هاي شباب
راح اعرض رسومي اهني وانشالله تحوز على اعجابكم
ونبي النقد يكون صريح
ولا تبخلون علي في النصايح :)
واحب اسمع ردوكم;-)
هذي اول رسمه راح اعرضها
عرض للطباعة
هاي شباب
راح اعرض رسومي اهني وانشالله تحوز على اعجابكم
ونبي النقد يكون صريح
ولا تبخلون علي في النصايح :)
واحب اسمع ردوكم;-)
هذي اول رسمه راح اعرضها
فظيييييييعه
وتفاصيها دقيقه
شكلك تعبت عليها وايد ونظيفه هاذه اهم شي الله لا يوريك انا اذا رسمت
وايد حلوه
ياهو انا اول وحده داشه
وووواااااااااااااااااووووووووووووووووووو ! :واو:
تظليلك ممتاز .. و خاصة لمن شفت الرسمة ما عرفت وينها القدم اليمنى للشخصية ! :D
شكلك يا خوي وايد تحب الدم .. :D .. دم دم دم دم ..:":
يعطيك العافية .. ولو تتعلم كيفية التلوين بيكون أحسن ! ..
و إلى الأمام ! ;)
:) مشكوره اختي wildkitty صج تعبت عليها يومين تقريبا وانا ارسم فيها
على التضليل اخويCid Highwind علشان تعطي شكل حلو شويه اهتميت في التضليل
والدم شي حلو :D
:) مشكوره اختي wildkitty صج تعبت عليها يومين تقريبا وانا ارسم فيها
على التضليل اخويCid Highwind علشان تعطي شكل حلو شويه اهتميت في التضليل
والدم شي حلو :D
وهذي بعد رسمه حق نفس الشخصيه وايد احبه ارسم له رسمات وايد:)
واو رسمتك 2 وايد حلوه تيين
coooooooooooooooool
:D
انته تيب التفاصيل مضبوطه
:) احب اسوي شي ويعجب الناس
رائع يا أخ رسام!!!! :واو:
عجيييب مرّه !!!!
وينه MZM :D هههه
والله تظليلك وخطوطك تهوس!!!
بس عندي كم ملاحظة ...
لما اتكون كل الرسمه مظلله حاول أن توضح الخطوط الخارجية ((غمق الخطوط أكثر)) للشخصية بالذات... ;)
وأنتبه لدقة الرسمات لما تحفظها بنسق Jpg ...
حاول تخليها على Best Quality ... والا راح تطلع الرسمة فيها تشويش شوي ... ((مثل الرسمة الثانية))
لأني شفت كم رسمة لك بعد فيها هالتشويش ... :)
:-)
والمزيد من فنّك !!
ههههه الرسمة الثانية عجيبة!!
الزي والسلاح مذهل بالفعل!!
هذا سباون يالس يفكر كيف يقتل كيلار ههههههه :0)
;)
رفلكس مشكور على ملاحضاتك الجميله والنصيحه النافعه انشالله اطبقها
والصوره الثانيه هذي مسويها قبل لا ادش المنتدى ":)
هااااي..
رسام ....... انته رسام دقيق...... اقصد ترسم تفاصيل رائعه...:0)
حلوه الرسومات .....:D
مشكوره اختي CUTE NURIKO عندي رسمات امدقق فيهم بعد اكثر من جذي ":)
انشالله راح اعرضهم بالايام الي يايه
كوووووووووووووووووول رساااااااااااااااااااااااااااام :D
كشخه
:D
احب التفاصيل (عند غيري مو عندي ):أفكر:
و صاج ريفليكس :) وين mzm
:D
شنو منو شحقه ليش ":)
شنو MZM ":) ما فهمت
ما شاء الله ارسمتين روعه.. احلى شي الدقه.. تعطي طابع حلو للرسمه...
بس سؤال.. كم تاخذ وقت عشان ترسم وتظلل الرسمه؟؟
مشكور اخوي على ردك :)
وعلى الوقت
الرسمه الاوله خذة مني تقريبا يومين بس مو على طول شقال يعني اروح اطلع ورد ارسم جذي
والثانيه صج عقدتني يمكن خمس ايام وانا ارسم شويه وروح انام واقوم اكمل ":)
بس في عندي بعض الرسمات صغيره ودقتها عاليه اعلا من دقة هذول
انشالله راح اعرضهم
مشاء الله عليك يا رسام أنت يا أنت يا رسام يا صج رسام :D
ماشاء الله عليك يا دقيق انته!! :D
وفي رسمات أدق بعد!! :واو:
أنتظر رسوماتك :)
(( أخ نيو ... شيّك على رسائلك الخاصة ))
;)
ما شاء الله عليك.. انا لو قعدت على رسمه وحده اكثر من ساعتين متواصل خلاص تقفل معي و اكره الرسمه ولا اكملها :(
بس طبعا بالمقابل رسماتي مافيه اي نوع من الدقه ?:
I have a real short attension span ?:
وااااااااااااااااااااااااااااااااااااااااااااااو:واو: :واو: :واو:
ايش الفن ذا يا رسام ماشاء الله اسم على مسمى :واو: :واو:
روووووووووووووووووووووووعه ...
شكلك تحب العنف ههههه ...
لا لا امزح ....بس صراحه رسمك
ر
و
ع
ه
من دون مجاملات ....
