انت طفشاان من الفراغ .. ادخل وشوف
السلام عليكم ...
الى من يعاني من الطفش في هالاجازه هذي بعض النصائح للتخلص من الممل والطفش
كيف توسع صدرك في بيتكم
------------------------------------------------
طبعا احنا بالصيف و وقعدت البيت والملل من الفراغ ليس لها حدود
خاصة للناس اللي موب حقين سفر
فــــغـــررتو اني اعطيكم بعض من ما في جعبتي
لتوسيع صدوركم في بيوتكم
-----------------------------------------------
اولاً : اذا عندك طفل في البيت فانت محظوظ مره مره
لأنك بتوسع صدرك عليه بعدة طرق وسأذكر هنا طريقه وحده كمثال
اشتر لك حلاوة مصاص وتعال مصمص فيها قدامه ولا أوصيكم على المص .... انواع الأصوات والتلذذ امام ناظريه واذا شفتوه وصل لمرحلة السعابيل
قولو له فهودي حبيبي تبي حلاوة ... طبعاً بيرد عليك بسرعة البرق ايييييييييييييه أبيي
قله ما فيه خلص ... وتابع تعابير وجهه واستمتع
هههههههههههههههههههههههههههههههه
تحس انك مسيطر على العالم كله بالحلاوه
---------------------------------------------------
ثانياً : اذا كانت امك او اختك من هواة متابعة المسلسلات المصريه او الخليجيه
تعال وقت عرض المسلسل وسو نفسك تدور شيئ ضايع ورا التلفزيون
ووقف في وجيههم وانت تبحث بهمه ونشاط على شيئ مهم مرررره
وانتظر حتى يطفح كيلهم ويسمععععونك المنافخ
اراهنكم ان اول كلمة بتنقال لك
وخــخــخــخــخــخــر يا ؟؟؟؟
إلتفت عليهم ولا تفوت متعة مشاهدة تعابير وجهيهم
هههههههههههههههههههههههههههه
من جد ونااااااااسه اذا قهرت احد متابع شيئ وخربت عليه ... خاصة لو قلت له نهاية الفلم ان البطل بيموت
تحس انك حطمت أعدائك في المعركه
--------------------------------------------------
اذا طلع لكم صارور في البيت
لا تفوت الفرصه ابد ابد
امسك النعله والحقه الين تمسطه على ظهره
واذا ذبحته جب لك ورقه والا كرتون وشل الصارور فيها .. وبعدين الحق به خواتك وخوانك
هههههههههههههههههههههههههههههه
تحس إنك قوي والعالم كله يخاف منك وتحت رحمتك
---------------------------------------------------
اذا ابوك جالس بعد صلاة العصر في المجلس ويتقهوى مع العجوز
مر عليهم في المجلس وقل لهم سلام عليكم
يبه والا بابا (ايه هين بس هههههههه ) انا بسافر
تبون شيئ
بروح ادرس برى وبرجع بعد اربع سنوات
شف عيون الشايب والعجوز وشلون بتنط عليك في هالمجلس ... واستمتع بإستغرابهم من ثوارتك
هههههههههههههههههههههههه
تحس انك غالي عندهم وانهم يخافون عليك
------------------------------------------------
اذا عندك كاميرة فيديو او كاميرة تصوير فوتوغرافيه
خلها جاهزة دائماً
لأنه يمر في البيت مواقف عاديه واحداث يوميه وطبيعيه
ولكن بشوية تفكير تقدر تصور احد هالمواقف وتقهر فيه اللي مر عليه هالموقف
منقوول من احدى المنتديات
تحياتي
:0) :0) :0) :0) :0) :0) :0) :0)
