أرجو ألمسآعده ضروري جداً جداً جداً :<

ألسلآم عليكم ورحمه الله وبركآته
هآذي أول مشآركه لي في هذآ ألقسم الجميل ومأ أدري هل مكآن ألموضوع صحيح أم لآ ..لآني حآولت أكتبه في منتدى الحلول ولكنه مآ مشى معي ... لآ تملك الصلآحيآت والخخ وشفته ظبط هني وقلت أكتبه وأسمحوآ لي :o

أنآ يديد في عآلم الميتآل قيرل .. سبق أن لعبت الجزء الثآني من زمآن ونسيته .. وشريت الجزء الرآبع وجربته شوي من بيت البدآيه ورديته
ولكني شريت الثآلث وتميت آحأول وآعآبل فيه بصرآحه حبيته مره وقمت أخبص فيه وأحآول لين مآوصلت لمرآحل متقدمه وألحمدلله.... صحيح إني مأ عرفت القصه تقريباً وبعض الأشيآء أجهلهآ لين ألحين إلأ أني حبيت ميتآل قيرل من بوآبة الجزء الثآلث ورحت وشريت الجزء الثآني وقريبآ بخذ الرآبع لإني قريت عنه كثيراً والكل يمدحه وندمت في السآبق إني رجعته ومآ كملت ولعبته وعرفت أسرآره

ندخل في الموضوع <<< وأنت وكل هذا مأ قلت شي
يأ أخوآني انآ لعبت ووصلت بعيد لمرحلة الرئيس ذأ أيند .. وتعبني وآيد صرآحه خذت ويآه أيآم لين ما تمكنت من قتله بعد عنآء وتعب وهلآك :o

وضليت ألعب وألعب وأوصل وتعديت الرئيس ذآ فيوري وضليت ألعب لحد مأ وصلت لدور التنكري بزي الميجر ... وتم القبض علي من قبل فولجين وتم سجنــي وفي الحقيقه اني يوم وصلت لدور السجن خزنت وقلت بكمل بآجر :o
ولكني يوم سويت لود في اليوم الثآني تفأجأت بأن السي دي اللي عندي ما يشتغل
يعني السي دي شغآل تمآم بس من اسوي لود لذيك المرحله مرحلة السجن يطلع لي please insert a playstation or playstation2 format disc
يعني مثل يوم يكون السي دي خربآن أو مآ شابه ذالك :(
وأصبت بخيبه أمل كبيره والغريب ان السي دي يعني شغآل تمآم بس من اسوي لودينج تطلع لي هالعبإأره :(

وضنيت بأن هنآك سي دي ثآني تكمله وبأن السي دي 1 هو للمنتصف فقط
فرحت المحل وسألت وقألوآ لي انه فيه سي دي ثآني المهم خذيته وجربته بس للإأسف طلع السي دي ديـمــو يعني تدريب وهالاشياء فقط :(
وحطيت في بآلي ان اللودينج عندي اوكي بس السي دي اللي عندي خربآن ... فرحت وشريت سي دي نفسه disk1 ورجعت سويت لودينج ولكن نفس الحآله ما رضى يستوي والله .. مع اني مسوي فايلين :(

والله يا جمآعه محتآر .... يا أن التخزيين مآلي أخترب وصآر فيه شي ... أو ان السي دي اللي عندي مشفر او خربآن اأو عيب تصنيعي هذآ والله أعلم :(

أرجوكم يا جمآعة الخير أفيدوني بسرعه بآرك الله فيكم لأني صدق صدق والله متلعوز ومب عأرف شو أسوي ... وآسف على الإطآله :(

قصّة مشوقة والله
...ههه المهم
هو أنا أضن انو موضوع مخالف لكن هذا بينك و بين المشرف....
أوكي
انت حاول تلعب من جديد و تعمل تخزين جديد 1
ادخل على هذا التخزين 2
اذا لم ينجح هذا جربّ التخزين الأوّل اللي عندك من زمان على جهاز سوني 2 آخر مو اللي عندك يعني شوف واحد صحبك و الا حاجة ...3
اذا لم يكن العيب من واحد من هاذم جرّب التسجيل في كرت تخزين ثان 4
هذا كلّ ما عندي ... اعمل به ان لم تجد حل و في انتظار الخبراء

غير الميموري حبيبي والعب من جديد الله يعينك

اقتباس:

---

غير الميموري حبيبي والعب من جديد الله يعينك

---

ما أحلى البساطة

مشكورين أخوآني Naked_Snake و BIGMOHA على مروركم وعلى تجآوبكم السريع

بس يا جمآعة الميموري شغاله 100% والدليل إني مخزن ريزيدنت إيفل من زمآن وألحمدلله كل شي تمآم

