اول جالري لي في عالم النت

عرض للطباعة

15-07-2002, 12:11 AM
الرايق 2000

1 مرفق

اول جالري لي في عالم النت

شباب هذا اول جالري لي

( راح تجاملوا راح الغي الموضوع راح تصدوا راح اسيب الرسم :6 يعني خليكم في الوسط )

اوكي هذي اول رسمه

اوكي هذي طياره f-22 ناقلها من غلاف ace compat 4
15-07-2002, 12:14 AM
BUBLE

حلوة الرسمة والتظليل روعة
بس صايرةشةي الطيارة عريضة

والى مزيد من التقدم;-)
15-07-2002, 12:19 AM
الرايق 2000

1 مرفق

اوكي رأيك هذي من خيالي

+ لسه ثواني احط لكم كم رسمه
عندي بالهبل
15-07-2002, 12:21 AM
الرايق 2000

1 مرفق

هذا تلوين فوتوشوب
15-07-2002, 12:37 AM
الرايق 2000

1 مرفق

شباب اسف الصور صغيره بس علشان الواحد ما يقول خايف الأخطاء تبان :D
15-07-2002, 12:40 AM
الرايق 2000

1 مرفق

هذي كنت اتعلم فيها على التظليل لكني استعملت 3 اقلام غلطت
15-07-2002, 12:42 AM
الرايق 2000

1 مرفق

اوكي الرسمه الثالثه

شباب الجمجمه منقوله

لكن انا حاولت انقل صور طيارات و جماجم و رسمات هندسيه علشان اخلي خطوطي مستقيمه

+ قبل لا تكتبوا ردودكم مروا على هذا الموضوع بالله

[URL=http://www.montada.com/showthread.php?s=&postid=1040290#post1040290]http://www.montada.com/showthread.php?s
15-07-2002, 12:43 AM
Tidus_2007

اييييييييي الحين فتحته :D

وحده وحده بالترتيب ... :o

الاولى : الطياره :) يعجبني فيك حيييييييل من جد يعني ... انك ترسم اي شي ... اي شي ببالك على طول ترسمه :D مو مثلي يا حظي كله اوادم لا واولاد بس ... و لو كلش كلش رحت بعيد سياره ... المهم ...

انت حاب تخلي خطوطك مستقيمه على ما قلت ... يعني ما كانت مستقيمه من قبل ... بس هي فعلا مستقيمه و ما تحتاج تدريب ... نفس ما قالت بوبل الطياره عريضه من الوسط بس ... :D حلوه ...

الثانيه : هذي الولد :) سبق و علقت عليها ... ما اعتقد اني احتاج اعلق ...

الثالثه : واااااااااااو ما قلتلك انك ترسم اي شي :D التظليل بالرسمه هذي ما عليه كلام ... يمكن على ما قلت باكثر من قلم بس ما اعتقد واضح الاختلاف ... شي جميل ... بس ركز على ابعاد الاباجورا يبيله شوية فنتكه :D

الرابعه : ههههه ماله داعي اعيد الاسطوانه ... انت ترسم كل شي ... :D

مو مهم لو الجمجمه منقوله شلون تبي تعرف ترسمها دامك ما نقلتها اصلا ... الرسمه اعتقد فكره اكثر من انها مجرد رسمه ... عجيييييييييبه ... و ما عليها اي تعليق ...

الخامسه : بورش 911 تربوا هاااااااااا !!!
ههههههههههه متحطم هالسوالف شكلك :)

من جد من جد متقنها خطوطك بثقه احس ... بس التواير مو واضحه احس انهم ممسوحات باصبع ?: و بعدين لو تكثر التفاصيل بالتوار يعني لو راسم الطاسه وسط التاير بتطلع تفاصيل الرسمه اقوى جرب ...

لاااااااحظ ان عيب رسمة السياره الي قبل هو بس ان التواير ممسوحه بس اما الرسمه فعجييييييييبه ابعادها حلوه :D

بالتوفيق ;)
15-07-2002, 12:44 AM
الرايق 2000

1 مرفق

اخر رسمه لليوم هذي حبيبه قلبي

بورش 911 تربوا

لنك الجنوط ما عرفت ارسمها
15-07-2002, 12:49 AM
الرايق 2000

1 مرفق

اوكي بس حبيبي تايدوس الطياره نفسها عريضه الموديل كذا و هذي صوره لها علشان تبان لك الفكره صح
15-07-2002, 12:59 AM
shaheen

هلا بالرايق رسوماتك حلوة وجميلة وهي بداية قوية في الرسم بالرصاص والتظليل ,لا تجعل السطوح تتلامس... مثل الخط العلوي للاباجورة يلتقي مع خط في المكتب من اعلى:)هذا من عيوب الرسم

... هناك بعض النقاط المهمة يجب ان تراعيها...

النسب والتماثل والمنظور... وانشاء الله بتتعلمهم معانا بالتدريج...

