علامات قرب قيام الساعه في منظقة الظهران في السعوديه ,,((آخر الأخبار))
السلام عليكم ..
هذي رسالة جتني بالايميل .. وابي اقول حاجه قبل ماتبدا ياللي تقرا الرساله .. ليس كل ماتسمعه حقيقه لكن يبقى شك يحتمل الصحه .. ولن تتأكد من صحة الا حين وقوعه :أفكر: .. لكن عقلك حرّكه ولاتصير امّعه ..
علامات قرب قيام الساعه في منظقة الظهران في السعوديه
فاجعة – مصيبة – كارثة- غضب سيقع على مدينة الظهران...
من مصدر موثوق يعمل بمدينة الملك عبدالعزيز للعلوم والتقنية قال لي منذ يومين ما يلي :
رصدت أجهزة قياس الزلازل والهزات الأرضية التابع لجامعة الملك سعود في شهر أبريل الماضي هزة أرضية خفيفة ( وليست زلزالا بل هزة ) ... في مدينة الظهران ( شرق السعودية ). أحس بها من أحس بها ، وتداول سكان الدمام والخبر والظهران عن هذه الهزة.
الصحف المحلية بادرت للإعلان من أجل تبديد المخاوف : لم يكن هناك أي اهتزازات أرضية ، وأن ما شعر الناس به مجرد ضوضاء نشأت من أعمال البناء والتشييد في المنطقة.
تم إبلاغنا بهذا الخبر وأرسلنا وفدا من المدينة ومن المسح الجيولوجي لتفحص المنطقة وكانت هذه المفاجأة.
في الشمال الغربي من مدينة الظهران وجد أخدود طوله 800 متر ومتوسط عرضه متر ونصف وعمقه 3 أمتار تقريبا يمتد من الشمال الشرقي إلى الجنوب الغربي.
وعلى إثره قمنا في مدينة العلوم والتقنية بالتنسيق مع شركة جيولوية أمريكية متخصصة بتصوير الطبقات الأرضية عن طريق الأقمار الصناعية ، وأيضا كانت هذه المفاجأة . ضعف كبير وتهتك مفاجئ في طبقة السطح الأرضية في مساحة قدرها 64 كيلومترا مربعا . تحتوي مدينة الظهران تقريبا.
والأثر الوحيد لهذا التهتك في القشرة الأرضية سيكون هبوط ( سقوط ) هذه الـ 64 كيلومترا مربعا إلى عمق 50 مترا تقريبا ( حسب لفظ المصدر : خسف ) مما يهدد بانغمار المدينة بالمياه مستقبلا .
لكن السؤال الوحيد هو : متى ؟
كتبنا تقريرا كاملا وأن المدى الزمني لبقاء القشرة الثابتة سيكون مابين ثمان إلى اثنا عشرة سنة . وأرسلناه إلى الإدارات الحكومية ، وهنا انتهى دورنا....
بصراحة : هذا المصدر هو من أحد أقاربي العاملين بالمدينة .
وعن نفسي فأنا لا أصدق ذلك أبدا.
وإن صدقنا فلنا أن نتخيل حجم الكارثة ( سترك يارب ) وماذا ستفعل الحكومة وقتها أو قبلها ؟
سمعت حديثا يروى عن النبي صلى الله عليه وسلم ولا أحفظه ولكن من معناه : لن تقوم الساعة حتى يحدث خسفان في جزيرة العرب أحدهما بالمشرق والآخر بالمغرب. ( في معناه )
لكم أتمنى أن يكون هذا الخبر كاذبا ، لكم أتمنى أن يكون هذا الخبر كاذبا ، لكم أتمنى أن يكون هذا الخبر كاذبا ، لكم أتمنى أن يكون هذا الخبر كاذبا ، لكم أتمنى أن يكون هذا الخبر كاذبا ، لكم أتمنى أن يكون هذا الخبر كاذبا .
وإن كان صحيحا فاحفظنا بحفظك يارب واسترنا بسترك
------------------------------------------------------------------
ياليتني أشوفك وانت تكتب الرساله :أفكر:
لكم أتمنى أن تكون خراطا من الدرجه الاولى .. لكم أتمنى أن تكون خراطا من الدرجه الاولى . .. الا ليش أتمنى !! بل ميقن بذلك الاسباب :-
طبعا جميعكم يذكر الاحلام اللي "قيل" انها تُفسرت على يد احد المشايخ .. أيام ماكان العالم ودهم بالجهاد >>وفي الأصل لو يقولون اسرائيل دخلت علينا .. كان تلقاه أول من يعط من الديره..
المهم .. أغلبكم صدّق .. وأعترف أنا أني منهم وتبشّرت بالخير مع هالرساله .. لكن .. وش آخرها ؟؟ قال اصبروا مدري كم شهر وبيحصل شي يبهج المسلمين في اسرائيل .. وبتحصل حاجه في جزيرة العرب .. على ماأعتقد أنهم كانوا يقصدون الثلوج اللي نزلت على تبوك وانها من 40 سنه مانزلت ..