تسلم اخوي
باي
رسام رسوماتك تفوق الوصف:)
الكل مايقدر يقول كلمة امام رسماتك المدهشة
رهيب انت يا رهيب..:)
الرصاص عندك في تمكن :) ويعجبني اسلوبك....
الان جاء دور النقد... البناي
الرسمة الاولى... ركز على الظل الواقع تحت المقاتل الجالس على الصخرة لانه بيعطيك بعد ووضوح... جرب وشوف:)
وتذكر... وهذا سر نجاح رسمات الرصاص: تذكر ان اي شئ بارز فان تحته ظل:) صح؟
الثانية... الرسمة ماعليها كلام كالاولى بس الحركة تحس من خلال اليد اليمنى اللي حاطها تحت الذقن كأنها حركة طالب في المدرسة او حركة أديب.. احمد شوقي ههههه.... شلون تتعدل؟؟ انا اقول لك...نفس الحركة بس تغير مكان الكوع.. انت راسمه لاصق بالجسم... لا .. ارسم الكوع بعيد عن الجسم وبتشوف ان الحركة بتتغير الى حركة فخامة وعظمة.. جرب وخبرني:)
وبشكل عام .. انت من احسن رسامينا في المنتدى اللي يرسمون بالرصاص:)
عندك مجنون الرصاص... ام زد ام...
و ملك الرصاص والقنابل... الهادي الله يرحمه ويذكره بالخير
ودكتور الرصاص ... ديمو هههههههههه
يله شوف لقب بعد انته ههههههههههه
مشكوره اختي مستعجله بالمره على الرد الجميل انا سميت روحي رسام
علشان وايد ناس ينادوني يالرسام ":) قامو ينسون اسمي وينادوني الرسام ":)
ومشكور شاهين ردك وااايد عجبني والنقد مالك صريح وعجيب :)
كلامك صح التضليل في الرسمه الاولى تقدر تقول استعيلت وخلاصتها والحين انا مجلدها خفت عليها من التلف الانها شوي قديمه ":) وما اقدر اضيف عليها شي حتا الثانيه نفس الشي
بس الرسمه الثانيه القعده كانت يديده علي وحبيت اسويها :) الاني وايد ناس تشوفهم يحبون القعداة الي محد يرسمها علشان تكون يديده الحركه ":)
ترى الرسمات كبيره بس ما قدرة ادخلهم بالسكانر كاملين
عندي هذي بعد رسمه حق اسباون واضن ان هالقعده راح تعجبك شاهين;-)
ما شاء الله عليك يا أخ رسّام !!
ايش هالرسم العجيب بالرصاص!!
ايش هالدقة!!
وحلوه هالجلسه اللي جالسنها !! كأنه زعيم!! :0)
لا وحاط ريل على ريل!! ورجله ماعليها شيء (حافي هههه)
شكلك تحب Spawn أكثر مما توقعت :D
أبدعت يا أخي ;)
بصراحة صرت متشوق للقادم أكثر وأكثر!! :)
good luck ;)
مشكور اخي رفليكس
اي صح انا وايد متحطم في سباون تقدر تسميني مينون سباون:D
اول ما شفته بالسينما وانا قاعد ارسم له رسمات خياليه
والبسه ملابس ودروع واغير شويه من جسمه وهيأته :)
اهلا رسام
رسمتك وايد حلوة:)
ماشاء الله عليك اتقنت الوضعية والاشكال...
موهوب جدا!
بس ابي اسألك... ماجربت الفحم؟ عندك رسمات بالفحم؟:) :D
زين اعجبتك هذي الرسمه شاهين :)
اي استعمل الفحم بس حق رسم البورتاريه
مو حق رسم الشخصيات ورسمات مثل سباون الان يبيلها دقه وصعبه بالفحم ":)
هاي
واااااااااااااااااااااااااو جاليري الرسام :D
رسوماتك رووووووووووووووووعة تهبل :)
تتحكم بقلم الرصاص عدل بس بعد حط رسومات بالفحم كتنويع :)
مشكورين شباب على ردودكم بس انا ما استعمل الفحم الا حق رسم البورتاريه بس ":)
وعندي هذي الرسمه بعد انشالله تعجبكم
صج هذي الرسمه دققت فيها وايد
شفوها وحكموا:)
اخ رسام...
رسمك وايد دقيق....
ووايد تهتم بالتفاصيل ما شاءالله عليك
رسومك تخرعني
ومثل ما قلت لك...
خيالك من النوع المريض :(
بس رووووووووووووووووووووووعة ;)
تابع اخوي
بالتوفيق انشاءالله
مشكوره اختي orange road ردج عنيف ":)
منو الي يقول ان خيالي مريض ":)
انا بس احب انوع في كل شي يعني ارسم اليين و سيارات ورسمات اطفال وارسم رعب واكشن يعني احب انوع
والي انا احب اعرضهم
الرسمات من نوع الرعب والاكشن ليش ما في وايد يرسمون عن الرعب
والاكشن .
واو !!! الرسمة الأخيرة هذي رووعه !!!!
التفاصيل كثيرة جدا!!!
