة بأي مكان .. وخل الكآميرا حقت 3DS تتعرف عليه .. وراح تصور لك عالم من الألعاب هناك .. اكيد في خيارات محددة .. بس والله عجب !



http://www.nintendo.com/images/3ds/s...aceRaiders.jpg

صور وجه أي احد .. ويفضل انه مايكون وجهك .. تقدر تلعب العاب مع الوجه نفسه .. مثل انك تصيده .. او تصيبه .. او تضربه .. وتسوي فيه الي تبي .. شئ ممتع بشكل خفيف .


http://www.nintendo.com/images/3ds/s...ctivityLog.jpg

خلونا نقول .. المذكرآت حقتك .. تكتب فيها أي شئ .. كم لعبت في الجهاز كم ساعة .. وكل لعبة كم ساعة .. وكم خطوة مشيت في اليوم .. وحالتك الجسديه .. والمزيد


http://www.nintendo.com/images/3ds/s...assicGames.jpg

هنا تقدر تحمل الألعاب الكلاسيك القديم .. العاب الجيم بوي .. والآدفآنس .. خآصية حلوة .


http://www.nintendo.com/images/3ds/s...et-Browser.jpg

متصفح الأنترنت .. آخيرآ يانينتدو .. هذآ شئ من أهم الأشيآء .
- معلومة .. الأبديت والتحديثات للجهآز .. تتم من هنا .


http://www.nintendo.com/images/3ds/s...6_3dsSound.jpg

مكان استماع الموسيقى .. وتتحكم فيها .. واكيد تنزل برآمج مع الوقت .. للتعديل على المقآطع على رآحتك .

ألعآب الجهآز
http://www.nintendo.com/images/3ds/g...ture_right.png

هنا بنستعرض بعض العآب الجهآز .. طبعا الجهآز لقى دعم قوي من شركات الطرف الثآلث .. لأنه التقنية الجديدة الي قدمها الثري دي .. بتشكل تحدي كبير للمطورين .. وزي ماشفنا اول ماعلنوا على الجهآز .. مين الي اعلن العآبه عليه . كبآر المطورين .. كابكوم .. سكوير .. والعديد من الشركآت .. أكيد .. لأنها تقنية جديدة .. والأحلى من كذآ .. انهم اول مره يستخدمونها .. لذلك بنشوف الإبدآع وبنشوف مين يستغل هالمجال بشكل مميز .. احب هايدو كوجيما في هالوقت .. لأنه دايم الأدهى بأفكآره .. ويخلينا نتعجب من كل شئ بألعآبه :biggthump ..

بعض الألعآب ..

Pilotwings Resort
http://www.nintendo.com/images/3ds/g...pilotwings.jpg



Super Street Fighter® IV 3D Edition
http://www.nintendo.com/images/3ds/g...ames_ssfiv.jpg



nintendogs™ + cats
http://www.nintendo.com/images/3ds/g...nintendogs.jpg



Steel Diver™
http://www.nintendo.com/images/3ds/g...steeldiver.jpg




Asphalt™3D
http://www.nintendo.com/images/3ds/g..._asphalt3d.jpg




LEGO® Star Wars® III: The Clone Wars
http://www.nintendo.com/images/3ds/g...gostarwars.jpg





Kid Icarus™: Uprising
http://www.nintendo.com/images/3ds/g...008_icarus.jpg




The Legend of Zelda™: Ocarina of Time™ 3D * معليش بس كلام كبير!
http://www.nintendo.com/images/3ds/g...0003_zelda.jpg




Dead or Alive® Dimensions
http://www.nintendo.com/images/3ds/g...eadoralive.jpg





Pro Evolution Soccer 2011 3D
http://www.nintendo.com/images/3ds/g...pro_soccer.jpg




RIDGE RACER® 3D
http://www.nintendo.com/images/3ds/g...ridgeracer.jpg





RESIDENT EVIL®: THE MERCENARIES 3D
http://www.nintendo.com/images/3ds/g...esevilmerc.jpg





BUST-A-MOVE™ UNIVERSE
http://www.nintendo.com/images/3ds/g..._bustamove.jpg




Super Monkey Ball™ 3D
http://www.nintendo.com/images/3ds/g...monkeyball.jpg




...........
للأمانة .. خلاص تعبت .. عطيتكم وجه :blackeye: < امزح .. احسكم بتعصبون علي .. تمونون على قلبي والله .. حبآيب قلبي كل اعضآء المنتدى .. فدوة لهم كل حرف بالموضوع .. وحقوق الطبع محفوظه حتى مماتي :02: .. امزح يآرجآل .. كل حرف انكتب في الموضوع كتآبة شخصية .. وجهد خآص .. يعني الي يبي يشيله .. يقول لي .. وفدآ رآسة .. صرآحة الجهآز ابهرني كثير .. عشآن كذآ .. انا كتبت عنه .. ماقدرت اخبي مدآ اعجآبي بهالجهآز .. اخ بس متى يطيح بيدي .. بغيت اسوي له بري اوردر من زود الحماس .. بس فكرت .. قلت يمكن يسوون منه لون أحمر غآمق .. وانقهر سآعتها .. لذلك تمهلت .. حتى لو اصبر شهر من الإصدآر .. منها الألعاب تكون أصدرت المهمه .. ومنها يجي على ذوقي .. وما تعب معه بعدين .. نينتدو .. كلمة حق .. تسلم أناملك على هالجهآز .. الي خلاني اجي هنا واكتب .. لأنه مب أي شئ اكتب له .. باختصآر ماهو اي شئ يستآهل .. فيه شئ ثآني يمكن اكتب له .. الي هو MGS Peace walker .. حصلت على اعجآبي هاللعبة .. ويمكن اكتب عنها ..


الموضوع أخذ مني من السآعة 7 وانا اكتب تقريبآ .. واتصفح .. واسولف مع الي عندي .. يعني يمكن ككل .. ساعتين ونص .. واتمنى ان كل من يقرء الموضوع .. ينبسط وهو يقرء .. ويعجبه مزحي .. ومايحسه ثقيل على قلبه .. ويآرب يتثبت ويدخل المميزه :cray: .. ( امزح :28: .. ) .. والله امزح :09: .. بس من باب المدآعبة .. وينك يآفلنطس .. مدري للحين حي .. اخبرك تحب بآب المداعبة كثير .. :blackeye:.. هذآ الي بخآطري واتمنى وصل لكم ..


محبكم .. عبدالله : )

موضوع روعة روعة روعة

تسلم ايديك
الجهاز شاريه بإذن الله شاريه
لكن عندي سوؤال الجرافيكس افضل من PSP الاول والا ؟

ويعطيك العافية

سلمت يمناك على الرد .. الجهآز .. شئ مميز .. لازم الكل يجربه .. انا حسيته .. زي البي اس بي تقريبآ .. في لعبة وحده .. الي هي رزدنت ايفل .. مدري .. هل هو وصل للجهاز او تعداه .. او اقل منه مستوى ..
بس اعتقد .. أنه نفس مستواة تقريبآ .. بس لما شفت عرض رزدنت .. ياخي جنيت .. الاطرآف ناعمة لدرجة الجنون ..

عليكم السلام ورحمة الله وبركاته

أخي العزيز تسلم أيدك ويسلم لنا دمك الخفيف أنا تحمست أكثر للجهاز من قرأت موضوعك سويت دعايه غير شكل لنتندوا XD

لاتعليق على اللون الأحمر Sxxxx

من جد جهاز أسطوري و أتوقع في المستقبل تظهر ميزات أكثر

على العموم شكرا على المعلومات وعلى الموضوع الجميل

اقتباس:

---

المشاركة الأصلية كتبت بواسطة biohazard x

عليكم السلام ورحمة الله وبركاته

أخي العزيز تسلم أيدك ويسلم لنا دمك الخفيف أنا تحمست أكثر للجهاز من قرأت موضوعك سويت دعايه غير شكل لنتندوا XD

لاتعليق على اللون الأحمر Sxxxx

من جد جهاز أسطوري و أتوقع في المستقبل تظهر ميزات أكثر

على العموم شكرا على المعلومات وعلى الموضوع الجميل

---

تحس اني سويت دعاية لهالشركة اللعينة :d >> :p ..