وانطلاقة حلوة وصحيحة في الرسم:)
15-07-2002, 01:40 AM
orange road

اول جاليري للرايق :)

مبروك اولا على الجاليري...

اعتقد ان الاخوة ما خلوا شي...

اول شي عجبني انك منوع الاشياء اللي ترسمها (احسن مني بوايد في هالنقطة :": )

شكلك تحب تظلل بالرصاص

طيب مدام الاخوة انتقدوا الرسم نفسه انا باقول لك شي عن الرصاص

الرصاص وايد صعب
والشغل فيه يبي له رواق ووقت علشان تقدر تييب التظليل المضبوط

حاول اخوي انك تجوف رسوم لرسامين محترفين بالرصاص علشان تضبط التظليل اكثر
لان التظليل بالرصاص ما يكون تلوين للمناطق بس...

بس انا جفت ادواتك....
يا شيخ.. ادوات محترفين

تسلفني اقلام الرصاص اللي عندك؟؟؟؟
15-07-2002, 01:46 AM
الرايق 2000

اقتباس:

الرسالة الأصلية كتبت بواسطة shaheen
هلا بالرايق رسوماتك حلوة وجميلة وهي بداية قوية في الرسم بالرصاص والتظليل ,لا تجعل السطوح تتلامس... مثل الخط العلوي للاباجورة يلتقي مع خط في المكتب من اعلى:)هذا من عيوب الرسم

... هناك بعض النقاط المهمة يجب ان تراعيها...

النسب والتماثل والمنظور... وانشاء الله بتتعلمهم معانا بالتدريج...

وانطلاقة حلوة وصحيحة في الرسم:)

هلا و الله شاهين مشكور و راح اقوي نفسي في الجوانب هذي مشكور

اقتباس:

انا باقول لك شي عن الرصاص

الرصاص وايد صعب
والشغل فيه يبي له رواق ووقت علشان تقدر تييب التظليل المضبوط

حاول اخوي انك تجوف رسوم لرسامين محترفين بالرصاص علشان تضبط التظليل اكثر
لان التظليل بالرصاص ما يكون تلوين للمناطق بس...

بس انا جفت ادواتك....
يا شيخ.. ادوات محترفين

تسلفني اقلام الرصاص اللي عندك؟؟؟؟

:) مشكوره على الفكره + بالنسبه للطيارهف فبعضها ملونها مناطقها لانها مو تظليل و التظليل نسيت امسحه بسبب مخي التعيس

+ الأدوات هذي بسبب اهلي لان الوالده مدرسه رسم عندي :أفكر:

اما الأقلام

لا اصلا ادواتي منطقه محرمه + قبل ما استعملها راح عليكي كنت إيش اسوي كنت اجيب قلم hb عادي و اشيل الدهان من على جسمه علشان يصير خشبي ( بمجموعه الأدوات المتنقله هذي ) و اجي بطرف المبرد و اخليه محرف من ناحيه و ناحيه لأ و هذا كله علشان اخليه خشن علشان يثبت في يدي

+ علشان شئ انا احب النحت مع اني في حيات اهلي ما جربته
15-07-2002, 02:12 AM
الرايق 2000

شباب الكلمات المكتوبه في رسمه الجمجمه هذي هي

الصفحه رقم واحد

و 2 و 3اغاني ثانيه و كلها ليماتلكا

+ شباب الفلاش من عمل يدي

<embed width="400" height="140" src="http://www.geocities.com/f_t05/new.swf">

لو الكود ما اشتغل هذا اللنك

http://www.geocities.com/f_t05/new.swf
15-07-2002, 02:56 AM
لوجــــــين

سلالالالالالالالالالالالالالالالالالالام رايق

اشلون الفنانين اليوم بالمنتدى

مبروك على الجالري و أسفة على الرد المتأخر بس ها التقسيمه صج ما عجبتني في المنتدى لأني متعوده أكون متواجده دايما بالمنتدى الأولاني مال المانجا و الأنيم

أوكي نجي عند رسماتك
ماشالله عيني عليك بارده
انت قلت ما تبي مجاملة بس اللي شايفته من فن الصراحه أبداع يعني رسمك حلو من غير مجاملة و انا ترى ما أجامل

الرسمه الأولى
وايد حلوة الرسمه تعجبني
بس خلا اقولك شغلة وايد تساعدك في تحقيق التناسق برسم الجسم
انه جسم الأنسان أقرب ما يكون مشابه للساعه الرملية يعني كله على مستوا واحد بالعرض بعدين تجي منطقة الوسط اللي تفصل بين الجزء العلوي و السفلي
بعدين تضيف عليها الذراع و الرجلين
و هاي مسألة تناسب بين الأجسام بس أفتكر إذا بتتخيل الرسمه بالخطوط الأساسية بتسهل عليك الرسمه في تطبيقة بقالب مشابه للرسمه الأساسية