((ليش ما كبرت الرسمة أكثر !؟ ... ))
أول مره أسمع عن فن مريض ههههههه
أحب هالنوع من الرسومات لأنه يغذي الخيال بالتفاصيل!!! :D
رائع يا رسّام ;)
اخوي رسام
ترى والله ما اقصد اساءة
بالعكس رسومك تعجبني وايد
واكثر شي يعجبني انك تركز وايد على التفاصيل الدقيقة في الرسومات
بالتوفيق اخوي
ولا تزعل من تعليقي :)
الحمد لله ان عجبكم رسمي :)
بس رفليكس انا كبرت الرسمه اكثر من اللازم
وحجمها الصجي صغير حيل ما راح تصدق ":)
الاني كنت لابس نضاره وحاط ويهي في الورقه وقاعد ارسم
الرسمه وايد صغيره هذا يعني حجمها حلو :)
بصراحة عجبتني جدا!!
بس ليش ما تفتحها وتوضح الخطوط ؟؟
لأني أحس أنها تبدو كئيبة :(
عطها اضاءة وكونتراست زيادة وبتطلع فيها حيويه أكثر :0)
وعندك اليد القريبه لازم أتكون أكبر .... ;) ..
أكيد غفلت شوي ...
هذي أنا سويتلك اياها ...
((أنا مش متعود أحط رسمات في جاليريات الغير ...
بس شو أسوي ^^; ...
عجبتني مرّه ... !! ))
...
:)
لا شسالفه اختي orange road
انا ما ازعل على احد بعدين امبينه غشمره :D
عادي :D
واااووو تصدق صارة حلوه:D
مشكور ريفلكس
راح اتبع نصيحتك:D
وهذي بعد رسمه سويتها حق سباون انشالله تعجبكم
يا سلام عليك يا الرسام يا خطير انته!! ;)
والله الرسمه Perfect وواضحة وخطوطك فيها رووعه !!
والاضاءة مناسبة ;)
رائع يا رسّام .. لازم ندورلك على اسم ^^
بس أريدك تنوع أكثر في الرسومات ... يعني Spawn وغيره ;-) ...
يعني ما عندك أبطال أو شخصيات ثانية معجب فيهم ؟ :-)
Draw them ;)
ماااااااااااااااااااااااااعرف اعبر ابدا
لساني عجز عن الوصف.. فباكتفي ب....
WOOOoooOOOoooOOOW
":) اي بلى اعرف شخصيات ثانيه غير سباون بس اسباون انا عندي الشخصيه الاولى
وراح تشوفهم شخصيات غير اسباون انشالله :D
مشكور اخي Ranma Saotome بس ليش ما نقدة او قلت اي شي ":)
وخلينا نشوف رايك يمعود:)
الصمت في حرم الجمال .. جمال
انا انتقدت لك رسماتك .. بالـ MSN :)
وهذي بعد رسمه
وحده من شخصيات تيكن ( هوارينق)
مسويه ياهل وشوفو الموقف الي صار معاه :D
هاهاهاه ..
اشوه لابس تحته :)
احب هالشخصيه :)
بالذات بـ Tekken4
عجيب شفته شمسوي قاص سبايكي :D
في الجزء الرابع كوول
هاي
رسماتك روعة الرسام بس الاشكال في الصفحة اللي قبلها تزوغ :":
رسمة هاورانج عجيييييييييييييييييييبة انا وايد تعجبني هاي الشخصية الا في الجزء الرابع صار مب حلو :)
مشكوره اختي RPGgirl تزوغ :D
بس هوارينق مضبوط حيل في الرابع جنه صجي
وهذي رسمه قديمه حق ليون شويه فيها دم :D
شوية دم :! وااااااااااااااااااااااااااااااااااااااااااااااو من اليوم لين بكره واااااااااو... دمممممممممممممم BLOOOOOooooOOOOOD
ياخي انت رسمك وايد يعجبني..
عليك خيال مانحط على احد.. رسوم دمويه ومرعبه ":" كووووول...
الحين الرسم الكيوت ورسم الوحوش هو اللي قايم سوقه... وين رحتوا ياعشاق الظلام.. الدممم... الرعب البلاك ميتال... هذي الرسمات اللي تشبع الواحد.. لا ماتشبعه.. تخليه متعطش يبي زياده..
ماشالله.. رسمك منظم وخطوطه واضحه ونظيفه وماخليت شي ماركزت عليه... يعني ركزت على كل شي تقريبا.. هذا احسن شي..
يد طالعه من البالوعه.. واحد على بطنه واللي على راسه... وااااو..
واحلى شي تفجير الراس.. :واو: تلوينك رهيب والدم كأنه صجي..