ومخزن ألعآب كثيره لين اليوم مأ زآل التخزين فيهآأ وفعآل .... شمعنى يعني ميتآل قيرل؟ وشمعنى لما وصلت لهاي المرحله المتقدمه :(
مب مشكله بخذ ميموري يديده هالشي مايهمني ولكن اللي معور قلبي المجهود اللي بذلته والأدوآر الصعبه اللي عديتهآ :(
والله لين الحين محتآر ومب عآرف الخلل من وين بالظبط :(
عموماً مشكورين فديتكم ويعطيكم العآفيه ومآقصرتوآ .

الميموري Full

يعني انت تحسب انك عملت save بس يمكن انه ما تسيف

جرب ادخل على الميموري وشوف تخزين ميتل جير سوليد 3 لأي مرحلة والساعه كم؟!

وهل هنالك تخزين لميتل جير؟

مرحبآ سوليدآد منورة يآ الشيخه
الحمدلله المشكله أنحلت عندي والخلل كآن غريب !!
جربت اسوي لودينج على البلآي استيشن الصغيره < واستوى والحمدلله لعبت كم مرحله وسيف مره ثانيه
ورجعت جربت اشغل البلاي استيشن الكبيره وسويت لود وكل شي تمآم !!
مع العلم أن الخلل كآن منهآ سآبقاَ ولكن الحمدلله الحين كل شي رآح والأمور طيبه والحين وصلت عند الرئيس ذآ سورو

عموماُ مشكورين جميعاً ويعطيكم ألف عآفيه ومآ قصرتوآ فديتكم ^_^

مرحبتين والله

واحنا حاضريين للغاليين

واي شيء تبيه ان شاء الله كلنا لك انلبيه << o-O

بمعنى أوضح : أي خدمة احنا حاضريين ^_^

شفت ما أحلى قسم ميتال جير

هههههه الحمد لله إنها أنحلت معاك ... شكله وقتها البلاي ستيشن الكبير عندك كان تعبان و معصب من The End :09: .

ما شاء الله الظاهر The End عذبك زي ما عذبني أول مره ..

بس ما يهمك . بعد ما تنتهي من اللعبه أول مره ممكن بعد كم محاوله تصل مرحلة انك تختمها في أقل من ساعتين وفي أصعب مستوى.

بس أنا ما فهمت المشكله 100% يعني انت في البدايه شغلت MGS3 على PS3 وخزنت في الهارد ديسك تبعه وبعدين شغلت اللعبه في PS2 ولا كيف .

المهم صدقني ما راح تندم لحظه انك لعبت متل جير ، لأ وراح تدمنها كمان.:wink2:

تسلمين أختي SoLyDaaD على كلآمج اللي يثلج الصدر ومآ عليج زود

أخوي Naked_Snake بالفعل والله المنتدى حلو وجميل والأعضآء اللي فيه أجمل
في السآبق كنت حآط في بآلي إنه رزيدنت إيفل أفضل وأجمل لعبه لعبتهآ في حيآتي ... ولكن بعد دخولي في عآلم الميتآل قيرل أدركت إني كنت أجهل أشيآء وآيد والله

أخوي (Walter Sullivan ) الحمدلله يأ أخوي إنهآ أنحلت ولأ كنت بتخبل : < والله يآ هذآ الذآ أيند والله تعبني وتميت ويآه أيآم لين مآ ذبحته ... بس بصرآحه كآنت مغآمره حلوه وحبيت شخصيته

أخوي The 4th Snake
هي والله والله مآ عذبني بس ذآ أيند إلأ دوخني .. والله خذت عليه أيآم وعقب موت ذبحته والحمدلله
والله اللعبه حسيتهآ طويله ومشيقه واحدآثهآ مثيره يعني كأنك تشوف فلـم .. العب والعب ولما اقول ببند البلاي استيشن .. اقول لا خلني العب شوي اشوف شو بيستوي : >
والله الجزء الثالث أسطوري وهو اللي خلآني اشتري الثآني وافكر في الرآبع <- اللي شفت عليه مدح غير طبيعي
والله ياخؤوي اللعبه صعبه على مستوى النورمآل فكيف على مستوى الهآرد !! يمكن لأني العبهأ أول مره احس بها الإحسآس
بإذن الله بختم الثالث وبعدين بختم الثآني ومن بعدهآ بشتري الرآبع وبختمه ان شاء الله... وبعدهآ رآح أكون مشتآق للثآلث وبرجع اختمه بالمستوى الصعب :)
هي والله ياخؤوي بالعكس أنآ مستآنس لأني اكتشفتها زين في هالفتره .. لاني وصلت لمرحلة ضقت ومليت فيها من جميع الألعآب
وميتآل قيرل فتحت لي الأبوآب لعآلم آخر جميل ومثير ومشيق

عموماً يا الغآليين اشكركم على كلأإمكم الحلو وربي لآ حرمني منكم
وشكرآ .