الرسمه الثانية
ماشالله تلوينك وايد حلو عجبني أول مرة شفته في موضوع تي أم لما لونت شخصيات المنتدى و الحين عاجبني أكثر بتلوين ها الشخصية

الرسمه الثالثه
وايد ممتازه التظليل عندك وايد حلو
شان زين لو أقدر أظلل مثلك لأني أخاف من التظليل
و مثل ما قال أخوي تايدوس و لا أزيد عليه شي بس حط خطوط الأساس على شان تطلع أبعاد الرسمه و خلك على طول رايق و انت ترسم و لا تستعجل يا رايق

الرسمه الرابعه

انت قلت قبل لا تكتبون ردكم دخلو هذا اللينك بس ما عرفت أسوي له كوبي شان زين لو انك كتبته بدون علمه الurl=
بس بعلق على ها الرسمه
الرسمه حلوة وايد
شان زين بعد لو ثقلت بالرصاص على الكلام اللي مكتوب بالرسالة لأن الرسمه تشد الصراحه على معرفة موضوع الرسالة
رسمه جميلة و كاملة

الرسمه الخامسة

بووووووووووورشااااااااااه
أحب ها السيارة
كنت أبي أرسمها خلفيه حق رسمه من رسماتي بس ما قدرت
وايد حلوة السيارة و انشالله ترسمها مرة ثانية مع توايرها بتطلع شييييييييييي

بس بقا أقولك ارسم و ارسم و ارسم و أرسم و و ارسم و ارسم و ارسم و ارسم و ارسم و ارسم و ارسم و ارسم و ارسم و ارسم و ارسم و ارسم و ارسم و ارسم و ارسم و ارسم و ارسم و ارسم و ارسم و ارسم و ارسم و ارسم و ارسم و ارسم

وايد أتكلم انا

بااااااااااااااااي;)
15-07-2002, 04:17 AM
الرايق 2000

1 مرفق

اقتباس:

الرسالة الأصلية كتبت بواسطة لوجــــــين

وايد أتكلم انا

بااااااااااااااااي;)

هذا احلى ما فيكي :D :0)

شكرا لو جين

طيب يلا رأيك في هذي توني مخلصها

و في واحد انا و هو متحدين على رسمه لاعب كونغ فو :D :D

بس شباب عندب ملاحظه

هذي انظف رسمه رسمتها في حياتي :D

عاده رسماتي من كثر الرصاص و الفحم تلاقي السواد في كل مكان

هذي و ال f-22 raptor الي فوق هم انظف رسمات رسمتها

و لا يغركم البني هذا بس بسبب الكونتراست حق الفوتوشوب
15-07-2002, 04:25 AM
الرايق 2000

ايوه شاهين حبيت المح هنا انا حاولت استعمل المنظور ( على ضوء ما فهمت لاني قريت الدرس كله مره واحده مو حبه حبه )

+ يا لوجين هذي الكلمات الي على الورقه
I can't remember anything

Can't tell if this is true or dream

Deep down inside I feel to scream

This terrible silence stops me

Now that the war is through with me

I'm waking up, I cannot see

That there's not much left of me

Nothing is real but pain now

Hold my breath as I wish for death

Oh please God, wake me

هي كلمات اغنيه غنوها لفلم كان فيه واحد دخل الحرب و تقطع كل شئ فيه و فقد كل حواسه لكنهم كانوا محافظين على حياته علشان يستعملوه في التجارب و يجربوا الأجهزه

المهم الأغنيه من فئه ال metal و مغنينها فرقه metallica
و إسمها هو ONE
15-07-2002, 06:00 AM
لوجــــــين

سوري رايق انا ترى لما أشوف أي رسمه ما تدري اشكثر أتحمس و انا أطالع الرسمات بالمنتدى و أقعد أتتبع كل خط فيها لأن صج التأمل بالرسومات متعه ما توصف بالنسبة لي

و أنا أقوووووووول وين سامعه هل كلمااات

ميتاااااااااااليكاااااااااااااا

وينك يا رانما تعال شوف كلمات ميتاليكا

ماشالله انت أسرع واحد يرسم و يبان عليه التحسن بالمنتدى

حلوة الرسمه انت راسمها بالفحم ؟
بدا رسمك للجسم ياخذ منظور حلو على قوله شاهين بمنطق المنظور
ارسم بعد و شوف الرسمه الجاية اشلون بتصير غير شكل
:6 :6 :6 :6 :6 :6
15-07-2002, 06:07 AM
Rewayah

!!

السلام عليك يا أخي الرايق, كيفك؟ :)

بما أنه الأعضاء قاموا بتغطيت أغلب رسوماتك, فحبيت أعلق على رسمة الطيارة لأني لاحظت فيها شيء معين.

أولاً رسوماتك حلوة وتدل على إهتمام من جهتك في الرسم. :)

بالنسبة للطيارة, قمت بعمل بعض الخطوط التوضيحية عليها لأساعدك على ملاحظة نقطة معينة.