الله يذكر روايه بالخير.. لو هو الحين هنيه، كان عمل لك تحليل نفسي كااااامل.... هعهعهعهعهعهع
واااااااااااااااااااااااااااااااااااااااااااحش
رسام
وحوشك حلوة و تخرع
ليش شذي يا أخي
:": :": :": :":
هاي بعد الرسمه اللي فوقي شنو
انت ما تتحلم في رسماتك :واو:
أكثر رسمه عجبتني مالت الأسد
فيها تفاصيل رهيبة
بس رسمه الكيوت اشوي خففت عني
مادري شسمها الشخصية نسيت
رسماتك نستني الأكو و الماكو
عاد ارسم بنات يهال ذبحتني ترى رسمك حلو:0)
لوووووووووووول:D
Ranma Saotome انا علشانك ابي اقعد ارسم دم احلا من جذي:D
وزين مشالله عليك شكلك قاعد تطالع الرسمه وايد:D
لوجين انا الحين قاعد اميل حق رسمكم الكيوت واليهال والبنات ما ادري ليش
معني متعطش مثل ما قال اخوي Ranma Saotomeمتعطش مثلكم:D
بنسير ادراكولات مو بشر:D
وعندي رسمتين راح اضيفهم بعد جم يوم انشالله بخليكم تكرهون الدم:D
لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالالالالالالالالالالالالالا
رانما ما اقدر أقرى تعليقك حرام عليك
لا تقول دم انا عندي فوبية قوية من كل شي يطلع دم
انا وين الله رماني
واحد يقول دم و الثاني يبي يصير رداكولا
إإإإإإإإإإإإإإإإإإإإإإإإإإإإإإإغغغغغغغي:" :" :"
:D
حلوة الرسمة يا رسام يا رسام:D
وتحبون الدم بعد وترسم مقاتلين أعتقد أن شخصيتك الحقيقية بتطلع وتوضح لنا شوي شوي:D
:D الخطاف انت ما قلت لي شي عن الرسمات نبي تعليقك
اشدعوه لا تسير بخيل :D
سمعنا نصيحه لوجه الله :D
شوف اطالبك بالمزيد ..
وهورانج اصلا صار احلى بالراابع بالذات بلبسه الحربي .. كوووول :)
اي حسين احلا جزء الرابع كوووول:D
فورست لو مربي شوارب وبول مو حاط جيل موقف شعره هالمره مخليه عادي شعره اينن ناعم
ولا الشخصيات اليديده :D
تعال مو جنا رحنا في موضوع ثاني:D
رسااام روعه :)
انا عجبتني طيحة الولد :D
هههههههههههههههههههه
و ريزدنت إيفل :!
ما أقص عليك خوفتني رسمتك :!
لأني من سابع المستحيلات
ألعب هاي اللعبه :!
no way
في هاي أكون بس مشاهد :D
فطوم من صجج هذي اللعبه تخرع ؟
عيل لو تلعبين سايلنت هيل الاول والثاني جان شدقولين
:D
;-)
سايلنت هيل :!
:"
انا بس بالبدايه
بس بالممر :"
من القلق و الأصوات مت بمكاني :"
تقولي العب فيها :"
تووووووووووبه ما أمسك الجهاز :"
ايش هالفن الرهيب يا أخ رسّام!! :)
الرسمة حق هورانج عجيبه جدا!!
وأيضا الرسمة حق ريسيدنت ايفيل أو بيو هازارد ...
بس لو كان في تأثير ضوئي للShotgun راح تكون أحلى أكثر بعد ;) ...
More plz :D
ههههههههههههههههههههههههه :D
شخباااااااارييييييي
صج متأخر بالمره :6
آسف اخوي رسام :o
صج انك إسم على مسمى :D يا خطير
اعذرني ترا دخلاتي للمنتدى قليله
و لما قريت ردك و طلبت مني اجي هني........ جيت سيييييييده :D
رسمك خطيييييير يا خطيييييييير :)
انا لو اشوفك جدامي ........بجرك من شعرك و اقطك بشركة سكوير سوفت
ههههههههههههههه :D لانك مبدعععععععع بمعنى الكلمه
نقدي الوحيد لك مو على الرسم ;)
رسمك ما شاء الله شي خيال :) و اتمنى يزود روعه اكثر و اكثر
نقدي بيكون على موضوع الرسم
مواضيعك اغلبها دمويه :D
لا تنسى ابد مو كل رسمه دقيقه حلوه....... لازم تنقى مواضيع تدخل النفس :D
موضوعك و فنك شدني بشكل كبييييييييير حييييييل :D
رسماتك كلها روعه
و هاذي رسمه من رسماتك اللي شدتنييييييي اكثر شي :D
مشكور اخي MZM على الرد الجميل والي فرحني وشجعني:D
وذوقك حلو اخترة رسمه حلوه وهذي ما تصدق ما طولت فيها وايد:D
انما الاوله والثانيه اكثر شي طولت فيهم
الحين افكر اسوي رسمه حق عشاق سايلنت هيل:D
تعلمت أن الناس ينسون السرعة التي أنجزت بها عملك ، ولكنهم يتذكرون نوعية ما أنجزته !!
مشكور حسين على الكلام الحو :D
وهذي بعد رسمه وانشالله تعجبكم
بسم الله الرحمن الرحيم.......... :":
الرسمه روووووووووووعه......... ودايما رسومك دقيقه.... :! (ماشاء الله)
:) هذي الرسمه وايد صغيره
هالمره مكبرها مو مصغرها :D
رسماتك الصراحه عاجبتني وايد ... التفاصيل دقيقه وكثره .. ما شاء الله عليك ....وهاي بيتين من الشعر لك......:
..................رسماتك حلوه يارسام><إسم لمسمى بدون كلام............
................خليتني ترى ماقدر أنام><يله أشوفك يله سلام..............
وانشاله يعجبونك...... وشكرا...؟؟؟!!!!
;-) ;-) ;-)
;-) ;-)
;-)
رسومك يا الرسّام يعجز اللسان عن وصفها!!
الشخصية عجيبة!! كأنه ساموراي ديمن!!
الوضعية رائعة ونادره!!
والتظليل في منتهى الروعة!!
والدقّة!! ;-)
بس أشوف الخوذة مائلة لليمين شوي!! هذا اللي لاحظته بس ... :)
ممتاز يا أخ رسّام !! ;-)
وأفكارك مرعبة!! :)
الرسمة الاخيرة حلوة ههههههههههههههه انا لما العب ريزدنت ايفل اسوي بالزومبي مثل هاي الصورة :)
مشاء الله عليك يالدموي خيو .. :D
صج أنك رسام بمعنى الكلمة ! :D
:واو: دقققققققققققققققققققققه :واو:
ماشااااااااااااااااااااااالله عليييييييييك رسمك في منتهى الدقققققه...
ماخليت شي ابدا... وااااااو...
الاخيره انت عرضتها بمكان ثاني ولا راويتني اياها لاني شايفها ...
المهم نحتاج الى المزيد من رسومك التي تتعرض لكل التفاصيل ..
مشكور اخوي sha3re :D شعرك حلو وااايد :D اشدعوه شعر علشاني:D
REFLEX اي صح يمكن الخوذه مايله على الحركه السيرعه الي هاجم فيها ;-)
اختي RPGgirl شكلج ما ترحمين الزومبي مو ليه:D
Neo Cid الحمد لله عجبك رسمي ومسوي لك رسمه كيوت بس مو ذاك الزود:#
Ranma Saotome مشالله عليك شكلك قاعد تطالع النقش الي على
الملابس مو:D
حسين اي صح انت جنا شايفها بس لازم اعرضها في القالري ;-)
وراح يوصل اليديد ;-)
UFFF......3ajeeeeeeeb
:! :! :!
Kat ما قلتي شي
نبي تعليق نصيحه :)
وهذي بعد رسمه لمحبي السموراي نهاية ساموراي شجاع:D
رررررررسسسسسسااااااااااااااااااااااااام.....
والله كل رسمه تحطها تكون احلى من الثانيه... وااااااااو...........
ماشاااااااااااااالله... ماخليت شي... رسمه روووووووووعه... صاااااااااااعقه
والله ان عيني :! @@ وااااااايد @@.... ياخي انت صججج رساااااام...
فكرررررره بعد عجييييييييييبه... السهام عليه من كل جهه.. وماقدر يتحمل.. طاح من طوله.. وللحين حامل الرايه.. سووووو كووووووووووول.. رسسسمه عجييييييييييييييبه...
والرايه شكلها حلللللللللو... والسيف عاد كلام ثاني.. شلون من كثر الضرب والقتال تكسر... :واو: ياخي انت ماااشاااااااالله عليك ماتخلي شي...
انت لااااااااااازم يحطونك حق لعبة Kessen3 تعرف لعبة كيسين ولا لأ؟؟
رسمك مررررررررررررعب... تدري في شي واحد بس.. على هالرسم الحلو والدقه.. لو حطيت ان رجله مقطوعه.. وباينه في الصوره.. مع الدم ورسمك الحلو... بتكوووووووون حاgه تاااااااااااااااااااااانيه خووووووولس...
لالالالا ..
كان لازم تسوي العلم مشقق ..
وتفاصيلك انت كبيره :)
وصعب التلوين الله يعينك بالتلوين .. :)
صراحج ويهه يخرع .. انت مرعب
هاي
لااااااااااااااااااااااااااااااااااااا فعلا رسمة رائعة :o
ماشاء الله عليك :o
شكلها مرعب على الاخير ها ولا داينستي واريور :)
كالعادة وصلت متأخرأ!!!!!
اسمح لي رسام!!!!...كان من المفروض اشوف معرضك ولكن!!!
المهم......ما شاء الله....رسماتك!!! اللهم لا حسد!!!
رسماتك لا يعلوها العيب(انا احب ريزيدنت ايفل!!...كثر من رسماتها!!!!)
مشكورين على اردودكم الحلوه :D
هلا اخوي Ranma Saotome كلامك حلو شجعتني:D
وعلى ريله تبيني اقطعها :D لا اهوا جذي حلو الان يمكن راح ايقوم ويقاتل:D
وعلى لعبة كيسن لعبه عجييييييييبه روعه
وحسين صج معاك حق لو كنت مشقق العلم كان احلا ;-) ومشكور على ملاحضتك
RPGgirl اتعرفين دنستي وريورز :D وحده من العابي المفضله ناهيه في كل اللاعبين بس حسافه النسخه الجزء الثالث عندي كوبي المشاهد ما تطلع:" حرام
هلا اخوي xero في اي وقت بس المهم نسمع تعليقكم ورزينت ايفيل الكل متحطم فيها ;-) والقصه تلعب دور اكبر من الرسم
واااااااااااااااااااااااااااو :واو: من جد وااااااااااااااااااااااااو واااااااااااااااااااااااو :واو:
ما عندي اي تعليق غير هالواااااااااااااااااااااااااااو :واو:
هلا اخوي Tidus_2007
?: واااااوووو بس
نبي تعليق او نقد او نصيحه
ميخالف اي شي اي منك حلو:)
الله واكبر عليك فعلاً تعطي كل رسمة حقها من الخطوط والتضبيط
مادري اشكثر تاخذ من الوقت بس لو اتحط على نفسك الشي البسيط في
الأصابع أدري أنك تضبطه صح:D
هلا اخوي الخطاف مشكور على ردك الجميل
وعلى الوقت يعني مو وايد ساعه او نص والايد استعيل فيها :D
وهذي بعد رسمه حق الي ما شافوها .