تسلم ياخوي .. وعلى طآري الشكر .. وصل وصل .. وللمعلومية .. عدم وجود الأيقونة .. معناته .. ان الإدآرة حجبت هالخاصية عني .. عشآن ماينفجر عدآد الشكر .. .. > احم زي مانت عارف يعني :p ..

:silly::silly:
موضوع ممتع والله
عجبتنى فقرة Street Pass هههههههههههه طيط طيط :silly:

بصراحة جهاز حلو جداااا وانا متابعة منذ e3 الماضى وعجبنى جدااا
خاصة ان فى العاب قوية راح تصدر بس مو الان
لسة محتاجة وقت مثل كينجدم هارتس و زيلدا ونينجا قايدن ومتيل جير
فلذلك راح اخذ الجهاز مع الربع الاخيرى من هذى السنة لما تنزل الالعاب

لعبة متيل جير بيس والكر جدااا رائعة انالعبت بيها ساعتين بس
وبعدها اخذتنى كينجدم هارتس بيرث باى سليب راح ارجع العبها قريب
عروض العبة مميزة مثل متيل جير بورتبل اوبس

اسلوبك رائع اخى شكراا لك على الموضوع الرائع

موضوع ممتع ورائع وجهاز 3ds انتظره بفارغ الصبر

الله يعطيك العافيه

اقتباس:

---

المشاركة الأصلية كتبت بواسطة jinabil

:silly::silly:
موضوع ممتع والله
عجبتنى فقرة Street Pass هههههههههههه طيط طيط :silly:

بصراحة جهاز حلو جداااا وانا متابعة منذ e3 الماضى وعجبنى جدااا
خاصة ان فى العاب قوية راح تصدر بس مو الان
لسة محتاجة وقت مثل كينجدم هارتس و زيلدا ونينجا قايدن ومتيل جير
فلذلك راح اخذ الجهاز مع الربع الاخيرى من هذى السنة لما تنزل الالعاب

لعبة متيل جير بيس والكر جدااا رائعة انالعبت بيها ساعتين بس
وبعدها اخذتنى كينجدم هارتس بيرث باى سليب راح ارجع العبها قريب
عروض العبة مميزة مثل متيل جير بورتبل اوبس

اسلوبك رائع اخى شكراا لك على الموضوع الرائع

---

طيط طيط .. ههههههههههه .. الله يرجك .. الجهآز ملكي .. كل شئ فيه اعجبني .. ودآري الألعاب والعناوين القوية .. رزدنت .. مجس .. كنجدوم .. يبيلها فترة ..

كلك ذوق ^^

اقتباس:

---

موضوع ممتع ورائع وجهاز 3ds انتظره بفارغ الصبر

الله يعطيك العافيه

---

يعافيك ويخليك .. حتى انا معك انتظره ..

تم تثبيت الموضوع
راح يكون هو الموضوع الرسمي للجهاز للاستفسار
موضوع اكثر من ممتاز يعطيك الف عافية علي المجهود
ماشاء الله موضوع يمتلئ بالمعلومات عن الجهاز يحتاجها كل من يفكر في شراء الجهاز

هلا والله .. اليوم دخلت ادور الموضوع تحت المواضيع المثبته ودخت .. عقب اشيك المواضيع المثبته .. وشفته فيها .. هههه .. جآني شعور حلو .. من زمان ماكتبت .. ماتوقعت اني اقدر اوصل المعلومات بالشكل الكافي ..
تسلم والله

أحلى شي هالموضوع بيتم للتاريخ و دايماً بنرجع له :)
كفييت ووفيت ماشاء لله عليك
تصلح تسوي دعاياات :b

tnnxxx

الله يعطيك عافية على الموضوع

ما شاء الله موضوع مرتب و يشتمل على جميع مميزات الجهاز

بالتوفيق

موضوعك ذكرني بالزمن الجميل للمنتدى وحسسني أن المنتدى ما زال بخير ( نفسه يضرب كم شخص في باله على كلامهم عن وضع المنتدى الحالي )
يستاهل التثبيت :)

ماشاء الله لا قوة إلابالله
ياولد أنت سحرة عيني بهذا الجهاز المبدع وبإسلوبك وطرحك وتفصيله الراقي
عني أنا شاريه شاريه شاريه ،، أما بالنسبة للون فاللون الأسود بالنسبة لي هو الأفضل
وفي النهاية أنت أبدعت ولنتا منا جزيل الشكر والدعاء

اقتباس:

---

حلى شي هالموضوع بيتم للتاريخ و دايماً بنرجع له
كفييت ووفيت ماشاء لله عليك
تصلح تسوي دعاياات :b

---

يآرجآل لاتكبر رآسي .. هو خلقه كبير .. :p .. عسآ الموضوع ماينحرم من زيآرتكم المستمرة ..

اقتباس:

---

ه يعطيك عافية على الموضوع

ما شاء الله موضوع مرتب و يشتمل على جميع مميزات الجهاز

بالتوفيق

---

ولو .. ماعملنا شئ خيووو ..

اقتباس:

---

موضوعك ذكرني بالزمن الجميل للمنتدى وحسسني أن المنتدى ما زال بخير ( نفسه يضرب كم شخص في باله على كلامهم عن وضع المنتدى الحالي )
يستاهل التثبيت

---

اسمع .. سجل لي اسآمي الي تكلمو في ورقه .. وانا اتعآمل معاهم .. واذا فيه احد انت حاقد عليه .. ضع بجانبه علامة حمرآ .. :d ..
لا اانا كذآ كل مابين فترة وفترة .. ارجع واكتب لي كم حاجه واشد الرحآل ..

اقتباس:

---

ماشاء الله لا قوة إلابالله
ياولد أنت سحرة عيني بهذا الجهاز المبدع وبإسلوبك وطرحك وتفصيله الراقي
عني أنا شاريه شاريه شاريه ،، أما بالنسبة للون فاللون الأسود بالنسبة لي هو الأفضل
وفي النهاية أنت أبدعت ولنتا منا جزيل الشكر والدعاء

---

ياووووووووواد .. ترآ احرجت ابو شكلي .. :s .. خلاص طيب .. لا عاد تمدح ترآ اصدق .. واصير اكتب واجد ..

تسلم والله ماسوينا شئ .. اقل من حق المنتدى بكثيررر ..

الموضوع مو فقط يستحق التثبيت يبغى له بنر كمان في القسم و على واجهة المنتدى عند قسم الألعاب لأن هذه فترة الـ 3DS :fing02: .. لي عودة للموضوع اكيد القيت عليه نظره سريعة لأني مضطر اترك المنتدى الحين لكن جد رجعني لفترة قديمة حلوه للمواضيع في المنتدى .. يعطيك العافية KF ابدعت ^_^

اه ... Kingdom Fantasy هو انت لحد الآن حي (@) ؟

^
تصدق أنها فكرة
ما أذكر أني سويت بنر لموضوع في المنتدى :P

قررتو أي لون راح تاخذون ؟؟ ولا مو هامكم ؟ :09:


http://www.nintendoeverything.com/wp...unboxing-6.jpg

بالنسبه لي
الاكوا بلووو محمسسسسني للجهاز بشكل فضييع :bigeyes: توفقو ننتيندو بأختيارهم للون
جنه أيس كرييم :d
مضطر اني اخذه لانه بين الاصدار

2 purple =(

http://www.nintendo3dsinfo.com/wp-co...lor-purple.jpg


هو لوني المفضل
تدرون انه بالسابق كان يعتبر لون للملوك والطبقه المخمليه من الناس :09: << معلومه بايخه :ponder:

خاااطري فيه مادري انتظره ولا لا :cray:
تداخل الالوان فيه فننن:32:


3 برتقالي

http://www.nintendo3dsinfo.com/wp-co...lor-orange.jpg

هاللووون كريييييييه مادري من بياخذه لو نزل :silly:
احس جنه مريض :blackeye:



احمر

http://farm5.static.flickr.com/4031/...888f2f42_z.jpg

اممممممم لاتعليق :28:


واخيراً الاسوود

http://blog.laptopmag.com/wpress/wp-...DS-Front01.jpg

زهقت من هاللون ( iphone 4 , bb ,dsi , ds light , 360 , ps3 gamecube )
seriously احس عنده مشكله نفسيه الي مايستغني عن هاللون بس بديت انوع اللحين واحب الحياة اكثر :biggthump


أي لوون عاجبكم وخاطركم فيه اكثر ؟؟

شكله ما في امل ينزل اللون الابيض

يمكن اخذ الاحمر او انتظر شوي احتمال ينزلون لون ابيض

موضوع شامل عن الجهاز ويستحق بانر للقسم ..

اجزيت حسناً :)


----------------

شباب من كم يوم حصلت الجهاز في المحل فقط اللون الازرق ...

مع شريط كورة فقط ، ماعنده حتى على الاقل ستريت فايتر ..

قالي السعر وانصدمت 0_o

1500 درهم

قلته شو فرقت عن الاكس بوكس و السوني3 ؟؟!

الصراحه سعرها نار ...الله يتسر يوم تنزل النسخة الامريكيه


بخصوص اللون افكر اخذ اذا حصلت العيناوي والاسود ...

اها طلعت عيناوي .....

صراحة 1500 ارخص لاني قبل اسبوعين رحت لمحل وسألته عن الجهاز قاي ان كان عنده حبتين وباعهم بـ 2240 درهم

على كل حال ان شاء الله خلال اسبوعين الجهاز بينزل بنسخته الامريكية والاوروبي بـ 1200 درهم هذا على حسب
كلام صاحب المحل

اقتباس:

---

اها طلعت عيناوي .....

---

شفت عاد XD

بخصوص 2240 اشوفه احتكار عيني عينك ...تدري لو عرفت نيتندو بالموضوع راح تمشكله ؟ لانه راح يعطي انطباع عن الجهاز بانه غالي اكثر عن اللزوم ...الاساس كما قال اخوي سعر الجهاز بحدود 970

مع الشحن والضرايب يمكن يوصل 1200-1400

فأفضل لو ننتظر نسخة الامريكيه ، تراه الالعاب ريجن لووك ...يعني مستقبلا اللي شاري الياباني راح يتوهق هذا اذا ما نزلوا هاكر ..


مابقى شي عن الامريكي وينزل ..

European 3DS trailers

http://www.youtube.com/watch?feature...&v=50AR3y3eWkU

انا معزم اشتري الاوروبي لان الالعاب الامريكية واليابانية ممنوعة حتى لو اصلية بسبب الريجن

كنت مخطط اشتري الامريكي بس الحين بعد كلام صاحب المحل عن منع الالعاب الغير اوروربية كنسلت الفكرة

اصلا انا ما بشتري الجهاز حاليا انتظر تنزل عليه زيلدا وماريو كارت + اذا في امل ينزل لون ابيض ;)

^^ نفس الكلام اللي سمعته
...كنت اتمنى اخذ الامريكي بس شكلي باقتنع واخذ الاوروبي ):

^^

مافهمت سالفة الامريكي ؟؟!!

يعني الاوروبي مش لوكد ريجن ؟؟؟

ولا الالعاب اللي تتوفر في المحلات فقط الاوروبي ؟؟؟

لاني سمعت من احد المحلات ان اكثر الالعاب متوافرة هي الامريكي والاوربي

^^ سابقا كان المتوفر الاغلبية امريكية اما الان البلدية تلاحق المحلات وتمنع عرض الالعاب الامريكية وتجبر المحلات على الاكتفاء بالريجن المخصص للدولة وهو الاوروبي
للعلم تقدرو الان تسوي بري اورد في محلات geekay games بسعر 1399 درهم الاوروبي وسعر اللعبة الواحدة 249 .... اشوف السعر شوي غالي بس يمكن نحصله في حامد سنتر اقل بحدود 1200

الجهاز نزل اخيرا ^^

بـ 1300 درهم

الى الان انا متردد في شرائه وايضا لا توجد لعبة تحمس الواحد لشراء الجهاز اخ يا نيتيندو ليش ما نزلتي زيلدا مع الجهاز

شباب محد يستعيل ويشتري الجهاز الحين

تاريخ 27 من هذا الشهر بيكون إطلاق الجهاز الرسمي في الإمارات وبيكون موجود في Toys R us , Jackys والمحلات الكبيرة الثانية

سعر الجهاز بيكون 1100 درهم

هذي قائمة الألعاب الي بتكون موجودة

Super Street Fighter IV
-Rabbids – Travel in time
-Lego Star Wars 3: Clone Wars
-Asphalt 3D
-Tom Clancy’s Splinter Cell
-Combat of the Giants Dinosaurs
-Nintendogs and Cats – Golden Retriever
-Nintendogs and Cats – Toy Poodle
-Nintendogs and Cats – French Bulldog
-Tom Clancy’s Ghost Recon Shadow
-Pilot Wings Resort
-Steel Diver
-Rayman 3D
-Super Monkey Ball.

سعر الألعاب بيكون 170 درهم ما عدا ستريت فايتر بتكون ب180 درهم

يعني تشتري لعبتين مع الجهاز بسعر الجهاز الحالي :)

لو 1100 الصراحة سعر حلو وسعر الالعاب ايضا حلو بس ما توصل فوق ال200
بس مثل ما قلتم مافي العاب تحمسك ): .... لو اخذته بأخذه مع ستريت فايتر و رايمان

اقتباس:

---

المشاركة الأصلية كتبت بواسطة sadnees121

شباب محد يستعيل ويشتري الجهاز الحين

تاريخ 27 من هذا الشهر بيكون إطلاق الجهاز الرسمي في الإمارات وبيكون موجود في Toys R us , Jackys والمحلات الكبيرة الثانية

سعر الجهاز بيكون 1100 درهم

هذي قائمة الألعاب الي بتكون موجودة

Super Street Fighter IV
-Rabbids – Travel in time
-Lego Star Wars 3: Clone Wars
-Asphalt 3D
-Tom Clancy’s Splinter Cell
-Combat of the Giants Dinosaurs
-Nintendogs and Cats – Golden Retriever
-Nintendogs and Cats – Toy Poodle
-Nintendogs and Cats – French Bulldog
-Tom Clancy’s Ghost Recon Shadow
-Pilot Wings Resort
-Steel Diver
-Rayman 3D
-Super Monkey Ball.

سعر الألعاب بيكون 170 درهم ما عدا ستريت فايتر بتكون ب180 درهم

يعني تشتري لعبتين مع الجهاز بسعر الجهاز الحالي :)

---

هذا هو الكلام ان شاء الله اشتري رايمان مع الجهاز

سؤال : ما في اخبار عن اللون الاحمر للجهاز لاني شفت صورة له بس ما نزل عندنا غير الاسود والازرق

الجهاز ما بيتوفر فيه ال Eshop و متصفح النت

ننتندو اعلنت انها بتوفر هاي الخاصيه في ابديت شهر 5 اللي راح يكون ميجور

اقتباس:

---

المشاركة الأصلية كتبت بواسطة XORO

هذا هو الكلام ان شاء الله اشتري رايمان مع الجهاز

سؤال : ما في اخبار عن اللون الاحمر للجهاز لاني شفت صورة له بس ما نزل عندنا غير الاسود والازرق

---

لين الحين ما أعلنوا عن ألوان ثانية عموما أنا بأخذ اللون الأسود أشوفه أفضل من الأزرق

اقتباس:

---

المشاركة الأصلية كتبت بواسطة Wingless Angel

الجهاز ما بيتوفر فيه ال Eshop و متصفح النت

ننتندو اعلنت انها بتوفر هاي الخاصيه في ابديت شهر 5 اللي راح يكون ميجور

---

زين ذكرتني الـ E shop في الـ 3DS يقولون انه ما يدعم النقاط وان الشركة ببتنزل كروت فيها مبالغ رمزية بدل النقاط نفس بطايق الـ PS3

اقتباس:

---

لين الحين ما أعلنوا عن ألوان ثانية عموما أنا بأخذ اللون الأسود أشوفه أفضل من الأزرق

---

خاطري في الاحمر.... بما ان ما في لون ابيض

والاسود حلو بس كل الشباب طايحين عليه

27 مـــــارس

سرت اليوم لسيتي مردف ونبشت المحلات محل محل ما لقيت الجهاز ما عدى محل واحد يبيع الالعاب فقط بـ 220 درهم

-__- انا ما حصلته كلهم يقولو بكرة بس في موقع سوق دوت كوم في واحد يبيعهم ب 1399 اوروبي و1349 امريكي والالعاب من 219 الى 249 (وينينج اليفين )

موقع سوق ممتاز لكن الجماعة هناك زايدين الملح ( اقصد زايدين الاسعار )

اقتباس:

---

1349 AED from GAME STREET trdg DUBA

---

http://uae.souq.com/Nintendo-3DS-Aqu...%25CB%26go%3D1

ههههههههه اعرف هالمحل وانا اتعامل معاه من زمان بس سعره ما عجبني الى الان ارخص شي لقيته بـ 1300 درهم

^^ ما شاء الله شكله موزع حتى shift2 نزلت من امس عنده ...بس يزيد 20 درهم على سعر الشريط وكمان 20 لشركة الشحن = صفقة فاشلة !

مثل ما قلت اخوي صفقة فاشلة XD

شباب اللي يحصل الجهاز في محل او مركز او مول يخبرنا بـ سعره + الالعاب + اللوان الجهاز <<<< ( ذالنا بسالفة الون الاحمر )

^^ لا من ناحية الاحمر ريح نفسك مافي الا اسود وازرق فقط وحسب اخر الاشاعات الالوان الاخرى لن تصدر قبل موسم الاعياد نهاية العام

اذا الالوان الثانية ما بتنزل الى نهاية العام بيكون شي طيب انا كنت افكر انها بتنزل بعد شهر

موقع كارفور اون لاين يبع 3ds ب 1299
http://www.ic4uae.com/Product.aspx?ProductID=14424
مازال السعر بعيد شوي بأصبر على الاقل الى ان يصل حدود 1100

سعره 1300 في كارفور ما يفرق عن باقي المحلات ( سعر الجهاز حاليا بين 1300 - 1400 درهم )

أشوف صراحة سعره حاليا مبالغ فيه جدا وأسعار الأشرطة قريبه من أسعار أشرطة الاكس بوكس 360 و البلايسيشن 3 ( رسميا هي أقل من هذي الأسعار بفرق محترم )

أمس رحت عند toys R us الي في صحارى مول في الشارقة عشان أقطع الشك باليقين :)

خبرني أحد العاملين هناك أن الجهاز بينزل عندهم آخر الشهر وبيكون سعره 1100 درهم ( يقول أن الموزع كان المفروض يوصلها لهم بتاريخ 27 من هذا الشهر )

الجهاز بيكون أمريكي ( هذا النقطة خلتني أتردد شوي بس العرض مغري صراحة )

الألعاب مثل ما ذكرت أسعارها من 180 - 170 وما بتزيد عن هالسعر

صبرنا على الجهاز شهور نقدر نصبر يومين لين ما ينزل سعره :)

اقتباس:

---

المشاركة الأصلية كتبت بواسطة الصهيبي2010

موقع كارفور اون لاين يبع 3ds ب 1299
http://www.ic4uae.com/Product.aspx?ProductID=14424
مازال السعر بعيد شوي بأصبر على الاقل الى ان يصل حدود 1100

---

هذه حركات كارفور بعد كم شهر بتحصلهم يعرضون الجهاز مع لعبتين مجانا

اقتباس:

---

سعره 1300 في كارفور ما يفرق عن باقي المحلات ( سعر الجهاز حاليا بين 1300 - 1400 درهم )

أشوف صراحة سعره حاليا مبالغ فيه جدا وأسعار الأشرطة قريبه من أسعار أشرطة الاكس بوكس 360 و البلايسيشن 3 ( رسميا هي أقل من هذي الأسعار بفرق محترم )

أمس رحت عند toys R us الي في صحارى مول في الشارقة عشان أقطع الشك باليقين

خبرني أحد العاملين هناك أن الجهاز بينزل عندهم آخر الشهر وبيكون سعره 1100 درهم ( يقول أن الموزع كان المفروض يوصلها لهم بتاريخ 27 من هذا الشهر )

الجهاز بيكون أمريكي ( هذا النقطة خلتني أتردد شوي بس العرض مغري صراحة )

الألعاب مثل ما ذكرت أسعارها من 180 - 170 وما بتزيد عن هالسعر

صبرنا على الجهاز شهور نقدر نصبر يومين لين ما ينزل سعره

---

الامريكي بس سعره بـ 1100؟ والاوروبي ما بيرخص ؟

http://games-advance.com/images/medi...and-Donald.jpghttp://media.giantbomb.com/uploads/0...ront_large.jpghttp://i.neoseeker.com/boxshots/R2Ft...QIzUTyOqIY.jpg

أمنيتي أشوف ريميكات حق هالسلسلة على الجهاز:(
على الأقل ينزلونهم مثل ما هم اب كوليكتشن و أكون راضي

في أخبار متضاربة تقول أن العدس بكرة بينزل في جدة في النسر
وبيت الكمبيوتر قال لي السبت بيوصل , أتمنى يكونوا عارضينه للتجربة عشان أقتنع أكثر به.

واو ما توقعت يوصل بذي , سعره 1250 ريال في النسر بالرياض والألعاب بين 160 و 170 ريال , وبكرة راح يوصل لجدة

بعد لفة في اكثر من محل في العين
سعر العدس الامريكي ب 1100 واللعبة الوحدة ب 160 -----@_@ وصل السعر اللي ابغاه كنت باخذه ما اعرف وش ردني ......اخر الشهر b:
سعر العدس الاوروبي ب 1240 واللعبة الوحدة ب 190-200

^_^

ترى الأمريكي هو اللي مدعوم في الشرق الأوسط من نينتنيدو نفسها.
شوف غلاف بايلوت وينجز :
http://img560.imageshack.us/img560/557/amfrtl.jpg

يعني تنصحوني اخذ الامريكي ؟

ابي اعرف كيف الجهاز مدعوم عندنا يعني شو الفادية من الدعم

لغة عربية في الجهاز والالعاب ؟
ضمان ؟

Meet the Nintendo 3DS’ Black Screen of Death

http://technobuffalo.technobuffalo.n...th-600x337.jpg

اول عطب يصيب الجهاز اللي فهمته انه اصيب عدة اجهزة وبعض الملاك رجعوا الجهاز للمحل اما نيتيندو
فطلبت من الاعبين تحديث الجهاز

لو احد يترجم لنا الخبر بشكل اوضح بكون شاكر له :)

المصدر

:) شكلي باخذ الامريكي ان شاء الله سعره جدا مناسب ودائما العاب الاربي جي النسخة الامريكية اكثر من الاوروبية وصاحب المحل ااكدلي انه ما يتعامل الا مع العاب امريكية فقط !
بس المشكلة مو متحمس لأي لعبة ابدا ابدا ! بس عاجبني الجهاز حتى الان والا العااب الاطلاق جدا ضعيفة من وجهة نظري

^
اللي فهمته أنها مشكلة حدثت بسبب لعبة جوست رايكون وبعضهم صارت له بسبب تطبيقات الجهاز نفسها , نينتنيدو ردت وقالت أي واحد تجيه المشكلة يحدث الجهاز وإذا أستمرت يرده لهم ويبدلونه أياه

اقتباس:

---

يعني تنصحوني اخذ الامريكي ؟

ابي اعرف كيف الجهاز مدعوم عندنا يعني شو الفادية من الدعم

لغة عربية في الجهاز والالعاب ؟
ضمان ؟

---

ضمان وكتيب تعليمات الجهاز بالعربي , حاليا اللغة العربية في ألعاب نينتنيدو مازال حلم لكن يمكن لو شافوا أن النسخ هذي مشيت ممكن يفكرون بالتعريب ليش لا ؟

اقتباس:

---

المشاركة الأصلية كتبت بواسطة XORO

Meet the Nintendo 3DS’ Black Screen of Death

http://technobuffalo.technobuffalo.n...th-600x337.jpg

اول عطب يصيب الجهاز اللي فهمته انه اصيب عدة اجهزة وبعض الملاك رجعوا الجهاز للمحل اما نيتيندو
فطلبت من الاعبين تحديث الجهاز

لو احد يترجم لنا الخبر بشكل اوضح بكون شاكر له :)

المصدر

---

المشكلة هي خلل في النظام يحدث مع أي لعبة أو سوفتوير في الجهاز

الخلل هذا مب منتشر بشكل كبير و نينتدو أصدرت أبديت يحل المشكلة

اقتباس:

---

المشاركة الأصلية كتبت بواسطة الصهيبي2010

:) شكلي باخذ الامريكي ان شاء الله سعره جدا مناسب ودائما العاب الاربي جي النسخة الامريكية اكثر من الاوروبية وصاحب المحل ااكدلي انه ما يتعامل الا مع العاب امريكية فقط !
بس المشكلة مو متحمس لأي لعبة ابدا ابدا ! بس عاجبني الجهاز حتى الان والا العااب الاطلاق جدا ضعيفة من وجهة نظري

---

كلامكم حمسني أخذ الجهاز أمريكي ... خصوصا أن سعر الجهاز يعتبر ممتاز مقارنة بالموجود في السوق

لي رجعة للموضوع بعد ما أشتري الجهاز :) ( عشان نبدل الفرند كود مع باقي الشباب :biggthump )

السلام عليكم

اليوم مريت على المحل وسألت عن الجهاز وكانت الاسعار :

الياباني : 1400

الامريكي : 1100

الاوروبي : 1200


الالعاب جميعها على سعر : 190


سعر الالعاب مبالغ بعض الشي ...لازم على الاقل بين 150-170 بالكثير .