أتلاحظ الخط الطويل (L-M), والذي يقسم الطائرة إلى نصفين؟ :)
حسناً, هذا هو خط التناظر للطائرة.
فلو مددنا الخط (a-b) الذي يخص جناح الذيل الأيمن سيتقاطع مع خط التناظر (L-M) في النقطة (n).
ولو مددنا الخط (c-d) الذي يخص جناح ذيل الطائرة الأيسر فسيلتقي مع خط التناظر (L-M) في النقطة (s).
نقطة مختلفة!
ومن المفترض من الخطين أن يلتقيا في نقطة واحدة على خط التناظر!
فنستنتج من هذا أن مكان الجناح الصغير الأيمن خطأ ناهيك أن حجمهُ أكبر بينما هو أبعد منا من الأيسر! :)
والأشياء الأبعد تكون أصغر.

وبس! ;-)
لكن تظليل الطائرة معقول ومرتب.
حياك.
15-07-2002, 07:41 AM
:)

رسماتك حلوة بس انا اكثر رسمة عجبتني اللي فيها جمجةو رسالة ... بس في عندي ملاحظة صغيرة .. سيارة البورش .. راسم التواير بالرنقات كلها سودة ... عالأقل حدد الرنقات بتطلع شكلها احلى والله;)
15-07-2002, 11:25 AM
الرايق 2000

1 مرفق

اوكي

اول شئ مشكور على ردك سمايلي ثاني شئ بالنسبه للجنوط و الله ما عرفت ارسمها قلت نرجع لطريقه اولى ابتدائي :)

( هذي اول مره في حياتي ارسم سياره )

اوكي نيجي لك روايه

شوف حبيبي اول شئ مشكور بس لانك فكرت تصصحح لي الرسمه و انا ممتن لك

لكن شوف اخوي لو انا فهمت الي قلته صح على كذا عندي غلط ثاني و هو المدخل الهوائي اللي قدام

لكن الجناخ عندي صح

شوف صح اللي انا سويته ؟؟؟؟؟
15-07-2002, 11:32 AM
الرايق 2000

1 مرفق

اوكي بس روايه دحين تذكرت الجناح الخلفي الصغير اللي ورى ليش رسسمته كذا

حبيبي الجناح الخلفي هذا يتحكم في الإرتفاع و الإنخفاض و هو اصلا جزء متحرك

و دام اني ناقل الرسمه فما انتبهت إلا دحلن

لاحظ الطياره مو في الإستواء الكامل لاحظ انها مايله يعني الجانب الأيسر يرتفع يعني لازم الجناح او الجوينح يرتفع لفوق
و الإعكس للجوينح الثاني

و للتأكيد هذا رسم تفصيلي يفصل اجنحه و جوينحات الطياره

و هذي صوره اصليه للرسمه الصوره اللي ناقل منها

http://www.ebgames.com/ebx_assets/pr...ges/200564.jpg
15-07-2002, 11:43 AM
fatoom

السلااام :)

أولا مبرووووك على الجاليري :D

ثانيا انا أشوف محاولات حلوه في التظليل

و مواضيع مختلفه :)

بس لين تظلل و ترسم خذ وقتك لا تستعجل

عط الرسمه حقها :)

لأنك تقدر تطلع نتيجه أحلى( و هاي إلي لاحظته من تجربتي الشخصيه :D )

و داوم على التدريب

و تبي نصيحه

حط شي جدامك و أرسمه ...و بالنور و الظل و المنظور

بتطلع تحفه :)

و مبرووووك على الجاليري :D
15-07-2002, 11:49 AM
الرايق 2000

اقتباس:

حط شي جدامك و أرسمه ...و بالنور و الظل و المنظور

انا ما قاعد ارسم انمي إلا علشان اقدر اسوي الشئ هذا

+ شباب اسف

الله يبارك فيكم كلكم ولا احد رديت عليه مباركته اسف تحمست نسيت
19-07-2002, 01:55 AM
Ranma Saotome

مبروك على الجاليري الف الف مبروك
طبعا الاعضاء ابدااااااااا ماخلوا لدرجة ان دخلوا في هندسة الطيارات..
كنت بعلق على السياره لكن دام انها اوووووووول مره فبخليها.. لأن الرسمه فيها اخطاء واااايد..

انشالله نشوف لك رسوم زياده ومع التدريب بتتحسن..
19-07-2002, 01:58 AM
الرايق 2000

اقتباس:

الرسالة الأصلية كتبت بواسطة Ranma Saotome
مبروك على الجاليري الف الف مبروك
طبعا الاعضاء ابدااااااااا ماخلوا لدرجة ان دخلوا في هندسة الطيارات..
كنت بعلق على السياره لكن دام انها اوووووووول مره فبخليها.. لأن الرسمه فيها اخطاء واااايد..