الصراحه تستحق الشعر يارسام وترى أنا ما أكتب الشعر أبدا إلا للمبدعين أمثالك .........;-) ;-)
يله عاد نبي نشوف أكثر......:0)
يا سلام عليك يا الرسّام !!! ;-)
انت شكلك شايف كل أفلام الرعب من ألعاب وفيديو وصور بعد!! :0)
مخيلتك في قمة الروعة!!!
خاصة الأخيرة!! يا رسام يا محترف الرعب!!! ;)
في الأخيرة ...
لو كانت الرجل اللي صوب اليمين أكبر بيكون أحسن ;)
تابع الله يخليك :D
ماشاء الله ..
وترى انا ناطر طلبي منك :) اوكي :)
سوري على التاخير اني ما رديت بسرعه
انا شفت كل الرسومات الي فاتتني
وشفت الرسمه الي لونته :)
وايد حلو
انته رسوماتك وايد حلوه ونظييييفه وخطوطك واضحه
انته تبدع لم ترسم وحوش وايد شكلهم سو سكري و متقن
هاي الرسام
ماشاء الله رسمك روعة هههههههههههه ماعندك الا الوحوش ليش ما تسوي وحش مثل النمسيس او التايرانت :)
مشكور حبيبي sha3re:)
وانشالله بيعجبونك رسماتي الي يايه
هلا اخوي REFLEX عاد تصدق انا ما اطالع افلام رعب ولا افلام مانجا الا الي مشهورين و ذاع صيتهم بس
والرسمه المرعبه انت للحين ماشفت شي :D حتا اهلي مستقربين من وين ايب هالافكار:D
هلا اختي wildkitty ليش متأخره خصم يومين:D
لا عادي اشدعوه
هلا اختي RPGgirl وحوش رزيدنت ايفيل صج حلوين بس ما يعجبوني وايد
والتايرينت والنمسيس عندي جم رسمه لهم من خيالي
واكثر جزء عجبني هو رزيديت ايفيل فرونكا اينن :D وحوشهم اموت عليهم
وهذي بعد رسمه حق اسباون :D شوفوا راس الكرسي الي فوق;-)
ماشاء الله عليك
رسوماتك من اروع الرسومات في الرعب
رسومات الساموراي رائعة جدا جدا.. وفقت بها
رسومات الرعب مع اني لا ارى رعبا لاني متوعد عليها رائعة جدا جدا
ورسمة الريزيدنت ايفل ممتازة احببتها ورسمة هوارانج مدهشة نفس اسلوب رسمة رالف يقلب جو:)
نسيت ان اقول لك من قبل.. اني لا اشك بقدراتك ابدا .. بالعكس ارى فيك موهبة قوية جدا وخاصة في رسم الاجسام كما احب ان اذكر ان سمايلي ايضا رهيب في رسم العضلات;)
مشكور شاهين على الرد الجميل :)
وعلى رسمات السموراي امس سويت وحده يديده تلقاها في موضوع قلم رصاص و وقت فاضي :)
ورسمات الرعب بعد ما شفت شي عندي وايد هذول البدايه بس :D
ونبي تعليقاتك لا تسير بخيل :D
هههههههههههههههههههههههههههه
خاصم علي يومين
هههههههههههههههههههه
سوري على التاخير
الرسمه وايد حلوه
علمني ارسم نفسك :" :6
:!
رسام رسومك صج تخوف :!
بس مضبووووووطه :!
:) تابع
اهلا اختي كيتي هل تريدين الصراحه ان رسم الوحوش والرعب تحتاج الى تفكير وتعب الدماغ
استمري على رسم الكيوت انهو افضل واجمل حينما تضعين اللمسات الانثويه تكون كامله من الجمال انما رسم الوحوش فما سوف تضعين :D
اهلا اهلا اختي فطوم
لقد لاحضت عليكي شئ هذا اليوم لمذا لم تتكلمي العربيه الفصحا
;-)
هذي بعد رسمه حق سباون شخصيتي المفضله
[QUOTE]الرسالة الأصلية كتبت بواسطة RSSAM
[B]اهلا اختي كيتي هل تريدين الصراحه ان رسم الوحوش والرعب تحتاج الى تفكير وتعب الدماغ
استمري على رسم الكيوت انهو افضل واجمل حينما تضعين اللمسات الانثويه تكون كامله من الجمال انما رسم الوحوش فما سوف تضعين :D
:D
الرسمه حلووووووووه
تخررررررررررع كله جمااااااجم :"
بس مضبوطه حده
فنااااان !!!! ;-)
خاصة الرسمة الأخيرة !!
حركة السلاسل عجيبة و دققت فيها ;)
((وطبعا رسمك للشخصية والتظليل من أحسن ما يكون!! ))
يا دقيق انته :D
بس لو كانت السلاسل ملتفه على نفسها أكثر راح يكون أرهب بعد ... :)
:-)
:) wildkitty اشدعوه ما تحبين الجماجم
الجماجم شي حلو :D
وهلا اخوي REFLEX ملا حضاتك حلوه
بس السلاسل لو لفيتهم اكثر من جذي بتتعقد الرسمه :D عندي رسمه في السلاسل لافه حوالين بعضها عيل اكيد راح تعجبك
اسف على الغيبه ":)
وهذي وحده من رسماتي للعبة ميتال جير الجزء الاول اول اول ما تعرفت على شخصية النينجا :)
سويت له هالرسمه
صج قديمه بس حلوه شويه و MZM راح يستانس عليها :D
روعة يا حبيبي رسام
ممتازة العضلات في رسمتي سبون والنينجا
صورة سبون رهيبة وخاصة السلاسل والمنظور
صورة النينجا عجيبة.. الحركة قوية جدا:)
ما شاء الله عليك يا رسام.. خطوطك احترافية
على فكرة سبون ليس حافيا!!!