افترضنا انه جاب وحده الا وهي الثلوج .. ليش نصدّق الباقي ؟؟ >>ترى أسأل نفسي معكم .
بصراحه مخفات .
طيب .. كلكم يذكر أو أغلبكم عرف بسالفة ان اسرائيل قامت تسوي مهاوشات مدري مناوشات .. ودخلت حدودنا بطائراتها لكن دفاعنا كان يجسّرها بالطريق لين تطلع :p ,,
على الحدود مع مدينة حقل السعوديه .. واللي جاب لنا الحقايق .. ربي يحفظه من كل شر .. لواء .. مدري قائد كتيبه في مدينة سكاكا ((أعتقد أنه خباز تميس)) .. لا ويبي يثبتلنا النصبه أبو الشباب قال .. أن حدود السعوديه مع اسرائيل مجرد 25 كلم .. ولو وقفت عند مدينة حقل راح تشوف حدود اسرائيل .. اللي مايفصلها عنا الا الاردن .
طبعا .. هذي نصبة أخرى .. وللأسف بلعتها أنا ونشرتها مع أني كنت شاك فيها .. والدليل حاولت أكلم اي مان E:man .. اللي هو بسكاكا .. وأساله .... لكن ماالله أراد ... لكن أشوى أني مابلعتها كامله .:":
طبعا لاشفنا لامناوشات ولامهاوشات .. وأبو نصبه ربي يحفظه .. قال أبزودكم من الأخبار .. :أفكر:
طبعا عندي شك في أن الأمور هذي محد يطلعها .. وأعتقد والله أعلم .. أن اللي دخل الجيش ووصل رتبة لواء .. مايقدر يقول برم .. شفتوا برم مايقدر يقولها الا بأذن من فوق .. فكيف بسالفه طويله عريضه ..
طيب .. طبعا أنا مالحقت على نصبات البريد كلها .. لكن يكفيكم هالدليلين .. يعني لو أطق بسيارتي وأروح للظهران .. اذا شفت شرخ .. لا ليش شرخ .. جرح بسيط في الأرض .. اذا لقيتها معاد بي مشجع المنتخب :p.
المهم .. بالله لهالدرجه الحكومه دلوخ ؟؟ مخفات ؟؟ يدربون هالروس وبس؟؟
ماأعتقد .. أبدا .. يعني يوم الوادي المتصدع .. انتشر الخبر فكيف بخسف !!
وبعدين من اللغه العربيه .. نلاحظ أن..
كلمة خسف تطلق على شيء وقع على الأرض وأحدث جرف كبيييييير .. مهوب جرح بيكبر بعد عشرين قرن .. يقولللي خسف :!
وهنا نكتشف دلاخة الأخ ..
وبصراحه .. يمكن منكم محد صدق الموضوع .. لكن أنا أكذبه لأنها نفس السيناريو للقضيتين السابقتين .. واحد وده يسوي ضجه ..
ولا تدرون !! يمكن يبي يشتري أرض بالظهران .. ولاكفت قريشاته .. قال خللني أخرب أمها .. وأسهل شي المجموعات البريديه .. والناس لامن خافوا منها .. بترخص الأسعار .. ولا وش رايكم :-)
وبعدين الأخ حتى الدليل يبي يؤله على كيف نصبته :أفكر:
ولا الدليل ..
قال صلى الله عليه وسلم : فيما معناه ((سيحدث ثلاثة خسوف خسف بالمشرق وخسف بالمغرب وخسف بجزيرة العرب)) ومتأكد أنا من أماكن الخسوف .. لكن صيغة الدليل .. الله أعلم.
والأخ .. يبينا نفكر ونقول .. أجل بيصير خسف بجده .. خخخخخخخ
يلعن أم الدلاخه اللي مرض فيها أبو الشباب .
بصراحه في بالي كلااااام كثير .. بس اللي ماتأكد .. يرد ويقول علّق على النقطه الفلانيه .. وأنا أعلق عليها وبيقتع ان شاءالله :cool:
وبعدين لحد يقوللي أنت معترض على حكم الله .. لاوألف لا .. لكن مهوب كل شي نصدقه .. خلونا نحرك هالعجين اللي بدماغنا.
وأخيرا وليس آخرا .. لحد يصجني يقول عارفين ولا دارين انها نصبه .. أنا مجرد تعليق على كذبة أبريل .. وهي من الايميل .. أتمنى مايحذف .
تعبت فيه والله :"
وشكرا.:)
رساله بسيطه :ردود الاستهبال برا .. لو مايرد على الموضوع أحد .. أشرف لي من يرد عليه ........:أفكر:
