-
انا جربت اللعبة و بصراحة كانت روعة في الرسوم و طريقة اللعب و كل شي لكن فجأة بدت تظهر لي اشياء غريبة مثل الحكم بعض الاحيان ينام يعني تصير كسرة كسرتين من الخلف ما يقول شي والا تجيه حالات اي لاعب يقع على الارض فاول !!!!و الحارس مسكين مغلوب على امره و سعوا المرمى و نسوا يزيدون من قوة الحارس يعني لو تشوت من نص الملعب حق الفريق المقابل الى احدى الزاويا اي تسديدة هدف محقق و اي ضربة راس هدف الا اذا اتجهت الكرة للخارج اوالى بطن الحارس و بعض اللاعبين زي فييري ما تقدر تقطع الكرة منه الا بزحلقة يعني لو تضغط X و لاعبك حاول دفعه لاعبك هو اللي راح يفقد توازنه !!! طبعا احنا قلنا هالامور ما تأثر على الشكل العام للعبة لكن انا قلت اقولكم عشان ما تتفاجؤون اذا شريتوها وتقولون عماد او اي واحد في المنتدى ضحك علينا على العموم بقى عيب واحد و هو الشعرة اللتي قصمت ظهر البعير لعبنا كاس العالم انا وناس معي و وصلنا لدور ال4 انا وولدعمي صاحب الشريط و الجهاز الياباني و واحد من معارفنا هذا الواحد لعب مع فرنسا (الكمبيوتر) و فاز وتأهل للمباراة النهائية و أنا وولد عمي تقابلنا انا المانيا و هو ايطاليا طبعا هو يلعب فيه من يوم ما نزل للرياض اما انا فكان هذا ثاني يوم لي العب فيه على العموم لعبنا المباراة و في اول 10 دقائق ينطلق فييري من اليسار -حاطينه سريع- وانا طبعا عارف ان فييري ما تنقطع الكرة منه الا بزحلقة بس ما اقدر لان لاعبي كان بجانب فييري و اخاف اتزحلق كرت احمر و يصاب فييري -حاطينه خكري (يعني اي كسرة من الخلف او من الجنب في كثير من الاحيان يصاب)- وانا ما احب اللعب الخشن كما ان ولد عمي يبي يزعجنا لو قدر الله و فزت لانه يعتمد على فييري المهم انطلق فييري وشات -اي شوتة منه لازم تكون الى الزاوية يعني يا هدف يا قول ;) يا في العارضة- وانا قعدت ادعي ان الله يستر و.................. الحمدلله جت في العارضة بس مدافعيني الظاهر انهم ما صدقوا لانهم الظاهر من هول المفاجئة -يعني فييري ما جاب هدف- وقفوا و ما رجعوا يخلصون الكرة الا يجيك انزاجي من اليمين و يكملها ............. هدددددددددددددددددف -طبعا هذي فرحة ولد عمي- و الحارس اي تكملة هجمة هدف محقق لانه ما يقدر يغطي كل المرمى من كبره و استمريت انا في الضغط حتى الدقيقة 80 و انا فاقد الامل و تصيرلي ركنية و رفعة جميلة من اللاعب محمد شول و على راس نوتني المدافع -طبعا اي ضربة راس الى المرمى هدف- و في المرمى قوووووووووووووووووووووووووووووول تعادل اخيرا و تمشي الدقايق حتى الوقت البدل الضائع و يصير لولد عمي فاول غريب عجيب على يسار منطقة جزائي انا ركضت ابلحق الكرة و بدون ما اضغط شي يجي لاعب ايطالي و ياخذها فلاعبي تلامس و هو اللاعب الايطالي و صار الفاول يعني جت نوبة الكرم للحكم المهم انا قلت هالمنطقة صعب تجيب منها هدف و مستانس على بالي ابلعب اشواط اضافية الا يشوت توتي مو الى المرمى الى اللاعبين المتجمعين امامه -مدافعيني اللي على نياتهم - و تتجه الكرة الى واحد منهم و تصقع فيه و تنطلق كانها توها تنشات الى المرمى قوووووووووووول هدف في الوقت البدل الضائع يعني هدف قاتل و انتهت المباراة و انا عذري ان الفاول مو فاول و الهدف مو هدف لان المدافع اللي صقعت فيه الكرة كان بعيد عن المرمى يعني لو كنت العب ويننج 2000 كان طاحت الكرة على الارض و قعدت تمشي شوي شوي و يمديني اخلصها لكن تنطلق كانها مسددة الى المرمى فهذا ضد قانون الفعل و رد الفعل المهم انا قمت عشان افسح المجال للمباراة النهائية لكن طلع فيه مباراة تحديد المركز الثالث يعني انا و فرنسا و لعبت عشان احط حرتي فيهم وانتهت المباراة 2-0 لصالحي مع الرأفة ..
طبعا اذا انتهت مباراة في الدوري تجيك الشاشة اللي تطلعلك المباريات و الهدافين و النتايج و اخر شي سهم اذا ضغطته تطلع لك شاشة فيها 3 اختيارات اللي هي: 1)تلعب المباراة. 2)تخزن في كرت الذاكرة. 3)انسحاب . انا ضغطت على السهم الا تتحول الشاشة الى اللون الاسود !!!! و تطلع اسامي اللي مسوين الشريط -Credits- !!!!!! انا قلت الظاهر انهم يبون يحمسوننا قبل المباراة النهائية و انتظرنا و فعلا تحمسنا بس لما انتهت الاسماء طلعت لنا شاشة ........................ البداية !!!!!!