الحين انا محتار شو افضل ريجن ؟ امريكي ولا اوروبي ؟

The Last Lombax : شكرا على توضيح فكرة الدعم اخوي يكفينا حاليا تعريب كتيب التعليمات للجهاز واذا وجد للالعاب ايضا ان شاء الله يعربون النظام بشكل كامل مستقبلا وشكرا على ترجمة الخبر

sadnees121 : شكرا على ترجمة الخبر وانا مثلك باخذ الامريكي لانه ارخص + الدعم

الصهيبي2010 : ان شاء الله اشتري الامريكي اذا ضمن لي صاحب المحل ان في العاب امريكية

تخليص بسيط عن تجربتي للـ 3DS

صورة 3D للالعاب :
رائعة جدا تحس ان ملحقات اللعبة مثل السكور والكتابات ستيكر لاصقة في الشاشة وانت تلعب وتقدر تعدل على
الـ 3D على حسب رغبتك

الكاميرا
احسن من الموجودة في الـ DSi و DSXL لكن ليست بالجودة المطلوبة
في خاصية تصوير صور ثابتة 3D يوم تصور اي صورة بتشوفها مثل كروت الـ 3D القديمة اللي تجيك مع
رقائق التشبس << اذا احد يتذكرها

التسجيل الصوتي :
نفسه الموجود في الـ DSi و DSXL مع اضافة تغيير لون الفريم

الـ Mii
الـ 3DS تحسسك انك ماسك WII نفس الصوت للتطبيقات مثل المي تقدر تصمم شخصيتك او تصور نفسك
والجهاز بيحط لك اقرب صورة لكن تأكد انه ما يشبهك :)

صور نفسك
في برنامج تقدر تصور نفسك وتحطه في لعبة

في الحركة بركة
تقدر تحصل عملات كل ما مشيت وهذه العملات بتستخدمها في العاب الاركيد ..... بس لاحد يغش ويمشي بالسيارة XD

استعراض للبيانات
الوي لما تشيك في الرسائل بيكتب لك الالعاب اللي لعبتها في اليوم الفلاني والمدة بس الـ 3DS بيفصل لك
هذه البيانات بالتفصيل - كم مشيت اليوم - شو لعبت - المدة - اخر مرة لعبت اللعبة الفلانية

المذكرة
رائعة جدا تخيل انك تلعب لعبة الغاز مثل زيلدا ضغطة وحدة للهوم وتروح للدفتر وتكتب ملاحظاتك بدون ما تطلع من
اللعبة

الازرار السفلية
ازرار الـ HOME و START و SELECT ليست لمس بس ازرار غير بارزة مثل ازرار الارقام الموجودة
في الموبايلات

بعض الخصائص ما جبرتها مثل الكروت و الفيديو

^
مبروك xoro , أول واحد من المنتدى يشتريه وعقبالنا .

شريت الجهاز يوم الاحد الي راح وصراحة الجهاز ابداع، بس المشكلة الوحيدة لو استثنينا ستريت فايتر من العاب الاصدار فباقي الالعاب ماتسوى من وجهة نظري >_>.

اول ماجربت ال3دي شعرت بشعور غريب لا يوصف، خذ مني وقت عشان اعتاد عليه، بس الحين اشوف ان الـ3دي ماقدر استغني عنه...

شريت معاه ستريت فايتر-مع اني ماحد العاب القتال كثير بس ادمنت عليها- ولعبة ستيل دايفر الي ماحس لها داعي صراحة >>"

اقتباس:

---

التسجيل الصوتي :
نفسه الموجود في الـ DSi و DSXL مع اضافة تغيير لون الفريم

---

+ دعم MP3

اقتباس:

---

تقدر تحصل عملات كل ما مشيت وهذه العملات بتستخدمها في العاب الاركيد ..... بس لاحد يغش ويمشي بالسيارة XD

---

كلها 10 عملات تقدر تجمعها في اليوم... تقريبا يعني مشي ربع ساعة

بالنسبة للبطارية، فهي صحيح ضعيفة بس هذا ماصار عبث. جهاز 3دي اس يخليك تظطر انك تشغل الـواي فاي على طول + اضائة الجهاز اقوى من الدي اس اي + شاشة 3دي = استهلاك عالي جدا لبطارية الجهاز... يعني بالعربي ساعتين حتى 3 ساعات والبطارية خلاص

بس جربت اطفي ال3دي والوايفاي واخلي الاضائة على رقم 3 والبطارية تمت معاي فترة طويييييلة مقاربة لعمر الدي اس اي.

باختصار، الجهاز فلة بس العابه للحين متواضعه صراحة

اقتباس:

---

مبروك xoro , أول واحد من المنتدى يشتريه وعقبالنا

---

لا ما شريته بس جربته ^^

الى الان متردد في شرائه + لا توجد العاب محمسة

اللي شرى العدس يعطينا رايه

رجل المخاطر : جرب انك تخدع النظام امشي لعشر عملات بعدين غير التاريخ وبيصير يوم جديد + 10 عملات اخرى

^^ حصلت الجهاز امريكي ب 1050 (: نويت عليه بكرة ان شاء الله مع ستريت فايتر فقط يعني المجموع بحدود 1220

مبروك مقدما الصهيبي , إن شاء الله تتهنى فيه ^^

xoro : مش مشكلة مبروك مقدما :P

الصهيبي : يا حظك :( , بذا السعر راح يجيب الجهاز فقط بدون ما يكون معاه ولا لعبة

رجل المخاطر : مبروك عليك الجهاز :) , شكلي بتهور وبشتريه حتى لو بدون ألعاب , الحماس بيقتلني @@

أحنا أتوقع يبيعونه 100 د.ك و رايح ( 1320 درهم و طالع ) بدون ألعاب -__-"
ما أكو إلا أسوي نفس ما سويت بالDS , أشتريه بعد ما يطيح سعره بالقاع , لكن يبيلها صبر السالفة >.>

اقتباس:

---

xoro : مش مشكلة مبروك مقدما :P

---

الله يبارك فيك :)

اقتباس:

---

^^ حصلت الجهاز امريكي ب 1050 (: نويت عليه بكرة ان شاء الله مع ستريت فايتر فقط يعني المجموع بحدود 1220

---

مبروك عليك الجهاز تتهنى فيه ان شاء الله والله السعر حلو بس وين لقيته ؟ :33:

اقتباس:

---

شكلي بتهور وبشتريه حتى لو بدون ألعاب , الحماس بيقتلني @@

---

انا كل ما ادخل هالموضوع اتحمس اشتري الجهاز بعدين اهون وانسى الموضوع

لقيت الامريكي بـ 1200 وصاحب المحل اكد لي ان الالعاب الامريكية موجودة وغير ممنوعة :biggthump

هو ودي اغير بالتاريخ واتلاعب بس المشكلة الجهاز يسجل كل ملاحظات بالجهاز واخاف تصير عفسة ><" ماودي اخاطر

قلتها انا الجهاز صراحة مافيه العاب مثل الناس تسوى الا ستريت فايتر-رأي خاص- بس مو معناته ان الجهاز صج العابه فاشلة الحين..