ألف مبروك على حل المشكلة وعقبال تختيم الشريط ,, ;)

وبالنسبة لميتال جير 3 صدقني يعتبر من أحلى الأجزاء وللجميع فيه ذكريات جميلة جداً

وأهلاً بيك في عالم ميتال جير الممتع ونصيحة مني دام إنك دخلت عالم الميتل جير

لا يطوفك جزء الـ portable ops على البلاي ستيشن المحمول PSP

لأنه يعتبر من أمتع و أفضل الأجزاء بجوار الجزء الثالث :biggthump

والله احسن جزء لعبته في حياتي الثالث وبعدين يجي الثاني الرابع لحين مالعبته والاول يجي المركز الاخير في الروعه بسبب الجرافيكس مال بلستيشن 1

ربي يبآرك فيك أخوي psp4KSA
والحمدلله ختمت اللعبه وكآنت بالفعل حلوه ومثيره ومسليه وأستمتعت فيهآ وآيد وتمنيتهآ مآ تخلص
وأإن شإأءالله بعمل على نصيحتك وبجرب جزء الـ psp بآين عليه عجيب من كلآمك
وأشكرك عزيزي على مروؤرك العطر وكلآمك الطيب

أخوي bukhalil مثل مآ قلنآ الجزء الثآلث بالفعل حسيته الأجمل في السلسله والحين العب الثآني وحآس إنه مب في حلآوة الثآلث ولكن نلعب ونتسلى شو ورآنآ :>
والجزء الأول مآ لعبته والله ... والرآبع الكل يمدحه ويقولون أنه أحلى جزء وأحدآثه مثيره جداُ

يآ شيوخي عندي إستفسآر لآ هنتوآ

بصرآحه أنآ ودي أطلب cd ps2 من أمريكآ ولكن في نآس قآلوآ لي إنهآ مآ تشتغل على ps2 اللي عندنآ .. هل هذآ الكلآم صحيح ؟

مثل مأ تعرفون هنآك العآب تحفه تتمنى إنك تحتفظ فيهآ للآبد وتلعبهآ دوم مثل ميتآل قيرل وريزيدنت إيفل
وهالألعآب أنقرضت عندنآ في الإمآرآت دورت نسخ أصليه ومآ لقيت غير الكوبي < اللي يمكن يخترب بأي لحظه
فيآريت تفيدوني بآرك الله فيكم لأني خآيف أطلب الألعآب وآأبتلش فيهآ آخر شي ومآ ترضى تشتغل : <

ومشكورين فديتكم ويعطيكم العآفيه .

العب الأوّل لا تنسه هو أحسن جزء من ناحية القصّة

اقتباس:

---

المشاركة الأصلية كتبت بواسطة Dragunov SVD

بصرآحه أنآ ودي أطلب cd ps2 من أمريكآ ولكن في نآس قآلوآ لي إنهآ مآ تشتغل على ps2 اللي عندنآ .. هل هذآ الكلآم صحيح ؟

---

اذا كان عندك ps2 الصغير يشغل اي لعبه مهما كان نوعها امريكيه او اوروبيه او يابانيه
اما الكبير مايشغل في الشرق الاوسط الا اوروبي بس

اقتباس:

---

المشاركة الأصلية كتبت بواسطة BIGMOHA

اذا كان عندك ps2 الصغير يشغل اي لعبه مهما كان نوعها امريكيه او اوروبيه او يابانيه
اما الكبير مايشغل في الشرق الاوسط الا اوروبي بس

---

مشكور عزيزي على التوضيح ويعطيك العآفيه ومآ قصرت :)

اخي العزيز موضوعك مخالف
:
نتمنى وضع اي استفسار هنا
:
http://www.montada.com/showthread.php?t=647080
:
او في قسم الحلول الكاملة في منتدى ميتل جير
:
صدقني كلهم بيردوا عليك
:
الف شكر للاعضاء الذين ساعدوك , انت التزم المرات القادم و محد رح يقصر معاك
:
شكرا
:
تحياتي : الكونت محمد17