انشالله نشوف لك رسوم زياده ومع التدريب بتتحسن..

إيش هي الأغطلا و علق و خذ راحتك اصلا في السيارات ما راح ارسم إلا بورش 911 تربوا يعني هذا الموديل

فقولي الأغلاط بالله
19-07-2002, 07:06 PM
shaheen

أخي العزيز
رسوماتك حلوة
وتظليلك يهبل
لكن نصيحة مني ان ترسم من الطبيعة من الصور الفوتوغرافية لانها اساس التعلم.... تعطي افكار ومهارات .. وتزخر العقل بانواع عديدة من الخطوط والخيال والذوق... وتعطيك احساس العمق والمساحة والظل والنور بالطريقة الصحيحة.

رسوماتك جميلة من حيث الفكرة والوضعية والتظليل لكنها لاشياء جامدة.. الطائرة والسيارة والمكتب... الخ

اعط رسوماتك الحركة والواقعية وستطور من رسمك اكثر واسرع من قبل.

رسمة الكونغ فو - المقنع (انا ظنيته نينجا) رسمة حلوة
19-07-2002, 07:39 PM
الرايق 2000

مشكور شاهين راح احاول اسوي كل اللي قلت لي عليه

+ شباب كعادتي دايما انقل من رسمات و احط الأصل هذي اصل الجمجمه شباب انا مغير اشياء يعني شايل النار

و معدل الأسنان بدل انها تنين و كل هذا

http://www.shay-thani.com/vb/attachm...=&postid=30928
19-07-2002, 10:47 PM
الرايق 2000

اوكي شباب

هذي المره رسمه مختلفه :)

رسمتها من صوره لي و لأخوي و انا صغير طبعا انا الطفل الموجود (لا تبصبصوا لي لاني عارف اني حليوه :6 )

اوكي شباب

ما راح تلاقوا راس اخوي لان الصفحه ما كفت + بيني و بينكم انا رسمتها و حسيت بعدها بحرمانيه الرسم و اصلا الراس مضغوطه فقلت امسحها

http://www.geocities.com/f_t05/ft.jpg

شكرا شاهين حاولت ارسم صوره فتوغرافيه و هذي هي
20-07-2002, 03:43 AM
الرايق 2000

شباب شكل في غلط في اللنكات هذا لنك ثاني (اخبار المسنجر )

http://www.arab3.com/upload/images/J...tiger05_ft.jpg
20-07-2002, 03:46 AM
:)

الله الله .. شو هالفن ؟؟؟.... تسلم ايدك يالرايق :D

بس لو تعدل الثوب مال الياهل و تزيد فيه التفاصيل .. لأنه منتفخ مثل المخدة ... و لو تكبر يد الياهل شوي لأنها صغيرة وايد عن الحجم المطلوب

:D

و سلامتك ;)
20-07-2002, 03:56 AM
الرايق 2000

مشكور سمايلي

و تسلم لي اخوي

و نخدمك في الجالريات :D ;)
20-07-2002, 04:38 AM
Master Cid

مبروك اخوي الرايق على الجاليري .. ;)

يعذب .. :D :D

و توني أدري أنك فنان طائرات ... لأني أعشقها من كنت صغير .. !

تابع شغلط .. وحسن عملك ! :D
20-07-2002, 12:28 PM
orange road

حلوة رسمة مقاتل الكونغ فو يالرايق..
لكن للحين محتاج للتدريب...

احس ان مقاييس الجسم للحين يبيلها..
وطريقة قعدته مب مرتاحة.. يعني للحين (عاد اللي يسمع الحين يقول هاذي فلتة في الرسم... :6 )

بس الطيارات اوكي رسمها..

مثل ما قالوا الاخوة...
للحين يبي لك تدريب..

ارسم وارسم وارسم...
زانقل من الطبيعة..

ترى النقل من الصور الفوتوغرافية يساعدك اكثر على الرسم...
وحتى من الطبيعة..

عندنا في الجامعة في مقرر الرسم بالرصاص
كانت في طالبة تبي ترسم شجر..
والدكتورة ما ترضى ننقل من صور
يا من عندنا او من شي جدامنا (ليش؟؟؟ ?: ما ادري)

المهم.. هالطالبة قضت شهر كامل تحت الشير عندنا في الجامعة ةهي ترسم فيهم (بمعدل 7 ساعات في الاسبوع) حتى كنا خايفين اخر الشهر تتحول لطرزان...

ادري طلعت من الموضوع لكن بتحصل على نتيجة احسن :)
20-07-2002, 03:57 PM
الرايق 2000

مشكوره خلود لكن ما قلتي رأيك في اللي بعدها :":

هلا و الله ماستر سيد ما ادري احس اني اشم واحد موقوف مشترك بإسم ثاني بس شكلها تهيأت:D يا هلا بك مشكور و إذا على الطائرات لو تبرى اي صوره طب على google.com و روح لقسم الصور و اكتب اسم الطياره تلاقيه طلع لك بالهبل
03-08-2002, 04:53 PM
الرايق 2000

1 مرفق

هيهيهيهيهيه

الصوره منقوله طبعا الكثير منكم عرفها هي فعلا

لعبه warcraft 3

اول ما تحط السيدي تلاقي هذا الشكل نط في وجهك
هيهيهي:D
05-08-2002, 11:15 PM
الرايق 2000

1 مرفق

شباب هذي نقل من صوره نمر
06-08-2002, 03:03 PM
ديابلوس

ماشالله عليك يا الرايق.. احس ان رسمك صار احسن عن قبل ..

بس لو تعدل راس النمر بتكمل الرسمة و لا هو ما عليه كلام ;)

ويعطيك الف عافية
06-08-2002, 04:37 PM
lady death

ياسلااام

اول شي ءالسلام عليكم اخوي...ثاني شيء انا نفسك مبتدئة يعني مو عيب الواحد يكون جي وانا عجبني اسلوبك في الكلام لانك صحيح ودك تكون الاحسن وناوي تتقبل النصايح لانه في ناس يعتقدون انه النقد عيب او يزعلون ..... مشاء الله عليك في تحسن بالتتدريج.. بس نفس ماقال الاخ النمر لازم يتعدل الراس...وانا بالنسبه لي البورش تينن بس التواير ممسوحه نفس ماقالو.. ولازم تحدد الرنجات ههههههههههه ((اشفيهاااااا)) المهم احلا رسمه هي رسمة الجمجمه ولا تخاف لانك شايفها جدامك مو معناها انك ماتعرف ترسم ترا انا بعد ماعرف ارسم كل شيء من خيالي لازم اشوف صوره حق هالشيء عشان يطلع متقن ميه الميه....للامام واكيد انا انطر اشوف رسموك عقب كمن شهر شلووون بصيرون احلاا واحلاااااااااا..اااخ تعبت يدي يالله سلاااااااااام :":
06-08-2002, 11:48 PM
الرايق 2000

Re: ياسلااام

مشكور ديابلوس المشكله اني ما راح اقدر اعدلها بس منتبه ان الأنف باين كأنه كلب سلق و لا نمر صغير مراهق على عكس الصوره الاصليه لكن لسه لقينا لها حل إن شاء الله في الرسمه الجديده

و اممممم انا ما احب اكتب الأسامي الإنجليزي بالعربي إلا اشياء معينه زي ديابلوس

خلينا نطلع لك إسم

lady death = اوكي سيده الموت طوووويل

في حل اسمك هو

يا اختي هلا بيكي و تسلمي لكلامك المشجع :D و إن شاء الله تشوفي اثاره ;)
08-08-2002, 12:00 AM
الرايق 2000

1 مرفق

اممم شباب رأيكم و الأغلاط اللي فيها ماني عارفها الله لو تقولوها لي

عارف ان اليدين مو على سوا واحد

و اعرف اني مهتم باليد اليمين اكثر من اليسار

المهم ترى الرسمه منقوله و الأصل احاول احطه مع انه كبير
08-08-2002, 08:39 AM
ديابلوس

ممتاز يا الرايق ممتاز ..... كل مرة رسمك يتحسن....

الرسمة ما عليها كلام .. بس لو تصغر الاكتاف ... بتكون الرسمة احسن :D

و الى الامام
08-08-2002, 01:34 PM
Ralph Jones

رسمك حلو و مستواه ممتاز جدا ...:)
و أتمنى لك التوفيق ...

تحياتي
رالـــــــــــــف":"
08-08-2002, 02:08 PM
الرايق 2000

اقتباس:

الرسالة الأصلية كتبت بواسطة ديابلوس
ممتاز يا الرايق ممتاز ..... كل مرة رسمك يتحسن....

الرسمة ما عليها كلام .. بس لو تصغر الاكتاف ... بتكون الرسمة احسن :D

و الى الامام

مشكووور يا

رفيق الطريق (قاعد اسمع عبد الحليم )

و رالف تسلم حبيبي إن شاء الله تشوف اللي يعجبك اكثر المره الجايه إن شاء الله
09-08-2002, 03:47 AM
الرايق 2000

1 مرفق

انت و اياه (صدقت نفسي )

الرسمه الجديده اخواني
09-08-2002, 03:49 AM
الرايق 2000

1 مرفق

و هذا الأصل
11-08-2002, 11:56 AM
الرايق 2000

1 مرفق

للرفع رسمتي الجديده نص الأعضاء شفهوا قبل لأحطها

يا في موضوع ام زد ام

يا على المسنجر

لكن نحطها ليش لأ

الرسمه هذي اكتشفت انها عزيزه :"

اول مره ارسم شئ و يعجبني :!
13-08-2002, 09:34 PM
الرايق 2000

1 مرفق

اخر رسمه منقوله + هذي قبل الكونتراست و بعدين راح احطها بعده لاني لازم اروح دحين
13-08-2002, 09:55 PM
CUTE NURIKO

ماشاء الله عليك يالرايق...

