الدوافير .... أشكال وأنواع .....
هلا والله
وش اخباركم , هذي اول مواضيعي معكم >> افهموها ابغى ترحيب :D
نخش في الموضوع ______موضوعي ذا يتعلق بالدوافيـر ... انواعهم وصفاتهم وأشكالهم.... ومن معنا من الدوافير في المنتدى .شوقتكم :D
====
# دوافير الدراسة :-
هذولا فيهم حب للدراسة مهوب طبيعي المهم هذي صفاتهم بالترتيب:-
@@ يجون للمدرسة ولا الجامعة من بعد صلاة الفجر :D تعرفووون ليش ؟؟؟ حب في الدراسة >>>>دوافير
@@ دايماً ما تلقاهم الا مع الأساتذة >> غالباً مصلحة واحياناً حب فيهم >> من دلاختهم أجل فيه واحد يحب استاذه>>على فكرة هذي الفئة نسميهم ((المصارية:D))>>>دوافير
@@ اذ شافوا شيء غريب مع الواحد على طول ما تلقاهم الا عند الوكيل >> الحمدلله وكيلنا دلخ ما يدري وين ربه حاطه فيه >>>دوافير
@@ ما يطلعون من بيوتهم ابد واذا طلعوا يطلعون كتبهم معهم >> اعوذ بالله الواحد ما يصدق يفتك من الكتب وذولا يطلعونها معهم >>>دوافير
@@ تعرفوووون متى يرقدون ؟؟؟؟؟؟؟؟؟؟؟؟؟؟؟؟؟ قبل ما تجي الساعة تسع ونص>>النص زيادة :Dوفي رمضان الساعة عشر ونص >>معلق على ذا النص >>> دوافير
@@@@ أمثلتهم من منتدانا : يوووه وش كثرهم الي معنا دوافير دراسة >> واللبيب بالاشارة يفهم
=====
=====
دوافير النت :
هذولا ينقسمون لفئتين :
@@@@الأولى : الي هي محترفي التصميم يعني لهم خبرة في تصميم المواقع ما شاء الله عليهم فيهم حب للتصميم ويا كثرهم وبعد نتمنى انهم يكثرون >> قام يتفلسف >> المهم من امثلتهم بدر ابانمي >> مصمم موقع المصمم ومسؤولي موقع نادي الفوتشوب .
@@@@الثانية : ((عيال المنتديات)) هذولا بعد فئتين
@@الي يبرزون في مجال معين مثلاً واحد يهوى >> وخر عن الفصحى يا شيخ >>ويحب وبعد محترف في الالعاب يبرز في مجاله وينشهر بقوة وخصوصاً اذا جا مع حبه واحترافه للعب طابع الكتابة والنقاش حول الألعاب.وهذي شهادة حق تنقال في(((((((((عماد 18))))))))
@@والقسم الثاني هم راعين السوالف على قولة القايل (راعي طويلة) احد ابرز صفاتهم خفة الدم >> مثلي >> ويا شين بعض الناس اذا جا يستخف دمه وهو ثقيل >>المهم هذي الفئة يحبون الوناسة وساعة الصدر وما يشيلون في قلوبهم من أمثلتهم >>(((ناف))) (((آرسين))) (((عماد ))) (((دجو))) ((((ابو فيصل)))) (((((ابو شوشة))))))
لا تكبر رووسكم بس :D
====
دوافير الكورة:
ذولا ما ينتسمون دوافير يسمون لعيبة لكن لا بأس من دمجهم
شلون يصيرون لعيبه ؟؟؟؟
-هذولا يلعبون في حواريهم لعب مهوب صاحي لين ما يحترفون
-دائما ما يرافق لعبهم اصابات ينشهرون منها
-يبرزون في مبارة وحدة ثمن ينخقون مثل مرزوق جاب خمسة اهداف قدام المصارية ثمن انخق
-دايما طقاق مع انديتهم ومشاكل وغربلة
الأمثلة : عد واغلط :D
==========
جميع الحقوق محفوزة :D:D
Re: الدوافير .... أشكال وأنواع .....
اقتباس:
الرسالة الأصلية كتبت بواسطة *مدلـل*
@@@@الثانية : ((عيال المنتديات)) هذولا بعد فئتين
@@الي يبرزون في مجال معين مثلاً واحد يهوى >> وخر عن الفصحى يا شيخ >>ويحب وبعد محترف في الالعاب يبرز في مجاله وينشهر بقوة وخصوصاً اذا جا مع حبه واحترافه للعب طابع الكتابة والنقاش حول الألعاب.وهذي شهادة حق تنقال في(((((((((عماد 18)))))))) :D:D
لاعماد شله من القائمه لانه خرررربها :p