:"
واااااااااااااو
رسام رسمك فضيع ولاحلى انك ابدا ما تنسى التفاصيل الصغيره
بس ياليت نشوفك ترسم اوادم مو بس وحووووش
:D هلالا اخوي شاهين
سباون اهوا اصله جلد طاقته مسويله مثل درع خارق والجلد هذا مو سميك بس قوته هائله علشان جذي ما يلبس احذيه بس دروع واسلحه غير طبيعيه :D عندي رسمه ملبسه جوتي انشالله راح اضيفها باليام الي يايه
lonely star**هلالالا
مشالله منور الجالري اليوم
التفاصيل صج حلوه بس ساعات تسير مو حلوه حق بعض الرسمات
وانا ارسم بشر عاديين بس تابعوني وانشالله تشوفون الي يعجبكم
:)
أسم على مسمى ;)
ترى عاجبي الرسمة الى سويتها للننجا
كمل على الدرب السديد ;-)
الرسمه مالت الننجا .. عجيييييييييبه ..
الدقه في رسومك عجبتني وأعرض المزيد ..
مشكوورين على ردودكم الحلوه :D
بس ما سمعت اي نقد ولا نصيحه
وانشالله اكون عند حسن ضنكم
وراح اكمل اعرض رسماتي;-)
رسمتك للنيجا رهييبه جدا أخ رسّام!!! ;)
الوضعية عجيبة جدا!!!
والعضلات بشكل عام رائعة :D
بس عندي ملاحظة :D
العضلات اللي ببطن النينجا أحسها كثيرة نوعا ما ?: ... يعني لو قللت شوي بيكون أحسن ...
ورجله اليمنى تبدو أقصر تقريبا.... الأبعاد تبدو صحيحه .. بس انته المفروض تقلل قليلا من حجم عضلاته البعيدة وتطولها قليلا جدا... :أفكر:
بس رسمك في قمة الروعة ;) ...
على فكره ... ليش رسوماتك الملونه معدومه ؟؟ ?: ...
ما تعرف للفوتوشوب؟؟
...
:-)
انا أشوفهم اوكي رسام :)
بس تابع ;-)
Gray Fox:"MOOre MOOOOOOOOOOOOORrrreeeeee "
و النعم المزيد
و عندي ملاحظة يا ريفلكس :
أن رسام يرسم بالرصاص لأنه أسهل له و يستطيع التعديل بسهولة
و أنا شخصيا مثله أرسم بالرصاص , و ما ألون إلا و أبيها :أفكر:
مشكور رفليكس على هالنقد الصريح والنصائح وانا معا كلامك:)
فطوم ما اشوف اتقادج لرسماتي :أفكر:
انا صج ارسم بالرصاص ليش اقدر اسوي فيه الي ابيه وسهل حيل
اما على الفوتو شوب ما اعرف استعمله توني يديد عليه:)
وعندي رسمات ملونه انشالله راح اضيفها :)
http://www.uniquehardware.co.uk/serv...n/pbubbles.gif
قعدت 10 دقايق ادور ردي.. انا متذكر اني كاتب رد..
بعدين تذكرت اني واكتب الرد قطع علي النت وماتصل مره ثانيه:غضب:
رسمت النينجا مضبوووطه.. تظليلك روووعه (كالعاده) ماشالله عليك.. والخطوط ترسمها باتقان عجيب.. راسم الشخصيه بتفاصيلها وخاصه شلون اللبس عجيييب.. الرصاص صاير لعبه بايدك ماشالله ماشالله عشان مايقولون عطيتك بعين..
خلالا خوي Ranma Saotome :D
الحمد لله ان النينجا عجبكم :) ما توقعت ان بيعجبكم لهدرجه :)
وهذي بعد رسمه حق اسباون
بس اهوا الصليب عوي والدنيا صح انا عاوي الدنيا ومخلي الصليب صح:D
ياريت لو تركزون فيها شوي :)
سلالالالالالالالالالالالالالالالالالالالالالالام:cool:
اشلونك رسااام
انت قلت ركزو بالرسمه الخيرة
صبر اشوي
:!
:!
:! :! :!
:) ماشالله الرسمه تجنن و لو انه أجوائها غامضه و تخرع بس وايد دقيقة وايد حللللللللللللللللوة:"
:D هلااااااا رساااااااااام
آسف على التأخييييييير :o
النينجا بالحيييييييييل بالحييييييييييييييييييييييييييييييل :D روعه يا خطير
و رسماتك كلها دقه صج خياليه ما شاء الله عليك
;)
الزحمه اللي تسويها برسماتك حيل تعطيها فخامه :D
ما أقول غير يا خطير زيييد علينا بالرسم أكثر و أكثر .....