الصراحه رسمك تحسن وااااااااااايد .....

وآخر رسمتين ضبطتهم فعلا ... خصوصا التظليل... :واو:

و احلى وحده اللي قبل الاخيره.. عجييييييييبه بدون مجامله... ":"

بالتوفيق...:)
13-08-2002, 11:25 PM
الرايق 2000

1 مرفق

اقتباس:

الرسالة الأصلية كتبت بواسطة CUTE NURIKO
ماشاء الله عليك يالرايق...

الصراحه رسمك تحسن وااااااااااايد .....

وآخر رسمتين ضبطتهم فعلا ... خصوصا التظليل... :واو:

و احلى وحده اللي قبل الاخيره.. عجييييييييبه بدون مجامله... ":"

بالتوفيق...:)

:) مشكور كيوت نوريكو

+ قلت لك اول مره ارسم شئ و يعجبني صوره الذئب;)

هذي الصوره بعد الكونتراست

بس شباب كونتراست مو الفوتوشوب الacedsee
14-08-2002, 12:58 AM
lady death

هاي

السلام عليكم اخوي.. اول شيء عجبني رسمك وايد خاصه اخر رسمات نفس ماقالو الاخوان صج في تقدم واحلا شيء احلا شيء الصقر...

الي بالفحم هاااااااااااي احلا شيء الي هي اخر صوره ...
ديابلوس يمكن هو يحب العضلات المنفخه واااايد ههههههههههه عادي

:":
14-08-2002, 02:11 AM
Rex

(( ويني أنا عن هالموضوع ... :": ))

ممتاز يا أخ الرايق !!!
تعجبني استمراريتك في الرسم وحاولة تطوير مستاوك الفني ... ;)

تابع أخوي .. وحاول ايضا تقتبس من الرسمات اللي يظهر الجسم فيها بشكل كامل ...

وبالتوفيق :)
14-08-2002, 06:00 PM
Ralph Jones

رسمك معقول و خطوطك ممتازة أخ رائق :) :)
لكن عليك بالتدرب أكثر حتى تحسن قدراتك ......لانني أحس ان لديك القدرة على الرسم :)

تابع التدريب يوميا و بأذن الله ستكون النتائج مرضية .....

تحياتي

رالــــــــــــــــف":"
14-08-2002, 07:09 PM
wildkitty

اولا مبروك على الجالري
ثانيا
نبدي
الرسمه الاوله الطياره حلو الضل الي فيها صوب الجناح اكثر شي عجبني

الرسمه الثانيه حلوه بس لو كان الفخذ شويه امتن

رسمة السياره بعد حلوه يعيني

رسمه الننجا حلوه ناحية الريل الاصابع حلوه الي على اليسار لاكن الريل شويه يبيله تعديل الايدين شويونه ضعيفونه والاصابع كانه ورقه لو تمتنه شوي

هاذه الي فاتح حلجه شكله نظرته مادري شلون معطه شكل

حلو النمر انا احب الحيوانات

يعيني على العضلات شكله كول

رسمك وايد متحسن ورينه ابداعاتك بعد^-^
15-08-2002, 12:17 AM
الرايق 2000

اووووه ليدي ديث و ريفلكس و رالف و فوق كذا قطوتنا الحبيبه في يوم واحد

تسلموا إن شاء الله يجيكم الجديد عما قريب
19-08-2002, 01:15 PM
الرايق 2000

اقتباس:

الرسالة الأصلية كتبت بواسطة REFLEX
[Bتابع أخوي .. وحاول ايضا تقتبس من الرسمات اللي يظهر الجسم فيها بشكل كامل ...
[/B]

من عيوني الثنتين البنيتين ;)

قبل الكونتراست

http://www.arab3.com/upload/images/A...r05_cwmlsq.jpg

بعد الكونتراست:D

http://www.arab3.com/upload/images/A...r05_PNgfRZ.JPG
19-08-2002, 03:47 PM
الرايق 2000

اممم شباب انتظروا النقرز اللي فوق قيد التعديل

شويه راح نخليهم هوايان مو نقرز:0)
19-08-2002, 03:59 PM
الرايق 2000

سوينا لهم عمليه تفتيح و تحسين تظليل

بدون كونتراست
http://www.arab3.com/upload/images/A...eonthelast.jpg

بالكونتراست

http://www.arab3.com/upload/images/A...onthelast2.JPG
19-08-2002, 05:32 PM
CUTE NURIKO

واااااااااايد روووووعه ... يعجبني التظليل....:!

والرسمه تمام ... ماعليها كلام...:D

و طالعه احلى بعد التفتيح.... :) ...
19-08-2002, 06:16 PM
مستعجله بالمره

وااااااااااو....