مثلا انا اكره العاب السيارات، بس فيه ريدج ريسر في ناس مدحوها، ولا احب العاب المحاكاة زي نينتيندو دوق بس بعد في ناس تمدحها...الخ

عالعموم شهر يونيو واعد بالالعاب الرائعة، زيلدا، ريزدنت ايفل واخيرا كيف ستوري، كلها العاب تستاهل تشتري الجهاز عشانها :)

اقتباس:

---

المشاركة الأصلية كتبت بواسطة XORO

الله يبارك فيك :)



مبروك عليك الجهاز تتهنى فيه ان شاء الله والله السعر حلو بس وين لقيته ؟ :33:



انا كل ما ادخل هالموضوع اتحمس اشتري الجهاز بعدين اهون وانسى الموضوع

لقيت الامريكي بـ 1200 وصاحب المحل اكد لي ان الالعاب الامريكية موجودة وغير ممنوعة :biggthump

---

ما بتصدق وين حصلته حصلته في اليحر (مدينة صغيرة تبعد 25 كيلو عن العين )
انا مثلك ادخل الموضوع واقول يخلص الدوام واروح اطق واحد وبعدين اغير رأيي
باشوف اليوم بعد الدوام باشتريه والا كمان باغير رأيي !

اها يعني مشوار طويل تصدق عاد لو الجهاز بـ 500 كان ما شريته من هناك تعرف ليش لاني من الذيد ^^"

للاسف في الذيد عندهم نظام ( ريد جيب فلوس ) مثلا لو بغيت 3ds لازم تعطيه عربون وهو بيدبر لك واحد بعد كم يوم لكن بسعر خيالي ><ll

على كل حال بشوف سادنيس بكم حصله في تويز ار اس

------ احبــــــــــــــــــــــــــاط لا بيس ولا ستريت فايتر امريكية نزلت ....... شكلي باشتري الجهاز بدون العاب !

^^

بيس وستريت فايتر بتوصل اليوم حسب كلام المحل الي أتعامل وياه

إن شاء الله اليوم بأخذ لفة حول العالم ..أه أقصد حول المحلات .. بشوف الأسعار وبحطهم هنا في الموضوع
كمرجع للي حاب يشتري الجهاز في الإمارات :)

روح لف الان ^^ انا الان باروح اشتري ما ابي ينضحك علي @_@

^^

تبغي الصدق أنا أشوف سعر الجهاز الي أنته حصلته ( 1050 درهم ) ممتاز جدا

إن شاء الله بطلع مشوار بعد المغرب بروح دبي والشارقة وبلف على كم محل

توني أتصلت حق محلين يقولون الأمريكي عندهم بــ 1200 درهم مع إني متأكد لو دورت بلاقيه بأقل من هالقيمة يمكن بــ 1100 درهم

بعد بروح تويز أر أص عشان Xoro وبالمرة نشوف بكم سعر الجهاز عندهم

بس صهيبي سعرك صراحة ما عليه كلام :)

^_^ طمنتني ترى باشتري 2 باحط واحد في موقع سوق ب 1150 (نصاب ) ْXD

^^ لووول بالعكس التجارة شطارة ولا شو تقول

سلام عليكم كيف حالكم
اقول امس رحت اشتري جهاز و كان عنده اوربي و امريكي سألته العاب الاوربي يشغل كل العاب يعني العاب اليابانية وامريكية قال جهاز اوربي يشغل العاب اوربية فقط و امريكية يشغل العاب امريكية فقط وهذا السبب ما اشتريت واحينا اصبر لين ما ينزلون نوع يشغل كل الانواع

اشتريت الجهاز والحمدلله بس ما اخذت ولا لعبة بانتظر بيس وستريت فايتر
بس ما عرفت كيف اطلع الستريت كود حقي @_@
http://www.m5zn.com/uploads/2011/3/3...9nnoeswrlq.jpg

my code :3351-4075-5358

^
مبروك يالصهيبي , أخيرا أقتنعت فيه :)

^^يب اخيرا وصراحة 3 دي شي جبار ما تصورته بهذي الكفاءة ! وفي العاب خفيفة داخل الجهاز باستخدام الكاميرا والثري دي واتوقع مع شهر خمسة ونزول التحديث الكبير باضافة تصفح الانترنت ومشاهدة الافلام 3 دي بيكون الجهاز خورافي

عالبركة الصهيبي ^^
حمستنا يا رجل ^_^ , المشكلة سعر الجهاز حاليا بدون ولاشيء عندنا هو 110 د.ك , يعني تقريبا 1450 درهم!!

الصهيبي مبروك على الجهاز ... يعطيك خيره ويكفيك شره

ما ادري الجهاز متردد اشتريه او لا ..... تحس انه افضل من الـ PSP بعض الأحيان صح ؟

وإلا ما يقدر يوصل قوة الpsp ?

وقد جربت الجهاز في Best Buy وكنت العب لعبة طيارات وشفتها حلوة

ما ادري كيف مستقبل الجهاز من ناحية العاب الأر بي جي ؟

اقتباس:

---

المشاركة الأصلية كتبت بواسطة Love 123

سلام عليكم كيف حالكم
اقول امس رحت اشتري جهاز و كان عنده اوربي و امريكي سألته العاب الاوربي يشغل كل العاب يعني العاب اليابانية وامريكية قال جهاز اوربي يشغل العاب اوربية فقط و امريكية يشغل العاب امريكية فقط وهذا السبب ما اشتريت واحينا اصبر لين ما ينزلون نوع يشغل كل الانواع

---

للأسف أخوي الجهاز ريجن لوكد يعني ما يشغل الألعاب إلا من نفس الريجن للجهاز

قبل ما تأخذ الجهاز تأكد إذا المحل بيوفرلك ألعاب من نفس نوع الجهاز

اقتباس:

---

المشاركة الأصلية كتبت بواسطة Tockuchi

عالبركة الصهيبي ^^
حمستنا يا رجل ^_^ , المشكلة سعر الجهاز حاليا بدون ولاشيء عندنا هو 110 د.ك , يعني تقريبا 1450 درهم!!

---

الله يبارك فيك اتوقع ينزل سعره بسرعة المهم لا يفوتك الجهاز

اقتباس:

---

المشاركة الأصلية كتبت بواسطة langrisser

الصهيبي مبروك على الجهاز ... يعطيك خيره ويكفيك شره

ما ادري الجهاز متردد اشتريه او لا ..... تحس انه افضل من الـ PSP بعض الأحيان صح ؟

وإلا ما يقدر يوصل قوة الpsp ?

وقد جربت الجهاز في Best Buy وكنت العب لعبة طيارات وشفتها حلوة

ما ادري كيف مستقبل الجهاز من ناحية العاب الأر بي جي ؟

---

الله يبارك فيك يالغالي
الجهاز لازم تشتريه لكن متى هذا يرجعلك واكيد بيكون على بعد سنة من الان متخم بالعاب الاربي جي

الصبر له حدود :)

اخيرا شريت الجهاز الامريكي بـ 1150 مع لعبة رايمان بـ 150

sadnees121 : شكلي اتعبتك معاي بسالفة تويز ار اس مشكور اخوي وبارك الله فيك

الصهيبي2010 : مبروك عليك الجهاز وتراني ضفتك عندي

تنصحوني أشتري أوروبي ولآ أمريكي ولآ يآباني ؟

اقتباس:

---

المشاركة الأصلية كتبت بواسطة XORO

الصبر له حدود :)

اخيرا شريت الجهاز الامريكي بـ 1150 مع لعبة رايمان بـ 150

sadnees121 : شكلي اتعبتك معاي بسالفة تويز ار اس مشكور اخوي وبارك الله فيك

الصهيبي2010 : مبروك عليك الجهاز وتراني ضفتك عندي

---

مبروك XORO تتهنى فيه إن شاء الله :)

لا مب مشكلة نحنا في خدمة الطيبين أمثالك :)

اقتباس:

---

تنصحوني أشتري أوروبي ولآ أمريكي ولآ يآباني ؟

---

اشتر الامريكي لانه ارخص من الاوروبي وكذلك الالعاب :)

شباب احد منكم يعرف يشتري من النت لاني ابا اشتري قطعة Flash Card نوع Acekard 2i او supercard dstwo
عندنا في السوق منتشرة الـ R4 المقلدة بس مالهن فايدة

هذه القطع اللي تشتغل على الـ 3DS طبعا تلعب بالعاب الـ DS لان العاب الـ 3DS ما تهكرت الى الان

طيب كيف الثري دي في الجهآز كويس ولآ أي كلآم .. ^_^

وهل يستحق 1200 ريال ؟ :-)

أخر سؤال ..

الألعاب تلعبهآ بأنآلوج ولآ أسهم ؟

وإذا بأسهم .. أنآ متعود ألعب PS3

هل رآح أعرف ألعب زين ؟

اقتباس:

---

المشاركة الأصلية كتبت بواسطة XORO

الصبر له حدود :)

اخيرا شريت الجهاز الامريكي بـ 1150 مع لعبة رايمان بـ 150

sadnees121 : شكلي اتعبتك معاي بسالفة تويز ار اس مشكور اخوي وبارك الله فيك

الصهيبي2010 : مبروك عليك الجهاز وتراني ضفتك عندي

---

هات الفرند كود مالك لانه لازم ينضاف من الطرفين

اقتباس:

---

المشاركة الأصلية كتبت بواسطة الصهيبي2010

هات الفرند كود مالك لانه لازم ينضاف من الطرفين

---

Friend Code : 2535-3638-0643

حد شرى ستريت فايتر مع الجها عشان نلعب وياه ؟

سوال يا شباب :

الحين لو واحد عنده جهاز اوروبي ولعبة ستريت فايتر طبعا اوروبية وانا عندي جهاز امريكي هل اقدر اللعب معاه بخيار الداونلود ؟

ممكن وآحد يرد ع أسئلتي + سؤال لـ XORO

هو خآرج الموضوع .. مقدر أرسل لك رسالة

السؤال ..

الوي حقي لمن أشغله ينور ويطفي يصير أحمر ثاني مآ يشتغل .. تقدر تفيدني ؟

وشكرآ

اقتباس:

---

المشاركة الأصلية كتبت بواسطة رجل المخاطر

حد شرى ستريت فايتر مع الجها عشان نلعب وياه ؟

---

ان شاء الله بكرة او بعده تنزل عندنا النسخة الامريكية ونلعب معك

اقتباس:

---

المشاركة الأصلية كتبت بواسطة XORO

سوال يا شباب :

الحين لو واحد عنده جهاز اوروبي ولعبة ستريت فايتر طبعا اوروبية وانا عندي جهاز امريكي هل اقدر اللعب معاه بخيار الداونلود ؟

---

ما اظن !

طيب ماذا لو كل واحد يملك شريط اللعبة نقدر نلعب مع بعض ؟

شباب وش هو خيار الدآون لود ؟

اقتباس:

---

المشاركة الأصلية كتبت بواسطة Sora Rx

شباب وش هو خيار الدآون لود ؟

---

هو خيار موجود في الـ DS و الـ 3DS اذا كان عند خويك لعبة نقول مثلا mario kart وانت ما عندك الشريط يقدر يرسل لك بيانات اللعبة
الى جهازك وتلعب معاه كانك تملك شريط اللعبة

اللي سمعنه انه لعب الاون لاين في ستريت فايتر ريجن لوك يعني الاوروبي فقط مع الاوربي ! وما ادري صدق هذا الكلام او لا

كم أتمنى ريميك Mario 64 للـ 3DS

انا قيمت رايمان في يوم

أخيرا حربت الجهاز اليوم في بيت الكمبيوتر , أول ما شفته أنفجعت لأن أحد الفروع قال لا مو معروض للتجربة والشيء الثاني حجمه صغير ! مثل حجم الدي أس لايت (كنت متوقعه ضخم زي ماكنت أشوفه في الصور )
للأسف ماكان فيه أي لعبة بس قعدت أقلب في القائمة وألعب بزر الثري دي شوية طبعا أول ما مسكته سويت فيها شديد وحطيت الثري دي على أعلى شيء والنتيجة ما شفت شيء , شغلت الكاميرا عشان أشوف تأثير الثري دي عدل و واو على اللي شفته , فعلا حسيت بعمق في الشاشة ماتوقعت الثري دي روعة كذا

طبعا تجربة أبو 5 دقايق ومستعجل وعلى السريع وأنذهلت , أجل لو كان الجهاز تحت تصرفي مع كم لعبة ومتفرغ له أيش بسوي ؟

اليوم ان شاء الله باروح اشتري العاب للجهاز باخذ ستريت فايتر وواحدة من التالي يا اما بيس او ساموراي وريار محتار بينهم ....
للاسف ساموراي وريار ما فيها اون لاين الا عن طريق الستريت باس يعني لازم يكون جنبك او على الاقل قابلته مرة (هذا اللي فهمته ) وبيس (ما اظن اني بادمن العب كرة على جهاز محمول ما تركب معي !)
وبالنسبة لمشاركة اللعبة (ستريت فايتر ) ما اقدر اشاركها الا مع واحد جنبي @_@ ! والا كيف

شباب احتمال أجيب الجهاز بدال الNGP والسبب أن الNGP ألعابه كلها Download وشغلات الأونلاين
فبكم سعر ألعابه في المملكة وهل في أمل تنزل أسعار الجهاز وألعابه قبل 2012 ؟؟؟؟؟

(:
http://www.m5zn.com/uploads/2011/4/4...4hpscidv1k.jpg

^^^
ألف مبروك:)
إنطباعاتك عن ساموراي وارريورز لو سمحت ^^"

اقتباس:

---

المشاركة الأصلية كتبت بواسطة devil cober

شباب احتمال أجيب الجهاز بدال الNGP والسبب أن الNGP ألعابه كلها Download وشغلات الأونلاين
فبكم سعر ألعابه في المملكة وهل في أمل تنزل أسعار الجهاز وألعابه قبل 2012 ؟؟؟؟؟

---

السعر الرسمي للجهاز هو 1250 ريال , ألعابه بين 150-170 ريال
غالبا السعر راح يكون ثابت لفترة كعادة نينتنيدو مع أجهزتها وألعابها

سمعت في بودكآست .. إن ال3d من دآخل الشاشة مو خآرجهآ ..

+

هل تقدر تلعب بالأنآلوج ؟؟

اقتباس:

---

هل تقدر تلعب بالأنآلوج ؟؟

---

أيوة بتقدر بالتأكيد

تجربتي للجهاز كانت رائعة جدا ، بصراحة أول مرة حسيت بصدمة ، ما صدقت انه عيوني فعلا قاعدة تشوف 3D بدون نظارات ! صعب أشرح الشعور بس التجربة طلعت حتى أحلى مما كنت أتوقع

بطاقات الـAR شي خيالي فعلا .

اقتباس:

---

المشاركة الأصلية كتبت بواسطة الصهيبي2010

(:
http://www.m5zn.com/uploads/2011/4/4...4hpscidv1k.jpg

---

مباراة؟ ^_^

الصهيبي 2010 كيف التحكم بSuper Street Fighter IV ? وكيف الرسوم هل طرأ اي تغير عن نسخة الكونسل ؟

اقتباس:

---

المشاركة الأصلية كتبت بواسطة رجل المخاطر

مباراة؟ ^_^

---

ضيفني وعطني الكود فريند حقك وابشر بمباراة بس انا مبتدء بالالعاب الفايتينج

my code :3351-4075-5358

اقتباس:

---

المشاركة الأصلية كتبت بواسطة miss rebecca

الصهيبي 2010 كيف التحكم بSuper Street Fighter IV ? وكيف الرسوم هل طرأ اي تغير عن نسخة الكونسل ؟

---

التحكم جيد جدا ومقارب لنسخة الكونسولز مع وجود الكومبوهات والسوبر كومبو والترا على لوحة المس يعني كل شي جاهز بس المسها وهو يضرب (وهذا سهل اللعبة بدرجة مبالغ فيها ) وبوجهة نظري خرب الاون لاين اي حد يدخل ويلعب بريو ويشتغل كومبوا او اي ضربة من بعيد ويعلق على الزر لين يجيبلك المرض ويفوز ... الجرافيكس ممتاز وتأثيرات الثري دي جدا رائعة ..طبعا الجرافيكس لا يصل الى جودة الكونسولز الا انه مقارب

انطباعي عن ساموراي وريار
اللعبة جدا ممتعة والجرافيكس عادي تاثيرات الثري دي مبهرة والحاجة الى العودة الى المراحل السابقة لتلفيل الشخصيات وتجميع الاسلحة وانهاء المهام الاضافية بالاضافة الى المحادثات مع الشخصيات اللي تؤثر على مستوى الصداقة بينكم الى ان تضم الشخصية او تعاديها .... مؤثرات الضربات جيدة.... المابات مختلفة ومتنوعة لكن صغيرة نوعا ما (اللعب بالثري دي يعطي عمق للمراحل وتحس حجمها اكبر
تقيمي المبدئي 8 ونص من 10