;) يا رسام
صج صج ضاع الكلام :)
و الرسمه الاخيره ليش تحطه معلق على صليب :D جذي انت قتلت رسمتك بنفسك
شكل الصليب مو حلو بالمره ... حتى لو اللي معلق عليه شخص ثاني :)
انا ما أقصد الرسمه انا أقصد موضوع الرسمه ........... الرسمه روعه
:o آآآسف على تأخير ....... بس من عرفت بالرسمات الجديده جيتك سيده :D
لإني حاط جواسيس عليك
اي شي جديد توصلني الاخبار :6
ما شاء الله أبدعت صجج :D
هلالا لوجين الجلري منور اليوم لوجين وام زد ام :D
مشكوره على ملاحضتج للدقه بس احس ساعات الشي لو زاد عن حده ينقلب ضده
الان رسمة النينجا كانت تحدي بنسبه لي :D الان السوني الاوله كان رسمها جدا ضعيف وشخصية النينجا ما كان امبين الخطوط الي على جسمه ولا حتا التفاصيل وكان معقد بنسبه لي :D
بس زين طلعت بهالنتيجه :)
MZM كنت حاس انه راح يعجبك النينجا :D
وحلو رايك في الرسمه الثانيه :D هذي وجهة نضرك . وانا اقبلها:D
والجواسيس:D ليش كلا متأخرين
انا حاط لك كامرات على كل المواضيع بس اشوف اي رسمه تلقاني علطول :D
بس المشكله ما عندي تلفزيون :D :cool:
صج وين الشباب ":) الضاهر ما عجبهم رسمي عادي حتا لو بس نقد كل شي منكم حلو:)
واااااااااااااااااااااااااااااااو ... ماشالله عليك رسام .. مبدع ...
اسمحلي عالتأخير ... :#
بس رسمتك الاخيرة عجبتني وااااايد ... رهيبة و ما عليها كلام
:D
السلااااام :)
وااااااو مشاء الله عليك رسام دقيييييق
شنو ما يعجبنا من صجك
بالنسبه للرسمه و التظليل و الشغل روووووووعه
و ممتااااااااااز
بس
موضوعها ماعجبني ;-)
هلالا سمايل لا عادي حبيبي بس اذا تأخرة مره ثانيه ياويلك:غضب: :D
هلالا فطوم منور الجلري اليوم مشالله وايد فنانين عندي :D
انتي بعد ما عجبتج الفكره :)
مشكور على صراحتج زين بعد ما راح اعيد هالفكره :D
وهذي رسمتي قديمه بس يديده عليكم:) هذي كانت اول محاوله لي في رسم سباون اتذكر كانت السنه الي طافة ايام ارمضان قبل الفطور خلصتها بسرعه :D
اسف الضاهر في عطل
انشالله بعدين راح ادزها
:)
رسام رسوماتك فظيعة
التظليل من احلى ما يمكن والله عجبتني الرسمة الاخيرة وشلون الريال مربط والله مضبوطة;-)
انت يبي لك تسوي لك معرض حق رسوماتك:D
هلا BUBLE :)
معرض عاد مره وحده :D
انشالله الله يسمع منج
للحين مو قادر احط الرسمه ?:
رسمةرائعة يا رسام:)
الوضعية والعضلات والرسمة ككل روعة وعاجبتني ماعدا مايشبه الصليب...
العضلات رائعة كالمعتاد لكنها غير واضحة في الساقين أعلى الركبة تبدو مشوشة... كذلك منطقة اسفل الجذع... تحتاج الى معالجة صحيحة.
رسمك رائع وهذا شئ واضح للجميع يا رسام.. واسمك خير دليل على عبقريتك في رسم الشخصيات رغم عمرك الصغير:) فعلا فنان.. بصراحة انا لما كنت بعمرك ماكنت ارسم جذي (اعتراف):D
هاي
نفس كل مره انا اخر وحده واصل
الرسمه فظييع وما عليها اي كللام
مشكور شاهيل على ملاحضتك صح عضلات اريول اسباون اشوي شوشت اهني ما عرفت شسوي :D
ومشكور على صراحتك شجعتني :D
wildkitty اي الرسمه ما عليها كلام :6
وانتي قاعده تقولين في قلبج ويع شهالرسمه مو حلوه كلا غلطات :D :6
ما شاء الله ما شاء الله ما شاء الله عليك
يعجبني هذا النوع من الرسم كثيرررررررررررررررررررا
لسبب واحد اني ما اتقنه و برسومك شجعتني علي اني ارسم هذا النوع
ماني خاسره شي خليني احاول :6
بس فعلا فنان;)
ما شاء على رسومك ;)
يا للعضلات الفلته :واو:
هلا wyna62 انشالله اكون عند حسن ضنكم على طول:)
وهلا GM Head :) زين ما دام عجبك رسمي عيل شد حيلك وخل نشوف
الشغل العدل
وهذي رسمتي قديمه رسمتها في رمضان كانت اول محاوله لرسم سباون بهالشكل :)
رووعة رسمتك :واو:
عجبني شكل الفاس اللي بايده والعضلات زايد مضبوطين والتظليل فظيع :)
انشالله على طول تتحفنا بالرسمات المميزة;)
هلالا بابل :) ومشكوره على تواصلج معاي
بس ما اشوف اهتمام من احد :(
هذي رسمتي اليديده اخر شغلي :)
يعني مقاتل من الفرس يعني من ديرتي :D
وانشالله يعجبكم
ما شاء الله أخويي رسّام أول مرة أدش الجاليري بس انبهرت بفنّك ما شاء الله أكثر من رائع الله يخلّي هالفن لأصحابه و بالتوفيق ان شاء الله..