رسوماتك روعه خصوصا اخر وحده الحمامه فضيييييييييييييييعه..

والصقر..............رهيييييييييب.....

والله صراحه من دون مجاملات فنانه بمعنى الكلمه.......

:0) :0)

سلام
20-08-2002, 11:38 AM
الرايق 2000

مشكوره مستعجله

و ناكيرور تسلمي لي
20-08-2002, 05:39 PM
RPGgirl

هاي الرايق
رسماتك مثل ما قالوا الاعضاء روعة
ماشاء الله مستواك في تطور
يله راونا المزيد من إبداعاتك :)
21-08-2002, 10:08 AM
الرايق 2000

واو

جميل
Sometimes I catch and hold Love and pain, tightly in my arms It will fade away, butI'll rememberForever...
It'd been echoing in my chestFor who knows how long...Though it's a whisper tinierThan a drop of evening fog

روعه

+ مشكوره
24-08-2002, 01:16 AM
الرايق 2000

شباب اخر رسمه لأمرنت من لعبه final fantsy 9 على الرغم من اني اكره الجزء هذا إلا انها الشخصيه الوحيده فيه اللي عجبتني

هذا قبل الكونتراست
http://www.arab3.com/upload/images/A...r05_cnzcON.jpg

و هذا بعده
http://www.arab3.com/upload/images/A...r05_geq218.JPG
24-08-2002, 03:30 AM
RPGgirl

هاي
رسمة رائعة الرايق خصوصا الثانية لانه الضوء والظل فيها احلى :)
25-08-2002, 09:16 AM
wildkitty

هلاو هلاو

الرسمه حلوه جرب تخلي التحديد اغمج
25-08-2002, 05:28 PM
الرايق 2000

مشكورين ار بي جي جيرل و وايلد كيتي

:)
26-08-2002, 11:05 PM
الرايق 2000

اخر رسمه
http://www.arab3.com/upload/images/A...r05_KSdkr4.jpg
02-09-2002, 02:50 AM
الرايق 2000

امم اخر رسمه ناقلها من صوره ولد و لسه راح اعدل فيها كثير الأذن و الفم راح اعدلهم و العين

http://www.arab3.com/upload/images/S...iger05_kid.jpg
10-09-2002, 02:35 PM
الرايق 2000

1 مرفق

اووووكي

اخر رسمه

رأيكم شباب ؟؟؟
10-09-2002, 11:25 PM
الرايق 2000

1 مرفق

اوكي
اخر رسمه

المفروض انها زيل

لكن اممم عقدتي في الأطوال و الملامح لسه موجوده :#
11-09-2002, 06:09 AM
Space Cowboy

سلام يا الرايق

كيف حالك ؟؟؟

اسف لأني لم ارد عليك قبلا

ما شاء الله عليك , تتطور بسرعة

ارجو ان تتابع التدريب بنفس الهمة يا فتى

بالتوفيق

سلام:)
11-09-2002, 12:00 PM
الرايق 2000

مشكور اخوي

و مو مشكله المهم انك رديت ;)
11-09-2002, 02:34 PM
wildkitty

مممممم انا شايفه الرسومات على بالي علق

اوكي نبدي

الرسه الاوله لو تلاحظ الكتف منتفخ الايد ضعيف القاعده والفخذ لازم يكونو شويه اكبر عشان يتناسبون مع الجسم وتضليلك حلو والردداء طاير لي وره شي جميل

رسمتك الثانيه البؤبؤه حلوه الي جفت اليسار انته مخفف فيه التضليل ساير كانه منتفخ اللحلط عوي شوي بالنسبه للويه لو تلاحظ الاذن عندك اذن اليمين اكبر من الشمال ونازله تحت بس هاذي اهي الاخطاء الي انا لاحظتها بالرسم

رسمتك الثالثه الويه شويه صغير بنسبه للجيم يعني لازم يكون الويه شويه اكبر ^^

رسمتك الرابعه نايس ما لاحظت عليه شي غير انه الحلج يبيله شويت تضبيط لانه مايل شوي

سوري على التاخير مره 2:":
11-09-2002, 02:51 PM
الرايق 2000

وايلد كيتي

انتي سكر

انتي احسن رد في الموضوع كله

تعجبيني اختي :D

اوكي مشكوره راح انتبه لها إن شاء الله :)
11-09-2002, 04:36 PM
الرايق 2000

1 مرفق

امممم زيل second edition

كنت مشتهي ارسم منظر غروب

+ امم دلت الخد البعيد بدل ما كان مريض

و ظلل زياده الخد القريب على اساس اعطيه واقعبه اكثر

و عدلت منابت الشعر

الساعة الآن 08:58 PM

جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة لا تعبر عن رأي موقع منتدى المنتدى .

User Editable Threads, Thread Admins and Group Moderators provided by Threadmins and Group Moderators (Lite) - vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.