و على فكرة نسيت اقولكم و انا في دور ال16 كان عندي لاعب رقمه 21 في الاحتياط اختفى و طلع بداله لاعب رقمه 15 و صار عندي لاعبين رقمهم 15 و نفس الاسم ونفس الشكل يعني الشريط مخبط بكل ما تحمله الكلمة من معنى ...
هذا رأيي و ترى الشريط اللي عند ولد عمي اصلي-اورجنال- يعني مو كوبي...
هذا رأي بعد 24 ساعة لعب فيه و ارجو اني ما اكون اخطأت و لا ألفت شي من عندي و سلامي على قولة سام@جول...
-
على فكرة سرعة اللاعبين ما في بينها فرق كبير زي اول يعني اللي سرعته 19 اذا كانت معه الكرة يقدر يلحقه اللي سرعته 18 واللي سرعته 17 يمشي بنفس سرعته ....
-
انا بسألك يا عماد .... انت تقول جربت وايننق اليفن الخامس ... السؤال يقول ... منو الاحلى وايننق اليفن 2000 ام الخامس ... ومن اي ناحيه ؟ .... وهل اللعب بطيء حيل ... ام متوسط ...وشاكرلك حبيب البي
-
والله اللعبة حلوة و طريقة اللعب ما فيها شي بس الاخطاء البرمجية هي المشكلة و في نظري كلاهما حلوات ....
واللعبة سرعتها واقعية يعني لاهي بطيئة و لا هي سريعة و احسن شي انهم فكونا من مقياس تعديل السرعة عشان محد يقول اللعبة بطيئة ...
-
تحليل رائع من عضو اروع
لكن كل العيوب الى قلتها فنيه ويمكن تداركها في النسخه المعدله من اللعبه الذي سمعنى انها ستصدر قريبا ان شاء الله وعلى فكره انا معك 100% ان المرمى واسع بالحيل بالحيل والحارس رجع لغبائه الذي كان عليه في اول جزئين من اللعبه والذي اعترف بغبائه هم مصمموا اللعبه والدليل انه اكثر لاعب تطور على مدار الاجزاء المتلاحقه وسلامـــــــــ18ــــــــــــــ9ـــــــــــــــــــــــــــــــ19ـــــــــي .......
اذا لعب الهلال فخبروني فان الفن منبعه الهـــلال
-
مبروك اخوي عماد شكلك فزت اليوم وغيرت رايك والهزيمة طعمها مر وتاثر على راي الشخص في البداية لكن الحمد لله مرت على خير .
المشكلة ذلحين هل الكوبي يشتغل على الياباني وهل اذا نزل الشريط المطور على الاروبي حيشغله الياباني كشريط كوبي والله بدينا ننحاس .وبعدين بشر لقيت حل لمشكلة جهازك الامريكي ؟
-
يعني ياشباب خذوا راحتكم وبدون أي تفكير وأشترو البلايستيشن الأمريكي وإنتظروا النسخة الإنجليزية أحسن لكم وهذا رأيي وأنا بصراحة شكلي في الصيف بأشتري لي واحد أمريكي إن شاء الله
-
انا ما كان قصدي ان اللعبة سيئة انا بس كان ودي اوضحلكم ان اللعبة ما تستاهل انك تشتري جهاز ياباني عشانها بس ...
على العموم انا حليت مشكلة جهازي الامريكي من ناحية الكوبي...
وانصحك لاتشتري الجهاز الياباني الا و فقط الا اذا كنت تبي تلعب ويننج اليفن فقط لا غير ...
-
طيب وشلون حليتها يعني شريت قطعة كوبي اذكر انك قلت انها غير موجودة في الرياض .عموما اذا كنت شريتها فبكم وهل شريت وينيج 5الكوبي ولا لا .
-
حليتها لأن ارسلي واحد من الشباب القطعة من جدة مجانا الله يجزاه خير عن طريق النقل الجماعي... وحتى الان لا ما شريته ...:(
-
والله مشكلة انا صراحة ماالعب اي شريط غير وينيج اليفن نادرا ماالعب اشرطة غيره وعلى طول اتركها لكن اخاف اشتري ياباني اصير بالتالي اناني انا عندي اخوان صغار يحبون بعض الالعاب الثانية مثل رزدنت ايفل وميتل قير . حتى لوشريت الياباني قد يكون ماهو من صالحي لانه فيه شك في تشغيله للكوبي ولنفرض ماشغل الكوبي وشريت اصلي ماهي مشكلة لكن النسخة المطورة حتنزل على الاوروبي ويمكن مايتوفر كوبي او مايشغله الياباني ويخليني اموت بحسرتي لذلك اظن اني محتاج انتظر بعض الوقت حتى تتضح لي الصورة مية بالميه .
-
أنا شكلي حاشتلري امريكي ................... قولوا ليه؟
عشان بعض الأخوان يقولوا أنو الكوبي نزل عشان كده حاشتري الأمريكي وألعب ونينج اليفن 5 وألعاب ثانية تشتغل على الأمريكي
ويا هلا
(على قول جيم ماستر)
-
-
وهذي رفعة زيادة مني ..وعلى راس ماجد!!! قووووووووووول .
سمعت خبر من واحد ان النسخة الانجليزية التي ستصدر على الاوروبي لن تتوفر على شكل كوبي لانه لاتوجد اشرطة اوروبية كوبي ... وش رايكم بهالكلام.
-
لا الاشرطة الاوروبية لها كوبي، و بعدين قطعة تشغيل الكوبي للجهاز الامريكي موجودة بالرياض بس المشكلة اني ما لقيت ويننج اليفن5.
-
اخ راؤل طيب قطعة الكوبي الاوروبي تشغل وينيج اليفن الياباني .
-
اخوي ronaldo999 انا سمعت كذا بعد ولكن ماني مصدق
وسلامي ................