اهاا يعطيك العافيه ^_^ ,,, فعلا لاحظت هالشئ في احد الفيديوهات

سمعت ايضا ان فيه ملابس Extra للشخصيات موجوده صحيح ؟

اقتباس:

---

المشاركة الأصلية كتبت بواسطة miss rebecca

اهاا يعطيك العافيه ^_^ ,,, فعلا لاحظت هالشئ في احد الفيديوهات

سمعت ايضا ان فيه ملابس Extra للشخصيات موجوده صحيح ؟

---

ايوة في الوان اضافية موجودة للشخصيات بس اتوقع هي نفسها اللي كانت موجودة بجزء الكونسولز

ستريت فايتر كنت بشتريها لكن قبل ذلك جربتها من عند احد الاخوان والصراحة حركات الكومبو والسبشل الطفل يقدر يعملها مثلا واحد ياخذ لك
ساجات وضاغط على اللمس تايجر تايجر تايجر مثل ما قلت الى ما يجيبلك المرض ويفوز

على الـ ps3 حافظ حركات ريو وكين واكوما ( اسميه حكومة XD) يعني حلاتها يوم تدخل طور التدريب وتجلس تتدرب على الحركات

بس اسمحولي اقول ان نسخة 3DS اي واحد يقدر يفوز فيها بسبب خاصية اللمس

شاشة اللمس مسهلة التحكم، تقدر تغير الطور من لايت الى برو لو مابغيت تسوي الكومبو بزر واحد

وللمعلومية بالعادة الي يختار التحكم السهل- من الي لاحظته - سهل تفوز عليه لأنك تقدر تخمن بسهولة حركاته الي بيسويها.

اقتباس:

---

ضيفني وعطني الكود فريند حقك وابشر بمباراة بس انا مبتدء بالالعاب الفايتينج

my code :3351-4075-5358

---

ضفتك عندي وهذا حقي
2277
6633
9028

كم مساحة جهاز ال3DS ؟ مثل الPs3 فيه اللي 250 غيقا وفيه اللي 80 غيقا

^^^^
فلاش ميموري مساحته 2 غيغا
http://en.wikipedia.org/wiki/3DS

مشكور على الموضوع واستمتعت بقراءة ردودكم..
شباب ناوي على 3ds << كله من نين ريفو .. امزح

شنو رأيكم بالسعر هنا

^
لو تاخذه من محل أحسن , لأن الشحن راح يكون عليك لو طلبته من سوق كوم + أضمن :)

الحين هذا الموضوع فقط عن الـ 3DS ؟ ليه ما يتم عمل موضوع مستقل مخصص عن الي قامو بشراء الجهاز و وضع اسمائهم و انطباعاتهم عن الجهاز .. مجرد اقتراح و إذا فيه اعضاء ذكرو انطباعاتهم عن الجهاز في هذا الموضوع يتم نقلها للموضوع الجديد

تبون الصراحة انا زهقت من الـ 3DS لان بالنسبة لي الى الان لا توجد لعبة ترضيني وتشد انتباهي + ما بنشوف العاب من نيتيندو الا بعد شهر 6
وهذا غير الستور المغلق اللي ما بيفتح الا في شهر 5

شكلي بحطه في كرتونه وبخليه الى ما نحصل لعبة محترمة والى ذلك الوقت بتسلى بالغالي DSlite ولعبة بوكيمون وايت

وصلني الجهاز مبارح

جهازرائع بلا شك ، يعطيك احساس انه بيكمل مسيرة المتعة و النجاح الي بدأ فيها الـDS الأول من سنوات

لكن الجهاز هالمرة افخم و يحسسك انه classy أكثر خصوصا مع القاعدة الأنيقة
المنيو مشابهة للوي لكنها أفضل تنظيما و فيها تطبيقات أكر

و الـ3D بدون نظارات .. "حقيقة"
لكن ديروا بالكم على عيونكم نصيحة ، لا تلعبوا فترات طويلة متواصلة مع الـ3D

لعبتي مع الجهاز كانت pes3D
اللعبة جيدة جدا و ممتعة ، لكن ينقصها بعض الأطوار مثل الأونلاين
تطبيق الثري دي فيها متوسط ، لكن أحيانا تشوفه بشكل جميل ( ضربة ركنية مثلا ، أو رمية تماس .. تشوف المسافة بين اللاعب و الملعب و اللاعبين الآخرين بوضوح تام )

إجمالا ننتندو صلحت أغلب عيوب الـDS مع هادا الجهاز ، أونلاين ممتاز مع تعديل خاصية الفريند كود - مستوى تقني مميز و مرضي جدا - دعم قوي من شركات الطرف الثالث من البداية

بانتظار ريزدنت ايفل ميرسنريز و زيلدا أوكارينا اوف تايم .

^^^^^^^^^

صدور لعبة Resident Evil The Mercenaries 3D في July 6 بسعر 39,99 $

اقتباس:

---

المشاركة الأصلية كتبت بواسطة devil cober

شباب احتمال أجيب الجهاز بدال الNGP والسبب أن الNGP ألعابه كلها Download وشغلات الأونلاين
فبكم سعر ألعابه في المملكة وهل في أمل تنزل أسعار الجهاز وألعابه قبل 2012 ؟؟؟؟؟

---

الي اذكره ان سوني قالت ان NGP العابه تباع في ذاكرة خارجية (تركبها وتلعب ) وتقدر تحملها من الستور , يعني سوني مريحينك , بالنسبة لانطباعي عن ال 3DS , جهاز رائع ولكن تقنية الثري دي ليست كما توقعت للاسف مخيبة للامال (لا يقولي احد خفف من الثري دي ومدري ايش ) , بالنسبة لي وجودها مثل عدمها هذا غير ضررها (صداع وتعب العين ) لذا i didnt buy it , في افكار حلوه بس كاميرا مخيبة للامال , فكرة اللعب بالبطاقات ليست جديدة هي نفس eye pet , بس الي قهرني ان البطاقات كرتونية يعني لو كانت بلاستيك مقوى زي eye pet كان افضل , ووضع فريند اي دي متعب ( ننتندو اتركي حركات الارقام عنكي وريحي العالم ) , الالعاب الحالية جيدة بعض الشيء بس انتظر شيء من ننتندو ( شيء جديد يستعرض قوة الجهاز مو بورتات دون المستوى راي مان وزيلدا , لحد يقولي اساطير , انا لاعب زيلدا اوكارينا اوف تايم , بس اذا كنا نحب هاللعبة بهالشكل ليش ما نحب نشوفها بأحلى صورة , يعني لو بنرضا بنفس الجرافيكس , كان جماهير FF7 سكتت لما نزل على الستور , في الاخير اقول جهاز رائع ولكن لم يفتح ستور ولا توجد حتى الان لعبة تستعرض الجرافيكس الي شفناه في رزدنت ايفل ميرسناريز , لذا الي بيشري الجهاز فالافضل ينتظر رزدنت ايفل لانها قربت واظن فيها ديمو ريفليشن , ونصيحة لا تشري الجهاز عشان هايب الثري دي , صدقني تأثيره خمس دقائق ثم تنزل مستواه (او تطفيه بشكل كامل من البارنت كنترول عشان ترتاح للابد ) , وتكسب مدة لعب اطول ( بالثري دي قرابة 3 ساعات , بس بدونه توصل خمس ساعات وانت رافع الاضاءة على اعلى مستوى ) , والصراحة الجهاز يستاهل .

^^^^
تسلم ياغالي خلينا ننتظر الE3 ونتأكد من Sony
وانطباعاتك عن 3Ds محايدة على عكس بعض الناس المتعصبين لأجهزتهم
خصوصا الكاميرا ماأظنها تقارن بكاميرا الجوالات بس أشوفها فكرة رائع بالنسبة لجهاز محمول

عندي سؤال لملاك ال3ds هل الغرافيك أقوى من PSP ؟؟؟؟؟؟؟؟؟
ياريت تفصلوا الاجابة يعني مع تشغيل ال3D ومع الغاء ال3D